視后田蕊妮（阿田）兩年後再有新劇熱播中，《她。她。她的少女時代》播出三集已贏盡口碑，整個故事以中年危機做題材，講述一名離婚中女(方迎風)重拾夢想的故事。

劇情及對白一直被指貼地，而昨晚劇情講到失婚阿田重遇舊同學袁文傑，對方提議她去上人生課程，讓生活重回正軌，而阿田於課堂上說到多年來對父親的怨恨馬上淚崩，愛恨交纏的情感非常到位，發揮得淋漓盡致，絶對有望憑此劇再次挑戰視后寶座！

方迎風一直對爸爸心生怨懟，一直不滿父親的「潮州怒漢」性格，一直將媽媽當作工人，致令對方含怨早逝，而當得悉迎風姐姐年輕懷孕，更迫女兒墮胎，迎風與姐姐最終離家出走，姐姐不幸遇上意外被車撞死。作爲一個失去了母親和姐姐的方迎風對住那張空櫈釋放多年來對父親的不滿，演技入木三分，頓成網民熱話。

談到這場戲的演出備受讚賞，阿田接受電話訪問表示：「演得好係演員嘅本分，我反而要多謝兩位編審，係佢哋創造出咁好嘅劇本畀我哋發揮。而《她》劇推出後，我都收到好多短訊鼓勵，有朋友多謝我喺呢段時間，每晚畀1小時歡樂大家，我好多謝大家嘅支持。」

據悉，原來該場戲是開工首天的重頭戲，阿田未及熱身便要為這麼沉重的戲份演出，結果導演一take已收貨，且獲圍觀同事掌聲鼓勵。不過阿田卻嫌自己的演出「唔夠層次」，要求再來一take，可謂相當專業。

（綜合報道 / on.cc）

天后容祖兒的《Pretty Crazy 演唱會》進行得如火如荼，每晚除咗有嘉賓上台獻唱外，其實都有好多藝人都有到場欣賞支持。

琴晚第十五場仲有一個重量級嘉賓嚟咗台下做觀眾支持祖兒，佢就係電視劇《真情》入面嘅「容姨」譚倩紅嘞，佢仲坐正第一行。

雖然容姨已經87歲，但全程好似小粉絲一樣，全程企喺身，一邊拍手一邊唱，聽得如癡如醉相當滿足。

連容祖兒事後都有喺社交網發文多謝「容姨」到場支持，表示：「真係容姨呀！我喺上面一路唱一路望一路諗，幻覺嚟架姐，容姨無理由識我架。不過唱到最後一首歌，我就好肯定嘞，我地仲握握手添，好開心呀我。話時話，我到了80歲嘅時候都會係容姨架啦噃，如果到時仲可以咁精靈一定繼續開騷，驚你唔嚟咋。祝譚善（倩）紅姨姨身壯力健每日平安快樂。笑聲笑聲滿載溫馨。」

影片如下：

(IG / 綜合報道)

韓國37歲女星宋慧喬於上月與男神宋仲基正式離婚，結束20個月婚姻。

回復單身後的喬妹似乎事業氣勢如虹，最近再度重新出發，上月更獲邀到法國摩納哥出席品牌活動。

而近日有網民上傳喬妹於上月在當地出席活動後，順道於康城旅遊的照片。

當時戴帽及身穿吊帶裙的喬妹，與助手及工作人員在當地夜市閒逛，身形明顯較之前消瘦不少，但似乎未受離婚影響心情。

（綜合報道）

藝人江若琳（Elanne）去年同老公「生煎包王」蕭潤邦（Oscar）結婚後，一班好友都好心急想收到佢哋造人成功嘅喜訊。

昨日Elanne就突然上載咗兩張抱B照，第一張見Elanne一邊嘟嘴一邊用手指摸吓個BB面珠，睇相都Feel到佢母愛氾濫！

另一張就笑容滿面，似乎好享受呢個時刻！B女超可愛啊！

唔通Elanne已經生咗個得意B女？有唔少網民都好似小編咁諗，以爲輪到Elanne秘密誕女。

不過Elanne就立即澄清個BB唔係佢嘅，又話好羨慕人哋嘅BB好湊，抱抱吓就​​​瞓着咗，仲問網民「這個BB可愛嗎？」

不過一眾網民梗係唔會放過任何「催生」嘅機會，紛紛回應「你幾時同老公生番個呀？」、「你生嘅BB一定好可愛」。

(綜合報道 / IG)

藝人陳山聰於十一月與圈外女友April結婚，身為契姐、契妹的伍詠薇及陳敏之當然要出席，而「契姐」伍詠薇接受傳媒東網訪問時坦言給「契弟婦」April 100分。

她謂：「佢真係好斯文大方，照顧得山聰好好，而山聰雖然都有啲男仔脾氣，但佢好錫Apple，我向來眼光好獨到，山聰呢幾年事業上不斷搏殺，April都好包容山聰。」

伍姑娘又被問到要不要他們兩個斟茶給自己，她就回答「隨緣」（叫山聰快做老竇？）佢真係好鍾意小朋友，依家已經好鍾意『契』嘢，正契弟嚟！哈哈……」

而「契妹」陳敏之則說：「最緊要佢哋開心、美滿，我都想佢哋快啲生小朋友，山聰成日嚟探我個仔，好鍾意小朋友，佢好似發女寒咁，而且佢都唔細啦！遲啲驚佢冇力湊呀！」

（綜合報道 / on.cc）