39歲的胡杏兒在年初再度宣佈懷有第二胎，預產期在7月，囝囝Brendan即將榮升做哥哥。
不過第二胎的性別，杏兒一直未有透露，早前她和老公、奶奶被發現在銅鑼灣買BB仔衫（相關新聞：https://bit.ly/2Vh5CM1），她主要是看藍、白色的衫，相信生金豬仔的機會很大！
但之後好友梁詠琪送贈的一盒小朋友衣服顏色令網民覺得第二胎其實係B囡！
距離預產期只有1個月的杏兒，近日已經開始減產，但昨晚她為撐老公李乘德（Phil）現身中環一個派對，杏兒說：「今次係我生B前最後一次出現呢度，咁我一定要撐我老公啦！」
席間杏兒亦宣佈bb的性別，Phil的朋友在IG貼了短片，當時他們分別準備了一個粉紅色和粉藍色的氣球。
在現場嘉賓起哄下，杏兒拿起粉藍色的氣球，宣佈今胎是囝囝，全場賓客勁興奮！
今日Phil亦在IG貼了一個BB仔的emoji並說：「Coming soon….#littlelee #littlebrother」
(apple daily)
藝人胡杏兒2017年為老公李乘德（Phil）誕下囝囝Brendan，依家又佗住第二胎。
下個月就到預產期嘅佢，一早就減產養胎，得閒又Upload吓懷孕日記。
早前更挺肚出席鄭嘉穎陳凱琳仔仔百日宴！
隨時生得嘅佢為生B做足準備，仲默默頂巨肚撐老公添～
點解咁講？因為杏兒嘅好友就喺社交網上載片段，見到杏兒拎住咪企喺Phil身邊，以女主人嘅身份現身老公喺中環開設嘅餐廳，話今次係佢生之前最後一晚出現喺餐廳，仲話：「咁我一定要撐我老公啦！」
話音未落就已經博得全場掌聲兼歡呼，Phil就即刻笑到見牙唔見眼。
梗係啦，有個咁錫自己嘅老婆喎，真係興奮都嚟唔切！
睇嚟下個月BB出世，Phil一定要好好慰勞吓老婆喇～
(on.cc)
藝人李彩華（Rain）到電台接受訪問，表示近日在中山拍內地劇，做完訪問後便立即趕回當地拍劇。她表示與羅嘉良、高鈞賢一同拍關於澳門的劇，笑言此劇不用配音：「但我哋講普通話都會唔正，但導演就話咁就啱喇，就係要呢種感覺，覺得好搞笑。」
她又謂劇中時間要橫跨20年，但不用扮老，靠髮型及服裝搭夠，但笑言有次拍劇要化老妝，更要同時飾演媽媽及女兒的角色：「有幕講阿媽死，要自己睇住自己死，都幾搞笑。」
講到老公早前送了150萬靚車給她，她表示因爲之前架車壞壞地：「成日有啲小問題，所以就同佢講，不過今次架車就大架啲，佢話我之前揸細車會飛，所以呢架大啲就唔可以飛。」但她笑言一直都好想買跑車：「呢個念頭都未打消，所以呢個係下個目標。」
她表示過幾日老公會到中山探班，而7月拍完此劇後會與老公、家人及朋友去旅行，但講到冇二人世界，她笑言：「Ok嘅，我哋可以旁若無人咁。」
問到「造人」大計？她表示明年才計劃：「順其自然，唔想咁急，唔好咁大壓力，本來都想生，但又冇心理準備，唔想咁突然，同埋見到啲朋友有小朋友後好困身，而且生唔生到都係天意。」
(on.cc)
剛度過39歲生日的張栢芝最近亮相內地綜藝節目《天天向上》時，接受主持人訪問時語出驚人，自稱受到做廚師嘅爸爸影響，從小就喜歡煮飯，每日都整不同菜式給兩名兒子Lucas及Quintus。
但被問到兒子的喜歡吃的菜時，她就答非所問，只係話大仔鍾意食中餐，二仔鍾意食西餐，場面尷尬，她又自稱天生愛吃素，從來沒有吃過肉。
