現年45歲嘅森美人前搞笑，但生活中有苦自己知！呢日佢參加佐杜汶澤主持的網台節目，首度自爆今年遇過的健康問題。
佢話：「有一日我發現口腔入面有粒黑色嘅痣咁樣，初頭冇理到，即係生粒癦冇乜嘢啦！直到今年年中，我有個醫生朋友，牙醫嚟，佢幫我睇牙，佢一見到就話『咦，你口腔入面有黑色嘅痣，口腔入面好少有痣嘅，你睇吓專科』臨走時佢無端端攤喺度望住我，我仲記得佢個表情『得閒出嚟見下面囉…下個禮拜約啲Friend出嚟飲嘢啦吓』，佢一講完我個心即刻怯一怯……」
森美之後回家上網查相關資料，結果發現是「色素瘤」，森美說：「色素瘤是皮膚癌的一種，亦是比較嚴重，在口腔出現的存活率大約是20%。」森美形容自己嗰刻是「成個人生都醒咗！」
佢仲重提25歲睇相士時，批佢29歲就會死，嗰時已經對佢好大影響，如今再次距離死亡咁近，令佢覺得做每一樣嘢個世界都唔同咗！
而5月佢就接受手術，醫生話唔係色素瘤就係癦，喺割之前嗰個幾星期佢坦言好忐忑不安！完成手術喺等待檢驗結果嘅個幾月，佢對人生、信仰睇法都唔同晒！
