藝人陳國邦與老婆羅敏莊（Mimi）演出音樂劇，Mimi表示囡囡陳禛因爲已開學，明天才會來捧場。
又踢爆老公剛才在台上忍不住感動到喊，陳國邦表示：「因為段戲講到個女問佢爸爸，我係咪媽媽親生，一定係出咗好大問題，啲仔女先會咁問，作為一個演員，嗰種愧疚嘅心直情係想冚自己兩巴，好內疚，喊嗰陣係攬住個女，話爸爸媽媽好愛你，只係因為需要工作賺錢，呢個其實都係香港人好大嘅無奈，所以嗰個情感一下子出咗嚟，嗰句說話好打入個心。」但他表示他們跟陳禛關係很好，所以不會有隔膜。
Mimi又表示小時候都有講過這句說話：「因為我細佬有哮喘，所以媽咪照顧佢多啲，但係細個又冇解釋我聽，以為媽咪偏心，所以就問媽咪我係咪親生，當然小朋友講梗係唔會hurt，但大人聽到就會hurt。」
問到可會擔心囡囡來捧場時想上台？Mimi笑言：「唔擔心，想上咪上，不過佢自細已經跟我哋做騷，之前想上台因為好奇，但依家已經唔好奇，所以反而會係想睇爸爸媽媽或小朋友嘅演出。」
「情歌天后」梁靜茹和老公趙元同（Tony）9年婚姻，育有5歲囝囝Anderson。但昨日卻突然傳出兩人婚變的消息。有報道指主因是老公出軌導致，對此Tony作出否認，表示夫妻有吵架，但絕對沒有離婚，昨晚更在Facebook以21字澄清。
梁靜茹與老公今年年初到馬爾代夫慶祝結婚9周年，但日前有報道指Tony兩年前疑似出軌，被梁靜茹發現，後來雖然和好，但亦令兩人的婚姻受到考驗。昨日梁靜茹的經理人曾回覆傳媒表示：「藝人的事情我們不便回應。」而Tony昨晚就在Facebook發文：「感謝大家的關心，真的沒什麼大事，開心過生活就好。」
但就有網民發現早前的七夕情人節，Tony在網上Post了一張蛋糕照。
白色的蛋糕上，從右到左寫上「七夕」二字，但加上上面的一條線，竟拼成一個「死」字，令整個蛋糕看起來相當詭異，而Tony更寫道「沒錯」表示認同，惹來外界猜測，這個蛋糕透露兩人感情生變的信息，掀起網友熱議。
農曆七月是中國鬼節，無綫劇集《十二傳說》女主角劉佩玥（阿Moon）相信世上有魔鬼、有神，她表明不會特意去招惹，皆因中國人有一句說話「敬鬼神而遠之」，「我相信只要做人光明正大，半夜敲門也不驚」。
至於個人的靈異經歷，阿Moon表示：「記得當時入住的酒店房間很大陣煙味，所以想換房，但酒店房已滿，被迫入住尾房。我是不怕的，但瞓覺時聽到『有嚿嘢』很近在我耳邊打鼻鼾，於是我就很大聲地講了一句『唔好嘈』，然後繼續瞓，之後也相安無事了。」
阿Moon早前去旅行真的被「鬼」撩，在巴黎機場被外籍男士搭訕，她笑說：「當時有兩個外籍男士趁我朋友去廁所，走過來跟我傾偈，他們問我攞聯絡，我很誠實地講我冇facebook。」她直言對外籍男士不是很感興趣，只可以當朋友，揀男友一定要中國人，講廣東話的。
（明報）
宇宙巨漿鄧紫棋（G.E.M.）8月16日28歲生日，佢喺Instagram上載咗兩張相，其中一張佢對緊個蛋糕許願，但個樣愁眉苦臉唔係咁開心咁，佢仲好感觸發千字文，自爆為咗死物而喊！
當然唔係為個蛋糕而喊！
