《第38屆香港電影金像獎頒獎典禮》昨晚完滿結束，雖然蔡卓妍（阿Sa）被視為大熱之一嘅，但最終未能奪得影后寶座，不過相信佢喺唔少粉絲心目中永遠都係最佳女主角！而阿Sa一班好友包括容祖兒、鍾欣潼（阿嬌）、關智斌（Kenny）及張致恒（Steven）亦有留意頒獎禮，個個仲睇得好緊張，阿Sa喺社交網晒出佢哋當時嘅表情。
見到阿嬌緊張到食拳頭、祖兒不停飲汽水同食橙、Steven就食飯，而Kenny緊張到食蕉，真係睇見都笑死人！
就連鄭希怡嘅囡囡「梁浸浸」亦都有拍片為阿Sa打氣，一班好友咁有心，難怪阿Sa咁感動！
佢留言：「禽（尋）晚現場收唔到電話，完咗一出去 ，就睇到呢一堆msg（Message），笑死我又感動死我，人生有一班真正朋友的確好極， 感謝個天，俾（畀）我認識到咁多錫我嘅人， 一定係前世同前世嘅前世同前世嘅前世嘅前世都做咗好多好事 ，今世有咁多人錫我，坦白講我一啲都唔緊張， 因為我心裏有數，反而見到啲屋企人，同埋好朋友仲有fans為我咁緊張，心裏面真係好感動，但更多嘅係唔好意思。#小女子無以為報#惟有唔好諗多#係以愛相許，同埋繼續努力。」
(on.cc)
內地藝人張丹峰被拍得與經理人畢瀅在酒店房夜會，至今張丹峰的老婆洪欣還沒有就事件回應。
不過內地網民不滿他的所作所謂，要求封殺張丹峰的電影，覺得他不配擔任新戲中的消防員英雄角色。而製片方都表示若證實有人出軌會考慮要求賠償引起的經濟損失。
今日有大陸傳媒就報道指張丹峰所拍的新戲已被除名，其主演的大陸電影《特勤精英之途出生天》主演一欄不見了張丹峰的名字。
不過該圖及該網並非製片方官方公布，只是網民自覺地抵制張丹峰的影視作品，而其主演的電影的評論下面基本上都是抵制張丹峰的言論，直斥他不配做英雄。
相關新聞：
【畢瀅被爆係「富二代殺手」有網民捕獲洪欣張丹峰一家⋯】https://bit.ly/2IkFLfg
【疑出軌 畢瀅疑有咗】緊急開會後 張丹峰或被… https://bit.ly/2IAKbxT
【聞好姊妹洪欣婚變】陳慧珊：自己揀自己條路 https://bit.ly/2GkyjOY
【瘋傳張丹峰出軌 畢瀅疑有喜】洪欣終於現身 https://bit.ly/2ZhI0VQ
【洪欣被爆曾一氣之下走人】畢瀅手執疑似驗孕棒 有咗！？https://bit.ly/2ItO2MW
【離婚後乜都無】傳洪欣財產被轉移 同仔仔借錢度日 https://bit.ly/2IbJBHe
【張丹峰再被爆…畢瀅着睡袍收快遞】https://bit.ly/2OZSap6
【蔡少芬曾反對洪欣同張丹峰拍拖 網民大讚眼光獨到】https://bit.ly/2Z1PL1L
【張丹峰再次被爆同畢瀅密會 洪欣舊愛莫少聰發文似乎暗示…】https://bit.ly/2WWk0W8
【洪欣秒刪昔日放閃合照 疑似畢瀅：我委屈了自己三年】https://bit.ly/2GbrOxW
【細洪欣9年老公被指斷正疑出軌】張丹峰首回應 https://bit.ly/2UFBAjK
【屢傳婚變家暴】洪欣老公張丹峰疑酒店密會3個鐘斷正 https://bit.ly/2I3BegT
