藝人湯洛雯（Roxanne）琴日突然於社交網罕有晒出一張愁爆相，表示：「有點累的感覺，身和心。」
令唔少網民都紛紛留言問佢究竟發生咩事！Roxanne仲留言：「…」而舊愛羅天宇就回覆：「…」
靚湯好友莊思明見到隨即笑佢哋：「唔好喺度打波（摩）斯密碼！」靚湯睇到就反擊話：「佢抄我㗎！」
一班網民見到就紛紛留言叫佢同羅天宇復合，個個紅娘上身大讚佢哋兩個好合襯~
不過靚湯今日發文澄清同羅天宇只係好朋友，唔係復合亦冇曖昧，更斬釘截鐵表示將來都唔會有咁嘅機會：「有些東西留在過去便好，所以希望大家不要每一次我有一些淡然的post，就跟感情扯上關係。」
佢承認依家心情唔係咁好，但表示真係同呢件事無關，又強調「不是就不是」，立場相當強硬！看來要令一衆「紅娘」失望了！
(綜合報道)
因合作神劇《太陽的後裔》定情的37歲女星宋慧喬，與33歲男神宋仲基上月正式離婚，結束20個月的短暫婚姻，震驚全亞洲，不少粉絲都覺得替這對金童玉女感到可惜！
離婚或多或少有損「雙宋」形象，但喬妹在廣告界的地位卻明顯無受影響，由她代言的產品輪流推出新廣告，以行動支持失婚後重新出發的喬妹。
而由喬妹代言的鞋履品牌今日公開新一輯廣告，大晒美腿的她化上煙燻妝，展現強勢的一面，一反她昔日柔弱的形象！
新形象一洗柔弱姿態，霸氣盡現，大家覺得如何？
縱然愛情上暫時失意，但事業蒸蒸日上，也是一件令人羡慕的事情！
(綜合報道 / on.cc)
李璨琛囡囡李元元（Lucy）憑住可愛包包面、圓碌碌身形獲不少網民喜愛，自開了囡囡Lucy的IG後，亦不時更新可愛照，其IG追蹤人數已經達八萬多，早已是BB界KOL。
Lucy最近就學爸爸做運動，李燦森做掌上壓時，Lucy當然「有樣學樣」在旁跟住做…
不過她就展示自創的「腩上壓」，非常搞笑！
影片可見，元元的「腩上壓」個肚全程貼住個地下，不過她認真得非常搞笑！
Lucy自創「腩上壓」，連拍片的媽媽都忍不住狂笑~
不少網民就笑指Lucy的「腩上壓」是史上最流嘅掌上壓，還問Lucy會否收學生~
(IG / 綜合報道)
最近有日本地產中介喺朋友圈放售疑似台灣天王周杰倫（周董）喺日本嘅豪宅，呢間豪宅位於日本原宿，根據平面圖睇總共有2層高，有巨型大廳同巨型廚房外，仲有個超大平台，究竟呢間豪宅有幾大呢？
裝修一流啊！
巨型客廳同大電視，望到都覺得好羡慕！ 
唔通呢個就係天王成日出入嘅厨房？
另一邊客廳~
答案係實用面積有成717.01平方米，即係大約7,718呎咁大，售價係26億8000萬日圓（約1.98億港元），唔怪得之網友就話1,000呎都買唔起啦。
不過呢間豪宅嘅賣點並唔係在於佢嘅裝修有幾豪華或面積有幾大，而係可以近距離見天王周杰倫一面，面對面簽約，到時仲可能攞到親筆簽名添！
但好多網友都質疑，既然畀得起接近二億，又點會諗唔到辦法見到佢呢？直情包場睇佢演唱會都得啦！
據知呢間日本豪宅周杰倫只係買入無耐，咁急賣出，網友都諗緊佢係咪等錢使呢？
（綜合報道 / on.cc）
藝人李蘊（Renee）婚後育有一對仔女，媽媽為大女羅紫晞（晞晞）報讀廣州幼稚園。
話咁快晞晞就要返學喇！Renee喺社交網上載出多張晞晞返幼稚園嘅相，晞晞返全日制幼稚園，第一次有咁長時間見唔到屋企人，但晞晞冇有怕，佢喺學校同其他同學仔玩得好開心，又自己孭住個書包…
仲好親切咁跟住老師入班房，見到有同學喊住搵媽咪，晞晞亦好叻咁安慰佢哋唔好喊，認真好叻女！
Renee留言：「晞晞三歲幾..開始讀幼稚園..媽媽要學識放手啦！琴（尋）日開學..你一起身就係咁講『我忍唔住啦！我要返學啦！』可見你幾咁期待呢個新嘅階段。」
Renee仲話晞晞好適應校園生活：「老師一得閒就會發訊息話俾（畀）我知你嘅情況，老師話你好努力去適應！食嘢瞓覺上堂都叻叻！好彩呢兩個月同你做足心理準備！令到你第一日返學順利度過！不過放學接你嘅時候你終於忍唔住喊咗兩下（吓）撒嬌，媽媽覺得你好叻叻啦！我哋都要繼續加油！」
三嵗晞晞最後見到媽咪接放學忍唔住流咗幾滴眼淚，但係已經好叻女架喇！
(facebook / 綜合報道)
本月23號是譚詠麟（阿倫）的69歲生日，阿倫連日來與好友食飯慶祝，未到正日至今已經吃了17餐生日飯。
第15餐生日飯
這餐已是不知道第十幾餐的生日飯~
農曆正日生日身在南通，工作人員為他送上蛋糕~
來到第17餐生日慶生飯局…
