洪卓立上年底宣佈與拍拖11年的湯怡分手，好多人都戥這段感情結束可惜，不過情況可能有轉機了！
湯怡自從分手後，曾經被指戀上陳家樂及figure王蘇卓航（Eric So）胞弟，不過都只聞樓梯響。
湯怡單身生活就貼出好多旅行相、運動相、小朋友相及狗仔相！
立立下月在旺角舉行「回到最愛的那天」演唱會，除了演唱會名令人遐想，湯怡亦有在IG Story替前度宣傳，非常貼心！
湯怡在IG替洪卓立宣傳演唱會，莫非是復合前奏？
立立要為演唱會做準備，亦要宣傳新歌《鬚根》，新歌MV中有一幕剃鬚流血有特別含義，隱喻人會經歷傷心事，但都要勇敢向前行，往事其實都只是微不足道的過眼雲煙。
立立亦有到商台宣傳新歌，他透露演唱會銷情理想。
對於舊愛湯怡在IG story上載他的演唱會海報幫手宣傳，問到是否很感動？立立說：「係開心嘅，佢有戲上映，我都會幫佢宣傳。」
立立多謝前度幫手，但唔會刻意請對方睇騷，但會大包圍請公司同事睇。
佢之後就拉開話題，指關智斌都有幫佢post：「所以我留言I Love You。（湯怡是否同一句留言？）不是，我留了thank you。」立立又表示會邀請湯怡來看演唱會，但不會上台，因為嘉賓另有其人。
(綜合報道)