原來以往佢都好重視邊個會第一時間Send訊息同佢講生日快樂嘅人，但由15號夜晚電話一直死機，自己搞咗3粒鐘都整唔到最後放棄，專注同家人玩啤牌，但正因為咁，「看不到虛擬的文字，卻讓我聽到真實而溫暖的聲音」〜
之後佢16日就去整電話啦，點知維修人員同佢話就算整得番電話嘅資料都可能會完全冇晒，覺得「這個生日好像不太幸運」，G.E.M話：「說起來真是好笑，我居然因為一部死物而產生徬徨的無力感，還因為想像『如果手機裡（裏）的回憶真的全都流失』而流淚… 28歲的第一天就這樣過去。」
不過佢最後話覺得也許係上帝美麗嘅安排，其實重要嘅係眼前一齊創造回憶嘅人，「今年生日想祝福自己也祝福大家：無論前方想追逐什（甚）麼，別忘了回頭看看。」
（on.cc）
藝人黃心穎偷食人夫許志安事件過去數月，她繼續潛水，有傳離港到美國讀書。
呢日黃心妙上載了與黃心美及黃心慧到台灣的旅行相，她們在當地景點留倩影，心妙留言：「真的熱到要溶化的感覺，相聚的快樂，再熱都沒有關係。」
幾姊妹開心相聚當然開心，但就獨欠黃心穎身影。有網友就話會唔會係心穎揸機？
女星范冰冰與李晨兩個月前結束4年感情。而早前主持人謝娜曬出和李晨合影，原本身形健壯的李晨照片中看來激瘦、雙頰凹陷，甚至有人指像化療病人，而工作人員澄清是角度問題加上李晨最近為了新角色積極減肥，才會讓人以為爆瘦，公司今也發聲明駁斥，關於網上傳言「拉冰冰陪酒」、「未幫忙出8.8億罰金」、「搞大新女友肚子」等全是假的。
日前就有媒體影到范冰冰深夜從美容院走出，穿著貼身連身裙的她，實際身材一覽無遺，可見她最近略為發福，手臂也明顯長肉，嘴裡似乎還有東西正在咀嚼，幸福肥的模樣被網友虧：「過得比前男友好」、「難怪會被說懷孕」、「說好的節食呢」。
而早前范冰冰恢復單身後，更傳出她疑似懷孕，引來她透過工作室嚴正否認，私下還跟造型師抱怨說：「我已經胖到所有人都以為我懷孕了嗎？可我明明瘦了啊！」、「我減肥，我不吃了」
兩人分手後的狀態真喺大大不同。
即將卸任的港姐冠軍陳曉華（Hera）自去年4月與有「女神殺手」之稱的歌手狄以達分手後，最近被爆秘密翻撻！有媒體爆前晚他們在九龍灣一間餐廳撐枱腳，並不避嫌穿上情侶運動裝，全程Hera冧爆男方，食到餐廳打烊才捨得埋單離開。
現年24歲的陳曉華參選港姐期間，被踢爆在中文大學修讀護理課程時，曾與狄以達拍拖，更指女方因而狠飛拍拖兩年的男同學，狄以達被指是第三者。事後Hera否認狄以達介入，強調與男友分手後才與對方開始，不過兩人戀情僅維持一年便玩完，但有指她對狄以達一直未能忘情，入行後希望有機會合作，愛火重燃。昨日有讀者爆料，同樣是單身的他們終於復合成功，還甜蜜撐枱腳。
前晚大約8時多，Hera一身運動裝打扮現身九龍灣Mega Box一間西餐廳，雖然刻意戴上白色Cap帽，不過身高5呎9吋的她，很快就被人認出。未幾，同樣穿着運動裝束的狄以達前來，兩人完全不避嫌以情侶裝示人。由於餐廳燈光昏暗，見他們都吃得相當自在，特別是Hera不時笑望男方，樣子非常冧爆！至於狄以達都很有男士風度，頻頻為女友添食物，又講笑話逗大家開心，他除了一身超凡舞藝，睇得出冧女也很耍家，難怪前女友全部「高汁」！結果他們食足兩小時，直至餐廳Last Order後，才捨得揚手埋單。不過，離開餐廳時狄以達刻意殿後，讓高人一等的Hera行先，當等電梯時情不自禁行埋，期間有途人眼望望，Hera表現大方若無其事，反而狄以達避忌耷低頭，幸好不久即有電梯，他亦非常細心護着女友入內。
