TVB大熱處境劇《愛‧回家之開心速遞》中，「龔水CP」堪稱是網民最愛看的熒幕情侶，一直深受觀衆喜愛。不知道網民是否入戲太深，大多人希望這對熒幕情侶戯假情真，變成真的一對。
今日就有傳媒報道，呂慧儀和張景淳被拍到一同睇戲，睇戲後兩人更一同食消夜。
兩人被目擊一同在數碼港戲院看真人版《阿拉丁》，離開戲院後，由張景淳駕車，兩人由數碼港駛往西環消夜，但不少餐廳已經關門，兩人幾乎走勻整個港島，最後在旺角買魚蛋燒賣等小食，返回呂慧儀在屯門的寓所。
報道又稱，記者在寓所外守候三小時，仍未見張景淳離開。
不過呂慧儀其後否認與張景淳拍拖，她稱傳媒只是入戲太深，又指寶貝仔小蟹籽才是自己的情人。
(綜合報道)
現年50歲的伊能靜與前夫庾澄慶所生的兒子庾翰睿（小哈利）今年17歲，即將高中畢業，身為媽媽的伊能靜在網上大表感慨，終於等到兒子長大，要珍惜這個夏天。
照片中伊能靜和兒子穿上同色系母子裝，喝著相同的椰青。見到伊能靜依然青春，而兒子雖然遮上了眼睛，仍看得出帥氣的輪廓。
伊能靜還寫道：最后一个高校的夏天，既骄傲又感伤的妈妈。终于等到你长大，那时候你在许愿树上系上白色纸条，写我要妈妈每天在家陪我。那时候我在想什么时候等到你长大，我们可以像朋友、姐弟去全世界行走。就好像我现在到哪里，都好希望有米粒同行。转眼，17岁的少年。珍惜这个夏天，送走那个曾经黏着我不放的你，以后是妈妈抓着你的衣角，说，“走慢点。”了
內地藝人楊冪身形一向纖瘦，一對又長又白的「筷子腿」讓人羨慕不已。不過如此好身材也要靠後天努力的，運動和飲食一點也不能少。
呢日佢就在社交平台分享自己的餐單和自己的運動照。只見著住運動衫嘅楊冪展現出零贅肉身材，令網友大叫：「太瘦了吧！」又話平時已經覺得佢好瘦，點知佢着緊身衫就顯得更瘦。
另外佢又分享到佢嘅午餐和晚餐。午餐只有7粒水餃，晚餐就有薯仔、牛油果、烚蛋、粟米、生菜同番茄仔整成嘅沙律。
但佢就留言：「中午這樣吃，晚上這樣吃，會胖嗎？」令粉絲紛紛留言話佢對自己太嚴格，亦有網友話會試吓跟佢食呢個餐單，睇下係咪真係擁有楊冪咁嘅身形！
對於係吃貨嘅小編來講，真係mission impossible。
藝人盧海鵬、游學修及盧巧音等，昨日一齊宣傳ViuTV新劇《仇老爺爺》。戲中盧海鵬與游學修扮演兩爺孫，產生不少摩擦，然而戲外二人同樣試過擦出「火花」，盧海鵬自爆進劇不久，自己試過「拍枱唔撈」：「辛苦冇所謂，但起初唔慣，唔知佢哋想拍乜。試過瞓醒幾覺都未埋到位，20集點知拍到幾時？命都冇咁耐啦！嗰時我都未戒煙，食咗六十幾年，依家連煙都戒埋。」
在旁的游學修說：「嗰時啱啱開咗工幾日，有日因為食完飯轉場景，打燈打得慢少少，鵬哥瞓咗一陣又以為自己瞓咗好耐，起身就好嬲。（點收科？）咪即刻roll機囉，我叫副導演去氹佢，好彩跟住嗰場戲係講我同佢鬧大交，好配合到情緒。」
對於游學修這位「孫仔」，盧海鵬表示：「佢今次做埋導演係辛苦嘅，總之鬧吓、溝通吓咁囉，試咪一定有。」他有笑言入行數十載，擔正男主角很有壓力：「唔擔正理佢死啦。」
談到難忘事，盧海鵬最難忘的事情就是拍外景去足整個星期，除了靚景外就沒有其他，游學修又補充：「鵬哥連巴士都唔搭，我租咗架車代步，佢跟住我去飛車，好犀利。」
(綜合報道 / on.cc)
韓國男團 Big Bang 31歲成員 T.O.P 於2017年2月9日以義警身份入伍，無諗到期間爆出吸大麻嘅負面新聞，形象一落千丈。
2018年初佢轉以公益兵身份繼續完成兵役，前日係佢最後一日喺龍山工藝館返工，於晚上6點正式退伍。
T.O.P 所服兵役嘅單位表示：「T.O.P 本人擔心會給公益館的訪客帶來不便，希望安靜的退伍。因此當天不會安排特別的活動。」YG 娛樂都表示 T.O.P 將會安靜咁返屋企。
但無諗到越逼近佢離開嘅時間，有越嚟越多粉絲守喺門外等候。
T.O.P 唔想令粉絲失望，最後請粉絲集中喺一個地方，同在場每一個等待他嘅粉絲握手道謝，更不斷鞠躬感謝粉絲嘅支持。
見到偶像咁樣嘅舉動，粉絲一邊尖叫一邊落淚，場面真係温馨！
T.O.P 喺 Instagram 上載同粉絲握手見面嘅照片，並用英文承諾會反省自我，誠意十足。
自從女兒出世後，藝人楊洛婷多次飛甩樂隊Dear Jane主音老公黃天翱（Tim），與女兒親子旅行，但最近終於有機會到西班牙享受二人世界。途中驚喜加驚嚇，真係夠曬刺激！
