很多時食材如麵粉、米或意粉等開封使用後，未一定不能一次過用完。
再封口時未必封得密，加上天氣又濕又熱，就好易惹蟲蟲，最大問題係唔可以用化學物品驅蟲，可以點做？
其實只要在麵粉、米等入面放月桂葉，便能有效驅蟲。
在未用完的包裝或盒內，放番幾塊，就不用怕有害蟲或蟲蛀了。想味道更強烈、效果更好，
大可以將月桂葉磨粉後以紗布包好，放在食材盒內即可。
(綜合報導/on.cc)
【本來要還1000萬】傅明憲90歲父親入稟追討前夫500萬
傅明憲今日到出席活動。她表示早前到哥斯達黎加潛水，整個星期住在船上：「搭去個島都要36個鐘先到，不過我喺嗰度潛咗一個星期睇鯊魚。」她表示已經看過很多次鯊魚，但這次與虎鯊的距離最近：「兩年前嗰度曾經發生鯊魚咬死人嘅事件，但係我唔會好緊張，因為我對潛水教練有信心。」
談到爸爸傅國梁（藝名傅奇）早前入稟追討傅明憲前夫葉劍波500萬，她解釋事情因由：「件事係2014年年尾，葉劍波搵我爸爸，支持佢搞上市集資，爸爸好錫佢，都想佢東山再起。2015年1月，爸爸就俾咗500萬支持佢，以合約內容寫明18個月後會歸還1000萬，但係18個月之後冇上市。爸爸追問佢情況，葉劍波話仲努力緊，差少少，爸爸因為錫佢同支持佢，所以繼續等。」
傅明憲表示爸爸由2016年年中等到2018年亦未有消息，期間以短訊追問對方情況：「對方一係就遲覆，一係就話仲努力緊，詳情唔講，叫佢等下。爸爸今年都90歲，想要返啲錢養老，佢好擔心又有口難言，我都好心痛，無辦法之下就搵律師幫忙。」
傅明憲坦言入稟前曾聯絡葉劍波：「我有通知佢、有追過佢，爸爸都有親自寫信畀佢，想佢交代下，但都冇回覆。」傅明憲指如果要爸爸從加拿大返港出庭，對於老人家實在太辛苦，她希望事情可盡快解決。
案件編號：HCA 1601/2019
(綜合報道 / appledaily)
【明明戀會成婚?】莊媽媽話想抱孫
藝人莊思明、楊明之前就飛返馬來西亞跟思明的母親慶祝生日，老人家當然開人不已。
問到二人送了甚麼給母親時，思明謂：「冇呀！因為太趕，不過我已經問咗媽咪想要乜嘢禮物，之後會送畀佢，我哋都寫咗張生日卡畀佢，不過我哋飛返去同佢慶祝，佢已經好開心，媽咪仲讚阿楊乖仔。」
問父母有否向二人催婚時，她謂：「咁又冇喎！佢哋冇刻意咁講，但就話生日願望想啲仔女生多啲孫畀佢，但冇指明邊個。」
除了為媽媽慶祝外，思明與楊明亦有於馬來西亞四處遊覽。
更去了一個叫「黑風洞」的廟宇，那兒有很多猴子，楊明餵牠們時，更有一隻爬上他的膊頭不肯離開。
希望可以快點聽到好消息啦！
(綜合報導/on.cc)
【更多靚婚照曝光】有傳係雙喜臨門 曾太王敏奕親回應
曾志偉仔仔曾國祥琴日同低調相戀的女友王敏奕（Venus）於日本成婚，成為曾太嘅王敏奕分接受東網訪問時分享感受，仲即刻改口叫曾國祥做「老公」：「多謝，好感恩有重要的人都在，全晚充滿快樂和愛！老公當然係滿分。」
余安安上載合照
新婚讌爾嘅佢，透露心急工作，竟然唔去度蜜月，佢話：「要先回港工作，旅行成日都可以去，我要幫之前拍嘅戲做後期配音，仲有宣傳新劇，10月頭有劇上。」
有傳係雙喜臨門，Venus就答：「唔係唔係！」睇嚟婚後嘅佢，更加為事業拼搏！另外問到佢係咪有造人計劃，佢就話：「順其自然。」
此外，婚禮賓客之一嘅陳瀅再喺社交網分享照片，見佢嘟起晒嘴向新娘子獻吻，王敏奕仲眼紅紅咁，而孫慧雪就同埋老公到賀！
仲有糖妹添！
祝兩人百年好合，早日生個B啊！
（綜合報道 / on.cc）
【即刻去抖抖】江美儀報發哥行山團 齊齊欣賞大自然
江美儀有份演出的舞台劇《但願人長久》日前已落幕。
美儀就急不及待相約一班行山朋友包括周潤發﹑米雪﹑鮑起靜﹑廖啟智和白只等，齊齊行山做運動，美儀昨晚在社交網上載和行山友合照，她說：「今（昨）日又係開心行山日！做完十日舞台劇係時間放鬆一下啦！#江美人 #江美儀 #好好善待自己 #行得山多遇發哥 #我要運動我要健康 #我行山師傅係發哥」。
看來發哥行山團真的是魅力沒法擋呢！
大家都玩得好開心。
辛苦美儀的演出，終於可以休息下了。
(綜合報導/明報娛樂)
【婚變真相?】黃曉明認惡爸爆Baby太緃仔仔
黃曉明和老婆Angelababy，近來多次被傳出婚變之嫌，但亦無損二人的好心情。
(節目截圖)
近日參演內地綜藝節目的黃曉明，因為在節目中「霸道總裁」上身而被笑有「中年王子病」。雖然不清楚是他的真性情或節目效果，但就導致他頻頻上熱搜成為話題。
