葉蒨文被指撞樣卡通人物水怪 本尊大方高EQ回應！

葉蒨文Sophie憑《女神配對計劃》人氣急升，與曾展望GM配對成功，成為真．情侶，引起全城熱話。近日有花生友在網上發文，直指Sophie與卡通人物水怪撞樣，附上對照圖並留言：「啊！返唔到轉頭呀！ 每次見到Sophie都覺得好似水怪！」

貼文吸引不少網友關注，有人認同說法：「似，返唔轉頭，我都返唔到啊！」亦有不少人撐可愛，「水怪中嘅靚女」、「俾你講完好似真係有少少似，但Sophie都仲係一個靚女。」，亦有人指Sophie撞樣索爆人妻楊卓娜，「其實Sophie堅係似楊卓娜，我諗楊卓娜後生都應該幾索 」。 貼文引起本尊Sophie留意，Sophie冇嬲不特止，更大方回應：「你好，我是水怪，你要小心。」網友大讚Sophie高情商：「真心好高eq 好有正能量， cute 爆 」