內地女星趙麗穎早前為老公馮紹峰誕下豬仔。
趙麗穎仍然坐月調養身子，但新手爸爸就急不及待接受大陸傳媒訪問講感受。
這也是馮紹峰在初為人父之後首次接受的專訪，訪問期間他難掩初為人父的喜悅：「以前感覺甚麼都不會做，而且心態也比較浮躁，但是有了孩子後，就覺得自己有耐心了，而且現在也會照顧孩子了。」
主持人再問到趙麗穎甚麼時候會復出重新拍戲？馮紹峰就透露：「我媽媽表示如果身體沒養好，那就不會同意拍戲。」看來趙麗穎深得馮紹峰的媽媽心，婆媳關係很好。
主持人又問到，你們夫妻兩個人經常拍戲，那麼以後孩子會選擇由誰來帶呢？他說：「她真的很熱愛拍戲這份工作，所以以後會盡量的少拍一些戲，把更多的時間留給孩子，讓她能夠有足夠的時間去拍戲。」
問到趙麗穎在初為人母之後有甚麼樣的變化嗎？說到這裏馮紹峰無奈一笑，因為趙麗穎有了孩子之後，彷彿沒有那麼堅強了，心思特別的敏感，有時候哄不好孩子，自己也會跟着哭鼻子。所以這個時候馮紹峰就慘了，不僅哄兒子，更要哄妻子。
陳豪、陳茵媺是圈中的模範夫妻，兩人一直恩愛甜蜜，與3名子女組成幸福五口之家。
昨日他們夫妻檔出席護膚品牌活動，白色打扮襯到絕。陳豪公開大讚老婆擁有天使般的心，美麗又有智慧，還為他帶來3個小天使，一屋都是天使。兩人認為一家人相處，愛很重要，經常將「我愛你」掛在口邊，所以他們絕對無七年之癢。
陳豪在活動上對陳茵媺發表愛的宣言，大讚陳茵媺是天使，擁有天使的心和外表，美麗有智慧。他邊說邊面紅，陳茵媺冧爆甜笑。之後受訪時，問到陳茵媺，陳豪平時是否經常口甜舌滑？她笑着承認：「Yes！但這是好事！」陳豪笑着擰頭說：「邊有！」但繼續向老婆示愛：「我講事實，我生命裏面遇到這位天使，然後fall in love到結婚，然後天使又帶多3個天使畀我，全屋都是天使！」
陳茵媺表示只會在家對老公甜言蜜語，好少公開講，「我們一向講真話，因為是真愛，所以我們之間沒有秘密」。他們認為愛好重要，每日都對另一半和孩子講「我愛你」，亦教育小朋友什麼是愛。陳豪說：「每日出門前不單攬一攬，仲一定要惜到嘴為止。」陳豪覺得愛情是一門高深學問，「不單只講情情塔塔，仲包含很多方面」。陳茵媺認同愛能令人增添自信和正能量。
問他們是否以行動實踐愛，因此誕下3個孩子？陳茵媺笑言不懂回答；陳豪則笑說：「好多人遺忘了愛，也不容易講出口，其實愛要行動，也要講，想也是愛，所以我們關係好透明，要講給對方去感受，怎樣辛苦、怎樣去感激對方！」問他們一起7年，有沒有7年之癢？兩人齊聲說：「無！」
他們經常夫妻檔出席活動搵真銀，陳豪說有很多活動邀請，一齊工作、一齊湊小朋友，是很好的經驗。說到3個孩子，陳茵媺透露兩歲女兒Camilla開始貪靚，「好貪靚，她鍾意紮頭髮，要揀靚衫先出街」。陳豪續說：「阿仔說要做爹哋，阿女想做媽咪都好正常！」
(mingpao)
研究顯示，大多數有偏頭痛的男孩，隨著年紀增長，頭痛會趨緩。但女孩子步入青春期後因為荷爾蒙變化，頭痛會更頻繁。
