無綫藝人沈可欣去年年尾為老公楊證樺再誕下一子Sean，一家四口樂也融融。
話咁快細仔Sean就已經滿100日，呢日兩公婆為囝囝喺主題樂園大搞百日宴。沈可欣發文話多謝眾賓客抽空出席Sean百日宴，睇呢張咁熱鬧嘅相都知呢兩公婆平時人緣超好，嚟唔切逐一多謝。
多名賓客上載大合照至社交網，相中見佢哋三個大玩家庭裝，沈可欣及楊證樺着上同米奇老鼠嘅公仔衫，而Sean就以黑色衫、紅色褲加黃色襪仔，學足米奇老鼠，一家人襯到絕。網民話囝囝Sean面圓圓、肥嘟嘟咁，真係勁可愛！
唔少圈中人如無綫藝人鄧永健等都有出席，仲有呢位前港姐畀面現身撐場添！
前港姐寇鴻萍罕有露面，認真好驚喜！
(綜合報道)
藝人鄧健泓（Patrick）與太太石詠莉（Sukie）向來非常恩愛，不時都喺社交網分享夫妻相處點滴，相當冤氣。
踏入四月，原來就係佢哋兩個拍拖六周年嘅日子…
而咁啱老婆Sukie嘅新歌《動態回顧》又攞到唔錯嘅成績，為咗慶祝「雙喜臨門」，Patrick就專誠準備蛋糕，仲同老婆合照上載上網「放閃」，佢更留言：「2019年的4月， 是我們走在一起的第六個年頭。老婆六周年快樂。」
相中見佢哋家居Look上陣，齊齊做出「六」字手勢，Patrick仲笑到見牙唔見眼咁，真係好sweet!
（綜合報道 / on.cc）
50歲的他終於日前成功迎娶美嬌娘，遵循傳統迎娶、證婚與宴客儀式完成終身大事，伴娘還以九宮格連線迎親闖關遊戲考驗新郎。席間他還感性發言…
位位賓客都是大明星，其中有Ella陳嘉樺和Hebe田馥甄。
今年50歲、組合動力火車成員尤秋興日前與女友Jenny在台北舉辦婚宴，筵開55席，老戰友顏志琳擔任伴郎之一。
一對新人都愛狗，而且因遛狗結緣，因此喜帖以新人加上兩隻狗狗的肖像設計為主要元素，喜餅則中西合璧，新人特地挑選素食核桃甜口味的中式大餅。
一對新人在宴會上更穿上原住民傳統服飾，相當有特色，但對於婚禮花費則低調指不透露。
婚禮開始時，尤秋興先向父母道歉…
「爸爸媽媽真的很抱歉，這麼晚才結婚，讓我的媽媽都沒有辦法上來，因為她的膝蓋很痛，年紀大總是很多的病痛，是我們不孝，但也因為很晚結婚，才會結交這麼多朋友，所以就有很多朋友都到了現場，在這邊跟大家說謝謝！」
(綜合報道)
林心如與霍建華結婚後育有一女，目前已經兩歲，也到了該要二胎的時候，這兩年林心如也被粉絲頻頻催生，並屢傳已經懷孕，可是孕肚平平，全無動靜。
上月兩公婆出席友人派對，當天身穿一款白色T恤，搭配黑長褲，就再次傳出已經懷孕。
原來林心如與友人合照時，不知是無意，還是故意，站在老公後面遮住了小腹，此地無銀三百兩了做法被懷疑已經懷有數月身孕，只是礙於懷孕傳統，未到三個月不公開而已。
近日再有人爆料指有知情人透露林心如已經成功懷孕，並且還是龍鳳胎，霍建華為了照顧女兒已經停工休息，并指林心如孕吐反應嚴重。
消息看起來真實度蠻高，畢竟林心如最近一年工作很少，在家調養身體積極備孕，再要一個孩子也是正常舉動。
