歌手吳若希（Jinny）近日受訪表明不想與同公司的菊梓喬（Hana）同台工作，又支持譚嘉儀攞獎阻Hana冧莊女歌手獎，不和傳言再度炒熱！一眾星夢歌手晚上到將軍澳電視城出席《善心滿東華2019》，合照時Jinny與Hana中間夾住連詩雅，而兩人全程零交流。
對於Jinny的言論，Hana受訪時先提及自己面部皮膚敏感，希望扯開話題，她說：「今朝洗臉後又紅又腫，眼又微絲血管爆裂，多謝化妝師幫我遮，今朝眼都擘唔大，第一次咁恐怖，都擔心影響工作，好在冇影響唱歌，但覺得自己好樣衰，聽日先睇醫生。」
問到是否被Jinny激親？Hana大方地說：「冇咩所謂，我就唔會唔想同佢做嘢。（有冇同佢傾偈？）頭先冇咩異樣，冇咩特別，我有同佢打招呼。（點解佢咁唔妥你？）我唔知，我擔心自己塊面多啲，係幾恐怖，其實入行幾年都係呢個話題，冇所謂啦！（話Jinny有同高層何哲圖講。）冇人同我講過，你見我懵懵哋就知。（同佢解釋番？）點講呀？佢平時都冇咩嘢，唔知點解咁講。（佢話你唔玩得？）唔係，我都係癲癲哋，但未有機會同佢玩啫！（佢撐譚嘉儀攞獎喎！）嘉儀係幾得人喜歡，都希望佢哋開心。」
再問是否覺得被孤立，Hana停頓了幾秒，再回答不覺得。
(綜合報導 / on.cc)
更多報導：
【無憂無慮】洗文華宣佈與小三斬攬後 洗文嫂終開開心心去滑雪 https://bit.ly/2YrN8qi
【生日比女圍】吳若希麥美恩爭住要獻吻 森美個樣就…https://bit.ly/350s1hl
【兩日瘦一公斤】徐若瑄大呻囝囝發燒好辛苦 做人父母甚艱難 https://bit.ly/2PnyoEQ
【台北演唱會】陳小春宣布太太懷孕三個月！ https://bit.ly/2LxeAgS
