天后容祖兒（Joey）於紅館舉行入行20周年嘅《PRETTY CRAZY JOEY YUNG CONCERT TOUR》演唱會，Joey連日來都有更新社交網，大晒幕後花絮片段及台上靚相！
今次佢就大爆原來有位藝人朋友不惜「紆尊降貴」，擔任工作人員喺背後默默支持，佢就係張敬軒啦！
Joey大晒多張與軒仔嘅合照，見軒仔由後台化妝、
綵排，以至試Mic都陪實Joey〜
果然夠晒老友！
見軒仔咁有心，Joey除咗獻吻兼攬攬「報答」對方㗎！
亦有留言致謝：「老友記張敬軒已化身工作人員，每日比我更早到達紅館，調整好我的耳機和咪高峰，好讓我能在最舒適的環境裏進行19晚演出」。
（on.cc）
早前謝婷婷於社交平台公開誕女已經100日的喜訊，但婷婷一直未有未公開囡囡生父身份，引來無數猜測。
婷婷一路都好保護囡囡爸爸的身份，但今次婷婷更新ig story時就有意無意地疑似洩露囡囡爸爸身份，令其身份曝光！？
婷婷曾多次在Stories上載囡囡相
今次疑似透露B女生父秘密，事緣婷婷上載一張素菜相並配文：「delicious（好吃）homegrown（自家種植的）」還@了一位名字叫做「marqbloq」的人。
而「marqbloq」真名叫做Mark Block，IG頭像是一隻狗，帳號設置為私密。
但頁面上卻有他公司主頁連結，顯示了其公司全名「B&B Bearing and Electric Motor Ltd.」，主營業務是銷售及維修軸承和電動機，Mark Block這家公司嘅另一個平台顯示了他的全部訊息，雖然頭像係黑白及戴住黑超，但明顯是一名外國人，年齡約40歲，與婷婷年紀相若。
而其公司網頁都顯示由2003年開始他就在家族企業工作，至今已經16年，在公司任職總裁，財力應該好雄厚。
此外，從Mark的教育背景顯示，他一直在加拿大讀書，而婷婷亦畢業於加拿大溫哥華不列顛哥倫比亞大學，兩人背景及學歷相似，很有可能早已認識。
雖然不知道他是否BB的爸爸，但Mark不時與婷婷在社交網互動，看來與婷婷交情匪淺。
(綜合報道)
已育有兩個寶貝仔的女星葉翠翠今日宣佈意外佗第三胎，她發文說：
「本來都沒有打算再來一個，可能上天覺得我哋屋企未夠熱鬧。。這幾星期都沒有做直播，因身體覺得好累，妊娠反應，現在好了很多，下星期開始可以同大家直播了。但也希望給未能懷孕女士一點希望，我都曾經花了一年以上調理身體睇中醫，食補充品幫助自己，如果不是有婦科疾病的女士，只要找對方法，願意去試，堅持都能懷孕的。加油！*今次連懷孕咗都唔知，發現好似咁耐都未月經呢，然後睇吓時間表，見到遲咗一日，便試下用驗孕棒。。。嚇到手震。」
之後翠翠又在留言中透露原來前後共驗了四次孕，才慢慢相信自己第三度懷孕的事實，並晒出驗孕棒照片。不少網民和翠翠粉絲立即送上祝福，並祝願翠翠第三胎追女成功！
有傳媒聯絡上葉翠翠，她興奮表示：「自己都嚇一嚇，本身無諗住生第三個，曾經係有諗過生，但都覺得唔好喇，照顧兩個小朋友夠喇。後來數數日子發現咁耐都無月經，平時係好準，因為之前好努力想要小朋友但都無，所以屋企好多驗孕棒，同排棒，即刻膽粗粗去驗。試完一次以為壞咗，試到第三支，我就打畀中醫問會唔會驗錯，佢話唔會，仲話我補身補得太好，以前搞咗年幾都未成功。收線後我再試第四個驗孕棒，知道個結果覺得都係真嘅，自己都手震。」