青春期以前，男女偏頭痛的比例差不多，但青春期起，女性受到動情激素（女性荷爾蒙）分泌增多影響，有偏頭痛的人增多，是男性偏頭痛病人的3倍，在三、四十歲左右達到高峰。
正因為荷爾蒙變化，許多女性在來經前、經期時，偏頭痛會更厲害。大部份有偏頭痛的女性在懷孕第二期時（12～24週），偏頭痛會漸漸消失。等到產後做完月子，偏頭痛又來報到。
更年期停經後，女性與男性有偏頭痛的比例又漸趨於一致。但如果補充女性荷爾蒙，可能惡化頭痛問題。
另外，一些研究顯示，偏頭痛的女性如果吃避孕藥、抽菸，會提高中風機率。
(中電時報)
車婉婉的寶貝仔BBQ就快兩歲大﹗
近日天氣忽冷忽熱，BBQ不小心病倒，令車婉婉非常擔心，在社交平台留言︰「依家做咗MaMa，先至明白MaMa和小朋友真的非常連繫。昨天日間和BBQ先生玩耍，突然覺得佢體溫有點不同，直覺佢『中招』！但是量度體溫又沒有異樣，以為自己疑神疑鬼😅。」
「午睡後，一向睡醒不扭計的BBQ先生忽然哭著一直喊MaMa，只是要MaMa，其他什麼都不要，Q MaMa心知不妙……睡到半夜Q MaMa突然醒來，聽到BBQ先生醒了，O no….佢透氣似乎好辛苦…..」
「其實BBQ先生的氣管好敏感，天氣這樣忽冷忽熱忽濕忽乾引致他喘症，醫生吩咐Q MaMa在天氣變化的日子要特別注意BBQ先生的呼吸，果然，今早起來有喘氣症狀，好在Q MaMa家中已經如醫生吩咐準備好一切去招呼病貓BBQ，他應該真的很辛苦，晚上吿訴MaMa他不想吃飯😰😰😰」
「BBQ先生今天一整天在打扙（仗），一直把體溫打到38度以下，依家都仲打緊，阿仔你好叻呀！要加油﹗您是我最勇敢的Fighter💪🏻 MaMa 會在您身邊打氣❤️😘😘 #病貓bbq #憂鬱的眼神 #D天氣想點 #佢呼吸唔到我都呼吸唔到」
希望BBQ快啲好返啦！
（mingpao）
三個囡囡聽完之後開心到飛起兼尖叫，其中大女林霏兒聽完仲喜極而泣！
佢真係唔係扮，連Bob嫂都忍唔住話使唔使咁誇張時，霏兒堅係喊，仲話：「我唔知自己點解會咁。」
最後霏兒仲好似未能平復心情，成個人呆咗咁！
當紅男團防彈少年團（BTS）前晚（20號）揭開香港站一連四場騷，佢哋真係迷到唔少年齡層嘅歌迷，就好似陸永大女Hannah同埋鄭裕玲（嘟姐）都係粉絲！
呢日藝人林盛斌（Bob）同三位囡囡Facetime講，話佢哋可以去亞博睇BTS演唱會，呢個驚喜真係相當成功，仲不忘多謝老婆！
因為對BTS零認識嘅佢，今次要去陪坐：「我記得嗰陣阿媽畀我去睇王馨平演唱會，我都係咁上下反應！啱啱傾嗰陣我自己都眼濕濕，唔知做乜，癡鬼線！辛苦等陣媽咪陪佢哋喇，因為佢係完全唔識 BTS 啲歌嘅！亦感謝小霖叔叔同Sam哥幫忙，咁遲搵你哋都幫我搞到，代班小朋友多謝你哋！」
(on.cc)
昨日出席名牌酒會活動後，晚上相約Yumiko、吳浩康、梁學儲（Andy）及幾位好友一齊打邊爐，盡興而歸，Yumiko就喺IG貼出合照稱好掛住佢。。。
當年組成3T闖樂壇，推出一張唱片《少女蝶》後，三女拆夥各自發展，只有Yumiko仍在圈中發展。
