蘇頌輝（Desmond）跟太太林藹兒（Sophie）5月11日於泰國布吉註冊結婚，日前補擺喜酒，筵開30圍。圈中好友薛家燕、陳智燊及其太太宋熙年、王梓軒及伍允龍等到場分享喜悅。
蘇頌輝（Desmond）透露跟太太林藹兒（Sophie）拍拖4個月已買了戒指準備求婚，等待漫長的3個月於布吉正式求婚。問到Sophie有何吸引力？他笑說：「應該問太太有咩係唔吸引。乜都好，有外在亦有內在，好有耐性，好有愛心。」他大讚太太超過100分，Sophie就認為丈夫有1000分。
談到造人計劃，Desmond透露太太曾認真地表示要生6個。提到隨後多個旅行，是否為造人計劃增加情趣？他笑說：「我太太咁靚，唔需要旅行都好有Mood。」
個個父母都想自己仔女讀多啲書，見到自己仔女主動拎起本書黎睇嘅話，做父母嘅應該好開心！
呢日台灣藝人徐若瑄喺社交網Po咗條片，係佢3歲囝囝「李V寶」坐喺地吓度睇書，仲用手指指住逐行認真讀，不過坐喺後面嘅徐若瑄一啲都冇畀鼓勵，仲揞住個嘴喺度喪笑，佢發文解釋話：「小V寶很愛演 ！明明那是一本8+孩子看的英文書，他在模仿書店裏其他正在看書的人，雖然我不知道他在唸甚麼，就這樣陪他在地上坐了半小時，但目的達到！就是要帶他來書店感受書香氣息、耳濡目染 #不想被他發現我在笑 #太可愛了媽咪忍的好辛苦 #媽咪快笑到內傷。」 
藝人陳智燊（Jason）與太太宋熙年（Sarah）齊齊出席無綫主持蘇頌輝的婚宴，講到一家剛於蘇梅島旅行返港，而Sarah於旅途期間宣布將離巢無綫，她謂：「係呀！有記者問我，我覺得要返出嚟同大家交代番件事，原本冇諗住咁快公布。」
佢表示依家有唔少諗頭，上年老公走時較迷惘，因為他是第一個，但又指老公給了她很大勇氣。Jason亦謂：「我去年走時都唔知出面環境點，因為自己一直喺TVB，走時係有啲擔心，但過咗一年都幾好，又去咗唔同地方做嘢，都畀到Sarah信心。」Jason仲話依家兩個坐埋一條船。
問到會否藉此機會再造人？Sarah說：「其實一直都有Plan，但我又想做陣嘢先，如果咁有幸有咗，都會接受。」Jason就表示一定要生，因為囝囝愈來愈頑皮，因為佢太受重視，所以要生多個先得。
原來係咁，生多個喺因為想教好囝囝。希望你地早日造人成功喇！
黎諾懿因為劇集《BB來了》被封「暖男老公」，育有一子嘅佢亦喺仔仔小春雞嘅「暖爸」。
日前佢出席BB展充當售貨員落場拉客，被大批市民圍觀及要求合照。面對一眾媽媽級粉絲追問幾時拍續集？他耐心告知大家10月就會開拍。
而由去年講到今年都話要追豬女的諾懿，在豬年都過佐一半日子，不得不承認計劃徹底失敗，笑言：「係我唔爭氣，今年經常出埠拍節目，所以追豬女計劃宣佈失敗，不過我一直都有進行當中，希望可以追鼠B，係B女就最好。」
身邊朋友徐榮、李霖恩都生女，問到可有問他們意見如何追B女？他說：「冇問意見，不過佢哋話身體愈差，生B女機會愈大，其實我身體已經好差，之前在馬來西亞拍攝《懿想得到》時，可能食得太多榴槤、海鮮等食物，返港後發現腳趾腫，原來係『尿酸』，唯有急急戒口，食返清淡啲。」
《愛．回家之開心速遞》嘅「群姐」許思敏非常受觀眾喜愛，最近佢仲玩埋IG吸粉絲添！
