【盛傳結婚一年已經有喜2個月】蕭正楠黃翠如首回應

2019-03-24

剛剛慶祝42歲生日的藝人蕭正楠即傳來喜訊，有指他快將做爸爸！

去年《萬千星輝頒獎禮》他自爆與黃翠如已秘婚，婚後僅一年，即傳出翠如已懷有兩個月身孕，預計可以趕得及做年尾生個豬BB。 (相關新聞：https://goo.gl/Yo1XnL)

有指已開始見肚的翠如，近日仍照舊開工拍新劇《致所愛過的人》，劇中她飾演孕婦，周時要裝假狗佗「巨肚」，可謂巧合到極，故不是太多人知她真的有孕，反而蕭正楠心情仲興奮過翠如，有傳佢近日已向身邊友人透露家有喜事。

不過蕭正楠向傳媒否認翠如佗B消息，更加上三個哭笑不得嘅Emoji：「不是啦😂😂😂！多謝關心！」翠如亦向傳媒否認大肚。

而作為「小三」、二人的共同好友曹永廉亦搞笑表示係流料：「真係流㗎！呢單Case我跟足晒，有啲咩我一定知，以我知嘅就真係流嘅，除非連我都唔知咁就冇計喇…」

相關新聞：

【開始見肚蕭正楠超開心】黃翠如被爆已有喜兩個月 https://goo.gl/Yo1XnL

【甘願做蕭太黃翠如背後的男人】蕭正楠：一起到老 https://goo.gl/j1Sbvr

【蕭正楠回應超甜！黃翠如：以後你的生日，也變成你太太的生日】https://goo.gl/ZDmtPr

(綜合報道 / on.cc)

【再爆仔仔Rafael…】鄭嘉穎忍唔住：希望佢會搣甩呢樣嘢

2019-03-24

藝人林峯、鄭嘉穎、譚耀文接受香港開電視主持馬梓軒（William）專訪，分享拍攝新戲《P風暴》點滴。談及戲中最Chok的一位，嘉穎直指非阿峯莫屬。

向來予人乖乖仔形象的阿峯，戲中與阿譚同演反派，更發現演反派樂趣多：「今次真係第一次嘗試演一個反派人物，我都同阿譚講原來演反派係咁過癮！」阿峯與女友張馨月現在拍拖時常被野生捕獲，阿峯卻甚少與傳媒分享感情事，為此阿峯解畫：「一部電影作品有咁多台前幕後嘅人，用咗咁多個月咁辛苦去拍，然後透過我地去宣傳作品時，如果將視線投放喺我嘅私人嘢，我覺得好唔專業！」最後阿峯強調，若自己將來成為人父，會很樂意跟大家分享家庭生活。

初為人父的嘉穎，透露早於兩年前與阿譚合作音樂劇期間已嚮往當爸爸，但阿譚則反駁：「雖然你嚮往，但當時你話唔好搞我！」

嘉穎笑言：「咁又唔係，只不過煮到埋嚟就食啦！相信阿峯都係咁諗㗎啫係咪？啱timing，遇到啱嘅人就去做囉！」

嘉穎更為兒子鄭承悅（Rafael）遺傳了自己的個性而哭笑不得：「我個仔有我啲脾氣，總之佢周身郁唔合作，你叫佢去東佢就去西，我希望佢會搣甩呢樣嘢！」

(綜合報道 / on.cc)

【3歲Tessa越大越靚女】JC囡囡生日有2位男神畀面到賀

2019-03-24

藝人安志杰及Jessica C.（JC）嘅女Tessa尋日（23日）3歲生日大搞生日P，除咗爸爸媽媽同細佬Elvis一定會出席之外，呢兩位型男都一樣畀面出席，真係「一家人」齊齊整整，場面熱鬧！

三個大男人為了遷就女主角，不惜蹲下與Tessa合照，Tessa又識做地摸着爸爸和契爺的臉，幾個大男人一臉冧樣，與平日有好大分別。

Tessa的生日會以卡通人物美人魚作主題，無論現場佈置和生日蛋糕等都是美人魚，而Tessa亦有穿上美人魚衫…

她站在生日蛋糕前，現場數十位大小賓客為他唱生日歌，爸爸安志杰一直在旁陪伴，媽媽JC則手抱只有9個月大的細仔Elvis。

至於Uncle Vanness 就忙於為Tessa的生日蛋糕點蠟燭，之後又做「阿四」，負責與現場小朋友玩。

Tessa有勁多禮物收，好開心啊！

爸爸同契爺超錫Tessa

安志杰的兩位好兄弟伍允龍和吳建豪（Vanness）獲邀參加契女生日會，Tessa一臉幸福！

安志杰上載囡囡生日會相片，留言：「Happy 3rd Birthday to my precious little princess mermaid cutie head forever love, Tess Wess! Had such a wonderful time! Thanks to everyone that came and Tessa is grateful for all the presents!」