狄以達就事件回應：「我都諗到喇！食個飯啫！我都好耐冇出街食飯。（係咪同陳曉華復合？）真係食個飯咋！我哋都好耐冇聯絡。（邊個約出嚟食飯？）共同朋友約，我哋有個Group。（係咪想追番佢？）冇諗咁多，純粹食飯咋！」提到當晚表現避忌？他說：「唔係呀！我嗰晚喺TVB做完嘢過去，最遲先到。」再追問他有否機會翻撻？他未有否定，只尷尬地笑着說：「呢啲嘢好難講，我唔講得咁死。」至於Hera答法亦同男方一致：「我哋其中一個朋友啱啱返嚟香港，所以一齊食飯敍舊。」問到狄以達再追她會否接受？她只說：「目前專心工作比較好，唔會考慮其他嘢啦！」
（東方）
藝人陳茵媺（Aimee）早前獨力帶三個仔女返加拿大放暑假，同老公陳豪分隔兩地成個幾月，近日佢終於返港，等老公唔使心掛掛！
呢日佢哋兩個就撇低仔女，過吓二人世界，Aimee喺社交網透露扮到靚一靚，話等同老公拍拖好耐：「My long awaited “big event” was a hot date with my “one & only” @moses_chan_ can’t remember when was the last time it was only “just the 2 of us” （等咗好耐屬於我哋嘅兩個嘅約會，已經唔記得上次得我哋兩個約會係幾時嘅事。」
難得拍拖，兩人都自拍留念，見穿上吊帶裙嘅Aimee同陳豪頭貼頭合照外，又胸壓陳豪，但陳豪唔知係咪近日趕拍劇關係，所以個樣有啲攰，搞到有網友笑問Aimee：「陳豪這精神狀態！ ！ ！ ！你對他做咗咩？ ！ ！ ！ ！」
（on.cc）
最近日本宮內廳宣布上皇后美智子不幸被發現早期乳癌，手術治療安排於靜休待體力恢復後才進行。作為最長壽國家的日本，當地人一向主張飲食清淡和攝取營養豐富的食物，建立健康身心，但都不敵癌症的攻擊。更何況香港都市人生活繁忙，亞洲人飲食習慣偏向高鹽高脂，直接增加患上癌症的機會。
預防勝於治療，究竟我哋如何能夠發現乳房出現異常？
1.留意乳房有否出現皺紋、凹陷或皮疹。
2.留意皮膚是否變厚或出現硬塊。
3.乳房形狀或大小是否有所變化。
4.乳房或腋下是否出現持續的不適或疼痛。
5.斧頭形狀有否改變、出現分泌物或皮疹。
但是，即使出現上述徵狀，亦毋須過分擔心是否患癌，因為可能是不同的成因所導致，例如在月經來潮之前，乳房會感到腫脹及敏感。某些種類的良性乳房腫瘤也會疼痛。不過預防勝於治療，為健康著想，可從飲食中吸收營養，有助預防癌症的發生。日本擁有多年治療癌症經驗的西台院長及外科醫生済陽高穂就提出預防「乳癌」的飲食規則。
2. 減少攝取動物性脂肪：由於體內大腸分解動物性脂肪後會出現「二次膽汁酸」，這些二次膽汁酸中含有致癌物。
3. 一天一餐菇菌海藻類食物：菇菌海藻類食物中有增加血液中的淋巴球，能增強免疫力。