翠翠回想當日知道真的懷孕即刻手震，她指：「屋企已經好亂，真係怕會爆炸，其實之前同老公傾過都話唔再生，但我打畀佢，佢知道咗都好開心。」翠翠暫時未知第三胎性別，表示要驗血才知。
問到丈夫得知將再做爸爸後有何反應，她表示：「其實生完第二胎後我係話想第三個，但當時老公反對，話因為怕會好辛苦去照顧，佢都說服咗我唔再生第三個。到今次証實咗之後我同佢講，好奇怪地佢又好開心。」
再次恭喜葉翠翠，一家五口超熱鬧！
(綜合報道)
好多小朋友都唔鍾意食蔬菜，唔少父母都會將蔬菜切碎再混入米飯當中，神不知鬼不覺。澳洲就有一位媽媽，能人所不能，佢為佐提升一對仔女對食物嘅興趣，每日都出盡法寶，親自炮製卡通愛心餐，有胡迪、海綿寶寶、比卡超、Peppa Pig……全部都超像真！
2015年開始，一位澳洲墨爾本的母親Laleh Mohmedi開始將自己為囝囝Jacob做的愛心料理放上Instagram與人分享，其實很多人都有這樣的習慣，但幾年間Laleh已成為有19萬人追捧的網紅，因為她的料理愈做愈精緻，卡通人物維肖維妙，大部分都是人氣極高的角色，如近期《反斗奇兵4》熱播，她便製作胡迪、翠絲等料理，並獲得大品牌垂青，邀請她合作或是開班教大家製作創意料理。
一開始，Laleh為Jacob製作了一份獅子形狀的班戟，囝囝開心到不得了，於是Laleh就越黎越落力。小朋友成長期要吸收足夠營養，吃進肚裡的食品除了要有賣相，健康亦很重要。她曾在訪問表示：「我用的都是當造並且新鮮的蔬果，只要Jacob前一晚告訴我想要甚麼角色的食物，翌日就會為他準備好，他甚至說過要Michael Jackson造型的晚餐。」
製作一個餐，大約花上30至45分鐘時間，而Laleh推崇健康、有機，不加防腐劑也少鹽少糖，最常用的食材便是羽衣甘藍，甚至擅於用天然食材做出染色效果，所以食物都色彩繽紛，使小朋友胃口大開。
人體有70%由水組成，即使喪失10％水分時亦即會感到不適，可以話喺「飯可以唔食，但水唔可以唔飲」。
喺日常生活當中，我們會接觸不同的「水」，但看似清澈的水是否如眼看一樣無雜物？飲水機的水、未煲滾的、翻煲的、存放太耐的、加冰的和有氣的水喺咪都不適合飲用？
1：飲水機的水
高溫可殺死水中的細菌和微生物，而水的沸點是100℃，但飲水機通常只會把水加熱至約81.5℃，雖然81.5℃已可殺死水中部份細菌或微生物，但不會比100℃殺得更徹底。如果是使用從供水商訂購的樽裝蒸餾水、定期清洗水機及水槽、避免用手接觸出水位置，便不用太擔心。
相反，有些人會自行把自來水添進水機，過程中自來水接觸空氣和其他物件的機會增加，受污染的機會亦會提高。另外，即使是蒸餾水，存放時間亦不要超過兩星期。
2：存放太久的水
究竟水可以存放多久，咁就要視乎存放前的處理方法和存放情況，如果水已經煲滾，放涼後密封處理，污染機會低的話，存放兩星期亦無問題；如使用普通、非密封式的家居器皿，她就建議只存放一、兩天；另外，即使是密封包裝的樽裝水，如開蓋後直接用口飲用過，亦不宜放置太久，最好一日內喝完。
3：自來水
