藝人張兆輝和太太郭碧妍婚後育有一對仔女，分別是19歲的囝囝張卓鏗和15歲女兒張卓姿（Twiggy）。近日張兆輝嘅寶貝女就由英國回港探親，一眾親朋好友就同佢慶祝生日。身為廿四孝爸爸嘅張兆輝，雖然近排忙於喺橫店拍攝新劇，都專誠抽空回港陪囡囡過生日！
而佢就喺社交網站上載多張囡囡嘅生日照，見到張兆輝用心佈置屋企，又準備生日蛋糕，真係落足心機。而張兆煇大仔張卓鏗 （Edison）以及其他表姐妹都有出席，佢哋仲化身「人肉三文治」，疊埋一齊合照，畫面溫馨得黎又搞笑。
張兆輝仲吻賀女女生日：「今年终於可以同我的寶貝珠過生日了，我的寶貝珠15歲生日快樂，願你健康快樂成長。Happy birthday, my lovely daughter（生日快樂，我的寶貝女）」。兩父女感情相當要好！
