武打藝人伍允龍經常都會去好兄弟安志杰同老婆Jessica C.（JC）屋企玩，喺佢哋生咗一對仔女Tessa同Elvis之後，佢仲會成日join安志杰嘅家庭聚會，十足十主人家咁款！
呢日佢又去人地家庭聚會，仲即場嚟個#BabySlapToTheFaceChallenge，即係畀BB仔摑面挑戰，仲嗌埋Elvis幫手拍片！
片中伍允龍作勢出盡力出拳打Elvis，點知都未出拳，就即刻俾Elvis一個霹靂無敵可愛掌兜把醒，再黎個飛身撞牆，然後被打到跪底訓地，唔講以為佢得罪咩人俾人打到咁！
網友都狂讚Elvis嘅友情客申勁可愛，仲由頭笑到尾，認真可愛！
