【喬妹38歲生日】混血姪仔超甜唱生日歌各地粉絲盡做送禮物！

2019-11-22

今年7月宣佈離婚後的宋慧喬，早前終於都迎來離婚後首個的生日，世界各地一眾的粉絲均以不同的方式與喬妹一同慶祝。

宋慧喬38歲生日雖然得自己一個過，但看到她在社交網上發文並配上了照片，只見她身材fit爆，穿上了綠色的連身小短裙，完美身段完全表露無遺，顯得相當之高興。

而各地的粉絲都有為喬妹以特別的方式祝賀，最近就有亞洲粉絲特地夾錢在紐約的時代廣場的大型屏幕買下了生日廣告，認真盛大！是為首位韓國女星在該處有生日應援的出現；

在中國，有粉絲在渭南市的特殊學校以宋慧喬的名義開設了愛心畫室，並邀請美術老師來教小朋友畫畫；

韓國粉絲則捐出100萬韓元(約6767港元)來救助小動物！

之後喬妹就在社交網上多謝世界各地的粉絲「多謝為我慶生的所有韓國及海外粉絲們，你們給我的愛，我們一直記住。」，其後又再上載了顏值滿分的可愛混血姪仔的生日歌短片，超級幸福！

(綜合報導)

更多報導：

【孫慧雪突收恐嚇電話恐嚇信：真係好過份可以點解決？】 https://bit.ly/35v0sg1

【點解走火警都唔叫我？】張栢芝帶住細仔去渡假酒店凌晨火燭好驚險 https://bit.ly/2rjG4PP

【誕B仔全記錄】蔡少芬產前產後張晉全直擊影片曝光 https://bit.ly/2rjc5I8

【同普通感冒一樣】李珊珊自爆患有「驚恐症」險死古天樂鄭秀文過來人身份表示支持 https://bit.ly/33bUJda

【大小姐生日又係林淑敏生日視帝現身到賀超驚喜】

2019-11-22

無綫大熱處境劇《愛‧回家之開心速遞》昨晚播出一集，講述大小姐龍力蓮生日將至，想起從前公司上下爭相為她賀壽的場面，可惜今年卻熱鬧不再。

送水輝知道女友不開心，遂邀請熊若水、熊樹仁等一班「尋寶圖」舊同事來為龍力蓮慶祝。龍家二房的Jenny知道後，想盡辦法阻止眾人出席龍力蓮的生日派對。

原來拍攝大小姐生日故事當天，剛巧也是林淑敏的生日。一眾演員拍攝之餘，也趁機為她慶祝，就連曾客串演出過《開心速遞》的歐陽震華也剛好在電視城，於是就一起為林淑敏慶祝生日。

林淑敏在社交網分享當日拍攝前後的花絮照片，留言︰「處景（境）劇組把握著（着）每一個生活橋段去構思每一集，不經不覺無間斷地來到七百多集。我有幸置身在這團隊，感恩！💕 林淑敏生日當天恰巧地拍上大小姐十一月的生日故事。我和大小姐是兩個截然不同的性格，竟溶（融）合在一起。感謝整個開心速遞的團隊賜予生命，豐富了我的靈魂。我感受到團隊係用一團火去完成每一集，只要能與觀眾互通，就係我們最大的回報。」

許家傑亦在社交網上載照片，留言︰「Happy birthday大小姐🎂，每年生日都困難重重，但不變既（嘅）係結尾一定開心！劇組仲搵 @liwaikin9670 畫左（咗）個大小姐人像而且非常美麗既（咗）蛋糕🎂。Ps 拍攝當日亦係淑敏正日生日，當然要慶祝一下﹗」

（綜合報道）

【同普通感冒一樣】李珊珊自爆患有「驚恐症」險死古天樂鄭秀文過來人身份表示支持

2019-11-22

已經淡出幕前7年的前港姐李珊珊，早前為精神健康基金會拍攝短攝短片，才終於亮出在螢幕前，並得到了多位藝人拍片表示支持。

曾經被傳過患有腦瘤及抑鬱症的李珊珊，終於都透過該片段爆出自己是受到情緒病的折磨而不得不離開；片段中的珊珊以默劇形式，手拿着紙牌逐張逐張慢慢地把真相揭示給觀眾；

「「我係李珊珊，I have a story to tell… 2017年，我身處醫院，當時因為種種原因，第⼀次出現非常激烈嘅病徵，發熱、標冷汗、全身冇力、呼吸困難，不停地掙扎，直至眼前⼀黑。嗰種令人窒息嘅感覺，我直頭覺得係瀕死邊緣。」；

