33歲女星楊冪同30歲藝人魏大勛嘅緋聞傳得沸沸揚揚，日前佢哋被拍得喺上海前後腳入酒店，蜜會8小時，不過二人都冇就此回應，亦冇承認過戀情。
不過尋日有網友發現魏大勛喺微博讚好一段對話：「都說女人三十如狼四十如虎，我家的小老虎怎麼一點都不積極呢？」「哪有甚麼歲月靜好，只是有人替你負重前行。」被網友截圖公開後，即引起網友熱議！由於對話中訊息量比較大，有網友留言：「魏大勛到底想表達甚麼？」亦有網友認為可能是覺得對話好笑所以讚了。
對此，魏大勛工作室就於深夜喺社交網發文澄清，話魏大勛個帳號因為系統故障而出現點讚異常。
強調該讚好唔係由魏大勛操作、帳號當日亦冇登錄過，工作室又指已積極查詢故障原因，並希望帳號盡快恢復正常。