香港食水經過多重沉澱、過濾及消毒過程，從濾水廠輸出時是符合世衞的《飲用水水質準則》，可直接飲用。然而自從濾水廠輸出後，食水會經過許多儲水池、水管，難以確保渠道是否100%清潔和安全，途中有機會帶上細菌或被污染，因為自來水最好先煲滾才飲用。
現在很多家庭都會安裝濾水機或濾水器，過濾後的自來水是否100%清澈無雜質呢？這要視乎所用的濾水產品的規格，可以過濾多少、過濾甚麼雜質，有些產品會標明可過濾重金屬或微生物，例如獲美國國家衛生基金會NSF53認證的濾水器可有效減少鉛含量，市民購買再安裝前最好先了解家中水質和需求。
4：重覆煲滾的水
有說法指反覆煮沸和沸騰過久的水，水中的鎂、鈣等重金屬和亞硝酸鹽的濃度會提高，容易引起腸胃不適，造成腹瀉和肚脹。自來水中的確有以上物質，但含量非常少。根據世衛提出的標準，每公升自來水只可含50毫克硝酸鹽及3毫克亞硝酸鹽，而香港自來水每公升則有4.4毫克硝酸鹽及0.004亞硝酸鹽，即使重覆煲滾後兩者的含量上升10倍，亦比世衛標準低。如跟加工肉類相比，硝酸鹽及亞硝酸鹽的含量更高。
5：加冰粒的冰水
據早前的報道，香港有60%連鎖快餐店使用的冰粒樣本驗出大腸菌群含量超標，飲用後有機會患上腸胃炎。除了存放方法，亦要視乎用甚麼水來造冰，如果水本身已經受污染、含超標大腸桿菌，那麼造出來的冰也會含菌。如果在家製冰，最好使用用密封式的冰模。至於外出用餐時想避開「有菌冰」，只有走冰了。
6：氣泡水（Sparkling water）
氣泡水是加了二氧化碳或碳酸的性，呈微酸性，亦無卡路里，成份或純水幾乎一樣。雖然與水無大分別，口感卻與汽水一樣，但就不要以氣泡水取代水、整日飲用，對於胃本身不好的人容易引胃氣脹，而且碳酸亦會影響牙的法瑯質。
7：只喝蒸餾水、礦泉水或礦物質水是否最安全？
蒸餾水就是無雜質的純水，長期飲用並無問題。
而礦泉水是天然水，取自高山或地下水，因而含有礦物質，如鋅、鈣和鎂等等，含量比經過濾的自來水高一點。而礦物質水則是在純水中人工添加礦物質，如鎂、鉀、鐵等等。不過長期飲用礦泉水和礦物質水的人，尤其是腎功能欠佳的，因為如果未能完全排，便有機會影響心臟成肌肉功能。
現年37歲嘅前港姐冠軍本葉翠翠身育有兩個囝囝「小王子」及「小小王子」，今日佢就透過社交網宣布第三度懷孕，佢晒出一張超聲波圖，並留言：「本來都沒有打算再來一個，可能上天覺得我哋屋企未夠熱鬧。
葉翠翠留言：「我驗左共4次，自己都唔敢相信。。。😅」
這幾星期都沒有做直播，因身體覺得好累，妊娠反應，現在好了很多，下星期開始可以同大家直播了。但也希望給未能懷孕女士一點希望，我都曾經花了一年以上調理身體睇中醫，食補充品幫助自己，如果不是有婦科疾病的女士，只要找對方法，願意去試，堅持都能懷孕的。
加油！*今次連懷孕咗都唔知，發現好似咁耐都未月經呢，然後睇吓時間表，見到遲左一日，便試下用驗孕棒。。。嚇到手震。」
之後佢又在留言中透露原來前後驗了四次孕，才接受第三度懷孕的消息，並晒出驗孕棒照片。
恭喜翠翠三年抱三！
(facebook /綜合報道)
李亞男去年12月為老公王祖男誕下囡囡天韻（Gabrielle）。7個月大嘅Gabrielle遺傳佐媽媽嘅身高同靚樣，面仔脹卜卜被封為「倉鼠妹」，亞男仲當正佢喺公仔日日玩Cosplay，更直言：「阿囡都好慘，畀我哋玩謝咗」。