Mandy放下歌手身份，出走台灣過新生活，目前打理自己生意，閒時出席品牌活動。
而Maggie已淡出娛圈，享受平淡生活。
蔣雅文（Mandy）、鄭希怡（Yumiko）和劉思惠（Maggie）當年組成3T闖樂壇，推出一張唱片《少女蝶》。
Mandy日前由台灣返港，昨日出席名牌酒會活動後，晚上相約Yumiko、吳浩康、梁學儲（Andy）、細妹蔣雅詩及幾位好友一齊打邊爐，盡興而歸，Yumiko就喺IG貼出合照稱很掛住Mandy。
Mandy則在IG貼相，留言：「早知道你有法寶，笑歪我的一個晚上，喉嚨都沙了，蛋糕很好吃，但重點是沒人生日，哇哈哈！」她配上《相對濕度》歌詞，笑Yumiko將「隔籬街」聽錯「界限街」，幾杯落肚，略有醉意，Mandy都喝多了，覺得有點暈，她與Yumiko用App拍片扮「人妻狗」時，更搞笑扮狗叫。
蔡卓妍在Yumiko的IG留言：「哇！！好耐冇見喇！」關智斌（Kenny）與容祖兒（Joey）身在日本滑雪，他亦回覆：「Miss Mandy too！」
不少網民見到Yumiko和Mandy合照，即想起Maggie，指3T是當年青春回憶一部份，讚歌曲《寵物男孩》及《旋轉樂園》最經典，有網民回想當年與3T的一面之緣，寫道：「以前喺一間shop做part time，有一天3T來店裡拍MV，記得Yumiko好開朗，Mandy就好文靜。」另有網民寫道「早幾日去唱K，睇到Mandy以前拍電視劇嘅畫面，同而家係冇咩分別」、「如果Maggie喺埋度嘅話，3T就重組㗎喇！」
(IG/apple daily)
藝人湯洛雯（靚湯）與羅天宇雖然已經分手，但仍有不少網民都好想佢哋復合。
之前大方合照，網民都稱讚二人好登對。
羅天宇一講到靚湯就笑晒口。
日前佢哋竟然齊齊現身機場，唔通真係翻撻有望！？
原來佢哋係係為咗無綫旅遊節目《3日2夜》到挪威拍外景。
兩人接受無綫娛樂新聞台訪問時，表現相當合拍，全無介蒂！
湯洛雯笑言兩人現時是好朋友關係：「我哋呢個組合先至冇嘢呀，過晒啲聯想位，有嘢就唔會嚟啦！」
她更搞笑地「訪問」羅天宇有否介意跟她合作？羅天宇表示：「初初都有少少，依家冇喇！」
他還直言自己沒有去過歐洲，所以對於今次之行，所以相當期待。
(綜合報道/on.cc)
藝人黎諾懿四年前娶了富家女李潔瑩，榮升「五億駙馬」，更被指女尊男卑，負面新聞一面倒。
他揚言真的「靠老婆」，皆因篤信風水玄學的他，讚太太旺夫，婚後事業順風順水，果然靠老婆會發達！
黎諾懿與前港姐李潔瑩結婚後，一直有不少難以入耳的說話，如女尊男卑、食軟飯等，他都豁然面對，坦言夫妻相處之道就是對老婆千依百順，不逆她意。
問到會否變得沒有話事權？他說：「係㗎，冇所謂，如果夫妻有拗撬，最終都係老公氹番老婆，追佢返嚟應該錫佢多啲，我老婆好多嘢都處理到，尤其依家小朋友讀書問題，我又冇咩讀過書，佢又讀咁多書，當然畀晒佢搞，我只負責接送，有需要我會出場，但我只有一個要求，唔好有咁多功課，我希望仔仔有個快樂童年。（有冇試過同老婆嗌交？）暫時零嗌交，我好識處理夫妻間嘅關係，就係忍讓，將大事化小，小事化無。」