伍允龍則貼相和留言說：「Happy Birthday to my little Goddaughter! 見到契女咁開心我都好開心！」

（綜合報道 / appledaily / on.cc）

【知道9個月囝囝超級驚】貼心媽媽吳雨霏同老公決定咁做

2019-03-24

作為新手爸媽，當然唔想錯過小朋友每個嘅第一次啦，靚媽吳雨霏（Kary）亦唔例外…

佢呢日就喺社交網分享囝囝Asher第一次剪頭髮情景…

Kary上載一張老公抱住囝囝剪頭髮嘅相，相中見Asher好乖咁坐定定，似乎未有太驚剪頭髮，但原來一切只係假象。

Kary 踢爆就算出動星級髮型師好友，9個月囝囝都係超級驚，要等後尾瞓咗先可以開始動刀，Kary留言表示：「Asher第一次剪頭髮梗係要搵星級髮型師啦！一開始BB驚驚，所以要等佢瞓着先剪到，真係好考技巧呢。Thank you Sing Sing！！！」

之後見Kary再晒出頭髮碎相，並留言：「Bye Bye baby hair」Asher應該有排都唔使再驚喇！

(綜合報道 / on.cc)

【早前瘋傳大S想與老公離婚】大S：很平靜、很安心

2019-03-24

台灣女星徐熙媛（大S）和汪小菲早前傳因財務問題陷婚變危機，前日是兩人的結婚八周年紀念，汪小菲於昨晚近12時在微博寫道….

「八年了，風風雨雨，開開心心，快快樂樂」，力證夫妻感情依然開心快樂，網民都留言祝福：「還有好多個八年」、「你們的幸福是我對婚姻唯一的嚮往」、「祝福記得住紀念日的人，永遠幸福。」

對於結婚8周年紀念，大S表示：「很平靜、很安心。」

她透露兩人留在家中慶祝：「小菲下班回家，身上只帶200元現金，買了6朵玫瑰送我，我們一起吃了薑母鴨，看了一下影集，就睡了。」兩人携手走到第八個年頭，大S的心得是：「現在的婚姻生活剛剛好，很幸福。」

8年來汪小菲一直陪在老婆身邊共度風雨，兩人除走過小產陰霾外，每次大S有負面報道出現，汪小菲都是第一時間挺身保護老婆，盡顯愛妻之情。

(綜合報道 / appledaily)

【攬住乖孫魔童實一實】袁詠儀70歲媽媽keep得好好！

2019-03-24

47歲的袁詠儀（靚靚）昨日為媽咪慶祝70歲大壽，除有她跟老公張智霖（Chilam）及囝囝張慕童（Morton）出席生日飯局，同場還有Chilam表姐上山詩鈉和囡囡Hilary、蔡一智全家和沈嘉偉等。

靚靚昨晚在Instagram貼出照片後留言：「Morton最愛的婆婆（即我媽，要我這樣寫）70歲生日，謝謝各位親戚好友給她一個愉快晚上，祝福大家身體健康，福壽安康。」

三代同堂為壽星婆祝壽，靚靚媽咪笑不攏嘴，又攬着乖孫Morton合照。大合照當中，靚靚媽咪和Morton企中間切蛋糕，反而靚靚和Chilam卻靠邊站。靚靚媽咪雖然年屆70歲，卻保養得宜，是凍齡靚外婆。

完全睇得出婆婆超錫魔童，可能因爲大家都好似樣，哈哈~

(綜合報道 / ig)