4. 以橄欖油或芝麻油作煮食油：含有不飽和脂肪酸的植物性油脂，能更有效地攝取營養素。
5. 多吃胚芽米或全麥麵包：內涵豐富的食物纖維和維他命、礦物質。有助降低血糖，可好好補充身體所需的營養素。
6. 檸檬和蜜蜂增強免疫力：檸檬有維他命和檸檬酸，蜜糖中的花粉，有助增強免疫能力。
(hk01)
由藝人田蕊妮（阿田）及曹永廉（阿廉）等主演的無綫新劇《她．她． 她的少女時代》將於8月19日晚上9時半於翡翠台首播。監製廖晉碩坦言《她》劇女主角甫開始已瞄準阿田度身訂造，劇中阿田本是「追星族」，與阿廉結婚廿載，因阿田胞姐辭世收養其女兒，夫婦間因生活上種種感情轉淡，阿廉更突然出軌，令女人40的阿田決意離婚，逆境自強，故事勵志。
身為視后的阿田拍劇可謂「當食生菜」，但她自爆今次卻壓力爆煲，在片場失聲痛哭： 「開工冇正常作息時間，影響到劇中唱歌戲嘅表現，我仲要抽時間操肌、打拳。點知有日拍擂台戲份，意外畀武指打到牙骹，我即刻爆喊收唔到聲，最終要自己行開冷靜，搞到對方好唔好意思，但其實唔關佢事，我只係借位釋放（壓力）啫！」
她更「挑戰紀錄」，試過一日完成卅頁紙對白戲份：「所以戲裏戲外我都要為自己加油，雖然仲未睇過『製成品』，好彩監製話好滿意。」
至於阿廉第二次與阿田鬥戲，大讚她專業：「佢埋位就嚟，冇多餘嘢嘅。」劇中扮演小男人的他面對感情危機，他說：「我個角色出軌但又對阿田依依不捨，內心戲比較多。其實好多人都面對過中年危機，我44、45歲嘅時候，冇人搵我拍嘢，睇唔到前景，又擔心養妻活兒，嗰時匿埋喺屋企唔想出街，最多只係同朋友互呻、互幫打強心針，但捱過呢段日子之後，思維就唔同咗，依家睇嘢淡咗，生活變得從容。」
4年喇！李思捷終於有新劇推出，在《她》劇中扮演一名紅歌手，因事坐監，出獄後改名換姓變潦倒貨車司機，是演技一大挑戰：「個角色人生好大逆轉，出獄後我唔想畀人認出，但身份被揭穿後， 即刻被人掟雞蛋、菜……啲嘢掟埋嚟覺得痛，但鏡頭睇番感覺仲痛，完成戲份我即刻返屋企沖涼，成身臭晒！（預咗劇集出街畀人鬧？）自由評論嘛，如果觀眾鬧我仲開心，證明大家睇得投入。」
監製廖晉碩爆思捷為了突出「貼地Van仔佬」造型，主動要求素顏出鏡。思捷表示早於12、13年開始，已習慣不化妝出鏡：「一嚟皮膚受唔到化妝品，二嚟覺得個樣冇咁膠，我想睇自己嘅戲多過睇樣，有紋同雀斑都好自然。」劇中他對離婚的阿田有Feel，加上阿廉形成「三角關係」，他說：「我哋咁嘅年紀唔會喺感情上輕易做主動，最開心係結尾時我哋三個互相扶持，一齊喺逆境企番起身，我鍾意演呢類『重生』戲。」
港姐出身的林凱恩於《她》劇飾演田蕊妮與曹永廉之女。演齡尚淺的她被監製大讚是可造之材，指她拍喊戲，做到「要眼淚有眼淚」！
今次與一眾前輩大演對手戲，凱恩直言獲益良多，劇情更令她「感同身受」：「我演一個年約20歲嘅少女，面對升學、初戀、家庭等問題。合作嘅前輩都好好，最深刻嗰場戲係喺蘭桂坊醉酒撞到李思捷，跟住就到阿田狂鬧我。拍嘅時候我覺得畫面似曾相識好真實，之後同媽咪講番，覺得好似真係發生過咁。」
（on.cc）
