藝人洪欣早前同丈夫張丹峰發生「出軌風波」，仲有指仔仔張鎬濂企喺媽咪嗰邊，所以刪除微博上所有同張丹峰嘅合照。
不過事後佢已經作出否認，而事後亦有指張丹峰耍冧成功，兩公婆和好如初。
今日父親節，張鎬濂就趁機上載一家四口合照，仲留言話：「我和父親的獨家記憶，每一次重要的舞台，都有家人在身邊。」
相中張丹峰抱實囡囡，企中間嘅張鎬濂左右手搭住企兩邊嘅父母，四人都笑笑口，足見一家人情未變！
(on.cc)
【鍾嘉欣PO囡囡小手】連大台藝人都忍唔住⋯
昨日特首林鄭月娥宣佈暫緩《逃犯條例》修訂，但拒撤回，並將6月12日的示威定性為「暴動」，不少人都擔心學生及傷者。晚上一名穿黃色雨衣的男子帶同寫上「全面撤回送中，我們不是暴動，釋放學生傷者，林鄭下台，no extradition to China」的白色橫額，最終，林鄭仍未下台，該名男子已不幸墮樓身亡。
大家都感到傷痛，連「被滅聲」的大台藝人吳若希、胡鴻鈞、何雁詩、唐詩詠、林子善、陳瀅等也紛紛將頭像轉黑白，或貼燭光及白色鮮花相作悼念。
相關新聞：【多位藝人悼墮樓死者 壽星容祖兒：失眠夜】https://bit.ly/2Ztoi8U
向來敢言的馮盈盈在IG留言：「It’s 4am.I cannot sleep.So sad.Anyone same with me？#無心睡眠#遇上問題#積極找同伴傾訴開解#有人跟我一樣今晚都睡不着嗎？#YouAreNotAlone#黑夜終會過去#黎明即將來臨#堅持到天亮#Real#Insomnia#Patient」。
而前無綫藝員鍾嘉欣(Linda)雖然已定居加拿大，但亦關心香港事，借囡囡的小手來祈禱，寫着：「Our prayers are with you.」
她續說﹕「I pray you’ll be our eyes.And watch us where we go.And help us to be wise.In times when we don’t know.Let this be our prayer.As we go our way.Lead us to a place.Guide us with your Grace.To a place where we’ll be safe.Let this be our prayer.Let this be our prayer.」
而前無綫主播陳嘉倩亦表示心情好沉重：「今夜，很沉重。你的心意都聽到了，這個我生我長的地方定會更好的。願安息，RIP#沒有沉默的理由#一個也再不能少。」
(apple daily)
【見到爸爸喊住講擔心自己】何雁詩：嗰刻我就提自己要開始好起嚟
又到父親節，重視家庭節日的何雁詩因要到新加坡打高爾夫球比賽，所以已提前跟爸爸慶祝，她坦言以前都會買禮物，但近年就請爸爸食飯多，問何爸爸最難忘父親節？她在旁笑說：「大鑊喇！考起佢！」何父笑言最緊要一家人齊齊整整：「佢有時畫張卡，有時話爭住先，爭爭吓就唔記得咗。」
一家三口Golf情
何爸爸在阿詩六歲時開始培養她打Golf，這項運動已變成「何家的活動」，更是一門三傑，問到球技最叻是誰？阿詩指住爸爸笑說：「一定唔係佢。」兩父女即場爆料：「媽媽最叻，佢最近贏咗個比賽。」但何媽媽怕醜拒上鏡，八年前阿詩曾代表香港打亞運，去年強勢復出的她在香港女子業餘錦標賽封后，她說：「爹哋一直想我喺高爾夫球方面有啲成績，唔想我打咗咁多年嘥咗佢。」何爸爸說：「我個女何雁詩都唔差㗎，佢用功咁多年，好難打得咁高水準，依家再努力啲，希望佢可以有機會打奧運㗎」
重拾球桿望女兒明