【開始見肚蕭正楠超開心】黃翠如被爆已經有喜兩個月！

2019-03-24

剛剛慶祝42歲生日的藝人蕭正楠即傳來喜訊，有指他快將做爸爸！

去年《萬千星輝頒獎禮》他自爆與黃翠如已結婚，婚後僅一年，即傳出翠如已懷有兩個月身孕，預計可以趕得及做年尾生個豬BB。

有指已開始見肚的翠如，近日仍照舊開工拍新劇《致所愛過的人》，劇中她飾演孕婦，周時要裝假狗佗「巨肚」，可謂巧合到極…

與林文龍合作演出《致所愛過的人》

所以不是太多人知她真的有孕，反而蕭正楠心情仲興奮過翠如，有傳佢近日已向身邊友人透露家有喜事。

相關新聞：

【盛傳已有喜2個月】蕭正楠黃翠如首回應 https://goo.gl/X1RSn4

【甘願做蕭太黃翠如背後的男人】蕭正楠：一起到老 https://goo.gl/j1Sbvr

【蕭正楠回應超甜！黃翠如：以後你的生日，也變成你太太的生日】https://goo.gl/ZDmtPr

（綜合報道 / on.cc）

【之前一家三口中曬招】即將卸貨張嘉兒：咩都未搞

2019-03-24

即將「卸貨」嘅媽媽張嘉兒已經懷孕34周，不過嘉兒仍然好活躍，不時四出走動。

大約一個星期前，嘉兒大呻一家三口都中曬招，她和囡囡都要戴上口罩…（相關新聞：https://goo.gl/jHBcHP）

越來越接近卸貨大日子，今日嘉兒趁住假期出動，見佢着咗件桃紅色裙擺咗個側面POSE，四肢依然好纖幼，果然得天獨厚呀！

不過話晒都34周，嘉兒都應該已經準備晒所有嘢，點知佢話：「話咁快就第34周啦。上一胎一早就準備咗個走佬袋，今次懶係有經驗，咩都未搞。」大家都叫佢快啲執，仲話好期待BB嘅來臨！

(facebook / on.cc)

【甘願做蕭太黃翠如背後的男人】蕭正楠：一起到老

2019-03-24

藝人蕭正楠（Edwin）昨日42歲牛一，雖然佢今年首次以「人夫」身份過生日，不過蕭太黃翠如就笑言自己依然大晒，就算老公生日，對方都繼續要做阿四。

不過其實翠如口硬心軟啫，轉個頭佢就已經約咗一班老友，好似劉愷威、洪永城、林夏薇、黃致豪等幫老公慶祝。

洪永城即場唱歌助興，似乎好肉緊喎！

Edwin於社交網晒出同翠如嘅合照，並留言：「其實真係我生日架（㗎）…蕭太！#一起到老。」

相中見翠如搶去主角位置，當正自己生日咁爭住吹蠟燭同許願，搞到老公Edwin一面無奈，惟有乖乖企喺後面做老婆背後的男人！

之後，翠如都有發文：「祝幸福，平安，健康，快樂，就夠。」原來蕭太心急霸住個主人家位置就係幫老公許願，好有老公心！

唔少網民都話蕭生蕭太呢對夫婦搞笑得嚟又好sweet，仲紛紛催佢哋早生貴子添！

（綜合報道 / on.cc）

【佗雙胞胎？】大肚何超盈挺孕肚孖未婚夫送Surprise畀四太

2019-03-24

四太梁安琪今日58歲生日，一班仔女齊集為佢慶祝生日。四太梁安琪率先於晚上6時50分乘坐七人車抵達，她以粉紅色外套配鮮紅色頸巾，Sharp爆現身。

心情大靚嘅佢全程保持笑容，又多謝記者祝她生日快樂。問到賭王送咗咩禮物，她笑笑口未有回答。至於問到超盈會送上咩Surprise，佢就表示：「你問番佢啦，佢已經送咗最大嘅禮物畀我。（依家講得超盈佗仔定佗女未？）你問番佢啦。」然後步入餐廳。

及後早前承認有孕、並表示將會喺媽媽生日送上Surprise嘅大女超盈，亦喺孖住未婚夫Thomas Xin現身餐廳。佢哋乘坐七人車抵達，貼心嘅Thomas先行落車，再慢慢扶住超盈落車。以Cap帽、黑色口罩同連身衫嘅超盈，一見到記者即上前打招呼。問有咩Surprise送畀媽媽，超盈話：「一陣先講啦。」然後再摸肚話：「呢個已經係最大嘅禮物。」而Thomas雖然未有回答問題，但亦保持笑容，盡顯紳士風度，之後，超盈喺未婚夫陪同下步入餐廳。

晚上約8時，四太大仔何猷亨亦手持一大紮鮮花同紙袋到達，並表示係送畀媽媽嘅禮物。