日前，他相約陳百祥夫婦、曾志偉、鍾鎮濤夫婦、陳友、彭健新、顧紀筠、苗僑偉與太太戚美珍等大班圈中好友食飯慶祝，又切「Super Mario」公仔蛋糕。
校長生日蛋糕好靚啊！
出名易醉的曾志偉，飯都未食完已經醉到不省人事，成為眾人的合照對象。
阿倫留言笑志偉︰「預祝生日第17餐！🎂有吃喝就梗有這種場面……誰可相依！😆😵 」
（weibo / 綜合報道）
藝人許家傑（Jack）在處境劇《愛．回家之開心速遞》中飾演「送水輝」，角色大受歡迎，特別是與大小姐（林淑敏飾）發展成為一對後，成為劇迷非常喜歡的其中一對螢幕情侶。
Jack前日36歲生日，一眾粉絲昨日為他舉辦生日會慶祝，Jack說：「今年大家好有心幫我搞生日會，真係好開心！其實今年係我入行十周年日子，今次小小敍會亦係我咁多年來嘅第一次搞粉絲敍會，所以別具意義。」
Jack表示平時跟粉絲的見面時間都只限於公開活動，今次真正可以近距離傾偈，感覺特別溫暖：「我逐一答佢哋嘅問題，亦聽好多大家對《愛．回家》嘅意見，最搞笑係同佢哋一齊去重演劇情，玩得好開心！」
當日，Jack好拍檔林淑敏驚喜現身，令一眾粉絲都非常開心，淑敏更與同劇演員鄭世豪、陳偉琪和阮政峰一齊到賀，「細龍生」世豪和「細龍太」陳偉琪捧住蛋糕現身，世豪更主動向Jack獻吻，認真「好兄弟」！
Jack說：「其實我安排淑敏嚟，原本想畀班粉絲一個驚喜，但冇諗過佢叫晒咁多藝人朋友一齊嚟，我真係超級驚喜，有種受寵若驚嘅感覺，多謝大家都好錫我，我希望將來可以繼續努力，無論《愛．回家》或者其他劇都拍出更好嘅作品，亦想生命影響生命，向粉絲發放正能量。」
講到入行經歷，Jack是09年香港先生的盛年組冠軍。
惟入行多年多演繹配角為主，直至於17年在處境喜劇《愛．回家之開心速遞》中飾演宋瑞輝（送水輝）一角而為人認識。「送水輝」原本是一集戲份，但後來角色竟很受歡迎，靠著自己的實力慢慢變成長期角色，而Jack演藝之路亦慢慢現曙光~
與林淑敏飾演的大小姐龍力蓮的螢幕情侶形象更大受歡迎，深入民心。
(綜合報道 / on.cc)
趙薇當年在《還珠格格》中塑造的小燕子這個角色，可是令廣大群眾眼前一亮。把小燕子那種活潑調皮的性情，演繹得淋漓盡致，其跳脫形象深入民心。
沒想到是她卻在自己紅極一時的時候選擇了踏上婚姻之路。
她於08年與黃有龍結婚，10年誕下寶貝女小四月~
眾所周知，女星在娛樂圈結婚會受到很大的影響。可是，趙薇的發展卻越來越好，這也是令廣大群眾們百思不得其解的事情。
最近就有網民上載了趙薇和囡囡小四月的近照。照片中的母女兩人臉上洋溢著幸福的笑容，小四月面對鏡頭的時候也是絲毫不怯場。看來趙薇給女兒的教育也是最好的，富養的女孩氣質就是出眾。
從照片看上去，囡囡小四月私下生活中也是個偏向靜態、特別自律的人，有媽媽的教導，琴棋書畫簡直是樣樣精通。看著小四月認真的樣子，網民都說這「完全就是翻版的小燕子。」
趙薇現如今的成就和身價，是非常值得女兒去學習和創新。
趙薇現如今也算是真正的人生贏家了，不僅擁有如此如此優秀和諧的家庭，在亞洲的演藝圈中的地位也是蠻高的。
（綜合報道）
藝人衛詩雅昨晚突然出現敏感徵狀，她於社交網站留言指自己「執番條命」。
事後她接受電話訪問表示：「尋晚凌晨時份，手腳突然紅腫，我以為自己摸到啲唔知乜嘢，後嚟耳仔、鼻咀、眼睛都開始紅腫兼痕癢，所以我就攞冰敷吓佢，諗住如果一陣瞓得着就冇事，點知之後醒咗，呼吸開始有困難，覺得自己喉嚨收窄咗，同父母講完都諗緊係咪要去醫院嘞，但我全身冇乜力，所以就喺床等咗一陣，直至凌晨五點幾啲敏感開始退，個人就冇乜事喇。」
今朝她致電相熟的醫生朋友，又影相傳給對方：「佢話我昨晚應該要入院，因為咁樣會隨時休克，仲叮囑我如果下次係咁就要去睇醫生，因為要知道係因乜事而敏感。依家我都搵緊朋友問，想去醫院做吓測試。今次都係我第一次遇到咁，嚇親自己呀。」
今次真係好好彩！
(facebook / 綜合報道 / on.cc)
藝人湯洛雯（Roxanne）早前參加好友朱千雪嘅婚禮，一班閨蜜開開心心留倩影…
但今日佢突然喺社交網上載咗一張愁爆照，仲話：「也許一次便足夠了..」
隨後佢又再表示「有點累的感覺，身和心。」
令一班粉絲都非常擔心，留言問佢：「發生咩事呀？」仲有人問佢係咪受到下雨天嘅影響，所以心情有啲down呢？希望靚湯個笑容快D出返嚟見大家啦~
(綜合報道)
