夏日炎炎，於TVB處境劇《愛‧回家之開心速遞》飾演「群姐（Isabella）」的許思敏也跟陽光玩遊戲，穿上泳裝享受日光浴！
豈料，被彭翔翎、陳苑澄、梁雯蔚及陳嘉慧打擾，四人玩踢樽蓋挑戰（Bottle Cap Challenge）時更誤傷了群姐。
原來她們是幫公司拍攝網上宣傳片，五女同樣穿上泳裝上陣，四位年輕女藝員當然是青春無敵，但罕有地以水著示人的群姐也不輸蝕，大家各有各搶鏡。
宣傳片中，群姐還搖身一變黃金Captain Isabella，伙拍四位身披斗篷的泳裝戰士幫公司做推廣，搞笑之餘，不忘請大家的眼睛吃冰淇淋。
（明報）
現年87歲、有「上等人」稱號的無綫資深藝人梁舜燕（Lily姐），去年一月舉行入行60周年「閃爍藝壇60年暨壽辰晚宴」，當時筵開23席，圈中好包括友胡楓（修哥）、羅蘭、汪明荃、薛家燕、夏雨、鍾景輝、譚倩紅、宣萱、胡定欣、王君馨、江美儀、余慕蓮、丁羽、劉丹夫婦、盧敏儀和老公孫敬安、高永文、杜平和鮑起靜等到賀，場面熱鬧！
後輩胡定欣都有出席宴會，她覺得Lill姐姐好犀利，她說：「「聽到佢入行60周年覺得好犀利，最犀利係佢依家仲好享受工作，好有魄力，佢仲話就算唔使開工，都會Keep住夜晚三點先瞓呢個習慣，怕自己第時要開工唔習慣，我聽到真係好敬佩，係佢身上仲學識珍惜每一個機會，感恩工作。（做足60年？）真係唔知，相比她60年，我只做了15、6年 ，相差40幾年，有工作就要珍惜，不要怨辛苦。祝佢身體健康，繼續高貴動人，佢一向畀我感覺好斯文淡定。」
定欣大讚Lilly姐敬業樂業！
近日傳出患上重病入院，契仔李克勤曾去醫院探望，逗留了近1小時後離開；當傳媒上前追問Lily姐情況時，克勤未有回應，只表示要開工，之後即登上保母車離開。
有記者聯絡上Lily姐的家人，追問Lily姐是否癌症入院時，其家人未有否認，只是說老人家在醫院休養，有些老人家病痛，現在休息當中。
梁舜燕（Lily姐）在無綫經典處境劇《真情》中，她的角色經常自稱「上等人」，因而獲此稱號。
(劇照)
而她與李克勤在劇集《浪族闊少爺》中合演母子，因此結下緣分，後來克勤成為她的契仔。
希望Lilly姐姐早日康復！長命百歲！
(綜合報道)
型男吳尊早前趁住暑假帶同家人去咗澳洲滑雪後轉戰新加坡，繼續同陽光玩遊戲，帶細路周圍玩！
轉戰新加坡之後，囡囡Nei Nei仲可以順便探佢個朋友仔添！見到當年同學仔囡囡非常開心！
吳尊話旅行見到小朋友開心，佢先真係開心！吳尊話：「旅行看到小朋友開心，我們才真的開心！」呢位爸爸真係冇得頂！
吳尊話Nei Nei喺3歲已經認識呢位朋友，好奇嘅網民仲問Nei Nei住汶淶點樣識到住喺新加坡嘅朋友仔呢？
原來Nei Nei嘅朋友係佢同學仔，不過喺第二年就搬咗去新加坡！當Nei Nei一見到佢呢位朋友仔時開心到攬埋一舊，真係好好感情〜
吳尊同囝囝關係都勁好！
（on.cc）
39歲藝人張美妮喺六月宣佈B女「笑咪咪」出世啦！
當時美妮留言：「我們的寶貝女出世了！同大家介紹佢嘅乳名叫笑咪咪，因為佢一出世就成日都笑咪咪，連醫院啲姑娘都咁講吖！有佢喺度令到我同老公都感到非常喜悅、開心、溫馨，真係成日都笑咪咪吖！乖女~Welcome to our family! We love you」