不過，仔細地看這份爆料內容卻非常假，細節經不起任何推敲。說是有知情人透露，可是圖片是18年7月份謠言，而這都快一年了林心如「孕肚」至今依舊平平，那她懷的是什麽呢？
網民用了去年七月的圖片，最後被揭發原來是假消息。
(綜合報道)
藝人區永權為美莊園尖沙嘴總店開幕任司儀，育有兩子分別8歲和7歲的他，直言補習學費都貴，要忙於跑數。
問會否送兩子外國讀書，他說：「其實太太喺新西蘭讀書，當地好Free係唔使讀，都希望小朋友第日都係咁，如果要去，爸爸就要努力啲。」
他說與太太結婚快十年，原本計劃十周年與太太去旅行，但兩子立即耍手、崩潰，他自爆原來一家四口至今也同床。
「係幾Sweet，但我哋兩個唔喺度瞓就大件事，佢兩個瞓唔到，搣甩好大件事，佢兩個示威，奪命追魂Call。（依家開始訓練佢哋獨立？）佢哋唔捨得，我都唔捨得，唔想佢哋太快大，我都要訓練自己獨立，原來問題喺我度。」
他又講笑謂四人同床，故冇可能有第三個小朋友。
(on.cc)
藝人余德丞與蔡思貝因合作拍攝旅遊節目而認識，之後惹上緋聞，關係撲朔迷離。
問可想與思貝拍劇？他表示原來兩人之前合作了無綫電視電影《警察故事2019》，當中兩人飾演情侶，但笑言只得幾場戲：「我只係點綴一下角色，但都算有個真正嘅交流，就係我揸車佢搭車，佢諗緊第二啲嘢，我逼佢同我結婚，就係咁。（冇親熱鏡頭？）冇喎，諗住大家喺一齊遊吓車河，但點知喺車入面，因為我逼婚佢唔理我，跟住就鬧交。」
問可想再與思貝拍劇演情侶奉旨親熱？他笑言：「咁真係要問監製先得，會唔會想將我同佢擺埋一齊咁做，但工作還工作，不論對手係邊個都要做，所以唔會特別強求，最緊要合情合理。」
(on.cc)
藝人陳敏之同林盛斌（Bob）尋晚兩家人齊齊圍埋打邊爐，咁烚吓烚吓之際，敏之嘅囝囝雷子樂同Bob三女林機兒（機機）咁啱就坐埋一齊，而喺電光火石之間，陳敏之同Bob嫂就忽發奇想，決定嚟個對親家，仲愈食愈有機，有「好消息」公布！
咁子樂本身就同機機同枱食飯好正常，敏之就突然拍片，爆料指原來子樂睇中咗機機，兩個小朋友都唔知咩事，點知Bob就嗌機機望住子樂，不過就點都估唔到年紀細細嘅子樂大發冧功，喺佢同機機對望時，將頭仔愈靠愈埋，啲大人紛紛起哄係咁Wow。
面對住又相機拍片，又有咁多雙目光，再加埋子樂嘅頑強攻勢，機機都忍唔住怕醜起上嚟，忽然低頭食嘢兼偷笑，餘光仲掃去望鏡頭，成個少女樣出晒嚟。
之後Bob嫂亦喺社交網大讚子樂，講到明鍾意子樂活潑主動，睇嚟今次「相睇」成功，兩位媽咪應記一功喇！
(on.cc)
藝人陳松伶（松松）接受電節目主持車淑梅訪問，問到松松被指當年離開無綫時被傳有情緒病？她說不想細究原因，反而想分享自己重新振作的經歷。
她坦言覺得其他人，甚至藥物都不能幫助自己變得強壯，一定要自愈，要自己照顧自己，她說：「好彩我喺上海工作嘅時候，遇到張鐸，佢畀咗我好大嘅空間。最差嘅情況係曾經唔想見人，唔想出門口，不過我依家已經好番，唔想再提！」
遇上張鐸的時候，松松以為他的年紀比自己大，怎料他竟比自己小8年，松松的反應是「得啦！多謝晒，唔使喇！」，起初她覺得這是一個錯誤的決定，但最終被張鐸感動了。