她坦言當然想打奧運，但距離這個目標仲有好遠的路，她說：「首先要打番個信心返嚟先，呢排好多亞洲區比賽打，希望一個比一個打得好，打Golf冇年齡限制，睇我爸爸今年70歲仲打到，老虎活士同廿幾歲嘅鬥，今年仲贏咗大滿貫。」她自揭去年重拾球桿，因為當時她自覺思想好負面，身邊好似好黑暗，就回憶生命中覺得最正面的一刻，她就諗到高爾夫球，最令到她好激勵：「同娛樂圈唔同，打Golf高爾夫球只要你努力、調整好心態同身體狀況，你成績好就會贏，但娛樂圈唔係你唱得好演得好就得，會有其他因素影響，當時我想寧靜番個心態，就去打番golf。」
早年她患過情緒病，何爸爸坦言非常擔心：「做父母梗擔心，我哋得一粒女，惟有放低晒所有嘢睇住個女先，有時我哋都畀到壓力佢，父母梗係望子成龍，希望佢樣樣表現得出色啲，叫佢唱歌唱好啲，搵老師去學吓啦，又會話你孭住香港旗代表出去打波，咁講又會有壓力。」阿詩承認父親對她要求很高，但自細已慣了這模式生活，她反而覺得壓力來自對自己期望都好高，她說：「好記得爹哋講，你一係唔好打，一打就要打到最好，所以我希望樣樣都做到最好。」
男兒有淚不輕彈
阿詩最深刻是有次心情低落，她中學同學到家中陪伴她，爸爸突然走入房喊住說：「老竇得你一粒女，我真係好擔心你。」當時她就跟住喊，她說：「點解我咁大感覺，因為爹哋好少喊，佢好少喺人哋面前表露佢嘅情緒，嗰刻我就提自己要開始好起嚟。」
未來女婿好乖仔
她與鄭俊弘（Fred）拍拖兩年，曾經有傳何父不喜歡Fred，何爸爸親口否認，他表示過去對女兒交友沒有任何意見，他笑說：「因為我都唔知佢嚟真定嚟假，我點可以處理、加以評論呢，到佢哋話真係拍拖，我就擘大對眼睇吓，呢個男仔都幾好，又唔多聲氣，好尊重老人家，我覺得佢幾孝順，我覺得呢個男仔相當好嘅。」阿詩笑言早就放心了，因為父親與男友認識後，她覺得爹哋鍾意Fred多過自己：「佢哋好多嘢傾，傾得好投契，兩個口水佬。」問何父有跟Fred打高爾夫球？他笑說：「好多人練得唔好就忟，嗰啲人脾氣可能麻麻地，但我未見過佢練得唔好會忟。」他表示不會催女兒結婚：「我都好遲結婚。」阿詩笑言將來有小朋友，她最想由爹哋教個孫打波。
(on.cc)
【多位藝人悼墮樓死者】壽星容祖兒：失眠夜
繼6月9日103萬人上街反送中及連日在金鐘的示威後，行政長官林鄭月娥昨午終於會見傳媒，宣佈暫緩修例，然而，卻未見能平息民憤，昨日，一位反對修例的男子在金鐘太古廣場的臨時平台掛上標語橫額，要求全面撤回送中及林鄭下台。
最終，林鄭仍未下台，該名男子卻已墮樓身亡。
政治問題對藝人來說一向都是不便回應的問題，需知道某國人的玻璃心一觸即碎，連在社交網站like一張相片，都需要被清算。不過在良心面前，要說的總要說出來。
今日38歲生日的Joey在IG寫上「失眠夜」三個字，除此之外，昨晚起陸續有多位藝人於社交平台貼出純黑畫面或以其他圖片，暗示或明示地為墮樓死者致哀，當中包括有鄭秀文、楊千嬅、阿Sa、鄧麗欣、關智斌、張繼聰、陳家樂、鍾嘉欣、顏卓靈、馮盈盈、陳瀅、李靜儀Heidi@SuperGirls、蝦頭楊詩敏、903DJ麥濠麟Colin、填詞人黃偉文、沙律張沛樂等。
相關新聞：【鍾嘉欣PO囡囡小手 連大台藝人都忍唔住⋯】https://bit.ly/2KTTvhl
而鄧麗欣就寫上「就算只剩一點燭光 黑暗裡都能看見光明 願⋯」
另外，亦有藝人公開呼籲大家今日要上街，為自己表達訴求，小儀於IG貼出一堆《反斗奇兵》的玩偶並寫上「佢哋都話要出嚟」。
至於ViuTV女神李蔓瑩亦寫道：「請記住，去，都不是玩的。最重要是保護自己。」
而卓韻芝則貼上一幅「全面撤回送中，釋放學生傷者，林鄭下台，help Hong Kong」的相片。
(綜合報道/apple daily)
【被爆WhatsApp對話截圖】楊明見示威者挖磚頭片段：成班癲X咗
因港府強推「逃犯條例」而引發民怨，近日在香港上演第二次雨傘革命，警方出動催淚彈、橡膠子彈、布袋彈等具殺傷力武器驅趕示威者，造成多人受傷，其後特首林鄭月娥將示威定性為暴亂。
