最近《白色強人》熱播，劇中馬國明同唐詩詠呢Pair大受歡迎，唔少網民都希望佢哋喺現實中快啲一齊。
呢對「哎吔兄妹」首度合演夫妻
仲有錫錫戲！
日前更一齊開Live~
網民都忍唔住留言：「馬明同詩詠夫妻相襯到絕」，「假如真實生活能看馬國明跟唐詩詠走在一起就很棒了」最到肉的一句:「 馬明，最好的已在你身邊，唐詩詠，你倆真的很登對」。
呢日馬國明、唐詩詠及黃翠如為綜藝節目《Do姐有問題》擔任嘉賓。
提到觀眾期望馬國明及詩詠成為真實情侶，問翠如是否願意做兩人的媒人？
身為詩詠好姊妹的翠如笑言：「佢哋兩個好襯，我知道佢哋欠啲乜，係欠一個約會，一陣收工我會約佢哋食飯，佢哋都可以一起去聽蕭正楠同曹永廉嘅演唱會，佢哋會喺台上面祝福你哋兩個。總之佢開心我就開心。」
之後詩詠笑指知道她跟馬國明欠甚麼：「我哋係欠錢，大家可以搵我哋情侶檔登台同拍家庭用品、情侶用品嘅廣告。」
笑得超甜！
最近馬國明與詩詠最近頻頻情侶檔示人，馬國明笑言今次的拍檔其實是黃智雯：「原本我對呢個遊戲冇信心，但見到對手係翠如就放心喇，翠如咁大膽同Do姐（鄭裕玲）撞衫，佢一定會整死你。」
其後翠如又爆料指馬國明與詩詠都有意旅行，她建議二人同行，詩詠坦言：「我哋搞緊一個鐵馬（《鐵馬尋橋》）家族旅行！（大家都一雙一對，你哋湊一對同房？）馬國明好有錢，可以負擔兩間房！」
(綜合報道)