這次是楊洛婷首次出遊到西班牙，而Tim就曾到此一遊，認為太太會喜歡當地：「我覺得當地色彩繽紛，而且都幾浪漫。我哋好耐冇二人世界，反而帶囡囡去過三次加拿大。今次計劃得好匆忙，只係去6日，去咗巴塞隆拿一個城巿，不過好Relax，主要係去玩同見識吓！」
雖然只係短短幾日，但當中驚喜驚嚇重重。上機當日正是楊洛婷的生日，航空公司十分識做，升級兩人乘坐商務客位，令他倆非常驚喜，在機上舒舒服服睡足十小時，落機便把握時間去玩。
不過在當地參觀時卻發生小插曲，楊洛婷險被小偷「光顧」，幸好她及時發現：「我從來未遇過小偷，今次都係第一次！嗰個景點好多人，估唔到當地扒手好猖獗，當時孭住個小手袋，突然發現有人拉開拉鏈，佢見到我發現咗就即時縮手，跟住扮冇事咁繼續喺附近行！我即刻將件事話畀當地導遊知，佢就幫我報警，最後拉咗個小偷。」她笑言其實身上現金不多，根本沒錢可偷：「我哋好趕，出發前冇暢錢，去到當地機場喺櫃員機攞咗100歐元出嚟，無論食、搭的士或者買嘢都係用信用卡，最後仲用剩咗10歐元。」
楊洛婷認為西班牙很值得一遊，當地的建築富有特色，食物又美味，相較歐洲其他國家，沒有高高在上的感覺，比較貼地。她在巴塞隆拿參觀了當地著名建築師高第（Antoni Gaudi）的多個經典建築，包括興建了130多年仍未竣工的聖家大教堂（Sagrada Familia），坦言嘆為觀止：「真係起咗好耐，我聽講話2026年會起完。呢個教堂好出名，好多人排隊，但如果想排快啲，不妨畀多少少錢買貴飛排快隊。」此外，還有米拉之家（Casa Mila）與奎爾公園（Park Guell）等，也是高第的名作。
西班牙的海鮮享負盛名，嗜吃海鮮的兩夫婦今次大快朵頤，楊洛婷踢爆老公在旅程最後一日已經頂唔順：「佢話想食亞洲嘢，但我好想臨走再食多一次西班牙海鮮飯，搞到佢食到嘔。我哋又去咗La Boqueria Market買蠔食，即開即食，好食鮮！單係嗰個巿場就去咗三次喇。」
楊洛婷呢個生日trip都夠曬繽紛，下次出遊都要小心點呀！
（oncc)
向來顧家的好爸爸吳尊一向愛錫一對仔女Neinei同Max，轉眼間Neinei已經8歲。
吳家有女初長成，呢日Neinei就同一班好友在芭蕾舞學校留宿聚會。向來錫個女錫到燶嘅吳尊就相當不捨同擔心，仲自爆失眠：Nei Nei的第一次，跟朋友在芭蕾舞学校留宿聚會，我今晚應該擔心睡不着了。晚安啦我的小寶貝。
見到Neinei同一班朋友帶齊遊戲，相當開心。
不少網民還留言叫吳尊要慢慢學識放手！
早年在節目爸爸去哪兒的節目中，Neinei仲喺離唔開爸爸的。估唔到咁快就係爸爸離不開女兒了。
陳倩揚與老公陳浩然結婚9年，育有2子1女。去年七月誕下8磅小千金陳希桐（Aurella），一家五口幸福美滿~
時間轉眼就過，昨日陳倩揚與老公為寶貝女開Party慶祝一歲生日，多位圈中好友包括陳敏之、林盛斌等帶同子女到賀，非常熱鬧。
Aurella穿著白色裙仔，紥起辮仔好可愛。蛋糕色彩繽紛，Aurella眼定定望實。
倩揚事後接受訪問說：「好開心一班好友出席，大人同小朋友都玩得好開心。」
「（Aurella習慣大場面？）佢見到餐廳啲布置已經好開心，又玩波同公仔，完全唔怕陌生，我兩個仔仔羲廷、羲穎一早幫妹妹扮靚，又抱住妹妹一齊玩，佢完全冇驚，加上個餐廳主題嘅插畫好繽紛，全部人置身其中都好開心。」
(綜合報道)
早前胡杏兒網上公佈二仔李奕霖出世的喜訊，一家四口的牽手照樂也融融，幸福爆棚。
而好姊妹姚子羚就去探杏兒同契仔，仲喺網上甫出同杏兒大仔Brendan嘅自拍。
照片中子羚用APP幫Brandon化妝扮靚靚，再加上卡通人物的頭箍扮可愛，兩人齊齊嘟嘴，可愛到爆。
Brandon仲被加上眼影同眼線，艷麗非常，難怪杏兒都留言話：Eyeliner(眼線)😅。睇黎杏兒都被自己個「女兒」嚇親。
而子羚就搞笑回覆：「u can try to help him makeup 🤣（你可以試吓幫佢化妝！）」。實情要玩壞Brandon咁話。
藝人蔡少芬和張晉日前宣布成功懷上了三胎…
蔡少芬曾在訪談節目透露很想為張晉再生一個兒子，反而張晉則心疼蔡少芬，稱有兩個女兒足矣。
一直是廿四孝好爸爸和好兒子的張晉，更是一位好老公！
這天佗住B的蔡少芬深夜想吃榴槤，其實已經46歲的她已算是超高齡產婦，而作為高齡產婦深夜吃榴槤這種高熱量高糖分的水果，就有引起妊娠糖尿病的風險。此時惹起不少網民擔心她的健康狀況….
不過大肚婆最大，既然想吃榴槤，24孝老公張晉也只好去買，蔡少芬即時吃了不少，更吃得乾乾淨淨呢！
（綜合報道）
