人與人之間嘅緣分好奇妙，能夠做到相知嘅好朋友真係好難得！
好似前港姐朱千雪（Tracy）同岑杏賢（Jennifer）就係好例子，日前千雪趁住生日宣布同拍拖5年嘅醫生男友Justin結婚，將會成為人妻，作為好姊妹嘅Jennifer當然一早知道，亦戥Tracy好開心啦。
Jennifer喺網上上載二人手拖手合照，並以英文寫下同Tracy嘅友誼之情！
「從前有一對女孩叫Jen同Trace，佢哋喺2012年相識亦好快成為好友，有一日Trace公主同Justin王子訂婚，而Trace偷偷地話畀Jen知，仲話希望第時可以一齊成為媽媽入埋同一間醫院，一齊同我哋嘅小朋友慶祝，而我哋嘅下一代都可以成為好朋友，希望我哋將來老咗，仲係一齊食tea。」
非常感人！
而Tracy亦留言：「為了送我們結婚禮物，她特登飛了去愛爾蘭為我們拍照。七年前一起參加香港小姐後我們第一次出trip. 今次這輯照片非常有意義，由最好的朋友親自操刀，令愛情和友誼都添加了一份美好的回憶tea。」
一班粉絲都話睇完眼濕濕，仲話人生有好姊妹相伴支持，係最快樂嘅事呀！
(on.cc)
女神朱千雪昨趁31歲生日時，宣布與拍拖5年的青梅竹馬醫生男友吳昆倫（Justin）結婚，即將成為人妻的她未嫁時前先做孝順女親親媽媽。
今日約一時許，身穿花花衫的千雪做司機載一身貴婦打扮的媽媽，由寓所出發到灣仔潮州酒家飲茶食晏，甫落車，千雪媽媽快人一步一支箭般往酒樓方面行，而囡囡千雪看見傳媒出現，表現大方，笑容滿面受訪。
問她辦好嫁妝未？她話：「未呀。（係咪雙喜臨門有咗BB？）唔係呀，我仲咁瘦！（未來老公會唔會陪未來岳母飲茶呀？）佢唔嚟呀。」
而千雪媽媽見囡囡忙受訪，就折返陪愛女，還大方應邀合照，兩母女心情都同樣靚爆。
兩人約3時半飲完茶離開，因為由冷氣地方走到戶外，千雪媽媽的眼鏡即時起霧，合照時非常搞笑！問到婚禮點搞？千雪說：「所有嘢都仲Plan緊。（唔會喺香港擺酒？）睇吓點啦，未諗到咁遠。（有日子未？）未有，plan緊，之前入紙咋嘛！我哋之後會喺律師樓簽字，簡單處理。」
當記者再追問千雪男友點樣求婚？她一臉甜笑地說：「總之有誠意啦！唔講咁多！（有冇喊？）冇喊，但緊張，我唔知唔識反應，但開心。」千雪更晒出手上的求婚戒，閃到爆！
接受完記者訪問後往取車離開，她先在銅鑼灣放低媽咪，然後獨自駕車返回小西灣寓所。
(on.cc)
45歲的蔡少芬跟老公張晉已有兩女，但昨日他們開心公佈家中將再添新成員（相關新聞：https://bit.ly/2XCkgO7），蔡少芬意外下再陀第三胎，她不介意做高齡孕婦追多個，組織五口之家。
蔡少芬和張晉即將做第三任爸媽，但最近原來一家「六」口，連同張晉媽咪，三代同堂到了台北旅行，而張晉主演的新戲《九龍不敗》亦即將於台灣上映。
有讀者黃先生今日透過《蘋果》的「爆相爆片」，分享了昨晚在台北士林夜巿拍到蔡少芬夫婦帶着一對女兒及張晉媽咪遊夜巿享家庭樂的短片，亦是蔡少芬宣佈有孕後首度露面，片中看到蔡少芬和張晉都便服打扮，同時都戴上口罩，她傍實兩女兒，而揹上背囊的張晉殿後拍片兼護駕，十分細心。
蔡少芬穿上綠色背心，把小手袋掛在胸前，側身見到腰部圓潤有孕味，他們應在夜巿都有收穫，見到兩小女孩蹦蹦跳好開心走在前面。
而蔡少芬手上都拿了一個紙袋，她都有拖着女兒，當走到檔口買飲品，雖然戴了口罩，還是被檔主認出，反而途人卻未有指點。
黃先生今日接受電話訪問時說：「噚晚10點幾，我喺士林夜巿見到蔡少芬同老公，仲有兩個囡囡，一個老人家同行，應該係蔡少芬嘅奶奶。佢哋喺度買飲品，老闆娘認得佢，我仲聽到老闆娘同蔡少芬講：『多謝你光臨台灣』，老公張晉全程拎住cam影相，蔡少芬未見肚。」