兩個月後，首次在社交網公開囡囡「笑咪咪」正面照！飲緊奶奶嘅笑咪咪一面享受，對眼依然係瞇瞇咁，仲好多頭髮，網民都大讚好可愛呀！
而剛當了媽媽的張美妮精神都好好，佢又講到少咗時間陪愛犬嘅問題，仲分享點樣令狗狗明白添！各位家中有寵物，又有BB的父母，請看看美妮怎樣處理BB同寵物之間的相處問題~
美妮發文：「每天都會抽個時間攬下（吓）佢哋、傾偈，解釋畀佢哋聽，呢排媽媽忙比較少啲理佢哋，但對佢哋嘅愛係唔會減少嘅！」她又同時大讚愛犬「叻叻」好生性冇呷醋，好開心有呢兩個寶貝陪住自己：「叻叻知道BB仲細，暫時唔畀佢掂BB住，佢真係知道，唔會走過去想掂BB，但係會去到我同BB側邊靜靜的坐喺度陪伴着我哋，真係非常之乖吖！抵錫！」
(IG / 綜合報道)
正式宣佈做了人妻的無綫女神朱千雪（Tracy），有傳媒上月率先爆Tracy今個月會與青梅竹馬的醫生男友吳昆倫（Justin）於峇里舉行天與海的婚禮…
原來一對新人日前已秘密在峇里行禮，今早Tracy向傳媒發放婚照，她的一班圈中姊妹包括港姐岑杏賢、湯洛雯、蔣家旻及張嘉兒等都有出席賀新娘子。
一眾好姊妹包括港姐張嘉兒、岑杏賢、蔣家旻、湯洛雯都有出席婚禮~
不知道是誰接到花球呢？
榮升人妻，朱千雪流露著幸福甜美的笑容！
大家覺得千雪靚唔靚呀？
天后容祖兒（Joey）於紅館舉行入行20周年嘅《PRETTY CRAZY JOEY YUNG CONCERT TOUR》演唱會，Joey連日來都有更新社交網，大晒幕後花絮片段及台上靚相！
今次佢就大爆原來有位藝人朋友不惜「紆尊降貴」，擔任工作人員喺背後默默支持，佢就係張敬軒啦！
Joey大晒多張與軒仔嘅合照，見軒仔由後台化妝、
綵排，以至試Mic都陪實Joey〜
果然夠晒老友！
見軒仔咁有心，Joey除咗獻吻兼攬攬「報答」對方㗎！
亦有留言致謝：「老友記張敬軒已化身工作人員，每日比我更早到達紅館，調整好我的耳機和咪高峰，好讓我能在最舒適的環境裏進行19晚演出」。
（on.cc）
早前謝婷婷於社交平台公開誕女已經100日的喜訊，但婷婷一直未有未公開囡囡生父身份，引來無數猜測。
婷婷一路都好保護囡囡爸爸的身份，但今次婷婷更新ig story時就有意無意地疑似洩露囡囡爸爸身份，令其身份曝光！？
婷婷曾多次在Stories上載囡囡相
今次疑似透露B女生父秘密，事緣婷婷上載一張素菜相並配文：「delicious（好吃）homegrown（自家種植的）」還@了一位名字叫做「marqbloq」的人。
而「marqbloq」真名叫做Mark Block，IG頭像是一隻狗，帳號設置為私密。
但頁面上卻有他公司主頁連結，顯示了其公司全名「B&B Bearing and Electric Motor Ltd.」，主營業務是銷售及維修軸承和電動機，Mark Block這家公司嘅另一個平台顯示了他的全部訊息，雖然頭像係黑白及戴住黑超，但明顯是一名外國人，年齡約40歲，與婷婷年紀相若。
而其公司網頁都顯示由2003年開始他就在家族企業工作，至今已經16年，在公司任職總裁，財力應該好雄厚。
此外，從Mark的教育背景顯示，他一直在加拿大讀書，而婷婷亦畢業於加拿大溫哥華不列顛哥倫比亞大學，兩人背景及學歷相似，很有可能早已認識。
