藝人關智斌（Kenny）晚上現身旺角，出席英皇電影《墮落花》煞科宴。近日工作繁忙的他有點疲態，他說：「尋晚拍完廣告，今朝06再開工，同黃宗澤及吳卓羲拍新劇，一收工就趕過嚟，只係瞓咗兩粒鐘咋。」
問到他是否正式回歸香港娛樂圈？他笑謂：「我沒說過離開香港娛樂圈，只是去內地發展了4、5年，之前返港擔任張敬軒演唱會嘉賓，估不到大家還記得我，之後工作就接踵而來，電影、電視劇和廣告，估唔到會有第二春。」
台上演出經驗豐富的他，談到9月14日與舊拍擋張致恆於紅館開個唱，他形容自己相當緊張：「暫定1場先。而收到消息嗰日，我咁啱搭飛機飛去巴黎時裝周，全程都好亢奮，遲啲我哋就會開始綵排，就會成日見面。」
首次和品牌邀請出席巴黎時裝周的他，覺得自己眼界大開：「話晒我唔係潮人，今次用咗啲有限英文同啲設計師溝通，佢哋好好，知道個開演唱會，話會贊助我服飾。（贊助埋張致恆？）唔會留咗佢嘅。（叫佢積極減肥？）我冇呢個能力，要交畀你地（記者）喇。」
(綜合報道)
賭王何鴻燊四房24嵗公子何猷君今午宣佈已婚，東網聯絡身在日本的四太梁安琪，問到她仔仔猷君已領證結婚。
四太衝口而出：「唔係嘛，咁老土㗎！（冇話畀你知？）我以為佢之前搞掂咗，算啦，呢啲嘢佢哋自己搞，唔好煩我。」
傳媒再問四太新抱奚夢瑤是否有喜，她回答：「呢樣要問佢（猷君）。（咁你對上一次幾時見奚夢瑤？）成日見。」四太坦言不覺得她肚凸凸。
提到早前四房長女何超盈過大禮，四太大手筆送十億豪宅，今次阿仔結婚，會送甚麼大禮？
四太謂：「未正式做嘢，稍後要過大禮，我都唔會手軟嘅。」
姐姐何超盈現時佗豬女，記者又問四太是否希望新抱奚夢瑤佗B仔，她回答：「呢啲嘢冇得講，要睇佢哋造化，我唔會畀壓力，總之愈多愈好。」
(綜合報道 / on.cc)
賭王何鴻燊四房兒子24嵗何猷君（Mario）今年五月喺上海同拍拖一年多、比自己大六年的30嵗國際超模女友奚夢瑤求婚成功，當時佢創意十足，用99,999朵玫瑰將母親梁安琪旗下商場打造成夢幻童話王國，成為一時佳話。
今日Mario同奚夢瑤不約而於微博宣佈領證結婚，除有正經合照外，仲有老婆奚夢瑤後從擁抱老公嘅相…
何家新抱奚夢瑤留言：「右邊這個人真有眼光。」而Mario則冧爆奚夢瑤話：「左邊這個人才有眼光。」網民都讚兩人好登對，Sweet到爆~
二人穿上白色恤衫，在指定的紅底背景下合照，二人齊齊雙手拼出「心心」圖案。恭喜恭喜！
(綜合報道 / weibo)
陳展鵬與太太單文柔日前為寶貝女「小豬比」（Quinta）舉行百日宴。
展鵬今日在社交網分享當天的原圖靚相，「小豬比」超得意！
展鵬留言：「合家100日照，感謝大家祝福。」
當天除了黃建東外，黎諾懿夫婦和袁偉豪等亦有出席「小豬比」百日宴，展鵬抱住B女和他們合照，相中「小豬比」吮手指，十分「滋味」。
(綜合報道)
家燕姐：「2017年到而家2019年，真係唔捨得！頭先綵排唱最後一首歌，敏之同我講有啲眼濕濕，我話我都係，所以我驚一陣唱歌會忍唔住喊。」
藝人薛家燕現身將軍澳電視城為最後一次錄影《流行經典50年》，而該節目將由胡楓（修哥）接棒主持，兩人即場進行交棒儀式，工作人員亦貼心送上蛋糕歡送家燕姐。
對於離開主持兩年的節目，她直呼不捨：「2017年到依家2019年，真係唔捨得！頭先綵排唱最後一首歌，敏之同我講有啲眼濕濕，我話我都係，所以我驚一陣唱歌會忍唔住喊。」
她多謝大家一直以來支持：「好多謝觀眾支持，亦好多謝Michael（黎小田），希望佢盡快返嚟一齊做節目，呢段時間畀佢休息，同時我又抖抖。我好多謝修哥接棒，公司見我哋有合作，佢之前做我演唱會嘉賓，希望大家繼續支持。」
「（修哥話你做太好令佢有壓力！）唔好話佢有壓力，我每星期做都有壓力，所以先要放鬆。其實我未休息過，為個演唱會都瘦咗幾磅！」
她更透露將會到外地旅行鬆一鬆：我個女幫我安排5日旅行。（去邊拍拖？）拍拖就唔講邊度啦！」
家燕姐又被問到會否趁旅行秘婚，她回答：「唔會，結婚就無謂啦，年紀都咁大，拍拖就可以，畀自己一啲甜蜜。」
（綜合報道 / on.cc）
韓星宋仲基與宋慧喬因合作神劇《太陽的後裔》而譜出姊弟戀，前年10月底舉行世紀婚禮。
至年初屢傳婚變，上周四更突然宣布正進行離婚協調，結束一年零八個月的婚姻。