(on.cc)
香港資深演員兼製片家劉香萍，為捧愛女貝安琪出錢又出力，開戲讓她做女主角，可惜等足四年，貝安琪做埋人母，電影仍未上映，波折重重，其中原因更是因為錯字而損失過百萬，難怪她苦笑說：「真係一字千金。」
為了裁培貝安琪（Ankie）打入內地市場，劉香萍四年前自資開拍電影《一顆心中的許願樹》，由Ankie擔任女一外，還與媽咪一齊做編劇，但此戲講足四年，近日終於上映有期，劉香萍說：「我嘅口號『願望成真，永不太遲』，只要唔好放棄！」但否認為女開戲：「今次搵Ankie唔係因為佢係我個女，佢本身係好出色嘅演員，喺歐洲好有知名度。」
劉香萍透露電影拍攝不是太長時間，只是需時經不同地方搞批文：「首先部戲係英文版，搵香港部門申請上映就話要用廣東話，咁惟有去配音，搞咗一段時間；之後到申請內地播，又用咗半年經過好多批核，點知再出現同一個問題，內地用普通話，又用咗半年時間去配音，三年就咁過去！
其實這四年間，劉香萍指年半前本來有個檔期可在內地上映，可惜又遇問題：「突然發現字幕有幾個簡體寫錯咗，變得好大件事，要重新再整過，但當時已經做咗6,000幾個Copy，仲印晒宣傳照，企牌、廣告等全部收番晒，蝕咗100萬人民幣！」
除了因批文花了不少時間，劉香萍為追求完美，在後期製作上花了不少工夫，動用最強班底，她說：「強勁嘅幕後班底可以做到好優質嘅電影，今次投資咗5,000萬港元，但都超支咗。（係咪碌盡人情卡？）真係好感謝我嘅朋友，好似米雪、李香琴等，李香琴仲唔收我片酬，畀利是都唔要，只揀咗一份禮物。而男主角同做Ankie爸爸角色嘅都係喺德國攞過影帝。」她坦言對今次電影信心十足，透露故事講大學生迷失方向，回香港尋根。
(on.cc)
同陳茵媺一向老友鬼鬼，之前仲話努力撮合緊囡囡同陳豪大仔！
劉倩婷同陳茵媺（Aimee）向來老友鬼鬼，呢日倩婷孖老公齊齊為Aimee同陳豪慶生，仲喺社交網分享相片！
見到穿上紅色吊帶裙嘅Aimee捧住個蛋糕，陳豪仲從後攬住太太，兩對couple齊齊合照，相當甜蜜。
倩婷又話：「Happy birthday to my dearest Aimee and Moses. you are the sweetest girl. I am looking forward to many more birthdays spending with you（親愛嘅Aimee同Moses生日快樂，Aimee你係最可愛嘅女孩，我希望你哋每一個生日都可以繼續同你哋過）。」
尋晚係新一屆香港電影金像獎頒獎禮，當中就有久未於香港露面嘅男神吳彥祖驚喜現身，仲搵嚟1999年電影《特警新人類》嘅拍檔謝霆鋒、馮德倫和李璨琛擔任「最佳視覺效果」頒獎嘉賓，搞到大家啲回憶返晒嚟！
啱啱好今年就係《特》20周年，咁有情懷，四位男神都喺後台嚟個愛的大合照！
吳彥祖喺社交網晒相，留言話唔相信咁就廿年，又問大家想唔想睇多套新嘅《特》，講到好似眾男會拍多套「續集」咁，搞到啲Fans鬼咁雀躍。
不過原來佢今次嘅「金像獎尋親之旅」仲未完，佢仲搵番「前女友」方麗娟呀～～邊個係方麗娟？
咪就係佢喺2002年電影《新紮師妹》入面嘅對手楊千嬅囉！