剛好內地演員楊紫問到黃曉明對阿仔「小海綿」說話是否溫溫柔柔的，黃曉明表示會則：「我會說『兒子你好可愛！』，我面對孩子是毫無抵抗力的，但我會比媽媽（Baby）兇一點，奶奶和媽媽太寵他了，一定要有人兇才可以，不然孩子就無法無天了！」
不經意地透露他是個惡爸爸，在家裏當「衰人」角色，似乎跟他在節目的「總裁」形象差不多喎噢。
兩位都是因為處理手法不一樣而已，作為媽媽的Baby疼愛兒子也是正常的啦，寶寶那麼精靈活潑，曉明可能要再溫柔點才行呢。
(綜合報導/on.cc)
【警察子女返學】警察團體去信小學 投訴有老師鼓吹校園欺凌
雖然特首林鄭月娥數日前宣佈撤回《逃犯條例》，但修例風波至今持續。
暑假完結，近日父母都忙於照顧小朋友適應新學年。早前有傳警察子女新學期回到學校之後，會受到校園欺凌對待，又有傳學校老師會鼓勵學生欺凌警察子女，家長們都好擔心和緊張！
上月尾，有人以「我們是香港警嫂」為署名開設微博，短短幾日內已經有超過八萬粉絲追蹤。八月二十八日，其中一條微博表示，版主是香港警嫂，由於即將開學很擔心自己子女的安全，在香港求助無門，聽從朋友建議註冊微博，讓大家了解警嫂面對的真實情況。
發文如下：
「大家好，我是一名香港警嫂，下個星期馬上開學了，我很擔心孩子的安全，因為在臉書上發言或是開專頁都會被刪除，而且個人資料也有外洩的風險……
我們在香港求助無門，朋友建議我在weibo上註冊一個賬號，讓大家了解我們面對的真實情況!驚訝的發現原來有那麼多人關注和支持我們，真的非常感動，非常感謝大家。」
微博「我們是香港警嫂」
昨日警察評議會4個職方協會向元朗公立中學校友會小學發公開信，投訴該校一名小學教師在網上散播仇恨及鼓吹校園欺凌。
該會指，得知該校一名教師近日於 Facebook 及 Instagram 等網上平台公然發放針對警務人員及其子女的仇恨信息，包括惡意公開轉載及煽動他人轉載警務人員及其家人的相片及個人資料、又鼓吹於校園欺凌警察子女等。
一名教師在社交網發文
一名教師在社交網發文
該會又指，相關行為及主張明顯嚴重職業操守，警察評議會4個職方協會一致強烈譴責其不當行為，並希望校方嚴肅跟進，並正視上述問題。
(綜合報道)
【好得意！】李燦琛囡囡原來係阿BOO?
藝人李璨琛（Sam）同時裝設計師太太梁志瑩（Pae）育有一女李元元（Lucy）。
元元憑住可愛臉孔同肚腩仔成為網絡紅B。
平時Pae有着穿搭心得，不時都幫Lucy轉Look。
今次搞搞新意思，幫佢選了條粉紅色裙仔再紮兩條孖辮，好可愛。
Pae留言：「落樓下同街坊打下（吓）躉先！」
期間Lucy又化身親善大使，笑得好開心兼賣萌，真係融化廣大網友的心！有不少網民說跟動畫電影《怪獸公司》入面的女主角「阿Boo」是同一人。
大讚她什麼造型都能Carry到呀！
囡囡真的鬼馬又可愛，難怪成功俘虜大眾心。
(綜合報導/on.cc)
【坦言仲係好虛弱】韓馬利與死神搏鬥兩星期：老公服侍得我好好
現年65歲的韓馬利（Mary姐）跟第三任丈夫、配音員杜燕歌非常恩愛，Mary姐上月初還榮升奶奶，見證囝囝娶老婆。
可是，上月底卻突然在社交網自爆入院兩周，與死神搏鬥兩星期，原來她患了腦膜炎，經醫生悉心醫治後已出院返家休息。
Mary姐上月底回覆傳媒時，氣若游絲表示身體非常虛弱，經常要睡覺休息。
《蘋果日報》昨日再致電Mary姐，她的聲線仍然很弱，但明顯説話大聲了一點，Mary姐講到近況時說：「多謝，我好咗好多啦，不過仲係好虛弱，好攰，成日都要瞓覺，咁咪成日都瞓囉，起碼而家我有番啲氣可以講到嘢，同埋有番啲胃口，我老公服侍得我好好，多謝晒你哋擔心。」
Mary姐大讚老公杜燕歌照顧得自己好好~
在此祝福Mary姐早日康復，多拍精彩劇集給觀衆欣賞！
(綜合報道 / appledaily)
【48歲萬綺雯】網民：真女神
當年憑《我和殭屍有個約會》飾演馬小靈一角爆紅的萬綺雯（蚊蚊），近年都甚少在香港演藝圈出現。
日前佢獲邀在內地出席活動，雖然年屆48歲，但係出名童顏靚樣加招牌長腿仍然保養得直宜，無P圖零走樣。
就算近鏡都看不到歲月喺佢面上留有痕迹。
不少網民都驚嘆他的「凍齡神功」，還說怎樣都是30幾歲，哪像就快「入五」。
昔日的萬綺雯是到底是多美…
(綜合報導/on.cc)