影帝任達華近日到沙田出席主演電影《小Q》慈善首映禮，拍戲期間任達華已與布丁建立深厚的友誼，難怪布丁不斷向華仔「獻吻」，搞到任達華成面狗口水，場面搞笑〜他承諾布丁退休後，會爭取收養權，真係好有善心！
談到愛女任晴佳（Ella）近日為雜誌拍照大騷長腿，他開心表示：「佢身形比例似足媽咪，雙腳仲長過我，不過暫時我唔鼓勵佢拍戲，女仔捱更抵夜唔係咁好，屋企已經有一個我（拍戲）喇，亦私心希望佢多啲時間陪我。」真係好窩心理由！
他又表示愛女最好輕輕鬆鬆影靚相，為成長每個階段留有回憶便可，即使當模特兒行貓步他亦唔批准。談到Ella開通微博吸納粉絲，他表示：「好似係啩，不過呢幾日我忙緊，未有時間同佢傾偈。」任爸爸真係愛女心切〜
（on.cc）
容祖兒（Joey）和張敬軒早前推出搞笑短片《直擊秘竇Speed Dating 》，內容講述兩人唔想拍親熱戲而展開相親之旅。而昨日就釋出NG爆笑片，仲因為忘記台詞爆肚提緋聞男友關智斌，搞到軒仔NG.
劇情講述二人相親失敗，最終準備同對方拍親熱戲，軒仔擦定牙準備，Joey在NG片段中爆肚說：「喂，依家好難為你咩？你又唔係關智斌，你估我好想咩？我哋專業㗎嘛！快啲喇喇聲啦！」嚇到軒仔成口泡爭啲噴出黎，大叫：「對白都冇呢句，你講咩啫，對白都冇呢句嘅，導演！」又笑罵Joey「諗唔到對白，自己記唔到又關智斌」，令Joey 捧腹大笑。
鄭秀文（Sammi）前晚舉行第6場紅館演唱會，呢日佢請黎嘉賓鄭融。鄭融大讚Sammi嘅蜜桃臀。Sammi風趣回應：「得晒啦，23吋腰OK啦，都唔係好幼啫！」
隨後Sammi同鄭融合唱《紅綠燈》時感觸落淚，一度哽咽。佢回憶起自己患上抑鬱症時無助嘅日子。她對鄭融說：「你首歌喺我人生最低點時，陪伴我好多好多個夜晚。2007 年我有抑鬱，幾乎每晚困在睡房，當時未戒煙，都會點煙聽住呢首歌，聽到喊晒。」
佢指歌詞表達佐佢個幾年嘅心境，幫左佢好多，所以希望同鄭融一齊唱。《紅綠燈》的前奏響起時，Sammi已眼泛淚光，之後唱了一兩句更頻頻抹淚。
藝人胡杏兒出席商場活動，剛生完細仔Ryan坐完月的她尚未修身，透露距離目標體重尚欠10磅，奈何要同一時間照顧兩個兒子，根本分身不暇去修身，但睇落仲係咁FIT〜
談到Ryan情況，杏兒指：「佢好大食，我依家好似製奶機器咁，日日都要泵奶，不過都幫到快啲收身。」仲話Ryan「犀利過哥哥」，除咗生Ryan時好順利，唔使痛好耐，而且佢好鍾意食奶，一餓就嗌到全屋都聽到，真係乖仔！
問到大仔會否照顧Ryan？杏兒笑指大仔也喜歡弟弟，經常想錫及擁抱他，惟有時又突然呷醋推開弟弟，好可愛呀〜杏兒被問到有否計劃下一胎，坦言已有計劃！但話都要睇應唔應付到兩個先，先照顧好兩個小朋友先啦〜
（on.cc / Instagram）
最近張晉帶老婆蔡少芬及媽媽一同拍攝內地真人騷《我最愛的女人們》，在最新的一集中，咁啱喺張晉45歲生日。Ada就親自為老公炮製驚喜，就地取材，用山上嘅臭泥製作一個假蛋糕。
完成蛋糕後，中自編自導一場「大龍鳳」俾老公嘆。鍾麗緹與老公張倫碩假裝吵架繼而動武，張晉正準備勸交之際，先發現原來眾人喺為了幫佢慶生，相當驚喜。Ada除了識哄老公之外，仲識俘虜奶奶嘅心。喺蛋糕上面準備兩枝蠟燭講：「一枝是代表張晉生日，另一枝是代表媽媽（奶奶）當年今天辛苦了，幫我生了那麼好的兒子。」一家人樂也融融。張晉之後感性表示：「挺幸福的，其實我過生日特別怕麻煩到別人，若干年後我也會記得這個生日，因為有一大群朋友及親人幫我慶祝，真心感謝，這個生日很難忘。」
