【有姿勢有實際】Lucas遺傳張栢芝滑水優良基因

女星張柏芝一向錫一對囝囝錫到燶，近日趁住暑假，就帶埋佢哋周圍玩，享受親子時光。

栢芝今日喺社交網分享咗多段大仔Lucas滑水嘅短片，片中見到Lucas平衡力超好，滑得有姿勢有實際，完全遺傳媽媽滑水嘅優良基因！

片中亦見到栢芝親身落場陪Lucas玩埋一份，從笑聲聽得出佢哋一定玩得好開心，栢芝留言：「No 1 fun things with my son」、「Enjoy everything with Lucas」真喺好溫馨呀！