【任達華遇襲】任達華首報平安：謝謝大家

2019-07-22

藝人任達華早前喺內地中山出席活動時遇襲，被兇徒刺中胸部和手部，當晚已經返咗香港留院治理。

經過兩次手術後，任達華現時情況穩定，佢亦首度喺微博發文向大家報平安：「平安，謝謝大家。」

此外，佢仲標記埋老婆琦琦，並配上一張熊公仔同花嘅相，而相中公仔喺由愛女任晴佳（Ella）所送，相信依家琦琦同Ella都可以放底心頭大石，陪任達華好好休養喇！

【話過似吳彥祖！】大S囝囝正面近照曝光

2019-07-22

台灣藝人徐熙媛（大S）同丈夫汪小菲婚後生咗囡囡汪希玥同囝囝汪希箖。雖然夫婦二人不時喺社交網站上載生活照，但就好少見到囝囝。

而早喺囝囝八個月時，大S就罕有曬出幾張囝囝的相片。曾經講過自己囝囝似吳彥祖嘅大S仲留言：「僅此一次！我的白馬王子！長大不給看了！」

呢日汪小菲就喺微博分享囝囝嘅正面照，仲留言：「真是有苗不愁長啊！」好耐冇兼大S囝囝嘅粉絲就激動留言：「終於看到弟弟啦！」仲搞笑話：「弟弟！你的帥氣必須蓋過爸爸！」

【夫婦抱B返家白衣人手持武器狂追】孕婦倒地飲泣：一嘢就扑落嚟

2019-07-22

元朗昨晚爆發毆打市民事件，大批白衣人在元朗聚集，追打周邊途人，更衝入港鐵站持木棍、雨傘等無定向襲擊乘客，傷者人數增至45人，其中1名男子危殆，另有5人情況嚴重。

有元朗Yoho住戶夫婦偕嬰兒回家，被手持武器白衣惡漢尾隨追著，一家三口慌逃入住宅大堂才避過一劫。

白衣人無定向不斷追著市民來襲擊，連帶著BB回家的途經市民難倖免。根據《HK01》報道，元朗Yoho一名媽媽住戶表示，昨晚11時05分，她與丈夫及數個月大的初生嬰，行經元朗西鐵站回家時，突然有一班身穿白衫男子，手持武器追趕群眾。她說：「見到有女仔驚驚地，咁迎面跑過來，再行多兩步就見到一大班人跑過黎，話前面啲人追住所有人！」

眼見一大群白衣人手持武器衝過來，一家三口立即往住所出入口跑去，其間白衫人仍然追上來，幸好最後他們順利回到住戶大堂。其間，一名身穿白衫的口罩漢，企圖衝入住戶大堂，但門被鎖上，他只好放棄及離開。及後亦有零星住客跑回大堂，「一個畀人打到兩棍，一個就差啲畀人打，有人過見被藤條鞭、女仔都唔放過！」

元朗Yoho住戶昨晚慌忙而逃，險象環生。 (圖片由讀者提供)

昨夜發生的網上亦流傳多段襲擊片段，包括一名身穿白色裙的懷疑孕婦，躺於地上由救護員治理，她不斷飲泣指「我俾人打瘀咗‥‥‥一嘢就扑落嚟‥‥‥嗚。」

救護員為女傷者進行檢查，一邊按其身體、一邊詢問她「有冇痛」，暫未知其傷勢及胎兒情況。

相關新聞：

【家中有大有細】柳俊江被五個白衣人圍毆：打了不知多久 https://bit.ly/2OjrMKu

【森美情緒激動爆喊：要做乜先令香港變番香港】 https://bit.ly/2JHCsy6

(綜合報道)

【上月宣佈與宋仲基離婚】宋慧喬經理人公司現發聲明

2019-07-22

人氣韓劇《太陽的後裔》的宋仲基及宋慧喬，因此劇結緣而擦出愛火花，戲假情真，並於去年十月舉行婚禮，當時場面盛大，來自世界各地的名人和粉絲都為這對金童玉女送上真切的祝福！

可惜，他們兩人突然於上月27日宣佈離婚，結束一年八個月的婚姻，震驚全亞洲，令不少粉絲大跌眼鏡。其實在他們宣佈離婚前的幾個月，婚變傳聞已經滿天飛，包括喬妹沒有戴婚戒、突然刪除與宋仲基合照等，這些舉動已令網民有所懷疑…

宋慧喬無戴婚戒現身

而當時雙宋事務所最後稱不是事實，並否認兩人婚變。

宋仲基向首爾家事法院提交離婚調解申請書，法院一個月後進行調解。韓國傳媒今日報道，法院於香港時間早上9點進行不公開的調解，雙宋在法律上已正式離婚。

首爾家事法院成立雙宋的離婚調解，雙方協議的具體內容沒有公開。調解成立意指當事人對協議內容沒有異議，在法律上離婚生效，雙宋已正式解除夫妻關係。

宋慧喬經理人公司剛發聲明表示：「今天在首爾家事法院演員宋慧喬的離婚正式成立，雙方並未沒有贍養費、財產分配問題，正式完成離婚程序。」

(綜合報道)

【聞再生B耍手兼擰頭】鍾嘉欣：真係好辛苦！

2019-07-22

兩子子母嘅鍾嘉欣昨日出席《做你的晨曦》見面會，今次因行程問題，就未有帶同子女一齊返港，但就坦言不捨得一對仔女，仲大讚女兒會幫忙照顧兒子，非常生性。「她經常幫弟弟抹面，但唔知抹邊度。又經常喂弟弟食糊仔，弟弟食得很乾淨，真喺喂得好好，佢隻手好定。」仲話女女喺一個好自律嘅小朋友，可能似爸爸。話自己就比較貪玩，有少少好奇心，又有少少蠱惑，但爸爸就比較黑白分明咁話。