四位妻子喺節目中仲大玩「撒嬌教學遊戲」。Ada在鏡頭前用盡渾身解數向張晉撒嬌，以「扭、嗲、咀、擒」四式玩謝張晉。最後，Ada使出大招，在梳化上「生擒」張晉，令他終於妥協，起身準備去拿小食，而Ada還不忘拍他屁股大讚：「你的屁股很翹呀」，令張晉哭笑不得，笑言：「你神經病呀！你今天不是蔡少芬，快還我真正的Ada！」
黃澤鋒昨日到電台接受訪問，分享佢榮升父親嘅喜悅。講到只有十日大嘅囡囡，澤鋒笑言相貌每日都在變，因此每日都為愛囡影相作紀念。
問到太太身體情況，佢就話：「情緒變化不大，好彩佢夠奶餵BB，而開刀傷口會痛，我都叫她要多多休息。反而是自己賀爾蒙變了，好容易擔憂，教游水只有45分鐘休息都會回家見囡囡。」
黃澤鋒又指太太會全職湊女，因為自覺年紀與女兒有差距，希望爭取時間相處，不希望假手於人。提到太太陳麗麗是高齡產婦，曾表示想再生一胎，佢說：「醫生幫太太檢查過子宮都話可以再生，但今次過程好驚險，之後再考慮。」
藝人麥長青（麥包）出席有關道路安全活動時，提到日前駕車行經將軍澳時，遇上不負責任司機，他說：「我側邊架車，突然喺我車頭Cut線，仲連過兩條，完全冇減速冇打燈，我夾喺中間，我另一邊有車，真係好危險，好彩冇事，過咗後我回頭望一望嗰架不負責任嘅車，個女司機係低住頭揸，視線唔係向前。」
麥包自認是「老司機」，駕駛經驗豐富，但都要留意實際的路面情況，因此他建議大家駕車時，不要盡信GPS，他說：「特別有啲老人家過馬路行得比較慢，我唔會理後面啲車，我會等老人家慢慢過，話之後面啲車呠啦！老人家你呠佢心急會嚇親。」真是一個有禮貌的好司機，如果每位驚駛者也如此有善就好！
（on.cc）
由英國市場調查機構舉行嘅全球聲望最高人物排行榜公布結果，男性組別藝人成龍僅次微軟始創人蓋茨以及美國前總統奧巴馬排第三。
而女性組別上年排第一的安祖蓮娜祖莉（Angelina Jolie）微跌兩位排第三，美國前第一夫人米歇爾及美國名嘴女星奧普拉（Oprah Winfrey）分別排一、二位。
男性組別最出人意表算是上年入榜的碧咸（David Beckham）和米高佐敦（Michael Jordan）跌出頭20名，由兩位印度男星沙魯克汗（Shahrukh Khan）及Salman Khan頂上。
女性組別上年趙薇和劉亦菲榜上有名，但今年均未見影，內地藝人楊冪則成功上榜排20。
是次調查研究訪問了全球41個國家、近4.2萬人，總結所有數據後得出全球聲望最高人物的名次，除全球外亦包含不同地區的排名。
在香港組別，周潤發以大比數勝出榮登男性組別榜首。
藝人張景淳被爆與呂慧儀睇戲，有指事件令「正印」菊梓喬（Hana）不滿，二人更於社交平台上互相取消關注，有報導指張景淳同Hana曾於大圍某日本餐廳拍拖撐枱腳，即惹起「一腳踏兩船」之嫌！
而早前張景淳出入寓所時亦顯得避忌，張景淳接受訪問時佢表示：「上個月冇（同Hana見面），我哋好耐先見一次聚吓。」問到係咪一腳踏兩船？佢就指：「從未試過，對產生事端而猜測嘅報道唔想再回應。（你哋係咪取消關注對方IG？）係一件好小嘅事，好似我同沈震軒咁好朋友，大家都係取消咗關注，我嗰期想睇啲咩就會關注啲咩。（咁你同Hana仲係朋友？）一直都係好朋友。」
至於呂慧儀就表示：「呢啲事又唔關我事，我唔回應喇。」
（on.cc）
內地男星黃寶強和前妻子馬蓉離婚曾鬧到滿城風雨，王寶強亦疑似有新歡馮清。
馬蓉沈靜了一段時間後，最近在ig攻擊馮清，上載多張對方的照片，還寫到：「還以為你的新女友有多清純，原來也不過如此，我得叫兒子少和她說話，盡量遠離，免得私下教壞了兒子。」
相隔幾日，馬蓉再留言：「你娶誰都雨我冇瓜（與我冇關），關心的只有兒子。」