Gabrielle性格比較cool，令新一代笑星祖男爸爸成日扮鬼扮馬先氹到囡囡開心笑，勁有挫敗感，但亞男更樂見老公為囡瘋狂，更笑指：「我除咗整啲好嘢食留住老公個胃，要生多幾個留住佢個人啦！」話要為祖男再添丁咁話。
亞男話Gabrielle出世後，令一家人好開心，多了很多笑聲，「我依家成日幫佢換衫，啲朋友又好好送啲衫畀佢，好似扮士多啤梨咁，我日日幫佢影相，佢成為咗我嘅玩具，趁佢依家乜都唔識就盡情玩佢囉！佢日日塊面好多口水，俾我哋狂錫，半夜起身飲夜奶，都要同我哋玩一陣，個女都好慘，畀我哋玩謝咗！佢個樣好cute，好似倉鼠個嘴含住好多瓜子咁，塊面有好多骨膠原，我哋叫佢『倉鼠妹』，係姑姐（祖藍妹妹）幫佢改。」
雖然Gabrielle仲細未識反抗，可以俾亞男任玩，但cool cool地的她就唔容易笑，搞到亞男和祖藍要出盡法寶扮嘢，「佢喺我個肚度老公拍緊音樂劇（《你咪理，我愛你！》），佢一聽歌就踢我，佢個天韻都係咁嚟，依家都成日畀佢聽啲好音樂，佢扭緊計有音樂都會安靜啲。佢玩玩具又唔玩得耐，鍾意人同佢講嘢，要有互動嗰啲。（鍾意睇Live騷？）哈哈！係呀！畀佢玩一日好倦，我同佢一齊睇書，教佢讀啲生字，仲要扮埋嗰啲動物，佢先會有啲特別反應。佢又開始模仿我哋表情，好似嘟嘴咁，佢啲神態似我老公，但好彩佢個樣同身高似我，我贏咗，神態就由佢啦！佢性格都似我同老公細個，比較文靜，佢係有啲cool，我哋要出好多力令到佢笑一下，搞到老公個存在感差咗，要睇佢本小姐心情先會笑，我同老公會成日扮貓扮狗叫，好低能嘅嘢出晒嚟去O氹佢開心。」
亞男坦承有了Gabrielle，令祖藍更黐家，「有啲時間爸爸喺屋企多啲，或者半夜同佢玩多咗，佢又會同爸爸熟啲，反應多啲，所以祖藍唔敢飛得耐，生多兩個佢可能唔飛O添！除咗整啲好嘢食留住佢個胃，要生多幾個可以留住佢個人呀！哈哈！佢以前收工都會即趕飛機返嚟，有咗阿囡之後佢就更加趕返嚟，中途仲要我畀阿囡啲片同相佢止渴。其實我哋拍拖時，仲係曬相年代，佢會攞住我張相睇完擺喺牀邊先瞓，好似幾好笑又好浪漫，不過暫時我同佢電話啲相都係阿囡行先。」
講到生下一胎計劃，亞男踢爆祖藍想生雙數，「我老公話一係生兩個、四個、六個，一定要雙數，因為佢話唔想中間嗰個被忽略。我就覺得兩個先，唔係生出嚟就搞掂，係要培養佢做人同讀書，同埋香港讀書好緊張，生咁多個我要做好多功課，我又唔想囉！如果畀啲中文嚟，sorry阿囡媽咪都唔識，要等爸爸收工先做到，其實我仲要湊老公呢個大仔，生多個差唔多啦！（仔定女）生多個仔係好完美，但女仔我都好鍾意，因為斯文啲，可以日日都扮靚。」
至於對Gabrielle期望，亞男認為品格同人格重要過一切，「有好品格就已經係成功嘅人，當然讀書都要盡力，好彩我好睇得開，都唔擔心會變怪獸家長，同埋我細個讀書都勤力，但唔係考第一只係攞Ｂ嗰種，所以我唔會逼佢。（如果佢想入娛樂圈呢？）我都會全力支持，但要睇佢動機，如果只係想人哋留意佢，就唔係咁好，要真心對表演有興奮，唔希望佢係三分鐘熱度。」
泰國一名女星班娜娃（Panward Hemmanee）經常在社群媒體上分享她與兩名孩子的日常生活…
昨日Panward在IG上發布了一段剛擠完母乳的影片，並留言：「今天擠出這樣顏色的奶水」。
