黎諾懿因為劇集《BB來了》被封「暖男老公」，育有一子嘅佢亦喺仔仔小春雞嘅「暖爸」。
日前佢出席BB展充當售貨員落場拉客，被大批市民圍觀及要求合照。面對一眾媽媽級粉絲追問幾時拍續集？他耐心告知大家10月就會開拍。
而由去年講到今年都話要追豬女的諾懿，在豬年都過佐一半日子，不得不承認計劃徹底失敗，笑言：「係我唔爭氣，今年經常出埠拍節目，所以追豬女計劃宣佈失敗，不過我一直都有進行當中，希望可以追鼠B，係B女就最好。」
身邊朋友徐榮、李霖恩都生女，問到可有問他們意見如何追B女？他說：「冇問意見，不過佢哋話身體愈差，生B女機會愈大，其實我身體已經好差，之前在馬來西亞拍攝《懿想得到》時，可能食得太多榴槤、海鮮等食物，返港後發現腳趾腫，原來係『尿酸』，唯有急急戒口，食返清淡啲。」