當時二人組情侶檔大受歡迎，更傳過二人戲假情真撻着埋，不過隔咗咁多年，兩個都做晒人父母～
吳彥祖仲好好口大讚千嬅Keep得好，又話此行令佢好掛住喺香港咁多年嚟識落嘅好友，希望好快可以再返嚟喎！
(on.cc)
廚房專用紙巾為愛下廚一族帶來方便，但消費者委員會測試市面15款廚房紙，發現5個樣本的細菌菌落含量超出內地標準，每克被驗出的細菌菌落由240個至1000個不等，最高超標4倍。由於一旦以紙巾直接接觸熟食，或會令食物沾有細菌，消委會已要求生產商加強品質監控，並將今次測試結果交海關跟進。
消委會指，雖然所有樣本均沒有驗出金黃葡萄球菌等可致病菌，但細菌菌落總數亦是製造過程的衞生監察標準之一。根據內地標準，有5個樣本超出內地GB15979及GB/T26174標準，即每克被檢出的細菌菌應低於200個，而「首選牌」的廚房紙樣本每克含有1000個細菌菌落，即超標4倍。
效能方面，其中1款樣本只能吸6克水，以5分為滿分，只獲2分；另有1款需6.5秒才可完全濕透，只獲1.5分，兩者在吸水量及吸水速度表現均「肥佬」。另外，廚房紙的數量及面積各有不同，每包或每卷零售價由4.2港元至7.9港元不等，相差近倍，市民或難以從價格分辨哪款較抵用。
「首選牌」的代理商回應指，已就消委會報告向生產商了解，並指示分店將受影響批次產品下架，安排進一步測試，市民若有任何疑問，可帶同收據及產品到分店辦理退款或更換。海關表示，接獲報告後已派人到市面巡查及再作測試，結果反映樣本均符內地標準。
（on.cc）
香港人愛吃日本美食，然而偶有發現刺身藏寄生蟲。
消費者委員會搜集50款三文魚和吞拿魚刺身進行測試，結果在「元気寿司」的吞拿魚刺身中驗出含有線蟲及蟲卵，「魚尚」的三文魚柳中則發現線蟲。另外，測試中亦發現多達49款三文魚及吞拿魚樣本驗出重金屬甲基汞，當中10款吞拿魚樣本含量超出法例標準，或影響中樞神經系統。
消委會從超級市場、食品店及專門售賣刺身的食肆中購買了31款聲稱是三文魚及19款聲稱是吞拿魚樣本。當中「稻庭養助」樣本被驗出是「虹鱒」，雖與三文魚同屬「鮭科」魚類，但虹鱒大部分時間於淡水河流及湖泊生活，而2歲至成年三文魚則主要於海洋生活。
消委會又檢驗樣本是否含有寄生蟲，首先打開樣本的包裝盒以肉眼觀察，然後將樣本放進模擬哺乳類胃部的液體中儲存一晚，待分解後再以肉眼及顯微鏡觀察。結果發現，1款吞拿魚樣本和1款三文魚樣本中發現有蟲，前者同時發現蟲卵，惟所發現的蟲沒有蠕動，因此不能確定是否活蟲。
有醫生指，感染寄生蟲後如果影響胃部，患者在1至12小時內會出現腹痛、惡心或嘔吐等徵狀，部分人更可能出現皮疹。線蟲的幼蟲更可能穿透並進入胃壁或腸壁，嚴重甚至會導致腸胃穿孔。
在重金屬方面，49款樣本檢出甲基汞，惟沒有樣本檢出無機砷、鎘和鉛。在香港法例下，所有「固體/液體食物」，包括魚類的總汞最高准許濃度為每公斤0.5毫克。30款來自大西洋三文魚樣本中，除「元気寿司」沒有檢出甲基汞外，其餘均驗出含甲基汞，惟未有超標。19款吞拿魚樣本全部檢出甲基汞，當中「板長寿司」、「德美壽司」、「居食屋和民」的10款樣本甲基汞含量超標，其中「爭鮮」樣本含量最高，超標近2倍。以一名體重60公斤的計劃懷孕婦女為例，每周食用最高含量的刺身樣本6片便超出甲基汞的攝入上限。