節目出街後，她被質疑謊話連篇（相關新聞：https://bit.ly/2EzYDTV），皆因她曾與曹格出席的另一節目時，即場吃對方煮的鍋包肉，之後不少網民更揭發她講過不少驚人語錄，如「連續流產了4次，才有了Quintus」、「拍戲3個月不睡覺」、「連睡16天」等，故被網民譏為「大話精」。
早前曾撐華為，呼籲網民罷買iPhone的向太陳嵐亦有留意近日栢芝的報道，今日凌晨用了華為手機P30在微博發出第一張帖文，指她說謊成癮，向太留言狠批：「說辭時都非常認真，目光也沒有絲毫閃爍，感覺在說胡話這個領域她也算是得道高人」、「每次說出這些匪夷所思的話語時，她都深情投入」、「完全不經過大腦，自己吹牛吹到爽為止」。
之後，向太更分析栢芝有如此表現的原因，皆因她讀書少，自小單親，後來離婚，心理有點扭曲，身世也坎坷，但向太認為栢芝對兒子的愛應該是真。
最後，向太更向網民分享精神病的症狀，希望做到早發現早治療，提高精神病的治愈率，當中症狀包括有思維破裂、情感障礙，對親人疏遠、冷淡，甚至敵對及幻覺妄想等。
(apple daily)
全晚嘉賓「車輪轉」，他先後邀請譚嘉荃、特意從澳洲回港的老拍檔小雪、「新聞之花」陳嘉倩上台獻唱，更誠邀坐在觀眾席的黎瑞恩（小恩子）上台合唱《長流不息》。
小恩子一上台就笑話：「個場好少人，冇乜掌聲！」
又揶揄漢洋跳舞好尷尬似甩手操，全場爆笑！
漢洋於麥花臣場館舉行入行30周年演唱會。
至個唱尾聲階段，漢洋突然向觀眾投下「震撼彈」，落台走向觀眾席拖了一位與他貌似的小男孩Hin Hin上台，而漢洋更自稱「做人阿爸」，令全場極為震驚！
意想不到一直自稱甚有女人緣、緋聞纏身的漢洋竟秘密榮升人夫兼人父！
他帶仔上台時風騷笑問：「似唔似樣？」Hin Hin神回：「啱啱起身，平時10點就瞓，眼瞓就瞓㗎啦！」
漢洋冇咁好氣話：「但你瞓咁耐？老竇開騷都瞓？」引全場哈哈大笑！隨後父子檔上陣，合唱《You raise me up》，漢洋更Sweet爆跪低拖住仔仔唱歌，見Hin Hin相當淡定，唱畢更獲觀眾拍手歡呼。
漢洋護送仔仔回座位後再自爆：「呢個（仔）唔出聲㗎！仲有個㗎！嗰個好惡，唔敢掂，一掂就好似會一巴摑落嚟咁！成日話我冇拍拖，其實我同嗰位（太太）19歲到依家，佢係我第一位女朋友！」誓以行動打破多年來的緋聞「傳說」！
最後漢洋再次落台同Fans邊握手邊唱出《朋友》，為首場個場畫上號句。
(on.cc)
佢晒出多張婚照，當中見佢哋專誠去到日本拍攝，但原來呢個地方對佢哋別具意義，佢提到：「三年前的我們，帶着緊張的心情第一次來到了這裏。三年後的今天，我們帶着滿滿的幸福再次舊地重遊。日本小豆島的藝術作品沒有太多改變，改變的是我們更堅定扶持的心」
又發表愛的宣言：「謝謝我們的相同帶給彼此力量，謝謝我們的不同讓彼此更完整。接下來的日子請多多指教，我們的人生正式進入下一個階段了，祝福我們～」真係Sweet到爆！
曾被指同女星宋芸樺撞樣、現年34歲嘅台灣女星夏于喬，呢日突然喺社交網宣布婚訊，與拍拖三年多嘅《百日告別》導演林書宇拉埋天窗！
夏于喬公布婚訊後，好友安以軒亦隨即轉發，自爆一直幫手守住呢個秘密，又透露好友嘅婚紗係出自佢嘅手筆，並送上祝福：「恭喜夏于喬加入人妻的行列，期待妳很快也成為人母，我們一起推着BB車下午茶，妳趕快回家努力。姐很放心～因爲我知道妳是幸福的。」
(on.cc)
內地女星楊冪去年與劉愷威發出聯合聲明宣布離婚，二人協議共同撫養女兒小糯米。
