近日好多幼稚園都已經陸續開學，藝人黎諾懿嘅囝囝黎峰睿（小春雞）亦唔例外。幾日前父母在社交平台分享仔仔嘅第一張學生相，照片中嘅小春雞穿上白色校服，梳了側邊界髮型，已經大個咗很多。
媽媽李潔瑩留言︰「人生第一張學生相🐷，穿著校服的你，真的覺得你長大了許多，時間過得真快🙈🙈🙈🙈🙈🙈 。」黎諾懿亦留言︰「峰峰第一張學生相😘。」
兩年前的小春雞BB轉眼已經要上學了，完全感受到黎生黎太那份感動和感概。
呢日爸爸黎諾懿喺網上晒出小春雞着住校服，衝去開門嘅相，似乎佢好心急返學喎！
爸爸黎諾懿仲話：「第一日已經急不及待上學去，真乖，有我優良傳統。」
而太太李潔瑩亦有留言指囝囝去到邊都係最耀眼嘅星星：「第一天上學去！果然，我家峰峰無論去到哪所學校，都是最耀眼的星星，因為他真的是太！吵！了！也是最不合作的！媽媽臂力有限，希望在我手臂繼續變壯之前，你可以慢慢習慣學習環境，不用媽媽常常被召見就好啦!」
(IG / 綜合報道)
黎諾懿、湯洛雯（靚湯）日前為節目《Do姐有問題3》錄影，靚湯早幾日在社交網貼出愁爆相，指自己身心俱疲，舊愛羅天宇即回覆表示安慰。
大批網民留言慫恿他們復合。靚湯說：「我見自己很久沒分享照片，就揀張靚相，不過是舊照，而且女仔每個月有幾日都會有心事。」
不過，她揚言不會與羅天宇復合，但不會割席，彼此是好朋友。問到有新對象未？她透露有對象，正在了解中，但就拒談對方身分。
黎諾懿笑言希望在節目贏獎金，補貼兒子小春雞入讀幼稚園學前班的學費，又笑說：「小春雞今日開學，老婆帶仔返學，有習俗叫學生帶棵葱，他已夠聰明不用帶葱，但利市就要，回家等爺爺嫲嫲、公公婆婆派。」
資深藝人盧宛茵於旺角麥花臣舉行首個棟篤笑，大爆娛樂圈血淚史。
當中講到拍古裝圍火圈戲份、去南京拍戲被蠍子咬等，更自爆曾被某男藝人奚落、侮辱：「覺得畀人白眼，喺某套劇佢做我老公，拍完睇Playback導演都收貨，但呢個人話咪住，話我冇表情、反應，唔知做緊乜！全場靜晒冇人出聲，個FM口震震咁問我補唔補Shot，我就行出去打畀監製話唔拍，叫佢寫我移民外國或者歸隱，但佢叫我繼續拍，做演員有時就係咁點都要做落去。」
現場觀眾大叫嗌開人名、劇名，點知被她婉拒：「唔得！畀人知會嬲，我唔想樹敵，我好大情大聖，嬲人唔耐，但我又諗，如果我係汪明荃，佢又會唔會咁對我呢？」
受訪時盧宛茵興奮指好滿意演出，有好多好友遠道而來支持，提到正申請「御用媽打」的健力士世界紀錄，問到8個月後若有好消息會否想開騷慶祝？她笑言要再度度：「今次開騷都好大壓力，但試咗新嘢就係跳舞。」
追問到當年侮辱她的男藝人身份？她即時封口，只透露對方或活躍於圈中：「之後都冇再遇過、合作、聯絡。（當時有委屈到喊？）冇，我夠堅強。（繼續拍係因為要身兼父職負擔重？）都係。」又指冇同仔女預先備案會講家庭事，笑說稍後會問他們感受。
（綜合報導）
話咁快到8月底，又喺時候返學喇！
藝人車婉婉囝囝BBQ昨日剛剛上分離班，之前所有學習都係一齊上堂，面對第一次分離，雖然婉婉好唔捨得，但都要放手俾囝囝成長。
當囝囝放學返到屋企，婉婉好想知道BBQ返學嘅趣事，所以佢就同BBQ做咗個專訪，仲將短片上載咗社交網與網友分享。
BBQ話自己返學校坐咗巴士等等，呢啲都係一句帶過，一講到有茶點食時，BBQ個笑得勁冧，差啲連口水都流埋出嚟，過程十分搞笑！
難怪婉婉都留言話身為一位吃貨嘅囝囝，梗係會high light茶點呢個環節啦！
娛樂圈又有好消息喇！36歲的梁靖琪（Toby）今年6月再婚閃嫁28歲男友施雋賢（Jon），姊弟戀開花結果。
Toby曾被問「造人」計劃？她表示最希望可以有兩個小朋友，Toby笑說：「希望目標兩個啦！」
近日有報道指，身邊好友透露Toby已經懷孕4、5個月，照推算約在今年4月，即在籌備婚禮時已經有喜。她近日已開始在朋友圈中報喜~
Toby六月的婚禮都甚爲保密，從她的發相可見，全部都「唔見肚」，大多都是半身相，或用花球遮住腹部。
而據當日有份出席婚禮的賓客爆透露，Toby當晚穿婚紗之餘，亦有着裙褂，而裙褂款色較貼身，明顯見到腹部微微隆起。至於Toby老公全晚好呵護老婆，去到邊都陪伴左右，Toby亦盡量滴酒不沾。
婚後Toby亦變得低調，平時熱愛運動的她亦沒再上載做運動的相片，估計是盡量留在家中養胎，只是好朋友的飯局才會應約。
