【兩姊弟大個咗好多】鍾嘉欣無偏心爲仔女生日會花盡心思

2019-09-15

藝人鍾嘉欣2016年誕下愛女梁愛晨（Kelly），舊年9月就生咗細仔Jared Anthony Leung，湊夠一個好字勁幸福！

唔經唔覺，又到咗一對仔女嘅生日，不嬲愛錫一對仔女嘅嘉欣當然盡心盡力搞好生日Party~今年佢就以藍白色做主題，無論三個人嘅衣着、蛋糕、去到枱布都係藍白色，襯到絕一絕！

媽媽無偏心，一人一個蛋糕，公主蛋糕當然係送比家姐Kelly啦！

呢個簡約風格又型型地嘅蛋糕就係細佬嘅，大家鍾意邊個蛋糕呢？小編就鍾意Kelly個蛋糕喇，一樣同Kelly都鍾意Elsa同Anna公主！

切蛋糕喇，媽媽嘉欣就攬住3歲Kelly，兩母女Sweet爆頭貼頭，笑容滿面~

Kelly越大越似靚靚媽咪

而細佬Jared就仲好細，似乎未知發生咩事，不過佢個呆樣依然Cute到暈，媽咪仲幫佢戴咗頂粉紅生日帽，場面又溫馨又甜蜜！

嘉欣都忍唔住喺社交網留言同上載生日會相，同網友齊齊分享開心時刻：「Summer is over☀️. Welcome Fall🍂! This summer was full of amazing, wonderful, good quality-time memories. I love you Kelly and Jared. You guys grow up so fast. Mommy and daddy will always love you forever. Happy birthday!!! 🎂🥳👨‍👩‍👧‍👦❤️（夏天完結，迎接初秋。今年夏天充滿美好回憶。我愛你Kelly同Jared。你哋大得好快。爸爸媽媽會永遠愛你哋。生日快樂！）」

【同小朋友有關】薛家燕中秋自爆無咗男朋友：差咁啲野

2019-09-15

薛家燕昨晚到沙田欣賞兒童音樂劇《童Sing童戲》慈善場，她笑指小朋友看到她出現，特別開心醒神!家燕姐透露中秋佳節，到海怡半島與家人食飯慶祝：「入到酒樓，個個都歡迎我，好似我搞生日宴咁。」

她特意帶同早前由長者親手製作的傳統燈籠到場，與家人點燈籠、懷緬過去：「而家好少呢啲傳統燈籠，多數都係入電嗰啲，所以就帶埋去玩，妹妹個孫仲叫我送畀佢，第時做勞作可以參考。」

問到男朋友有否出席飯局？家燕姐突然驚爆「冇咗個男朋友」，問到是否已分手？

她有點尷尬說：「遲啲先講，本來今晚有飯局，不過我想嚟呢度支持一班小朋友，對方就問覺得邊個重要啲…」問她們是否鬧交並非分手？

家燕姐說：「冇，講道理啫，係意見分歧，不過唔緊要，同屋企人慶祝都好，不過今年個月亮好似細咗，好似差咁啲野。」記者笑指家燕姐有弦外之音？她笑謂：「等對方諗下啦。」

(綜合報道 / appledaily)

【39歲方力申環島游受傷入院】大嘆：20歲係我最光輝時期

2019-09-15

藝人方力申（Alex）今日在社交平台自爆參加完一項比賽之後，因眼部不適要入醫院，佢拍片向大家報平安說：「我衝線時拎起過泳鏡睇嘢，咁可能嗰陣有嘢入咗眼，上咗水就好腫，係咁流眼水，之後我懷疑有嘢喺眼入面，所以嚟醫院睇。」

小方雖然眼傷不嚴重，但似乎傷了心，自言近期好黑仔：「今早參加20歲至39歲嘅比賽組別，其實我15年前都參加過，今次我得第三名，唔係咁滿意成績，冠軍係20歲嘅Sunny。我今朝游完，睇返個組別年齡自己都笑咗，我20歲嗰年時，喺我游水最光輝時期，依家39歲，我覺得係我最谷底。我依家諗都係唔好計時間，覺得好大壓力，比我做運動員更大，因為好多人知，頭先睇醫生，醫生都問我之前喺咪嘔，又有個後生仔鼓勵我，覺得我呢個環島係唔容易嘅。」

小方於IG為自己今日表現作總結：「熱身不足，經驗不足，訓練不足，實力不足等等。我會谷底的，等我，晩安。」

(綜合報導/on.cc)

【任達華寶貝囡】14歲任晴佳超有氣質成功遺傳優良基因

2019-09-15

任達華囡囡初成長，他與琦琦所生的14歲女兒任晴佳，最近在微博貼出正面照，五官精緻、眼睛又大又亮，超有氣質。

任晴佳今年12月才滿15歲，但身高卻已超過175厘米，也稍露少女魅力了，還沒有正式入行的她，就已經擁有自己的粉絲，大家看到她拍攝的相片，明顯遺傳的是父母優點，簡直是名副其實的「最美星二代」。

