今年三月，「長腳蟹」呂慧儀宣布與前夫黃文廸喺上年已經離婚，但失婚不足半年，就被指與《愛．回家之開心速遞》拍檔張景淳戲假情真，傳出新戀情。早前仲被爆一齊去數碼港睇戲，之後仲一齊返回女方香閨。唔少網民都希望「龔水CP」成為一對真正嘅戀人，不過當事人就例牌否認！
本來佢哋戲假情真就大家都樂意見到，但係一腳踏兩船就唔喺咁講喇。38歲嘅張景淳上年年頭傳出與星夢力捧歌手菊梓喬（Hana）拍拖，仲被傳媒影到去又一城睇戲，期間仲一支水兩份飲，之後Hana去張景淳屋企過夜。不過事後Hana就話佢哋係好朋友兼鄰居，堅決否認拍拖。而今日網上就指佢哋喺為佐事業，先唔承認戀情，仲話無線入面好多人知。
有報道更指Hana拎佐最受歡迎女歌手後，工作不斷，嚟緊8月仲要舉行演唱會，搞到佢哋好少時間見面。仲話「龔水CP」上星期被爆出睇戲，之後直落返方香閨後，Hana就喺IG取消關注張景淳，而張景淳亦隨即取消關注Hana。唔通當中卻有隱情？