(apple daily)
在亞洲各地擁有不少粉絲的韓國神劇《太陽的後裔》的宋仲基和宋慧喬前日宣佈協議離婚，結束1年8個月的婚姻。
雙宋離婚原因有不少謠言，當中包括有第三者介入、生B出現分歧，同時亦有指喬妹和宋仲基家人不和等，而《Channel A》昨晚更報道，宋仲基提出離婚前並沒有通知喬妹，更希望盡快完成離婚手續，同時又暗示如喬妹講大話將公開一切(相關新聞：https://bit.ly/2KLaOSA)，即時引來更多揣測。
而昨日微博更突然瘋傳一張雙宋的合照，當中上載照片的網民指照片是來自宋仲基父親手機，喬妹疑似在去年9月仍然為宋仲基慶祝生日。
據了解去年宋仲基9月生日，雙宋就返回宋仲基大田老家與家人一齊慶祝，兩人更親密地拍下合照，照片中可見喬妹拿着紅酒樽展示甜美笑容，而宋仲基就挨近老婆。從二人的髮型可見，當時喬妹應該正拍攝緊《男朋友》，而宋仲基則是束有微曲髮。
由於之前有韓媒指兩人早於去年9月分居，亦有人指是今年5月才分居，如果照片屬實，那麼雙宋去年感情仍未出現問題，估計兩人到今年才正式出現問題。
相關新聞：
【傳雙宋離婚係因為男方出軌 宋仲基經理人公司再發聲明】http://bit.ly/320gFc4
(apple daily)
內地藝人范冰冰同李晨拍拖四年，一向鍾意放閃晒甜蜜，早前突然宣布分手，消息除咗震驚一班網民之外，更加令粉絲們戥佢哋傷感！
不過事實似乎唔係咁，李晨嘅態度輕鬆瀟洒完全同悲傷拉唔上關係，唔通佢哋嘅分手有內情？
自從「晨冰」宣布分手後，佢哋即刻成為焦點人物，呢日有網民喺社交網甫相話見到回復單身嘅李晨，身穿格仔恤衫戴住黑超喺街頭現身。
心情大好仲同人揮手，點睇都唔似啱啱分手。
行去上車時，佢沿途不停跳跳紮，仲將兩隻手伸開好似細路仔扮飛機飛，完全察覺唔到佢啱啱受完情傷。
(on.cc)
太陽娛樂老闆周焯華（洗米華）的正印太太陳慧玲在澳門除了搞生意，還有在港澳兩地做慈善，她是仁愛堂副主席，而在澳門就搞了一個君慧慈善會，擔任會長一職。
昨晚，洗米嫂出席此會的慈善晚宴，她的家人包括老爺、媽媽、繼子周柏豪，以及與洗米華所生的兩名女兒周梓潼、周羨潼等都有出席撐場，同場還有住在澳門、黃心穎的家姐黃心妙，洗米嫂更身穿黑色性感開衩晚裝裙，大騷「黃金右腳」。
洗米嫂除了做搞手，更上台做表演嘉賓，並找來陳山聰與她合唱，細女更上台獻花。
而周柏豪在IG放了大合照。
但未見洗米華
之後，周柏豪再於IG限時動態上載視頻，影着兩個妹妹的食相，又有周梓潼負責彈琴，他負責唱歌的短片，兩兄妹揀了電影《A Star is born》（星夢情深）中，Lady GaGa與Bradley Cooper合唱的《Shallow》一曲，周柏豪相當有表演慾，一人分飾了男女聲，扮完女聲後，再唱男聲，周梓潼見到阿哥唱得誇張，亦大笑起來。
(apple daily)
藝人龔嘉欣近日忙於拍攝無綫新劇《大醬園》。
她先在社交網發文，表示已經連續數天出現耳水不平衡的情況，問題日漸變得嚴重更出現耳鳴，拍攝時又忘了帶藥開工，回家後即出現嘔吐，並指翌日又要如常開工，直言演員不易做。
但表示這十多來都是這樣捱過去，沒有東西會難倒她。
因耳水不平衡需要入院休息。
言猶在耳，未幾她在社交網上載了一張醫院病房內的相片，並留言：「結果都係要嚟，耳水不平衡嘅問題比之前更加嚴重，尤其是耳鳴同頭暈，呢幾日可能真係瞓得比較少，所以都出現嘔嘅情況，我已經盡量喺拍攝嘅時候，冇表現出嚟，亦都唔想大家擔心我，放心就快拍完，幫我加吓油，就得㗎啦，頂得住。」