前港男梁裕恆(Flow)在IG貼了三張WhatsApp截圖，當中見到一名電話簡稱叫「M.Y」的人，看到一段有示威者挖磚頭影片後說：「佢老味成班癲X咗」，有人擔心又一次64，不久便有人陸續離開群組，M.Y再留言：「嘩，走兩件。」並附以4個笑到喊表情圖案。
Flow稱M.Y是大明星，明白藝人為保飯碗不表態很易理解，但斥示威者「癲X咗」好過份，他寫道：「想不到他們的憤怒會換成大明星的嘲笑。」
早前撐黃心穎是「受害人」，被指有心抽水。
網民即估M.Y是誰？有人心水清估是楊明（Ming Yeung），而Flow刪剩的電話號碼頭4個數字亦與楊明電話號碼一模一樣。記者今日致電Flow，他承認M.Y是楊明，而他所上載的對話截圖並不連貫，記者嘗試向Flow了解，他承認大前日（13日）先有人轉載示威者挖磚頭報道，直至翌日（14日）才有5位TVB員工相繼離開群組。
Flow透露群組是拍無綫劇《機場特警》時開設，除楊明外，還有蔡思貝、張振朗、湯洛雯等人，加埋幕後有數十人。
Flow說：「佢冇指明痴（黐）X咗係邊個，但上段片係關於示威者掟磚，直覺都係話緊佢哋。知道有啲人唔敢走（退group)，走咪表咗態囉。」
楊明被問到是否真有其事？他短訊回覆：「沒有回應。」
(綜合報道/apple daily)
【仲有四個月就…】準新娘JM驚到想喊：我心都跌出嚟喇
時捷集團有限公司主席、仁濟醫院前主席嚴玉麟的女兒嚴紀雯（Carmen）昨天於灣仔設婚宴，身為伴娘的文詠珊（JM）全程伴在好友Carmen身邊，笑容燦爛，很替老友開心。
JM今年4月宣佈將於10月與富三代筍盤吳啟楠（Carl）在意大利舉行豪華婚禮。
被問到婚禮進展，她表示：「冇Update呀，我心都跌出嚟喇，驚到都想喊！因為意大利嗰邊好慢，連我嘅婚紗都未draft出嚟，真係好驚！因為自己都係一個好detail嘅人嚟，所以都好無奈，相信件事出到嚟係靚，但可能冇自己想像中咁完美。」
問到到場是否順道取經？JM說：「其實呢個都係我嘅心血，因為個婚禮對Carmen係好重要嘅，咁我作為佢嘅好朋友，都有畀意見，一齊去開會，呢個係我哋嘅心血。」問到有何祝福？JM說：「想佢快啲生多幾個小寶貝，畀我做契媽；希望佢老公日日幫佢搲痕，因為Carmen好鍾意搲痕嘅。我覺得佢好幸福，其實我都好鍾意搲痕，但係一講出口呢，佢（未婚夫）就一早瞓咗喇，可能佢太攰。（叫佢臨瞓前幫你搲囉？）唔work㗎。」
提到JM與未婚夫像老夫老妻一樣，JM說：「係呀，我哋一齊都5年，佢都有第二樣嘢好好嘅，希望嚟緊10月個婚禮都順利啦，姊妹團都係啲圈內嘅朋友，都有Carmen份。」
(apple daily)
【被囡囡溶化】陳豪：聽到都好開心
藝人陳豪日前帶同媽媽到壁屋懲教所，出席父親節活動「等一家人的咖啡」，探望年輕在囚人士分享沖調咖啡的技巧。
提到父親節，陳豪稱要留待老婆陳茵媺安排，但女兒的一句說話已溶化他！
「前幾晚返屋企錫吓個女，個女醒咗話Daddy我整緊張卡畀你呀，聽到都好開心。一路都教仔女要做啲嘢表達心意，無論整得靚唔靚都一樣咁開心，最緊要係心意。」
陳豪表示第一次到監獄探訪，故專程帶同熱心善事的媽媽同行，對於學員所沖的咖啡讚不絶口，認為沖得很用心：「佢哋只係學咗兩個月，成績好好，最緊要係對咖啡有心同有興趣。」
(on.cc)
【原來係假分手！？】吳千語被爆明年尾結婚
現年25歲的藝人吳千語與林峯分手後被指與身家逾百億的施伯雄拍拖，但早前她突然表示單身。。。
暗示與男方甩拖的她，前晚與數名男女友人於九龍城開餐，當中有松岡李那舊愛Philip，戴上鴨舌帽的千語心情大靚，席上與友人邊食邊傾，及至約十一時埋單離開。
Philip與千語前後腳步出，見他們不時保持距離沒甚交流，不過當與友人道別後，千語即極速上了身旁一部過百萬港元的名車，Philip見狀亦急急腳上了司機位，雙雙直駛往何文田的豪宅，逗留至深夜仍未見他們離開。
