藝人馬德鐘出席邵氏兄弟的影視發布會，提到有份演出電影《使徒行者諜影行動》，與三大影帝古天樂、張家輝和吳鎮宇合作。

他表示：「好開心同榮幸可以參與呢個製作，同三個影帝同場口，其實以前都分別同佢哋三個合作過，今次同三個一齊再合作。因為套戲好多內心戲，現場啲火花霹靂啪喇，好享受。」

張家輝

他笑言今次在戲中飾演警務處處長，是他夢寐以求的角色…

「以前最初做警察係散仔，後來入咗娛樂圈拍戲做警察又係做散仔跟住變做督察，冇諗過可以做到一哥，今次終於可以畀我試一次。（今次做高層，唔需要打？）內心戲比較多，我冇去緬甸、西班牙拍外景，我個角色要喺個安全嘅位置去做嘢。（會拍多啲電影？）電影、電視兩方面都會，希望多啲發展，公司話開《飛虎III》，唔知我會唔會有份。」

另外，問到兒子馬在驤是否也簽了邵氏，他坦言公司會幫忙接洽工作，但沒有正式簽約：「阿仔都可能有機會同我一齊拍戲，佢依家喺澳洲讀書，之前有工作搵佢，佢都特登飛番香港。」

(on.cc)

藝人張栢芝不單是個好媽媽，同樣都是一名孝順女，今日是栢芝媽媽的生日，栢芝今日在微博貼出兩位兒子Lucas及Quintus的影片，一齊說「Happy Birthday！婆婆豬」，跟栢芝媽Davies Shally慶祝生日，栢芝更感性地留言讚媽咪是自己心中的超人，很驕傲有這麼好的媽媽。

(appledaily)

香港體壇昨日最傷痛的消息，莫過於是26歲香港首席男泳手杜敬謙（Kenneth），於美國佛羅里達州進行游泳訓練後，突然在更衣室內昏迷，送院搶救後不治。曾經是香港游泳代表、有飛魚王子之稱的方力申，今日在IG貼文悼念這位師弟。

去年嫁人之後努力造人，終於成功懷孕，期待多時的寶寶快要出世了！

去年元旦嫁DJ NON後心急做媽咪。兩夫妻落力造人，最終克服不育問題，宣布懷有雙胞胎。即將臨盆在即的她，日前接受產前檢查，獲醫生表示腹中孖B都十分正常，母子健康，令她放下心頭大石。

35歲前日本女藝人蒼井空証實懷孕後，早前在網誌透露與丈夫一同拍攝大肚寫真。

她本來打算拍攝相片留作私人紀念，但由於相片出來的效果太好，令她很想向外公開。

最近，她終於一如心願，相片獲刊登在雜誌《an.an》的網頁上。蒼井空受訪時更透露，她的父親原是孖仔，因而令她有遺傳基因成功佗孖胎。

祝福她順利誕下孖仔呀！

(綜合報道)

黃浩然透露：「估唔到男女之間都有呢一種感情。開心唔開心都一齊經歷…」

藝人黃浩然、黃心穎及監製梅小青等早上到機場，準備出發到台灣拍攝劇集《法證先鋒IV》外景，浩然及心穎透露將會跟鮑起靜拍攝一些親情戲，另外亦有兩人浪漫戲及車禍場面，逗留一星期行程相當緊密，應該沒有時間遊玩…

黃浩然說：「可能早上四、五點就要準備化妝，寧願花多啲時間拍多啲好嘢。」講到兩人劇中關係，他們表示是出生入死的同伴，浩然說：「估唔到男女之間都有呢一種感情。開心唔開心都一齊經歷。（演情侶？）賣個關子先，關係幾微妙。」

兩人今日不約而同穿上同一款式衛衣，猶如情侶裝一樣，他們笑言證明已培養出默契，心穎說：「因為我哋有共同朋友整呢件衫，我都唔知佢會着，我諗住襯番個喼同影吓相，證明我哋已經好有默契。（覺得浩然呢位前輩點？）我哋都係第一次合作，開頭以為佢好cool，但原來比想像中多嘢講！而且佢好有經驗，提點我好多嘢。」

浩然則笑言心穎比男人更男人，跟她說話絕對不用就住就住：「佢好爽朗，我哋溝通可以好直接，唔使修飾。」

他們又表示很開心今晚半夜開始重播《法證先鋒》系列，讓觀眾熱身，為他們這一輯做好準備。

（on.cc）