雖然喬妹在聲明中透露雙方因未能克服性格差異而分開，但外界依然深信婚變另有內情，更惹起各方揣測，而宋父身邊人士透露宋仲基申請離婚調停前未有知會家人，令宋父大受打擊而足不出戶。
至於宋仲基的哥哥更即時在IG取消關注喬妹，並刪除對方相關帖文及照片。
而曾學習中文的宋仲基哥哥，之後更在IG限時動態寫下中文字「以掌蔽天」，疑暗指有人隻手遮天，未知是否與喬妹有關，因而再度惹起網民的議論紛紛。
(綜合報道/on.cc)
藝人陳琪於2009年與胡諾言拉埋天窗，婚後分別喺2009年誕下大女胡芷苓、2012年誕下二女胡芷悠及2016誕下細仔胡澔錕，一家五口非常幸福。
陳琪不時都會喺社交網分享湊仔女日常點滴，既溫馨又搞笑！
近年佢就轉型做KOL，更會喺社交網分享湊小朋友嘅心得。
陳琪表示三位小朋友都係擇時辰出世，但就冇要求佢哋飛黃騰達，擇時辰只希望佢哋可以健康快樂成長，她說：「我覺得有個快樂嘅人生係好重要，希望我哋做爸爸媽媽可以帶畀佢哋一個快樂嘅童年。」
陳琪話最緊要畀子女享受童年，唔會喺功課上面給予大壓力畀仔女，真係一個好媽媽！
而仔女都好生性，就好似大女胡芷苓之前用自己零用錢買頸鏈畀媽媽，好愛媽咪陳琪！
而細仔胡澔錕（Jayden）就幫手做家務。
相中見Jayden拎住一支高過佢成個身位嘅地拖係度左抹右抹，地下又抹吓、櫃底又抹下，睇嚟應該係畀媽咪訓練得多！
相當錫住媽咪
二女胡芷悠（Jacey）都一樣咁乖巧。
Jacey全程拖實Jayden，仲非常細心體貼，幫手餵細佬食麵，果然係個好家姐。
真係教得好好啊～
(綜合報道)
楊潮凱入行10年，早前宣布離開TVB，外闖後瓣數多多，其中一樣是推出處男寫真集《Go With The Flow》。
最近和好友鍾嘉欣參與TVB遊戲節目《娛樂大家》
由知道要拍寫真，到前往檳城拍攝，前後只有23日，但年初他要增肥拍攝劇集《法證先鋒IV》，要在這麼短時間減磅，壓力大之餘，身體適應亦是一大問題。「我當時的身體狀態是完全不適合進行拍攝，我很驚影出來的效果未如理想，但我深信這個是天父給我的一個鍛煉。」
數月前播出的《鐡探》飾演奸角，不論角色和形象都非常搶戲，令很多觀衆對楊潮凱留下頗深印象。
《鐡探》江正龍與女友陸蔚喬，大家一定記得吧！
離巢後這段日子，楊潮凱形容自己搏老命，進行地獄式減肥，戒油、戒鹽、戒糖，體重由170磅減到144磅，他承認仍未是身體最Fit的狀態，但自己已經盡力，問心無愧。
在檳城逗留了短短六日，楊潮凱跟攝影團隊由不相識逐漸變成好友，拍攝時更笑料不斷，可見整個拍攝過程頗爲愉快！
楊潮凱說此書不會以賣弄肌肉為主，亦坦言與團隊合作順利和愉快。有可能因爲全男班合作，所以拍性感照時完全不覺得尷尬。
囡囡Catharine一定會支持爸爸啊！
(綜合報道 / ig)
藝人朱千雪日前宣布與跟她拍拖5年的青梅竹馬醫生男友吳昆倫（Justin）結婚，他們已入紙註冊，早前還遠赴愛爾蘭影婚照。
有指她婚後會移居新加坡，並於當地生BB。
更把香港手上多個物業放出，勁賺二千多萬。
早前有報道指朱千雪19歲時她獲父親幫忙成功上車，有7個物業在手，近年朱千雪已售出4個物業，並套現逾3000萬元，她目前仍有兩個物業及一個柴灣工廈單位。
對此，朱千雪接受東網訪問時表示：「多謝大家咁睇得起我，但係我冇本事有咁多層樓，更加冇本事可以放咁多層樓套現，其實嗰啲單位係屋企人嘅正常投資，都唔係近日嘅交易，所以大家唔使諗多，我仲要不停做嘢，自己儲錢買一層樓。同埋我暫時好多時間都會兩邊飛，之後嘅嘢之後先算。」
(綜合報道)
日前舉行完巡迴演唱會尾站的林峯，早前被傳與女友張馨月好事近，更會在今年內結婚。。。
但男主角回應時指：「我講咗以後唔講感情，總之呢啲嘢順其自然，人生階段嘅嘢……總之多謝大家關心，我真係唔分享喇。」
拒提還拒提，但林峯與張馨月不時行孖咇，女方日前去捧男友場睇騷。
今次更與男友一起去與林峯堂妹林夏薇慶祝生日！
林夏薇上月30日32歲生日，林峯一開完騷即約堂妹食飯慶祝，林夏薇昨晚在社交網貼相並留言說：「這大哥一忙完，就馬上送上第八個生日蛋糕！同法式大餐！夠意思。」
相中除了有林夏薇捧着生日蛋糕許願的照片外，更有多張張馨月與壽星女的合照！
其中一幅更是張馨月與林夏薇嘟嘴扮咀嘴的照片，看來張馨月與林夏薇相當熟稔，而且感情要好。
她們又一起用手指擺愛心，情如姊妹。
睇嚟張馨月已經融入家中，隨時升呢做峯嫂！
(IG/apple daily)
