藝人苟芸慧上年下嫁賽車手陸漢洋，兩公婆十分恩愛，不時社交網上晒愛…
原來陸生陸太仲好鍾意用數字傳遞愛意…
苟芸慧今次喺社交網上上載咗佢手上攞住兩張高鐵嘅車票，仲特別用紅筆圈住個坐位號碼，冇獨有偶，張飛嘅號碼真係夾都冇咁準，令佢冧爆甜入心…
佢喺社交網寫上：「第一次搭乘高鐵去工作，甜蜜的發現我的來回高鐵列車號碼 652099。」
「652099」代表「陸我愛你苟苟」，咁sweet嘅號碼真係好難得，當然要攞出嚟晒吓，唔少網民都話sweet到糖尿！
估唔到第一次搭高鐵就中咗呢個咁靚嘅號碼，苟芸慧就好似中咗六合彩一樣咁開心，自己都覺得超驚喜！
（綜合報道 / on.cc）
「宇宙最強」甄子丹日前舉家出席慈善晚宴，點知發生不愉快事件，受到不禮貌對待、種族歧視，最後成家不忿離場！之後傳出好多當日內幕事件，有指子丹嫌冇靚位坐，先至拉隊走人。（相關新聞：https://goo.gl/Yexzrd）
事件發生之後，子丹一直都未有發聲，因不想是非沒完沒了，但佢見到好多不實報道，覺得事件被嚴重歪曲，所以決定開腔回應，道出當日的來龍去脈：「其實大會邀請咗我做聯合主席好多年，之前因為時間唔啱做唔到，今年覺得點都要盡力幫手出席活動，做慈善同支持朋友，受邀請時，我同屋企人喺倫敦，我特登自己畀錢改機票返香港，仲去搵物資做拍賣，盡一分力。」
晚宴當日，其實子丹一落車，已經出現混亂，佢話：「我都明白，多人實會咁，我入場時都已經有好多人搵我影相，我見開始混亂，就入咗Ball Room，點知裏面有一班PR團隊，其中一位外籍女仕，佢非常無禮貌咁叫我哋出去。我唔明白點解要咁唔禮貌？但當時都有好多外地藝人喺入面。」
子丹續稱當晚現場冇保安、又冇指示，但他都覺得問題不大，一直自己照顧自己，但受到不禮貌對待，就忍無可忍，佢話：「太太見個位外籍女士態度咁差，就要求見團隊負責人，一位外籍男士就過咗嚟，佢用非常唔友善嘅眼神望咗我哋一眼，我太太説話未講完，佢就掉頭走咗，連基本尊重都冇，所以先至決定離開。」
至於有指子丹帶咗20個助手到場兼嫌座位不佳而離場，子丹表示：「簡直荒謬，應該有人為咗推卸責任，而搞咁多歪曲事實嘅嘢出嚟，好多人都知我得一個助手，而當晚我坐乜嘢位根本都冇所謂，我只係想做慈善同支持朋友，我朋友都有打畀我道歉，話嗰個人不嬲都係咁囂張傲慢，我都有搞過活動，好多嘢我都明白，但受到咁不禮貌對待，真係冇可能忍，呢個世界一定有種族歧視，我由細到大喺外國見好多，唔會否定呢樣嘢。」
(on.cc)
藝人黃心穎、黃浩然和鄭希怡為《法證先鋒IV》開工。由於拍攝期長達半年，該劇即將拍畢，心穎不捨之餘亦有興奮，並已計劃煞科後出埠旅行。
問去享受拍拖？心穎笑說：「佢（馬國明）忙緊夜更揸的士（正拍攝《降魔的2.0》），佢星期日朝早六點先收工，已經成個星期冇見佢。」
「（到時你得閒就煲湯佢飲？）我呀？我買啲零食畀佢啦。（唔介意凌晨去探班？）唔介意，我都凌晨先瞓嘅。（拎湯畀佢飲？）我諗都係買多，都未發生，費事一陣話我貨不對辦。」
穿上婚紗Look大騷事業線的心穎說：「呢場唔係我嫁，係陪人影婚紗相，但都着到似結婚咁。（有冇心郁郁想嫁？）因為着咗婚紗？咁又冇喎，之前都着過好多婚紗行騷，台慶嘅晚裝都好隆重，可能到我真正着婚紗都會揀啲好簡約嘅款。」
她最擔心是很多新娘子試穿上婚紗後都會感動落淚，最怕屆時沒有這種感覺。
問到結婚時，另一伴可給予性感示人？
她笑言：「到時你估佢仲有得Say咩，唔怕我反悔呀，但我都唔會揀性感嘅，都有諗過為自己設計婚紗。（設計得嚟差唔多？）再話你知啦！」
（綜合報道 / on.cc）
女星張栢芝去年誕下第三胎小王子，雖然身爲三子之母，但係身材依然好Fit，係正宗嘅索媽！
