國際知名中國鋼琴家郎朗今年6月娶翻版古力娜扎之稱的德韓混血兒Gina Alice（吉娜愛麗絲）。
點知結婚兩個月就發生咗「機場行李」一戰，因為郎朗雙手插袋、Gina Alice負責拎行李，搞到網民係咁指摘郎朗冇風度，點知一轉頭，佢哋兩個就Join咗個大陸夫妻真人騷《幸福三重奏》。
二人仲狂喺鏡頭前面晒恩愛，煙韌程度爆晒燈，嚇到網民以為睇緊偶像劇。
有網友笑言睇完節目後，發現之前係「誤會」郎朗，因為Gina Alice太愛郎朗，根本就唔畀郎朗做嘢。
Gina Alice搶住執行李、拎行李之餘，佢仲錫到郎朗燶，似足粉絲見到偶像咁款，崇拜樣出晒嚟，連下廚煮飯都唔舍得老公做，郎朗多次想搶嘢做，都被Gina Alice給拒絕。
Gina Alice更加冧到爆多次喪啜老公面珠，一見到郎朗就好似想飛撲埋去咁，左錫右錫。
好在郎朗久不久都會畀啲回應攬攬老婆嘅。
畫面真係好似睇緊廿年前啲偶像劇劇情咁，真係煙韌到痹呀！
唔少網民都羨慕Gina Alice有樣有身材！