(on.cc)
第三十八屆金像獎頒獎典禮圓滿結束，三大電影公司聯同金像獎協會在頒獎禮後假尖沙咀舉行慶功宴，出席藝人包括最佳男女配角袁富華與惠英紅、蔡卓妍、周家怡、胡定欣、潘燦良與女友蘇玉華等均有現身。
三項提名均落空的余香凝也有到場。
提到她在金像獎台上不慎露出乳貼，她表示：「我今日全日都同自己講喺台上唔好失準，跳舞唔好跳錯舞步，唱歌唔好走音，全部都冇事，但就走光。我喺台上好enjoy表演，完全唔知道發生咩事，係落台時有人同我講我走光。其實條裙好Fit，好緊，不過我未試過戴耳機着呢條裙，可能我好緊張，抖氣太大力，不過都只係露貼紙一個，好在有黐貼紙，否則就好尷尬，今次當攞個經驗，下次會再準備好啲。（有冇唔開心？）我比較着重唱歌有冇走音，好在冇，因為呢個係我專業。」
(on.cc)
失落今屆金像獎「最佳新演員」的胡定欣現身金像獎慶功宴。
問對賽果會否感到失望？她稱沒有：「今次提名嘅得着係超乎想像，好開心有機會第一次提名，可以參加香港電影圈盛事，個頒獎禮我由細睇到大，但冇諗過可以成為座上一份子，仲要有得提名，對我嚟講已好難忘，我會好好記住。（有冇邊部分最難忘？）行紅地氈已經好難忘，因為落雨，條裙有一半濕晒，我行嘅時候啲水踢番上嚟。不過好可惜鎮宇（吳鎮宇）冇嚟，但我有企喺佢嘅布景板前面影相當同佢合照。」
定欣坦言已準備了致謝詞，很感謝遇到這部好電影，多謝監製及導演，尤其戲中對手吳鎮宇：「我初時只係諗住上呢艘船欣賞沿途風景，但冇諗過有提名，我入行第一部劇就係同鎮宇合作，第一套電影又係佢合作，我好感恩，係佢為我打開呢個大門，佢係我恩人。（會唔會投身電影圈？）一步一步，我喺電影圈係新人，希望可以識多啲唔同製片商同監製，畀佢哋知我有呢個想法。（有冇人搵你拍電影？）希望有機會。（好姊妹們有安慰你？）冇，個個知道我有提名都好戥我開心，佢哋都係嗰句，總之要靚。」
(on.cc)
藝人蔡卓妍（阿Sa）現身金像獎慶功派對，對於失落影后寶座未有失望，反指整晚頒獎禮氣氛很好，覺得一班新電影人很努力：「聽佢哋講用咗一個月時間綵排，中間係冇人缺席。（因為主席爾冬陞話缺席者會列入黑名單！）哈哈……好似主席嘅作風。」
阿Sa表示賽前已經看完影后的入圍作品，直言出爐影后曾美慧孜獲獎電影的角色非常難掌握，另方面亦很喜歡張靜初在電影《無雙》中的演出，所以一早認為自己勝算不大：「我覺得《三夫》套戲唔止係睇嘅程度，佢真係演得好好，靜初都演得好好，就算對手係周潤發同郭富城，佢都可以喺裏面突圍而出，真係非常困難，仲要佢角色出場唔多，但已經令人難忘。」更指對完成頒獎禮鬆一口氣。
問男朋友石恆聰可有安慰？她說：「唔需要，因為場內收唔到電話，都完咗場之後收到幾百個message，大多數都係容祖兒、關智斌同阿嬌（鍾欣潼），佢哋一路睇住電視一路同我打氣，一個食住蕉、一個食住橙好搞笑，好感恩一路以來都有好多好錫我嘅朋友，有好嘅際遇，相信之後上天一路會畀好多機會我。」
(on.cc)