正所謂天下無肥女人，只有懶女人，栢芝身形之所以同昔日冇分別，全靠努力做運動！
栢芝喺社交網站上載一張做平板支撐動作嘅相片，眼神相當堅定！
仲發文勉勵各位媽媽：「不管多忙女人要保持心態毅力身形和自己的價值，不容許自己有任何藉口放棄自己原則和規律，所以大家問點解我生咗三個仔，都唔似生咗仔嘅媽媽，其實背後付出了很多努力的，加油各位媽媽，女士們，只要你願意可以永遠停留未生過嘅體態。」
此外，栢芝仲上載自己設計嘅生果杯，多種水果好有營養，唔怪得三子之母可以keep到咁Fit啦~
（綜合報道 / ig）
衆所周知，楊明和莊思明呢對圈中情侶感情一直好穩定，亦不時被人催婚，不過相信佢哋自己都有計劃。
呢日思明喺社交網上載一張「全家福」，見思明同楊明之間多咗個小女孩，楊明抱住個小女孩仲表現出一副慈父樣，而思明都好鍾意個小朋友，仲又攬又作狀錫~
思明仲話：「如果我有個咁可愛嘅女就好啦！你實在太可愛，好想帶你返屋企。」
網民都話呢個「一家三口」嘅畫面好溫馨，仲話二個都咁鍾意小朋友，快啲拉埋天窗自己生個啦！
(綜合報道 / on.cc)
有指吳綺莉昨晚因懷疑油麻地某唐樓其中一個單位有人被反鎖屋內，擔心屋內有人遇害，因而報警求助，大批消防員趕至，此事件驚動大廈的兩層住戶，最後發現原來是虛驚一場，只好收隊。
有傳媒聯絡卓林，她承認是媽媽報警，更坦言「都唔知佢(吳綺莉)想點。」她續說昨晚消防員突然逐家逐戶拍門了解，並問：「有冇聽到有人慘叫？」後來鎖定其單位，她才知悉是吳綺莉想借警方聯絡她。卓林說：「我都好尷尬，因為太辛苦警察同消防，仲影響埋鄰居同業主，真係唔好意思。」
卓林直言媽媽一直未能接受「新抱」Andi，母女之間仍需要空間，二人已有兩星期沒有聯絡，但卓林就一直有與媽媽身邊好友聯絡。
她說：「事發前幾個鐘先同一位auntie傾完電話，事後問佢咩事，佢都係完全唔知道，我覺得媽媽係需要睇醫生。」
問會否想辦法修補母女關係？她說：「由頭到尾我都要求空間，之前我冇直接聯絡佢，可能佢發脾氣，但今次事件後，我都會覆佢短訊，唔想再刺激佢。」
有傳媒就電吳綺莉，她指「沒回應。」
(綜合報道 / appledaily)
藝人黃翠如、連詩雅和馬貫東於電視城為新劇《致所有愛過的人》拍攝醫院戲份，投入角色的他們心情沉重。
黃翠如角色比較沉重，好入戲啊！
談到4月1日全劇煞科，翠如雀躍表示：「我想去揼吓骨，連詩雅話想行山，約咗嘅。（今次會休息長少少？）話6月再開劇，中間可能會拍旅遊節目，依家做緊資料搜集，會去啲好窮嘅地方，有一定危險性。（老公蕭正楠唔擔心？）佢未批准，但呢次節目帶出訊息好有意義。」
被傳媒問到是否需要恭喜她懷孕時，她即說：「冇呀！諗嚟諗去可能係我家姐尋晚生咗，我哋個名差一個字，所以引起誤會。（計劃幾時生？）我係冇計劃嘅人，當日結婚都冇啦，不如問吓連詩雅同馬貫東，佢哋喺劇裏面好有計劃，結婚生埋B。」
翠如承認家中添了新成員，恭喜翠如啊！
她指昨晚因開工關係，未能往醫院探望姐姐：「佢生咗個女，似姐夫多啲。（送大禮？）會，但未有時間買。」身旁連詩雅則笑指翠如有食雪榚，所以亦不信對方有BB。
相關新聞：
【盛傳已有喜2個月】蕭正楠黃翠如首回應 https://goo.gl/X1RSn4
【開始見肚 蕭正楠超開心】黃翠如被爆已有喜兩個月 https://goo.gl/Yo1XnL
【甘願做蕭太黃翠如背後的男人】蕭正楠：一起到老 https://goo.gl/j1Sbvr
【蕭正楠回應超甜！黃翠如：以後你的生日，也變成你太太的生日】https://goo.gl/ZDmtPr
(綜合報道)
