藝人余德丞出席活動，提到他有份拍的節目《如果這樣生活》將播出，他稱拍攝的一集，是到日本偏僻的小島取景3日，坐了3小時車，再搭3小時船才去到，感受到日本寧靜的一面 。
因每集藝人都分享一件感動經歷，他謂：「我都有嘅，亦有講番昏迷件事，都有講到喊。（會唔會特別叫阿媽睇？）其實媽咪有跟埋我去拍嘅，不論我開心唔開心嘅嘢，媽咪都會關心。有人話喊係咪假㗎？我可以講唔係，嗰刻係真情流露出嚟。」
他近日忙於拍攝《娛樂大家》和《香港原味道》，他開心表示《娛》因反應好而添食。
問到和汪明荃（阿姐）合作了一段時間，是否已少了點壓力？他坦言：「咁真係冇咁驚，開頭係怯怯哋嘅，但相處耐咗，阿姐都好鍾意問我哋依家興啲乜嘢，玩啲乜，好似之前興影BB相。（你有教阿姐？）會講佢聽興咩，邊啲靚呀咁囉。」
(on.cc)
「愛妻號」的張衞健同太太張茜結婚多年，一直非常恩愛。
近日兩公婆一齊上內地綜藝節目《熟悉的味道》，最新一集講到張衞健為老婆送上連串驚喜！當日張衞健落手落腳煮牛扒畀張茜食，佢話因為太太第一次煮嘢畀佢食，就係寫牛扒，而對方烹調嘅牛扒仲令佢刻骨銘心！
事關當時張茜煮到塊牛扒全黑色，咬落仲似橡筋，不過佢都照單全收食晒，係愛呀！而今次因為張衞健煮嘅牛扒望落太美味，所以張茜一見到就懷疑係咪老公親手煮，雖然張衞健言之鑿鑿話：「當然是我做的啦！」
但就唔小心做咗斗雞眼，令張茜識穿佢講大話，仲大爆老公一講大話就會斗雞眼，認真搞笑！
食飽飽，張衞健繼續送驚喜，今次就係一個佢親自設計嘅頭紗。
佢解釋因為當年結婚時經濟條件比較緊張，張茜為咗唔增加佢嘅負擔，好貼心咁自己喺網上買咗二手婚紗，令佢相當感動同時一直記喺心入面，所以就整咗呢個咁有意義嘅頭紗。
張衞健為老婆戴上頭紗之後，仲重演婚禮上跳舞一幕，Sweet到暈！佢其後仲話：「我覺得我們是一對老夫老妻，但是還是可以一直在談戀愛的。」
真係閃到觀眾盲喇！
藝人利嘉兒（Lily）出席慈善晚宴活動，佢自爆最近被8個月大嘅囡囡劉書雅（Karyssa）搞到一頭煙：
「囡囡出世以嚟一直都好乖，點知踏入八個月就突然性情大變，變得好有主見、好有性格，無論做咩都Say No，沖涼換衫全部都扭計，最慘係有時要同佢鬥力，佢人仔細細其實好大力，我又怕整傷佢，所以每次都好攰，呢排好似癲咗咁，冇諗過咁快就反叛期。」
她續指囡囡最近有不少第一次：「佢已經識自己飲水、攞零食，仲識得嗌爸爸媽媽，雖然係好冧，但就慘啦，因為佢乜嘢都嗌媽媽，之前我仲可以交畀傭人幫手，依家就真係行唔開。（老公有冇幫手？）佢係豬隊友，因為囡囡要乜佢都話好，但我就想嚴厲啲，雖然呢胎得來不易，有時會不由自主咁縱佢，但最基本都希望佢有良好嘅品格。」
至於講到升學，她表示希望囡囡在快樂中成長，不想畀太多壓力，所以尚未安排任何面試。
去年3月被捕獲拍拖，隨後公開認愛，之後時不時都會晒恩愛。不過年初傳出二人分手消息，他們當時未有回應事件。。。
景甜今晨在微博寫上：「感恩曾經相遇，願今後一切安好。」疑似宣布與張繼科分手。
其工作人員接受內地媒體訪問時確認分手消息，表示「感謝大家關心，想說的她微博都說了。」