雖然不知道他是否BB的爸爸，但Mark不時與婷婷在社交網互動，看來與婷婷交情匪淺。
(綜合報道)
已育有兩個寶貝仔的女星葉翠翠今日宣佈意外佗第三胎，她發文說：
「本來都沒有打算再來一個，可能上天覺得我哋屋企未夠熱鬧。。這幾星期都沒有做直播，因身體覺得好累，妊娠反應，現在好了很多，下星期開始可以同大家直播了。但也希望給未能懷孕女士一點希望，我都曾經花了一年以上調理身體睇中醫，食補充品幫助自己，如果不是有婦科疾病的女士，只要找對方法，願意去試，堅持都能懷孕的。加油！*今次連懷孕咗都唔知，發現好似咁耐都未月經呢，然後睇吓時間表，見到遲咗一日，便試下用驗孕棒。。。嚇到手震。」
之後翠翠又在留言中透露原來前後共驗了四次孕，才慢慢相信自己第三度懷孕的事實，並晒出驗孕棒照片。不少網民和翠翠粉絲立即送上祝福，並祝願翠翠第三胎追女成功！
有傳媒聯絡上葉翠翠，她興奮表示：「自己都嚇一嚇，本身無諗住生第三個，曾經係有諗過生，但都覺得唔好喇，照顧兩個小朋友夠喇。後來數數日子發現咁耐都無月經，平時係好準，因為之前好努力想要小朋友但都無，所以屋企好多驗孕棒，同排棒，即刻膽粗粗去驗。試完一次以為壞咗，試到第三支，我就打畀中醫問會唔會驗錯，佢話唔會，仲話我補身補得太好，以前搞咗年幾都未成功。收線後我再試第四個驗孕棒，知道個結果覺得都係真嘅，自己都手震。」
翠翠回想當日知道真的懷孕即刻手震，她指：「屋企已經好亂，真係怕會爆炸，其實之前同老公傾過都話唔再生，但我打畀佢，佢知道咗都好開心。」翠翠暫時未知第三胎性別，表示要驗血才知。
問到丈夫得知將再做爸爸後有何反應，她表示：「其實生完第二胎後我係話想第三個，但當時老公反對，話因為怕會好辛苦去照顧，佢都說服咗我唔再生第三個。到今次証實咗之後我同佢講，好奇怪地佢又好開心。」
再次恭喜葉翠翠，一家五口超熱鬧！
(綜合報道)
好多小朋友都唔鍾意食蔬菜，唔少父母都會將蔬菜切碎再混入米飯當中，神不知鬼不覺。澳洲就有一位媽媽，能人所不能，佢為佐提升一對仔女對食物嘅興趣，每日都出盡法寶，親自炮製卡通愛心餐，有胡迪、海綿寶寶、比卡超、Peppa Pig……全部都超像真！
2015年開始，一位澳洲墨爾本的母親Laleh Mohmedi開始將自己為囝囝Jacob做的愛心料理放上Instagram與人分享，其實很多人都有這樣的習慣，但幾年間Laleh已成為有19萬人追捧的網紅，因為她的料理愈做愈精緻，卡通人物維肖維妙，大部分都是人氣極高的角色，如近期《反斗奇兵4》熱播，她便製作胡迪、翠絲等料理，並獲得大品牌垂青，邀請她合作或是開班教大家製作創意料理。
一開始，Laleh為Jacob製作了一份獅子形狀的班戟，囝囝開心到不得了，於是Laleh就越黎越落力。小朋友成長期要吸收足夠營養，吃進肚裡的食品除了要有賣相，健康亦很重要。她曾在訪問表示：「我用的都是當造並且新鮮的蔬果，只要Jacob前一晚告訴我想要甚麼角色的食物，翌日就會為他準備好，他甚至說過要Michael Jackson造型的晚餐。」
製作一個餐，大約花上30至45分鐘時間，而Laleh推崇健康、有機，不加防腐劑也少鹽少糖，最常用的食材便是羽衣甘藍，甚至擅於用天然食材做出染色效果，所以食物都色彩繽紛，使小朋友胃口大開。
人體有70%由水組成，即使喪失10％水分時亦即會感到不適，可以話喺「飯可以唔食，但水唔可以唔飲」。