任達華與妻子琦琦只生了任晴佳一個女兒，寵愛有加，讓她在一個非常安全的環境下成長，形成天真單純的性格。任達華曾在訪問中透露，他現在努力工作，是想為女兒準備好未來需要的一切物質，他希望任晴佳能夠開心成長，不需要多有成就，也不要進入娛樂圈，就這樣當一個無憂無慮的小公主。

(綜合報導/on.cc)

【歲半孖女越大越唔似樣】熊黛林孖女靚靚過中秋

2019-09-15

中秋節好多家長都會帶小朋友出外慶祝，點可以無燈籠呢？

中秋節燈光燦爛，小朋友都會被各式各樣嘅燈籠吸引住，名模熊黛林（Lynn）昨日就上載咗一對孖女Kaylor同Lyvia玩燈籠嘅相~

家姐Kaylor呢個紅色燈籠好靚喎！

哇……妹妹Lyvia架車車好有型喎~

姐姐Kaylor仲教妹妹Lyvia點玩，兩個唔爭燈籠玩，兩姊妹的確好相親相愛，爲人父母睇到呢個畫面都覺得好幸福好有愛！

大家睇唔睇到佢哋仲着曬姊妹裝慶祝中秋節呢？兩個都著上一條粉紅花花傘裙，外襯白色外套，可愛得嚟又優雅！唔知呢套衫係咪模特兒媽媽Lynn幫手襯呢？

而兩姊妹雖然係孖生，不過越大越唔係好似樣，但就一樣都咁可愛，網民都話好期待佢哋大個咗係咩樣呀！

(綜合報道)

【港姐聚會】曹敏莉朱玲玲齊齊慶祝生日大談美容經

2019-09-15

前港姐曹敏莉和最美麗港姐朱玲玲（Loletta）同是九月生辰，早前港姐聚會，各人齊為她們慶生。

曹敏莉說：「我哋都係九月生日，所以有幾年都一齊慶祝，其實我哋慧妍雅集開會都成日見面，Loletta係好多人嘅Role Model，我哋都有傾吓飲食健康和做運動，不過我近排就少運動啲，忙湊小朋友。」

不愧為港姐，大家都對自己好高要求，難怪大家多年來都還可以Keep得那麼好。

(綜合報道/on.cc)

【無綫安排拍深情道歉專訪？】獲解封台慶劇登場傳黃心穎改名重新做人

2019-09-15

藝人黃心穎與歌手許志安半年前被拍到在車廂中偷食出軌，她先前拍下的劇集如《堅離地愛堅離地》、《丫鬟大聯盟》、《牛下女高音》和《法證先鋒Ⅳ》等都分別換角重拍、抽起或變成「倉底貨」…

不過最近無綫決定「放生」她，將有份演出的《牛下女高音》由「倉底貨」變為台慶劇之一，令她大有可能重歸幕前。

至於黃心穎會否自美國返港出席宣傳活動成近期熱話，近日有消息傳出無綫為助她「重生」，雖不用她出席《牛》宣傳活動，但欲安排她做深情的道歉專訪，可是無綫經理人部門、劇集監製及宣傳人員均聯絡不上她。

而另有消息傳出她決定全面退出娛樂圈，改了全新英文名及轉行做地產經紀，更少踏足多華人的唐人街，主打和外籍人做生意，打算在美國「重生做人」。

又有傳她對香港娛樂圈心死，全因自被揭偷食人夫許志安後，曾向當時的男友馬國明求原諒，每日和馬國明保持聯絡，只是半個月冷靜期後，馬國明決定分手，令深受打擊的她不願再回傷心地…

況且又怕回港後遭指指點點，擔心家人受牽連，思前想後覺得退出幕前，疊埋心水留在美國才是最明智的選擇。

相關新聞：

【無刪戲份播足30晚】黃心穎擔正劇傳將成今年台慶劇 https://bit.ly/2kburaB

(綜合報道 / on.cc)

【周公緊要啲】鄭希怡帶梁浸浸棒uncle Kenny場不敵睡魔冇得合照

2019-09-15

關智斌（Kenny）昨晚在紅館舉行處男個唱，Twins﹑容祖兒﹑張敬軒和古巨基擔任嘉賓。

不少圈中人亦專誠捧場，包括鄭希怡（Yumiko）帶同4歲多的囡囡「梁浸浸」睇騷。當Twins和Kenny在台上演出時，梁浸浸興奮地大嗌「契媽」，十分可愛，

而Yumiko笑指囡囡為了和Uncle Kenny合照，本來打算捱眼瞓至完場，最後還是不敵「周公」，非常搞笑。

Yumiko在instagram貼上短片：「一個頂住唔瞓的小朋友…我話送你（梁浸浸）返屋企先好唔好？佢話唔好，要同uncle kenny影張相先肯走…最後，都係敵唔過周公…#演唱會可唔可以有早場呢 #次次係人地（哋）演唱會瞓覺都唔係辦法。」