「經過唔同嘅檢測，專科醫生都搵唔到病因。病徵持續出現，每日都徘徊地獄又折返人間，兜過唔才冤枉路，做過唔少測試，都係搵唔到病因。直至有⼀日……經轉介去見劉英傑醫生，我先知道個病係叫驚恐症。」；

「依家睇番轉頭，慶幸當初堅持搵病嘅根源，知道問題根源先可以搵啱解決方法。情緒病其實同普通病無分別，搵啱醫⽣食啱藥，病就⾃然會好。我選擇行出嚟同⼤家講我嘅故事，係希望有相同遭遇嘅朋友，又或者你身邊有相同遭遇嘅朋友，都可以分享佢哋嘅故事。」。

而對於珊珊此舉屬是非常勇敢，身為過來人的古天樂、鄭秀文就聯同其他藝人一起拍片表示支持，包括有甘比、林保怡、何超蓮、崔加寶等圈中好友，拍片為珊珊打氣，同時鼓勵同路人向身邊朋友說出自己的情緒問題，病向淺中醫，希望社會大眾不要歧視及標籤情緒病患者，要給予支持。

(綜合報導)

更多報導：

【點解走火警都唔叫我？】張栢芝帶住細仔去渡假酒店凌晨火燭好驚險 https://bit.ly/2rjG4PP

【誕B仔全記錄】蔡少芬產前產後張晉全直擊影片曝光 https://bit.ly/2rjc5I8

【由SHE變HE】陳柏宇囡囡Abigail去旅行比人叫做HE？網民就話「生得太英氣」

https://bit.ly/2OdkuWx

【咁樣做子女會愛你多一些】羅敏莊大談促進親子關係之大法：千其唔好收埋！https://bit.ly/2KJGbLL

【七月宣佈為百億男友佗第四胎】吳佩慈近照被網民質疑「無肚」 https://bit.ly/2qoEP21

【曾經差啲死】韓馬利患腦膜炎初癒終現身：一隻腳叉咗入鬼門關 https://bit.ly/37ltmke

【誕B仔全記錄】蔡少芬產前產後張晉全直擊影片曝光！

2019-11-22

現年46歲嘅蔡少芬（Ada）上周五（15日）順利誕下第三胎，仲孖實老公同三仔女晒全家福，一家五口笑容滿臉，幸福美滿！

原來當時老公張晉有為太太生仔vlog，記錄Ada到醫院待產到產後出院全過程，仲將片段放在社交網，與大家分享再次榮升爸爸的心情，並發文：「又一次見證母親對孩子偉大的愛。」而好友陳法蓉亦有轉發，更表示有部分鏡頭係她幫手做攝影師～

Vlog一開始就影住Ada到醫院待產時先沖涼，張晉貼心為老婆吹頭髮，而素顏上陣的Ada就直言緊張…

不過見她狀態極好，還搞笑地摑了有份現場見證的好友陳法蓉一巴，氣氛輕鬆。

Ada就講到三位小朋友都是提前出世，細仔張樂兒本是19號出世，但因為15日就宮縮只好立刻去醫院，瞓上產床上的她亦笑稱今次是最後一胎，公開宣佈封肚。

Ada入到產房後，產房外的張晉一直在等。及後Vlog就見到張樂兒出世，張晉還親手剪臍帶…

而產後的Ada依然精神十足，還好緊張自己生完之後塊面都爆晒瘡。

之後返到病房，Ada又表示覺得今次誕子好開心，半個鐘不到就結束，又狂讚自己年輕，而張晉則感嘆媽媽真偉大，每次見證一個生命的到來，感覺都非常奇妙…

最後就見到兩位家姐一起去醫院探望媽咪同弟弟，場面非常溫馨。

（綜合報道）

【點解走火警都唔叫我？】張栢芝帶住細仔去渡假酒店凌晨火燭好驚險

2019-11-22

三子之母張栢芝早前就帶上了細仔張禮承(Marcus)一同到外地渡假，不過就在凌晨時分在酒店發生了一件驚險事！

就在早前張栢芝在買早餐途中，就拍片放到社交網上大談此事，她透露說在凌晨時分時，她與Marcus都已經入睡，但突然聽到酒店傳來一陣英文廣播，並叫大家要走火警；

她指在警鐘和廣播底下，工人姐姐表現得相當驚慌：「我工人我最佩服佢，佢唔拍醒我喎，嗰吓好嘢喎！佢又震晒喎！」；而張栢芝自言當時她相當冷靜，一手抱起還在睡夢中的Marcus，一手拿起貴重物品，帶同工人姐姐一起走火警。