提到松松最近到廈門探老公張鐸班，不慎在雨中跌倒，更連翻幾個觔斗，更暈低了15秒，她的面撞瘀了，膝頭更掉了一塊肉，她打趣地說已拍照留念。其實這一次並非松松首次腳部受傷，她在17歲時放學回家煮飯，煲了眉豆雞腳湯，誰知把湯打翻了，燙到自己的腳，又跌傷了屁股，住院和在家休息各一個月，現在她腳上還留有疤痕。
問到松松當年和黎明演電視劇《天涯歌女》時，可有意亂情迷，她說：「仲有郭富城、林家棟、黎耀祥，佢哋都有教我演戲。依家佢哋已經係獨當一面、首屈一指嘅實力派演員。」至於與他們合作，有沒有談戀愛的感覺，松松說：「一見到已經嗒晒糖，好靚仔，好容易入戲，不過只係甜滋滋咁閃咗一下，因為我實在太忙。」
(on.cc)
歌手吳若希（Jinny）出席美莊園尖沙咀總店開幕活動，任剪綵兼獻唱嘉賓，Jinny說早上剛陪囡囡上完芭蕾舞興趣班，而快將兩歲的囡囡剛為N班面試，正等待好消息。
對於早前她與老公陪囡囡面試黑老公面一事(相關新聞：https://bit.ly/2D0o00m)，Jinny一臉茫然說：「喺公眾場合好少黑佢面，最多冇表情，返屋企就會反佢白眼。嗰日發生乜事呢？淨係Focus喺個女度，有女喺度，我唔理老公，冇印象有黑面。（幼稚園面試由入門口開始計分，所以緊張？）有聽聞，我好似冇叫過佢，冇印象有同佢講過嘢。（你哋一齊去喎？）係一齊去，記得等得耐有叫佢帶女出去，冇耐到阿女，印象中冇同佢講嘢，係有打過電話畀佢時急急地。」
她透露女兒本月23日兩歲生日，去年生日拍了一輯寫真及去主題樂園玩，今年撞正復活節假期，可能遲少少去。
有女萬事足的她，不諱言同老公感情淡咗，她說：「係，我哋唔係好熟，基本上好少傾我哋嘅嘢，一係傾個女，一係傾工作。」
她透露老公會將澳門的紙品生意正式搬來香港，她負責做介紹人助老公創業，問會否收佣？她笑言一家人冇特別計：「生意係佢負責，我自己錢自己袋，希望佢做好啲，順順利利。」
(on.cc)
已故藝人陳百強（Danny）父親陳鵬飛離世，終年95歲。資深傳媒人查小欣證實消息，並在社交網發文悼念：「據知老人家有福氣，走得安詳，吃完早餐，上了洗手間後頭暈，跟着便走了。」
問她陳爸爸是否4月5日離世？她說：「應該是，因為今早收到消息話係尋日。」她又透露陳爸爸生前點滴：「只知（陳爸爸）去世前如常返舖頭及飲茶，每日中午一點幾，他都會去陸羽同仔女一齊飲茶。」至於陳爸爸仙遊原因，她表示不太清楚，因其家人似乎想保持低調。
而跟陳爸爸長子陳百靈相熟的DJ車淑梅回覆東網，表示已致電慰問陳百強長兄陳百靈，她指陳百齡表示：「阿爸去得非常安詳，沒有半點兒痛苦的迹象，多謝大家關心。」又表示一年多前曾欲聯絡陳爸爸接受訪問，重溫陳百強的軼事，不過陳家指父親健康欠佳而婉拒了。
去年環球唱片公司曾舉行陳百強60歲冥壽紀念演唱會，環球董事總經理黃劍濤表示：「尋晚收到呢個消息，非常shock，非常尊敬呢位長輩，稍後一定會出席喪禮，送對方最後一程。」
(on.cc)