面對負面評價，他表示會用時間去證明。
「我唔會解釋咁多，免得愈描愈黑，家人知我做緊咩就夠，我會好畀心機以行動話畀大家聽我做緊咩嘢，當然我身家短期內冇可能超過我外父，但可以話老婆同仔仔我照顧得好好，佢哋可以過得好安穩，唔使憂柴憂米。」
黎諾懿憑《BB來了》新手爸爸角色，吸納大批師奶粉絲，人氣爆紅，對此他說：「應該咁講，我自從同太太結婚開始，發展都唔錯。（佢旺夫？）我篤信風水玄學，所以屋企都會擺啲嘢，我太太就會話『你唔使擺，你擺我喺度就得』。」
問到不少家庭會有婆媳糾紛，他有否這問題？他說：「好彩我媽咪係好聰明嘅老人家，可能我哋三兄弟，我最遲有小朋友，分散晒媽咪嘅注意力，而且媽咪比較開明，佢哋咁耐都冇摩擦，我同太太同媽咪每年都會去一次旅行，佢哋成日行街，感情仲好過同我。」
(IG/on.cc)
一向都有喺社交網幫阿仔打氣嘅洪欣，佢仲專登去到現場撐阿仔，真係廿四孝媽媽！而仔仔都不負洪欣所望，最後成功。。。
洪欣嘅18歲兒子張鎬濂（Ashley）決定出道，佢早前參加了一個大陸舉辦嘅選秀節目《以團之名》，過五關斬六將咁嚟到總決賽，而洪欣呢位二十四孝媽媽當然有去到現場為兒子打氣。
洪欣喺社交網PO咗幾張現場相，見到佢整定晒打氣裝備十足小粉絲一樣。
其中一張係同Ashley攬實合照，嘴嘟嘟好溫馨，佢仲留言話：「#以團之名#今天總決賽錄制，我的兒子@張鎬濂Ashley好棒，一定要加油啊！還有謝謝現場那麽多人幫我喊媽媽愛你，好感動好感謝！」
雖然貴為星級媽媽，但洪欣亦好像小fans一樣，非常投入為仔仔打氣！
而Ashley亦不負所望，在比賽中，他所屬的組合「新風暴」成功奪冠，可以正式出道！
Ashley終於同媽媽一樣踏上星途，相信一向支持佢嘅洪欣同張丹峰都會覺得好安慰。
(綜合報道)
天王郭富城（城城）太太方媛依家佗緊第二胎，一直都好低調，甚少PO相。
城城日前受訪時談到囡囡Chantelle即將做家姐，問有否預備禮物給BB？他說：「冇咁快，佢依家1歲半，我成日都有同佢講會做家姐，同埋佢依家講嘢好清晰，識講爸爸媽媽，我哋聽到都好冧。佢仲成個親善大使咁，識得飛吻同byebye。」
大家一直都好好奇佢肚中BB嘅性別，而城城就避答：「吓，我未check喎，我唔會理佢。」更表示對生仔或生女都無所謂，只是想女兒有多個伴，他指因為Moka來自一孩之家，知道她的成長過程比較孤單，自己都希望小朋友可以有人陪，所以男女都無所謂。
昨日方媛就喺社交網上載舉行Baby Shower嘅相，身穿花花低胸裙嘅佢大騷豐滿上圍，現場有唔少鮮花做布置。
後面仲有一個寫住「Mum to be」字樣嘅裝飾，唔少網民大讚方媛佗B都依然Keep得好靚！
睇背面完全唔似佗緊B！
但有眼利網民指佢拎住枝藍色嘅棉花糖，因此估佢今胎可能係佗仔！
雖然方媛只係上載單人照，未見老公城城身影，但城城都以有行動表示支持，張張相都畀Like，低調冧老婆，Sweet到爆！
(綜合報道/on.cc)