佢喺IG自我介紹話：「大家好，我係許思敏，群姐Isabella，感謝各位網民投選我為開心女神第一位，快d科爐（啲Follow）我，我白滑既（嘅）身驅，漫妙既（嘅）胴體，等緊架。」嘩，真係誘人犯罪！
見佢不時晒吓劇照喺IG同粉絲互動，而最爆笑嘅就係佢第一個Post，佢將自己個P到變蛇精樣，再曲線留言：「我伊莎貝拉群最反對P圖，今日同好姊妹墮妮娜上影樓影相，影得我好鬼靚，攝影師話佢只識影相，唔識P相，講真，我Isabella真係好上鏡既（嘅）。」真係搞鬼！
仲晒出同歐陽震華嘅合照添。
許思敏真係好搞笑，演技又好〜
（Instagram）
今年72歲的金馬影后甄珍上月24日入養和留醫4日後秘密出院，在家休息一周後，精神復原就約埋一班好朋友，包括有連炎輝和前夫謝賢等飲茶。
相片中見穿上粉紅色套裝，化上淡妝的甄珍精神不俗，相中看到謝賢坐在她的左邊，有網民更留言︰「so sweet。」
甄珍接受媒體訪問時就話：「依家都有頭暈、手腳麻痹嘅症狀，每日3點開始就會頭痛，醫生仲係未搵出病因，估計因為之前我工作壓力太大，太忙休息唔夠所致，不過見今日精神好啲，咪同啲朋友出嚟飲茶、見吓面囉。」
學生哥患病，咁就哏喺要去睇醫生拎假紙喺屋企休息喇，避免傳染人地呀嘛。不過就唔喺個個都識喇！近日有診所護士在網上分享一段親身經歷，一名家長帶同發燒的兒子睇醫生，卻不是為取病假紙好讓兒子在家休息，而是索取健康紙，證明兒子可繼續返學，兒子反抗卻招來母親回應：「你唔返學唔讀好啲書，第日會後悔」。
該名診所護士日前透過Facebook專頁「診所低能奇觀」發文。該護士指，當日一對母子到診所睇醫生，期間母親問護士，「一陣可唔可以叫醫生寫張紙畀我？」護士以為母親攞「病假紙」，怎料這名母親要「健康紙」，證明兒子可以返學。護士望着臉上紅卜卜的兒子，於是問「不如同佢探熱先呀？」但遭母親阻止，叫兒子先坐在一邊。但兒子細聲表示，「我發緊燒」，但母親堅稱兒子「冇事」。
護士見狀，於是上前準備為其探熱，卻遭母親喝止，「你行埋嚟做咩呀？」護士反駁說，「既然咩事都冇嘅，點解你唔畀我幫佢探熱呢？」母親強硬回應，「個仔我嘅，佢有事唔通我唔知咩？」護士無奈地繼續做登記。
在等候期間，母親洗腦式對兒子說，「一陣記得話咩事都冇」。兒子終於忍不住開聲，「明明有事，點解要話冇事呀？」母親嘗試說服兒子，「冇事㗎，你入到去見醫生話咩事都冇，就可以照返學」，兒子雖表明「想抖吓」，但母親竟說：「你唔返學唔讀好啲書，第日會後悔」。兒子狠狠回應，「我寧願你冇生我出嚟」。最終母子取了醫生病假紙，但直至離開診所，母子都沒有再對話。
事件引起網民熱烈討論。有網民直指該名母親是「怪獸家長」、「無尊重過個仔」，亦有網民狠批，「無仔送終，就係呢啲家長」。亦有不少人同情兒子，「小朋友真係好可憐，有個咁嘅媽媽」。
藝人王祖藍一向計仔多多，估不到，他喺教導下一代方面都好有心得！
曾經歷過生活艱難時刻嘅佢，被問到將來會否用自己辛酸嘅經歷嚟教女，等佢明白要學識珍惜。
佢笑言唔會：「我唔會刻意同阿囡講好多以前嘅嘢，可能將來佢長大咗，會有人話佢聽我以前訪問講過啲咩辛酸史，但我唔會咁煩、咁老土咁成日講，佢會有自己嘅睇法，反而我好歡迎佢有疑問嘅時候走嚟問我。」
原來係因為唔想做「囉嗦爸爸」！
（on.cc / Instagram）