一個月前Toby出席好姊妹文頌嫻的生日飯局，影大合照時穿上牛仔褸及刻意轉身遮肚。
Toby(左三)
希望Toby快點公佈這個喜訊吧！
(綜合報道)
曾跟無數巨星合作的一代粵語片女星夏萍本月5日因病離世，終年81歲，今日在萬國殯儀館地下孝思堂設靈。
靈堂橫匾寫上「往生淨土」四字，靈堂照是夏萍面帶笑容的彩色照，靈堂中前方擺了三個心形花牌，分別署名契仔林家棟、兒子德基一家及女兒惠兒，多位圈中人也送上花牌悼念，包括錢嘉樂與太太湯盈盈、胡楓、謝賢、汪明荃、羅家英、吳君如、杜琪峯、劉青雲夫婦、黃子華、吳卓羲、佘詩曼等。
契仔林家棟接受傳媒訪問時淚崩 (相關新聞：https://bit.ly/2He9Yu1)
(綜合報道)
2011年港姐季軍許芷熒（Whitney、前名：許亦妮）於本月九日在社交網宣佈結婚喜訊，並已經過了大禮。
日前，二人在港入紙排期註冊結婚，其擬結婚通知書曝光。
Whitney未婚夫名為馮家柱（Alexander），比她年長三歲，報稱住址為跑馬地，但職業一欄則未有填上。而許芷熒的住址則申報在觀塘區。
(綜合報道)
資深演員夏萍今日在萬國殯儀館設靈，契仔林家棟於下午4時10分到達殯儀館，戴上口罩的他略有倦容，他表示想先幫手打點，說罷匆匆行入靈堂。
其後約於4時30分，除下口罩的他步出接受訪問，期間數度落淚，他透露契媽夏萍表示想土葬，因為她怕火。
講到夏萍的壽年眾說紛紜，家棟表示是81歲：「佢身份證寫大啲因為當年嚟香港嗰陣方便搵嘢做，但我都照計番佢講過嘅81歲，其實佢嘅嘢我唔係知太多，因為佢性格倔強，唔係好想講自己嘢。（你哋有咩難忘回憶？）喺電視台合作廿幾年，我好欣賞佢咁率直，成日用粗口鬧我，大家互相問候，好開心，佢又好關心我，我畀蚊咬佢會幫我𢱑，好似阿媽照顧小朋友咁。」
問到夏萍的身故原因，他表示契媽七月底中風，加上高血壓及糖尿病：「醫生用藥物去維持生命，但年紀大好難做大動作嘅醫治，我當時喺大陸開緊工，有問醫生可唔可以捱到我返嚟，結果捱到兩星期，我見到佢最後一面！」
此時家棟激動得哭了出來，問到夏萍遺願，他說：「佢擔心走咗之後會點，我話有我喺度唔使擔心，我可以做嘅就係陪住佢，十年前已經想安排佢入護老院，但佢唔肯，之後佢喺屋企跌低，十個鐘先有人知，我同杜Sir（杜琪峯）即刻安排佢入安老院，三日內搞掂，佢成日問唔知走之後會點，我話我叫得你做阿媽，你叫得我做仔，我一定會照顧你到尾！」他再忍不住抹眼淚，非常感人！
(綜合報道 / on.cc)
宣萱（Jessica）昨日（8月18號）49歲生日，她在微博上載慶生的照片，留言：「非常感謝大家的祝福！❤️❤️❤️ 愛你們！ 」
相中的宣萱一身便服打扮，笑容滿面，把梳乎厘當生日蛋糕，雖然簡簡單單，但從她臉上由衷的甜笑，我們大概已經知道她過了一個愉快生日。
除了大批粉絲向偶像送上祝賀，她的老友歐陽震華也在微博上載一張早前孖老婆去捧宣萱舞台劇場的三人合照，並留言：「Happy birthday Jessica 🎂🎂🌹🌹@宣萱」
可是，未見早前網上瘋傳將於年底娶宣萱、事後已否認傳聞的古天樂送上生日祝福。
(綜合報道)
張致恒（Steven）上月宣佈將與粉絲雯雯結婚，並已誕下兒子天寶。
而早前Steven的連串桃色糾紛，幸好已經暫告一段落…
事件似乎已雨過天晴，成功「以一敵四」的雯雯昨日抱B宣示主權後，今日再發功，直言會原諒Steven的一切，她說﹕「世界上冇人唔會做錯事，你同我都一樣都會有錯嘅時候，至於值唔值得原諒，每個人都會有唔同睇法，而我覺得都未畀機會，唔通就要判人死刑，感情事從來冇分對與錯，自己覺得值得就繼續。」
或許雯雯亦承受好大壓力，表示即使全世界不看好，也希望與Steven行下去，她說：「就算全世界幾唔睇好係（喺）度鬧，自己選擇嘅就要努力同佢一齊行落去。至於小朋友成長會係點，開心唔開心好同唔好，都唔係你同我可以去做結論，既然佢已經嚟到呢個世界，就俾（畀）空間佢去行佢嘅人生，所以希望大家可以停止去傷害同侮辱，一個只擁有一顆天真嘅心，無論發生幾唔愉快嘅事，都係會帶住笑容的小朋友，我仍然相信每個人都有善良嘅心。」
雯雯發文開腔護未婚夫Steven
(IG / 綜合報道)
