【收埋唔少𡃁】周潤發想收山做行山教練

影帝周潤發今日現身養和。

戴上黑色口罩的他原來是探望母親，他說：「佢入去身體檢查，聖誕節後就出院。（媽咪身體冇事嗎？）90幾歲老人家病。（頭先同佢做冬？）頭先同佢食咗嘢。（唔使戒口？）唔使，依定咩都打爛晒，條喉直入，等佢餵番糊仔就走。（專登嚟陪佢？）佢好精靈，仲趕我走添呀，太太尋日有嚟探佢。」

正於休假的他表示未知何時「復工」，笑言有意退休轉行當行山教練：「依家工作都開始式微，我講緊自己啫，平時同啲藝人朋友行山，最新條𡃁係阿鮑（鮑起靜）。」