而小糯米則繼續留港讀書，心繫愛女的楊冪早前曾被拍得現身香港探女。
今天是小糯米的5歲生日，昨日有網友在機場偶遇楊冪，相中見她穿上黑色有帽衞衣及同色短褲，並戴上漁夫帽及口罩，只露出一雙眼睛，非常低調。
不過晒出招牌「筷子腳」的她，依然難逃粉絲法眼，不少人都舉起手機圍觀，而楊冪亦禮貌地邊和粉絲們打招呼，邊步入貴賓侯機區。
相信楊冪此行是來港為愛女慶生，未知會否為小糯米而與前夫劉愷威同場呢？
(on.cc)
2014年香港小姐季軍何艷娟早前宣布同與比自己大40年嘅澳博營運總裁吳志誠離婚，結束8個月婚姻。
雖然離咗婚，但見佢生活無憂，繼續去旅行歎世界。
爆出離婚消息後，隨即傳出佢同逾百億身家嘅已故知名教育家陳樹渠嘅長子陳燿璋過從甚密。
變番單身嘅佢，生活質素仍然冇改變，幾乎每個月都去旅行，真係令唔少人羨慕！
但喺劇集《愛．回家之開心速遞》飾演「龍作蜜」嘅佢，估唔到佢仍然熱愛幕前工作，在宣布離婚後，佢首次喺社交網「現身」，見佢上載張拍《愛》劇照片，繼續貼地返工努力搵錢。
唔少網友都話好驚訝佢仍然努力工作，仲話見佢咁勤力，希望可以喺《愛》劇見多啲佢！
(on.cc)
姚子羚昨日再被爆與疑似「二奶」的錄音聲帶對話流出。
子羚講出Raymond未能挽救婚姻的原因，其實是因為一直不夠成熟，而且周圍媾女，「如果佢可以成熟啲諗嘢，你老婆就唔會離開你啦」（相關新聞：http://bit.ly/30WeLse）。
子羚回覆傳媒時說﹕「要澄清嘅，我之前已澄清咗。其實我同Raymond已經回復普通朋友關係。所以關於佢嘅嘢，我唔方便再作回應。事情已經告一段落，所以再發放一啲有我嘅相片或對話，其實係無意義嘅。我嘅心情同工作都唔會受呢件事影響。多謝大家關心。」
而Raymond前妻蔡宛珊（Sarika）日前亦有表示不會深究「二奶」、「三奶」的問題，問離婚是否因為Raymond太花弗？她說：「之前都講過，一齊咁多年，分開唔止一、兩個原因。」
(apple dialy)
女星鍾麗緹（Christy）同老公張倫碩最近參加大陸真大騷《我最愛的女人們》，將不滿擺上枱，不過只係耍吓花槍啫！最新一集講到Christy要挑戰高空項目挑戰，就對老公同奶奶深情告白：「我們一起白頭到老，有很多地方可以體驗，我願意在你旁邊支持你，愛你。」
之後Christy仲向奶奶揚言話生第四胎添：「我希望我可以做更好的兒媳婦，如果滿分是十分，我現在做到九分吧，還差一分我就希望可以給你一個健康漂亮的孫子。」
令喺廳內嘅奶奶聞言即刻笑到見牙唔見眼，而張倫碩就感動得眼紅紅！
事後，Christy表示：「我特別想看他當個暖爸爸，而且婆婆很開心，然後我先生會很開心。如果有屬於我們兩個的孩子，會更精彩！」而張倫碩就話：「她特別想跟我有孩子，她覺得有孩子對我來說是一個改變。我覺得現在我們家的這幾個孩子，跟我關係也特別好，沒有讓我覺得我生命裏多麼的孤單，或者缺失甚麼！」
而唔少網民一直對佢話要生第四個有意見，覺得佢48歲仲咁博命，只係因為愛情至上，又話佢係受奶奶壓力而要為張倫碩生仔！鐘麗緹接受訪問時就反擊：「我哪裏是傻子呢？人生最重要的是愛與被愛，愛給我很多力量、很多動力，可能是他們太理性了吧。其實他們不懂我真的很喜歡孩子，雖然我已經生了三個了，但我每天都做運動，我的生活習慣挺健康，所以再生一個孩子也挺好，希望大家別擔心我年紀大。」
(on.cc)