好友陳凱琳都留言：「God bless babe」至於張繼聰則留言︰「Take care」作安慰。
(on.cc)
葉璇、溫碧霞（Irene）與丈夫何祖光、岑潔儀一家等，昨晚於金鐘出席微笑行動慈善晚宴，葉璇跟Irene均為支持微笑行動主席趙曾學韞，齊來幫助有需要的小孩，Irene更捐出80本寫真作慈善義賣。
久未在港露面的葉璇大爆趙太是她的恩人與伯樂，皆因趙太是99年葉璇參選國際中華小姐的評審之一，她說：「其實我係因為佢先可以入行，當年我選國際中華小姐，佢係評判，直至幾年前有次喺機場佢見到我，所以我哋就相遇番，佢係我嘅恩人同伯樂，有咗佢個票先令我人生改變咗，所以嗰次之後就會參加佢嘅活動。」
葉璇現時長駐北京，主要拍劇、拍電影及演話劇，問到可會有機會在香港幕前演出？她說：「睇機會，因為我哋都醞釀緊一個純香港嘅劇本，投資咗寫緊，希望盡快，因為香港影視培養咗我，我對香港感情都深。」
至於她的感情生活？她笑說：「都係咁，呢幾年都穩定。」問到她與男友小默有好消息了嗎？她說：「結婚？我唔覺得結婚先係好消息，有人同你相愛先至重要，可以做個伴，結唔結婚唔重要，如果要等呢個好消息，你哋要等好耐，我唔係唔想，而係大家真心相愛就唔需要結婚。」
問到她會為生小孩而結婚嗎？葉璇說：「我幾年前已經喺外國雪卵，呢個已經係保險，唔使擔心，而家享受二人世界先，小朋友應該係喺伴侶之後，唔會排喺老公之前。」
另外提到之前跟男友舊愛打官司，期間有跟小默分手的傳聞，葉璇澄清說：「好多傳聞，係亂講，我唔會講呢個人，有人主要目的係宣傳，佢有舖頭賣嘢，再講對佢都唔公平，因為佢有自己嘅實力。」
問到這事會否影響跟小默的感情？葉璇堅定說：「唔會有負面影響，只會係正面影響，大家更加珍惜彼此，我都同情嗰個女仔。」
(綜合報道)
陳凱琳（Grace）孖老公鄭嘉穎及囝囝鄭承悅（Rafael），一家三口出埠慶祝她的28歲生日。
連日嚟Grace都同大家些牙咗唔少搞笑又Sweet嘅旅行片段(相關新聞：https://bit.ly/2RrYvuX)，之前鄭嘉穎扮收埋仔仔令到唔少網民都話好好笑！
陳凱琳呢日就喺社交網分享兩母子在沙灘的溫馨合照，大騷自己美腿。
而Rafael就騷肥美的豬腳仔，當然嘉穎就負責影相，Grace亦留言大讚影得好，令她一對美腿影出來比實際長得多。
陳凱琳留言話：「When your hubby knows how to make your legs look much longer than they actually are Well done sir, well done.」
Grace呢個生日一定過得好開心！
(綜合報道)
韓國神劇《太陽的後裔》宋仲基和宋慧喬前日宣佈離婚，當中喬妹的聲明中提及與宋仲基因性格不合而分開。
不過外界對二人離婚有不少揣測，當中更有傳有第三者介入，亦有指因為二人對生B有分歧而不歡而散。
而根據韓媒《Channel A》報道，原來雙宋離婚是宋仲基一方決定，事前更沒有通知女方，報道指宋仲基在遞交離婚資料前一刻亦沒有告知喬妹，到遞交資料後才於第二日通知女方，亦沒有要求贍養費，只求盡快解決離婚程序，決心要離婚。
根據宋仲基方面的相關人士透露宋仲基的做法是具有警告喬妹的意思，提醒喬妹：「如果散佈結婚生活和離婚原因等謊言，我可以公開一切。」
而兩人的離婚程序最快在1個月後有結果。
相關新聞：
【傳雙宋離婚係因為男方出軌 宋仲基經理人公司再發聲明】http://bit.ly/320gFc4
(apple daily)
