台灣「前可愛教主」楊丞琳早兩日親認已榮升人妻，與李榮浩已經領證成婚，仲齊齊喺社交網上載領證照，真係Sweet到暈！
咁既然唔再走少女路線，睇嚟現年35歲嘅楊丞琳都唔想再走舊路，尋日凌晨就喺社交網嗌大家唔好再咁Out叫佢做舊朵「可愛教主」，撒住嬌咁講：「可愛教主這個稱號已經是過去式，麻煩媒體大哥大姐們別再為我冠上這個頭銜了，好不好嘛？」真係要細數番當年楊丞琳嘅「可愛史」懷念吓！
楊丞琳初出道時真係Cute到爆！
2000年楊丞琳參演《流星花園》小優一角，非常青澀。
其實早年台灣樂壇就曾有「四大教主」，位位都叫得出名，分別係「可愛教主」楊丞琳、「流行教主」蔡依林、「電眼教主」張韶涵以及「甜心教主」王心凌。
當年16歲就以偶像少女組合「4 in Love」出道嘅楊丞琳，就成功以呢個朵揮低其他隊友，仲坐穩埋多個偶像劇嘅女主角之位，好似2005年同賀軍翔合演《惡魔在身邊》咁，紅爆中港台！
之後又有《不良笑花》、《海派甜心》等著名台劇。
另外佢又主持綜藝節目《我猜我猜我猜猜猜》，齊陰髮型成為標誌，幾多少女爭住抄佢個紅極一時嘅「台妹斬男Look」！
不過依家楊丞琳決心退出「教主陣線」，唔知佢個教主之位會否後繼有人呢？
依家佢就轉晒型，成熟好多，女人味濃。
不過一剪佢個招牌齊陰又變童顏。
睇嚟最幸福真係佢老公李榮浩。
做咗人妻係唔同啲～
要幸福呀〜💕
（on.cc）