其實中國乒球國手張繼科早前已換掉與景甜的情侶頭像，並向粉絲表示不過情人節，而他暫未就分手事件發表回應。
(on.cc)
姚子羚（Elaine）最近真是很頭痕，早前因前男友Raymond而捲入四角關係，近日又有報道指她與閨密龔嘉欣（Katy）反面！
姚子羚與龔嘉欣一直好老友，2014年曾一同租住將軍澳的屋苑，翌年又搬到同區村屋，還一齊收養一隻被遺棄的唐狗「通仔」，現在已由Elaine負責照顧。
但自從Elaine於2015年與富家闊少鄭子邦（的士邦）拍拖，兼搬到男友位於赤柱的紅山半島豪宅同居後，Elaine與Katy這對閨蜜的關係便開始起了變化。指Katy會將是非當人情，爆Elaine與的士邦拍拖好甜蜜，而Elaine身邊人亦多次提醒要小心，盡量不將感情事告知對方。
而Katy亦曾跟友人說過遭Elaine責怪，叮囑她不要對外亂說話，之後再有傳媒提問有關Elaine的感情事，Katy都不敢多講。
有指自從Katy與Elaine沒有再一齊住之後，即各自組閨蜜圈子，分別是Elaine的「胡說八道會」以及Katy的「少婦聯盟」，兩人的聯絡少之又少，更甚在電視城碰面亦沒有打招呼。
不過，Elaine和Katy接受傳媒訪問時均否認，Katy更斥報道失實:「無中生有，冇啲咁嘅事 一路都係好好朋友，亦都好支持佢。」Elaine則說:「冇啲咁嘅事！我哋仲係好朋友，之前我首飾品牌推出，嘉欣都幫我戴去出活動支持！」
而事實上，Katy和Elaine在去年2月還一齊去沖繩旅行，當時Elaine應剛與鄭子邦分手，應是療傷之旅；而日前Katy還親自試戴Elaine設計的吊飾耳環，貼在IG為對方做免費宣傳，看來姊妹情未變，難怪兩位當時人要立即澄清。
(apple daily)
台灣藝人吳奇隆同內地女星劉詩詩結婚後，今年四月生埋個B仔變一家三口！
佢哋好保護囝囝，一直冇公開個樣之餘，就連名字都係保密～
呢一日囝囝個名終於曝光，DJ Vani話同吳奇隆飯敍，睇到B仔嘅相大讚可愛。
佢留言話：「初次見到他兒子『步步』的照片，沒想到我會感動得哭了出來！」
仲話兩父子超似樣，完全就係小奇隆，相信長大之後步步一定好靚仔。
吳奇隆同劉詩詩合作劇集《步步驚心》後撻着，跟住戲假情真拍拖結婚生埋B，呢套劇絕對係佢哋嘅定情作，囝囝個名用定情作嚟做紀念，睇唔出吳奇隆份人平時咁低調，原來都可以好浪漫！
(on.cc)
藝人李旻芳同男友黃耀英感情穩定，李旻芳昨日喺做緊《東張西望》直播時宣布訂婚消息！
佢話：「我要結婚喇，求婚過程好Sweet！有兩隻愛犬陪住，又有我鍾意嘅音樂，最後我哋兩個攬埋一齊跳舞，多謝你黃耀英！」
正式封盤，真係恭喜晒！
李旻芳嘅好拍檔區永權都送上祝賀，佢晒出同李旻芳嘅合照，並留言：「我今晚嘅呢位拍檔，喺節目度正式宣布已經訂婚，將做人妻，恭喜恭喜！」區永權仲喺節目上祝佢百頭到老，永結同心呀！
準新娘李旻芳回覆東網，佢爆男友求咗三次婚先成功：「係呀！尋晚求咗婚，但好好笑，因為佢求咗三次先成功！！第一次佢緊張得滯，蒙住咗我對眼，忘記叫我除眼罩，好蝦碌！第二次佢又停咗個音樂，到第三次先圓滿，我哋有狗狗陪伴住進行，一齊跳咗隻舞，好開心！」佢仲話婚禮定咗喺今年11月5日。