而Philip所駕駛的名車，根據車輛登記資料顯示，持有人是施伯雄家族的公司擁有，三角關係可謂撲朔迷離，此外亦有指千語與施伯雄只是假分手，並計劃明年尾結婚。
(on.cc)
【預產期有變】何超盈挺巨肚做姊妹：BB女係比其他BB女嘅size大咗⋯
賭王何鴻燊四房女兒何超盈雖然腹大便便，但仍不怕辛苦出席好友嚴紀雯（Carmen）的婚宴，並擔任姐妹團之一，親身見證對方的人生大事。
獨自接受訪問的超盈，指未婚夫辛奇隆也有到場。
更笑言：「今日Carmen大晒，佢叫我做咩就做咩！Carmen係我好朋友，所以辛苦啲都要嚟見證。佢都好sweet，特登訂造條裙畀我，預我都好大條，因為我個肚好巨型。（佢要摸你肚沾你嘅旺氣？）呢個婚禮我點都要嚟睇。」
穿上紗裙現身的超盈，談起佗女經時說為人母親真的不易，期間兩度被問到增磅多少，她未有透露數字，只說醫生指是正常。她說：「第一次佗BB，真係唔知道原來係咁辛苦，依家長期都覺得好攰，已經冇返工。（你增磅幾多？）醫生話我係正常，BB女係比其他BB女嘅size大咗兩個星期。媽咪都好緊張，我都有做body check同量血壓。未做媽咪前，我係唔識呢啲嘢，依家識咗好多。」
她透露預產期本來是九月，但現在有變，她說：「預產期喺八月底，會喺香港開刀生，已請晒陪月同埋買晒嘢準備，由媽咪一手包辦。」兩位好友即Carmen及Moiselle太子爺陳栢熹分別是「大契媽」及「大契爺」。
早前過大禮時排場奢華兼金銀珠寶堆如山，成為全城熱話，而當日以「皇后look」上陣的她說：「當日我着嘅係特登訂造嘅中國傳統服飾，係我煲劇時見到嗰件衫，個wedding planner都同我講一生人一次，所以都叫我試吓咁着。」
對於父親何鴻燊送上價值五億元的豪宅別墅作嫁妝，她說：「依家咩都畀晒BB，嗰間屋係新屋。（BB房裝修未？）未可以裝修住，依家大緊肚，媽咪喺呢方面好迷信，話生完先搞。」她續說BB女的名字暫未有頭緒外，她表示婚禮將會在葡萄牙舉行，「香港就應該唔會啦，之前做咗過大禮儀式，有宴請家人。」故未必在港搞婚宴。
(綜合報道/on.cc)
【宣布做爸爸！？】側田：阿女，Daddy對你唔住
歌手側田昨晚假紅館舉行《側田My Beautiful Curse演唱會2019》尾場。
一班好兄弟撐場。
唱到《幸福止痛》前，側田被問到「最後一刻想打給誰？」繼而他手執電話說：「阿女，Daddy對你唔住，冇陪你長大、保護你，但我係一世最愛係你。」
側田獻唱《我不是好人》中段時，他不禁哭起來，要用衫袖抹淚。當唱出《情永落》前，他自爆要多謝第一個飛起他的女友，不然的話他都不會開始作曲：「當時受咗重傷，失去咗瞓身愛人嘅軟件，但容易受傷係福氣，唔使太擔心。」最後側田Encore兩次演唱會正式結束。
用衫袖抹眼淚
完成一連兩場紅館騷的側田騷後受訪，他表示好滿足：「籌備咗成年、幻想咗好耐，終於成事！要多謝好多人、好多個腦免費幫手，大家好齊心，要珍惜呢個合作，以後做事都要保持呢種態度。（點樣報答團隊？）在心中就得，我哋唔講錢，個Project出到嚟好就足夠，等我老咗睇番原來我做過呢啲。」
講到演唱會期間致電給「阿女」，問到幾時生咗「阿女」以及「她」是否有到現場？側田聞言先飲啖香檳定驚，然後說：「佢有嚟睇，好少帶佢出街，低調啲好，都係唔好講呢啲，我準備好就會公開講。」簡直語出驚人！
話畢他又改口風話：「其實嗰Part係一個比喻，劇情嚟，我好認真咁諗呢段深情嘢，但講咗出嚟啲觀眾笑，我一『喂』，佢哋又『喂』，都有畀佢哋塞咗少少，咁我都唔係專業演員，從來都未演過，所以都係一個突破。」
邊句先係真？
隨即他宣傳會舉行3場巡演，目的地為中山、廣州及悉尼，又希望演唱會去到更多地方，問到是否會帶同棺材走Tour？側田表示未必每個國家都接受，或會作出更改：「帶鞦韆去，開心啲。其實一開始因為要瞓棺材，都有收利是，不過自己覺得只係一個藝術嘅表達，所以冇諗唔好意頭嘅嘢。」