食物及衞生局局長陳肇始在立法會上表示，疫苗可預防疾病科學委員會已就最新情況，建議提前為18個月大幼童注射第二劑麻疹疫苗（MMR），並已就新建議作人手規劃及招標事宜，料母嬰健康院可於2020年實行新措施。
科學委員會下月初有會議，將討論為未對麻疹具免疫力的成年人，接種麻疹疫苗的建議，陳肇始說，衞生防護中心會參考，在適當時間公布。
陳肇始指，世界衞生組織建議第一針MMR疫苗應在1歲時接種，若傳播風險低、疫苗覆蓋率高的地方可決定在幼兒15至18個月大時接種，或在入讀學校後注射。由於本港絕大部份市民對麻疹有免疫力，傳播風險低而第一針接種的覆蓋率高，因此現時做法是在幼童1歲及入讀小一時為其打針。
她說，香港麻疹疫苗接種的整體覆蓋率一直保持在高水平，近年亦沒有出現麻疹於社區爆發的情況，而1985年或以後在本港出生並就讀小學的人士絕大部分已在「香港兒童免疫接種計劃」下接種兩劑含麻疹疫苗，因此香港市民防疫麻疹的能力非常高。
陳肇始補充，科學委員會早前經檢視後，考慮到麻疹在多個國家和地區出現爆發，而本地1歲至小一的兒童，只是接種一劑疫苗，他們到訪麻疹爆發或發病率高的地區，是有較高感染風險。因應最新情況，委員會建議提前接種第二劑疫苗的時間，由一年級提前至18個月大。
陳肇始說，母嬰健康院已作出規劃，安排招標採購，以及相關物流及人手安排等，期望在2020年上半年起為18個月大兒童接種第二劑疫苗。
(singtao)
無綫藝人郭子豪涉醉駕，今晨有記者聯絡他時，他表示自己整晚沒有駕車，還在家中，指醉駕的人不是他本人。（相關新聞：https://goo.gl/ReA6Dd）
但剛剛郭子豪再次聯絡記者，表示為昨晚發生的事情道歉…
他謂：「我在此為昨晚發生的事情衷心道歉，由於已進入司法程序，我不方便再作回應，我會全力協助警方調查，並承擔相關責任。而在今日清晨回覆記者時，我在混亂情況下回答了我在家，沒有駕車，當時因為思想有點混亂，亦因為家人未知道這個事情，故不想令家人擔心，所以未有想清楚就回答，因此引起了誤會，我必需要為此再次道歉。我承諾以後會更注意安全駕駛，不要讓自己的過錯影響到其他人。」
(on.cc)
今日係已故歌手盧凱彤（Ellen）嘅生忌，作為知心好友嘅何韻詩又怎會忘記？
今日，何韻詩喺社交網上載一張同Ellen嘅舊照，並發長文悼念好友，話無意中睇番一段Ellen寫過畀佢嘅話，佢一直嚟都珍而重之…
「妳都是這樣的，看完一個讓妳有感覺的演唱會、聽到一張喜歡的專輯，總是會比別人都認真地發來一段看／聽後感，而且一般都是數天後，顯然是很有責任地消化後，深思熟慮地寫下的文字。這些訊息我都珍而重之，並非因為妳後來的離開，而是在當下收到時，我便已把這些真誠又可愛的心底話，好好的保存在我的記事本裏。如此讓人疼愛的人兒，怎能不好好保存？」
她續說：「那段話，是妳聽完《共存》後寫下的，後半段是這樣的：『我想說的是：我聽到你的純淨，你的出發點。所有音樂人都是在懷疑跟退縮裏被淋得一身傷痕的，但我看到你的倔強…好像從來沒跟你說過，你的音樂是如此的用勇氣孕育了我，給我力量，我為你的這張專輯而驕傲，因為它是在渾濁雜亂的世界裏，把一切距離拉近的藥。』」
雖然Ellen如此欣賞何韻詩，但何韻詩就認為佢所講嘅係佢自己：「妳曾經在這裏發出的光，仍然熾熱。生日快樂我妹子。知道妳在那邊好好的，應該正在努力學習吧？我們在這邊亦然；好好向前，總會再會。勿念。」一字一句盡顯何韻詩對Ellen的掛念，一切都只想身在天上的Ellen安好！
至於盧凱彤的at17摯友林二汶就發文：「從你出生當天開始，我的生命就注定有一片天空永遠放晴，永遠。多謝你，我愛你。」
(facebook)
