藝人余安安22日就正式踏入60歲，今次佢就決定大搞生日Party。
仲叫晒一班好友換上西片《大亨小傳》（The Great Gatsby）中嘅華麗復古貴婦Look，真係靚到呢～
壽星余安安由頭閃到腳，個Party仲整埋電子Backdrop，現場仲晒出佢同囡囡嘅合照，唔知安安係咪太感動，好友都紛紛上前跪晒佢兩旁兼拍拍佢膊頭，似係叫佢唔好喊咁。
不過鏡頭一轉，又見到安安上到舞台拎住咪，唔知係獻唱定同大家致謝，見佢甜笑彎腰又Chok出內八腳，睇嚟真係好Enjoy個生日P。
場面high爆又感動，大壽都過得零舍唔同！