(on.cc)
歌手許廷鏗到科學園，為自己有份配音的電影《樣衰衰奇兵》宣傳，席間與一眾小朋友將自己收藏的毛公仔捐出作慈善用途。今次他除與好友鄭欣宜參與配音工作外，他還負責演唱主題曲，由於曲風走輕快路線，與以往作品大相逕庭，他大感好玩。
談到配音難忘事，許廷鏗謂：「其實6、7年前都參與過配音工作，嗰時有配音界資深前輩指點，不過今次相隔得太耐。同欣宜一齊配音有默契，不過佢似乎投入得滯，因配音時我跟稿講，要話佢樣衰，點知事後我打畀佢，佢竟然好大聲咁鬧番我，話我做乜寸佢樣衰，仲要留喺樂壇，佢真係諗多咗啦，哈哈。」
話雖如此，欣宜有讚他表現「合格以上」，問到許廷鏗會否考慮有聲演變成幕前演出，他說：「有呀，其實入行咁耐我都冇乜拍過嘢，自己都想演喜劇。（最想同邊位演員合作？）葉德嫻，我知道如果要同佢合作到，起碼要努力10年，不過係自己嘅心願。」
(on.cc)
「台灣第一名模」林志玲日前突然宣佈閃婚，下嫁日本天團EXILE成員AKIRA，呢個喜訊震驚一眾粉絲同網民！
不過相信收到消息最大打擊嘅，都係曾經被熱傳同林志玲復合嘅言承旭。佢哋嘅戀情兜轉17年，言承旭更被爆視林志玲為一生中最愛，但最終都未能修成正果。
雖然佢當日收到消息時，就大方向舊愛送上祝福，但佢近日現身機場時心情就似乎麻麻。言承旭以一身全黑打扮上陣，仲戴埋帽同口罩包到冚，相當低調。佢全程一言不發低頭急步行，粉絲們亦好似知道偶像「受情傷」，所以默默咁跟住佢行。
網友都話此情此景，完全明白晒「愛人結婚了，新郎不是我」有幾咁Hurt！仲話言承旭呢個孤寂嘅背影好催淚，希望佢都早日搵到屬於自己嘅幸福！
此外，有傳言承旭一早就知林志玲要閃婚，更被爆出佢有幾封未寄出嘅道歉信，當中寫上：「是我不夠好，不成熟，太過孩子氣，不敢讓她等我長大」、「跟女友分手後，彼此在跟朋友講到對方時，都會忍不住掉眼淚」，又指對方曾公開指自己係全世界對佢最好嘅人，所以網民都推測啲信係寫畀林志玲。
(on.cc)
藝人鍾嘉欣出席活動，她稱今次返港宣傳新歌《做你的晨曦》，這首歌是嘉欣寫給大女梁愛晨。
嘉欣表示歌曲是特別寫給女兒，歌詞中亦有女兒名字「愛晨」，並指該曲包含了支持囡囡、以及永遠做她後盾的意思：「我由細到大經歷都有爸爸媽媽支持，我想成為阿女最大推動力，陪佢度過每個難關。」嘉欣更開心地表示囡囡聽完後，竟然可以整首廣東歌重唱。
至於今次回港，女兒和細仔及父母都有一齊回來，她稱婚後是首次和父母回來，而丈夫因要工作所以未能同行。今次嘉欣帶同子女和父母齊齊返港，兩姐弟在飛機上一同看電影、睡覺，嘉欣指婚後已很少和父母一起出埠，今次與他們同行，可以回顧自己做小朋友的時候，更直言：「而家俾爸爸媽媽呵護番我同啲孫，好開心。」由於老公因工作不便一起回港，故小朋友要父母幫手湊。
嘉欣稱女兒快將3歲，囝囝就9個月大，還餵緊人奶，兩人坐飛機都算乖，肯瞓覺，瞓醒就睇動畫，阿女更攬着細佬一齊睇。問到留港多久？
她稱不是太長時間，因母親要趕回去幫家姐照顧小朋友：「會一齊返去，我自己一個好難帶住兩個。（ 陳茵媺一個帶三個返加拿大探親！）佢一個人？咁我真係要打畀佢請教吓。」
(綜合報道)