去年5月，前央視主播崔永元於網上踢爆范冰冰透過「陰陽合同」偷逃稅款，自此她便陷入黑暗之中，神隱百多天後，最終被罰款逾8億人民幣（約10億港元）兼道歉。今年6月更被爆與拍拖4年的男友李晨分手，事件震驚娛圈！
而至於早前跟范冰冰拍內地劇《巴清傳》的男星高雲翔亦因性侵案被捕，受二人負面新聞影響，令劇集播出遙遙無期，而另一部冰冰有份參與的電影《建黨偉業》在央視重播時，她在戲中飾演的隆裕太后一角，鏡頭更被全部刪剪。
冰冰早前在北京接受《紐約時報》專訪，過往霸氣「范爺」已不復再，換來在專訪中多番表現出氣餒，承認目前經歷着人生低潮。她說：「現在可能是我在生活或工作中所遇到的低潮，但這其實是一件好事，讓我冷靜下來，認真思考我未來想做的事情。」
同時，她亦對自己感覺非常無奈懊悔，最近心情也不太好，更吐下一句：「我不可能擁有最好的一切！」心情可謂跌到最低點。雖然她表示站在人生十字路口感到徬徨，但已經準備好迎接未來，她說：「現在有遺憾、有痛苦也有脆弱，但我還是覺得我得繼續好好生活。」
與李晨分手後，幸好還有姊弟情深的范丞丞沿路陪伴，成為她最後的精神支柱。范丞丞昨日在社交網透露其擔正的劇集《靈域》終於煞科，劇中飾演「秦烈」的他，稱秦烈結束了120天的修煉，拍攝過程有苦有甜。他感謝導演及每位工作人員耐心教導和包容，還有為他擋烈陽。
范丞丞說：「過完這整整4個月，從新手小白到演過了一部作品的演員，感覺人生角色有了很大的轉變，從一開始的不習慣到後來慢慢沉浸在這個過程，19歲的生命體驗又豐富了很多。人總是在一路走，一路遇見，一路告別，再見了秦烈，我會記得你，希望你也不會忘了我，未來我可能還會身負其他的角色，但你是我最初的朋友。」
（on.cc）
資深綠葉演員黃澤鋒接受電台節目主持人訪問，澤鋒與太太陳麗麗同是52歲，二人於2010年結婚後，九年來一直努力造人，失望過無數次。
今年七月黃太以高齡產婦成功誕下囡囡小黃妃Miracle，實在是奇迹！
節目中，澤鋒除了分享太太產女的驚險過程外，亦剖白了由一代「飛魚」投身娛樂圈32年來的經歷。
他87年訓練班一畢業就順利當上第一男主角，主演劇集《鐳射青春》，奈何初入行年少輕狂、脾氣太大，與導演經常吵架，最終變成「詹秉熙第二」，結果演藝生涯就只做了一次男主角，他坦言當時性格火爆：「同每個導演都會嘈交！」
有過兩段婚姻的澤鋒在99年與前妻Winnie結婚後，一心鋪定後路以畢生積蓄投資一間當年曾經賺大錢的火鍋店，不過，03年發生「沙士」一役，他畢生積蓄化為烏有，更欠下一身債，還間接導致他與前妻於04年離婚收場。
他直言對前妻感愧疚：「當時我冇理過佢嘅感受。」澤鋒坦言陷入人生低潮期時曾想過跳樓自殺：「每日喊，想過死！」
他現時又領悟到若不是經歷這些波折，就不會有所成長，亦感激認識現任太太，令其性格有了很大的轉變！
2010年與現任太太陳麗麗再婚，當年45歲的他與太太拍拖一年多就決定再婚，他坦言終於搵到真愛，感受到從未有過的幸福感覺，再婚不是一時衝動。
當年他已明確表示雖然同太太已屬高齡，但好恨有自己的子女，一早已不設防，兩人奮戰了9年終於在今年願望成真，52歲太太高齡佗B，兼誕下健康B女，現階段兩位高齡爸媽非常享受湊女生活！
(綜合報道)