喺日常生活當中，我們會接觸不同的「水」，但看似清澈的水是否如眼看一樣無雜物？飲水機的水、未煲滾的、翻煲的、存放太耐的、加冰的和有氣的水喺咪都不適合飲用？
1：飲水機的水
高溫可殺死水中的細菌和微生物，而水的沸點是100℃，但飲水機通常只會把水加熱至約81.5℃，雖然81.5℃已可殺死水中部份細菌或微生物，但不會比100℃殺得更徹底。如果是使用從供水商訂購的樽裝蒸餾水、定期清洗水機及水槽、避免用手接觸出水位置，便不用太擔心。
相反，有些人會自行把自來水添進水機，過程中自來水接觸空氣和其他物件的機會增加，受污染的機會亦會提高。另外，即使是蒸餾水，存放時間亦不要超過兩星期。
2：存放太久的水
究竟水可以存放多久，咁就要視乎存放前的處理方法和存放情況，如果水已經煲滾，放涼後密封處理，污染機會低的話，存放兩星期亦無問題；如使用普通、非密封式的家居器皿，她就建議只存放一、兩天；另外，即使是密封包裝的樽裝水，如開蓋後直接用口飲用過，亦不宜放置太久，最好一日內喝完。
3：自來水
香港食水經過多重沉澱、過濾及消毒過程，從濾水廠輸出時是符合世衞的《飲用水水質準則》，可直接飲用。然而自從濾水廠輸出後，食水會經過許多儲水池、水管，難以確保渠道是否100%清潔和安全，途中有機會帶上細菌或被污染，因為自來水最好先煲滾才飲用。
現在很多家庭都會安裝濾水機或濾水器，過濾後的自來水是否100%清澈無雜質呢？這要視乎所用的濾水產品的規格，可以過濾多少、過濾甚麼雜質，有些產品會標明可過濾重金屬或微生物，例如獲美國國家衛生基金會NSF53認證的濾水器可有效減少鉛含量，市民購買再安裝前最好先了解家中水質和需求。
4：重覆煲滾的水
有說法指反覆煮沸和沸騰過久的水，水中的鎂、鈣等重金屬和亞硝酸鹽的濃度會提高，容易引起腸胃不適，造成腹瀉和肚脹。自來水中的確有以上物質，但含量非常少。根據世衛提出的標準，每公升自來水只可含50毫克硝酸鹽及3毫克亞硝酸鹽，而香港自來水每公升則有4.4毫克硝酸鹽及0.004亞硝酸鹽，即使重覆煲滾後兩者的含量上升10倍，亦比世衛標準低。如跟加工肉類相比，硝酸鹽及亞硝酸鹽的含量更高。
5：加冰粒的冰水
據早前的報道，香港有60%連鎖快餐店使用的冰粒樣本驗出大腸菌群含量超標，飲用後有機會患上腸胃炎。除了存放方法，亦要視乎用甚麼水來造冰，如果水本身已經受污染、含超標大腸桿菌，那麼造出來的冰也會含菌。如果在家製冰，最好使用用密封式的冰模。至於外出用餐時想避開「有菌冰」，只有走冰了。
6：氣泡水（Sparkling water）
氣泡水是加了二氧化碳或碳酸的性，呈微酸性，亦無卡路里，成份或純水幾乎一樣。雖然與水無大分別，口感卻與汽水一樣，但就不要以氣泡水取代水、整日飲用，對於胃本身不好的人容易引胃氣脹，而且碳酸亦會影響牙的法瑯質。
7：只喝蒸餾水、礦泉水或礦物質水是否最安全？
蒸餾水就是無雜質的純水，長期飲用並無問題。
而礦泉水是天然水，取自高山或地下水，因而含有礦物質，如鋅、鈣和鎂等等，含量比經過濾的自來水高一點。而礦物質水則是在純水中人工添加礦物質，如鎂、鉀、鐵等等。不過長期飲用礦泉水和礦物質水的人，尤其是腎功能欠佳的，因為如果未能完全排，便有機會影響心臟成肌肉功能。