只見影片中的奶水並不是一般的白色，而是「血紅色」，奶水裡還有血塊，看起來十分可怕，更嚇壞了不少網民。
有網民表示，若是擠奶時出現「血奶」，可能是因為「乳頭上有傷口」或是「乳腺旁的微血管破裂」，導致奶水混雜著血液；也有網民表示擠奶器的強度太強了，應該停止使用2至3天；而看到網民留言後，Panward也表示：「已經去看醫生了。」
若是奶水裡含有血塊，可能就是破裂的微血管導致血液凝結在乳腺中，但也有可能是其他原因，不過最好還是到醫院檢查。
到了今日，Panward發文並上載健康人奶的相片，留言說：「醫生檢查過後說是由於使用擠奶器引起血塊的。擠奶器泵壓力太高，因而引致毛細血管破裂和乳頭破裂，醫生又說沒有發現腫塊或乳腺炎。」
她又感謝各位的關心，並會承諾盡力當一位盡責的母親。
(IG / 綜合報道)
羅仲謙、張曦雯、韋家雄、張秀文和張文慈等，今日為新劇《木棘証人》（暫名）試造型。謙仔相隔3年再返無綫，在劇中演便衣警員，是貼地散仔，有別於以往的幹探，問到會不會參考最近的新聞攞靈感？佢就話：「不用，自己設計啦！」
謙仔今次回無綫拍劇，其中原因是可以跟實力派的韋家雄合作，「我老婆楊怡以前跟家雄合作，我未合作過」。佢指楊怡好掛住娘家嘅一班台前幕後，原本會陪佢開工，但係自己搞錯日子。又透露老婆近期多做廣告、登台工作，今年內不會拍劇，因為彼此有共識展開造人計劃。
問到會否要求減少動作戲，以免耗損體力，影響造人？他笑說：「我對自己體能有信心，沒問題，生仔要實行了，前兩年我有一半時間在內地工作，回來拍無綫劇留半年，多點時間在香港。」其實他婚後想過再跟老婆合作拍劇，好多人都勸阻，擔心他們為工作衝突，但他充滿信心：「老婆是視后，演技好，值得我參考。」
藝人袁偉豪（Ben）及錢嘉樂到電台宣傳電影《使徒行者2諜影行動》，嘉樂表示電影剛剛上映：「聽樂小姐（樂易玲）講大陸已經有1億7千幾萬票房，係個幾好嘅開始。（慶功未？）未，我哋兵分幾路，我哋做電台宣傳，佢哋就有啲去咗馬來西亞宣傳，其實我哋前幾日都齊人喺北京宣傳。（之後有其他宣傳計劃？）未計劃，等佢哋安排。」Ben就表示有兩場動作戲和一場文戲，其中一場動作戲在緬甸，一場在香港：「香港嗰場就講我畀人KO中槍走咗，今次有得再參與都好感恩，我好投入成個製作過程，就算冇我嘅戲份都會喺片場睇。」
嘉樂就踢爆Ben特登陪女友張寶兒到西班牙拍戲：「明明得兩日戲，但佢哋就去咗10日。」Ben就表示去學嘢：「因為咁啱工作未有安排，所以就去睇吓佢哋點拍，感覺都好新鮮，因為我啱啱入行就係拍劉偉強嘅戲多。」嘉樂笑言：「講笑啫，佢唔係淨係陪女朋友，見佢成日睇住個mon拍成點。」
Ben又表示今次與古天樂、吳鎮宇、張家輝都有戲份：「有場跟佢哋開會，睇三位影帝埋位前勾心鬥角，多多錢都買唔到，喺現場睇佢哋做戲，其中就同古天樂多啲戲，佢好Nice，佢見我唔好意思行過去睇mon，就叫我坐過去，佢一嚟到就會破冰，叫我唔使怕醜。」
問到電影可會參加影展？嘉樂表示一定要：「今次都係第一次有外國電影喺緬甸拍戲。（可會參加內地金雞獎？）唔知道，都交番畀公司內部決定，身為製作電影人就想乜都參加。（內地電影唔可以參加台灣金馬獎，你覺得可惜？）希望淨係做好電影，其他都唔好去掂。（成個行業變得好尷尬？）希望香港電影做番自己。」
（on.cc）