鄭希怡早前都有帶囡囡去支持姊妹Joey場，年紀小小的梁浸浸托媽媽的福，都成為了演唱會的座上客了。

(綜合報導/明報娛樂)

【軒仔開心到彈起】張敬軒主動錫錫關智斌全場瘋狂尖叫

2019-09-15

歌手關智斌（Kenny）處男紅館騷舉行尾場請來張敬軒，他一出場全場又瘋狂尖叫，軒仔笑言：「尋晚啲人話紅館係核爆式掌聲。」歌迷大叫「咀佢」，軒仔即笑言：「突然聽唔到嘢嘅？」他續笑言：「所有嘉賓都有毒，老闆唔鍾意講有味笑話。」

之後兩人來個擁抱，全場又大叫「咀佢」，軒仔講錯說話：「ok，陣間先。」全場又叫，他扮聽不到繼續講：「幾好笑喎，個ear mon突然唔work。」歌迷不放過再叫，他即招架不住笑言：「有啲嘢唔好玩太盡，我都開始亂。」

軒仔又講到與Kenny同是2002年新人：「識咗17年。」全場又大叫「咀佢」，軒仔即將個波交畀Kenny：「你主場你話事。」隨即不理歌迷繼續講：「最近預備演唱會，諗唱咩歌摷番舊相，出道個樣老土啲、kai啲。」隨即大騷一張與DJ當奴扮BOYZ的相片，全場大笑。

他續謂與Kenny識於微時：「識佢嗰陣我啱啱嚟香港做嘢，大家起點一樣，事業各自開始，好開心今日可以同佢分享呢個舞台。」隨即又講錯說話：「以下呢首歌佢睇住我寫。」全場又起哄，他解釋：「佢睇住呢首歌點發行，人生寫咗兩首關於書嘅歌，一首係寫畀佢嘅《預言書》，而呢首《笑忘書》當時正值我哋兩個冇乜工作。」大家又起哄，他解釋：「當時好多藝人都冇乜工作，因為非典。」兩人隨即合唱《笑忘書》，又搭膊及攬攬。

接着軒仔又講：「人生得一知己死而無憾。」大家再度起哄，他即忍不住沒好氣笑言：「唔好講乜都叫，對號入座，即係FF。」續謂與Kenny見到對方高低起跌，好難用三言兩語講，又謂以下的歌當年Kenny是第一個收到demo：「但當時佢冇發行國語歌嘅計劃，所以冇用，首歌擺咗7年後我收錄喺我嘅專輯，好多回憶同情感同大家分享。」隨即唱出《只是太愛你》。

Kenny又多謝張敬軒，全場即起哄，這時鏡頭影住企控制台的軒仔：「佢幫我演唱會好多，調音、諗rundown，點樣幫演唱會盡善盡美，又教我喺台上表演，雖然我都知自己仲有好多瑕疵。」

Kenny更跪謝基仔他們，祖兒即抵死搞氣氛謂：「既然你咁開心多謝我哋，逐個錫一啖囉。」全場即起哄，之後基仔開始錫Kenny的面，祖兒和阿Sa更齊齊與Kenny蜻蜓點水咀嘴…

此時剩下軒仔未咀，阿Sa即抵死謂：「我好驚，頭先已經錫面錫咀，唔知之後會錫邊度呢？」接著全場起哄，其他人叫軒仔搽定潤唇膏，之後萬眾期待的一幕終於出現…

兩人本身有些尷尬，其後軒仔終於主動錫Kenny的面珠，但就極快速錫得一秒，全場瘋狂尖叫，錫完軒仔更開心彈起，他無奈笑言：「原來你哋呢班人係咁玩得嘅！」

但他錫完後即行去另一邊，其他人發現，即拉返他及Kenny企在一起，最後眾人合唱《眼紅館》為演唱會作結。

騷後在慶功宴舉行祝捷儀式，受訪時問到與張敬軒咀完可有尷尬？他即表示：「我成晚都咀咗好多人，我哋太friend啦，成家人咁。（當軒仔係一家人？）成個英皇一家人，佢哋好支持，冇咩尷尬。」問到兩人可是感情復合？身旁的經理人霍汶希（Mani）即擋駕：「與感情冇關，英皇文化家庭觀念好重。」Kenny亦謂：「呢個問題好奇怪，就咁見面錫吓，成日見到其他人例如容祖兒都係咁。」

(綜合報道 / on.cc)