林嘉欣日前出席一個兒童繪本活動，今年是她第5年設計繪本，她指兩個女兒是她的靈感來源。

面對女兒日漸長大都已準備好放手，但講到9歲大女Kayla很快就會去識男仔，她即說：「這是好長遠的事，我未準備好面對。」

嘉欣今年邀得日本藝術家渡部真由美合作，嘉欣笑謂去年為對方策劃展覧，覺得對方作品用色豐富，故親到日本邀請她一起合作，又說兩個女兒是她的靈感來源，今次以無字繪本為概念，正是希望給予小孩更多想像空間。

她說：「每個小朋友看完繪本都會有自己的演繹，我兩個女都睇到不同的內容，她們有幫我構思書入面的遊戲，我們在屋企經常睇書，不玩電話不睇電視，睇書是親子溝通，好似有次睇到一本講害怕的書，她們會同我講怕甚麼，細女怕黑，大女對聲音敏感，之前屋企廁所維修有水聲，她就覺得很恐怖，我知道後就解開她們的害怕，所以覺得睇書有治療作用。」

嘉欣指兩個女兒都上全日制學校，能一起相處的時間愈來愈少，故十分珍惜相處時光，雖然9歲的大女Kayla開始有自己的同學圈子，有時會帶同學回家玩。

她說：「有時她的同學來屋企，她們會聽歌、跳舞、食零食，我就扮做自己事，因為我要做cool媽咪，不囉嗦她，有時我都會加入她們，但我一跳她們就不跳，都有少少受傷感覺。」又指女兒開始長大，已準備好放手，所以更珍惜相處的時光，不過講到Kayla很快就會去識男仔，她即說：「這是好長遠的事，我未準備好面對。」

四大天王之一的郭富城早前喺澳門開騷，勁歌勁舞無得輸。

但唔講唔知，原來天王女Chantelle（大寶）都幾跳得。事關老婆方媛就帶埋大寶去睇爸爸演唱會，方媛仲將囡囡跟住老竇跳舞珍貴一刻拍低，認真值得收藏！

大寶企喺大人（估計係方媛）膝頭上揸住螢光棒手仔揈揈，聽到老竇「唱這歌」，郁手郁腳跟住跳，期間佢見城城跳得咁有型，仲指住個台不自覺嗌咗聲爸爸，如果城城聽到實冧啦！

方媛又喺社交網留言：「整場都在揮舞螢光棒和爸爸一起跳，還一直說爸爸辛苦了、爸爸累，爸爸聽到應該❤️都融化了！」

睇黎城城啲跳舞基因完全過曬俾嗰女喇！

51歲藝人馬蹄露早前於旺角示威現場與示威者發生衝突，事後要入院治療，3處傷口共縫11針。

馬蹄露休息了兩星期，便與好友嚴淑明（Mandy）等人一齊BBQ，Mandy更於社交網甫出照片，並留言：「佢哋真係好鍾意燒雞翼架！」

馬蹄露受傷後亦曾甫出傷口縫針照片，不過今次見她在朋友聚會中，素顏上陣亦精神不錯，相信在休息期間傷口愈合良好，略見她嘴角有仍有傷痕。問到傷勢情況？她稱：「謝謝你呀！我暫時冇嘢回應啦！」

中國四大超模之一的奚夢瑤，早前下嫁賭王何鴻燊四房兒子何猷君。

其後奚夢瑤名氣更響，而最近她以模特兒身份，入選福布斯中國30歲以下精英榜。

出名愛妻的何猷君獲知消息，即高調在網上恭賀太太，上載了奚夢瑤名列榜上的圖片。

猷君更留言表揚太太出色的表現，值得他驕傲，以英文寫上：「我的妻子剛在30歲以下得到福布斯精英榜！」又指這個成就是她應得的，是她付出的努力的證明，還以「驕傲的老公在這裏」以表支持，真喺sweet到爆呀！

41歲藝人楊思琦驚爆再佗4個月B，並自爆年終已於圈外人老公在外地註冊結婚。同時有傳她佗B有功，誕B後會獲得老公的千萬獎勵。

思琦昨日現身ViuTV節目《香港親善小姐》記者會，上圍明顯較之前豐滿，雖然低胸晚裝胸前有薄紗設計，但其F Cup豐胸依然表露無遺，而裙身完全遮肚。

在場記者叫思琦輕撫肚皮拍照時，亦遭她婉拒。她受訪時對老公的姓氏、職業保密，只強調是中國人。

她亦以搵到愛的森林形容兩人關係。她透露懷孕已超過3個月，不諱言除非早產，否則會生「鼠B」：「今次懷孕比上次辛苦，見暈、作嘔都有，同埋覺得好攰。」她自認工作狂，加上與老公經濟獨立，所以會繼續工作。問到老公可會介意她性感？她笑說：「佢開放嘅，冇呢條條文。」

談到囡囡卓穎即將成為姐姐，思琦指女兒很開心：「以前佢都有問我會唔會生多個小朋友，佢依家成日攬住我個肚嚟錫，又同BB講：『細BB，我係家姐呀！』（佢改口叫你老公做爸爸定叔叔？）都係叫名，可能遲啲會改口啩！（囡囡同你哋一齊住？）係。」

對於腹中BB性別，她表示稍後公布，問會否如上次般到美國誕B，她表示暫未決定。至於會否再追，她即打趣說：「搞掂呢個先，我年長又中獎，專心搞咗呢個大Project先。」

她再次強調早前與老公於海外註冊，未決定會否再於香港辦儀式：「我想簡單啲，以前拍劇乜都做過晒。（有影婚紗相？）遲啲再畀大家。（老公第一次結婚？）呢啲唔講喇！（欣賞佢啲乜？）佢對我好好，用心咁愛我，大家一拍即合，都拍咗超過半年拖，大家相處咗一年左右。（佢知你過去？）佢有睇新聞，都係過去嘅事啦！」