最後事情過了一小時，酒店才公佈安全，他們之後就回到房間中休息，不過令她還有一件相當不解的事情：「我諗住一陣問工人，（因為）我擘大眼嗰陣見到我工人起咗身嘅，點解你咁驚震晒都唔叫醒我呢？哈哈哈！呢個反而係我最想尋求嘅答案。」

(綜合報導)

更多報導：

【孫慧雪突收恐嚇電話收恐嚇信：真係好過份可以點解決？】 https://bit.ly/35v0sg1

【峰迴路轉】吳千語被指製造分手煙幕今被爆再搬入豪宅同居 https://bit.ly/37liGSG

【由SHE變HE】陳柏宇囡囡Abigail去旅行比人叫做HE？網民就話「生得太英氣」

https://bit.ly/2OdkuWx

【咁樣做子女會愛你多一些】羅敏莊大談促進親子關係之大法：千其唔好收埋！https://bit.ly/2KJGbLL

【七月宣佈為百億男友佗第四胎】吳佩慈近照被網民質疑「無肚」 https://bit.ly/2qoEP21

【曾經差啲死】韓馬利患腦膜炎初癒終現身：一隻腳叉咗入鬼門關 https://bit.ly/37ltmke

【孫慧雪突收恐嚇電話收恐嚇信：真係好過份可以點解決？】

2019-11-22

孫慧雪（阿雪）於16年與圈外有米男友Edwin結婚，她於17年8月更為對方生了兒子Riley，囝囝現已兩歲多，阿雪忙於湊仔，又忙於自己事業，所以打理成頭家當然少不了要有傭工幫輕家務。

阿雪昨晚在社交網發文，上載了一張財務公司追債信，原來她的工人姐姐突然辭工，表面話返鄉下，原來內情是避債為實。

「我工人姐姐突然請辭，話要返鄉下，我想請佢幫多幾日手都唔肯，喺佢一走咗之後，追債電話就打嚟，又收恐嚇信，即刻明晒點解對佢咁好都要走，我之前仲猛咁諗，係咪辛苦咗佢！佢之前話有困難，我哋仲借咗筆錢俾佢！唉！佢明知我哋屋企有小朋友都咁樣，真係好過份～可以點解決」。

阿雪的發文一出，不少網民都有留言表示曾遇過工人欠債走路，叫她主動去聯絡入境處備案，亦要通知財務公司此人已離職，而有網民問她工人是否僱傭中心請回來，她即吐苦水：「係呀！仲要interview嗰陣話肯照顧小朋友，請咗返來之後話唔會照顧小朋友！」

（綜合報道）

【曾經差啲死】韓馬利患腦膜炎初癒終現身：一隻腳叉咗入鬼門關

2019-11-22

早前，韓馬利今年8月因為突發腦膜炎而入院半個月，出院後便一直留在家中休養，其丈夫杜燕歌悉心照顧。

而韓馬利休息多時終於都首次現身出席活動，見其精神狀況都不錯，令人感到安心。

韓馬利則透露病情曾經一度很危險，醫生都坦言話她當時是「一隻腳踏進了鬼門關」；她說：「發燒了兩日未退，以為小事吃些成藥便可，但老公硬要帶我去睇醫生，檢查完即刻要我入院，途中已經『斷片』，模模糊糊，之後昏迷了個多星期。又不是好高燒，不知反應會那麼大，不醒人事了個多星期，朋友說我已經走運，有人腦膜炎昏迷三個月，亦有人手腳一年也不能郁動，所以大家別看輕發燒。」

她亦強調不要看輕發燒一事，不一小心便會像她一樣，原來病情可以發展得那麼嚴重。

她又指老公當時「嚇餐死」，還大爆結婚30年都未曾見過老公那麼緊張和細心，幸好本身自己有做開運動，所以康復得比較快，她又話：「「吃了三星期消炎藥，整個人散晒無力又冒汗，後期更有抑鬱，現在要吃血清素半年，避免翻發，另外亦吃中藥調理身體，現在腦筋比較遲緩，之前瘦了7kg，現在已增回5kg。」，叫大家不用太擔心。