藝人森美到尖沙咀出席活動，分享丈夫如何照顧佗B太太，他直言雖然是多年前的事情，但依然歷歷在目：「因為我阿媽話生我嗰陣出血好多，令我有陰影，覺得生BB係好危險…」
森美續說：「到我太太懷孕嗰陣，我記得做錯過好多嘢，唔夠體貼，好似太太懷孕初期成日嘔，我就叫佢唔好嘔住啦！好多人，但其實邊有得忍？始終男人唔係佗B，唔能夠感受到個痛苦！」
森美說好記得老婆佗第一胎時非常緊張：「好擔心老婆幾時穿羊水，點知就喺我送咗佢去睇醫生，返咗公司後突然發生，有啲驚險，但好在有醫生睇住。」
記者問有沒有陪伴老婆入產房，他回答有：「但我驚血，只係望住佢上半身，唔敢周圍望，護士叫我剪臍帶，都好驚。（合埋眼剪？）唔得喎！剪錯阿仔第二度點算？差唔多咁，所以留番畀姑娘剪…」
到生第二胎女兒時就沒那麽緊張，自己幫忙剪臍帶。
森美與囡囡
問會否再生BB？他表示會盡量防止意外發生，且現在有養小狗，可將愛分享給寵物。
(綜合報道)
藝人林子善到去咗將軍澳電視城錄影節目《流行經典50年》，好少獻唱的嘅他笑言上節目係搗亂節目。節目中子善獻唱郭富城《愛的呼喚》同黎明《夏日傾情》，佢講笑話可能會有啲模仿成分〜
原來林子善肯上台獻唱係為咗以行動力撐胡楓：「我唱歌好差 ，因為應承咗個幕後朋友 ，先知原來係音樂節目，加上主持修哥（胡楓）一路好錫我，我入TVB第一套劇就係同佢拍《奸人堅》，我結婚佢都有嚟飲，我爭佢份人情，所以就算畀人笑都要撐佢。」
問到太太對佢歌藝嘅評價，他笑話：「梗係一般啦！我哋識太多唱歌好嘅朋友，所以佢唔會覺得我唱歌好聽。」佢太太懷孕已經四個多月，之前出post表示流鼻血好擔心，子善回應：「之前佢流鼻血，我梗係緊張，但睇醫生話其實都係正常，咁我太太好硬淨，又唔會周圍去，所以都穩陣嘅。」希望太太佗B佗得健康〜
（on.cc）
藝人張致恒（Steven）宣布結婚卻「一腳踏五船」，更直接連累到他與關智斌（Kenny）組成嘅BOYZ演唱會取消。原本近日Steven同Kenny飛咗去布吉拍攝演唱會相關短片，Steven知道自己「闖禍」即連夜走佬玩失蹤，獨留Kenny撐大局！
Kenny尋晚由助手陪同飛返香港，只見佢頭戴帽子、一臉倦容嘅，解釋係舟車勞頓所致，被問到是否仍未聯絡到Steven，他表示：「佢有聯絡返我，交代咗件事，我明白同理解嘅。（好嬲？）冇嬲，應該話我無奈。（大家戥你開唔成騷可惜。）上天嘅安排啦，呢個騷當初都係一個奇怪嘅安排。」
講到Steven問到嘅「桃花」，Kenny坦言覺得有啲驚訝，因為佢哋平時都係講啲無聊嘢，所以佢知嘅同大家知嘅差唔多。問到Steven係咪好唔開心，佢話：「呢啲留返佢自己講啦，我有叫佢出嚟面對大家，要負返應有嘅責任。」Kenny話返港後會繼續如常工作，希望Kenny盡快恢復心情啦！
（on.cc）
Sammi鄭秀文13場演唱會全部結束，每場都有一大班朋友捧場，見證了鄭秀文的好人緣，許多好友還紛紛當助唱嘉賓為Sammi添人氣，到場的粉絲直呼票買得值，真就是一場場聽覺、視覺盛宴。
講到今次演唱會突然多了很多處紋身，Sammi笑言有好多都是假，腰間兩側的紋身及左手紅線是真，已紋了大半年：「（左邊腰間）係之前整親腳跑唔到步，放棄咗10年跑步，想勉勵自己而紋，而（右邊腰間）就係想可以有個唔一樣嘅演唱會，想喺平凡之中尋不平凡，唔係英文嚟。」
至於講到有傳想維護跟安仔的婚姻，先去紋左手的紅線，她解釋：「我出名鍾意紅色，貪靚先紋。」
Sammi騷後於後台受訪，亦是發生「安心偷食」事件後首度開腔談及老公許志安（安仔），曾表示完騷後會放假去旅行的她，問到是否同安仔去？
她一聽到「安仔」二字就突然煞有介事，避忌笑說：「同朋友一大班咁去。（安仔唔坐出嚟淨係喺後台支持你？）講第二啲啦！（有網民問你做咩唔唱《唯獨你是不可取替》（與安仔合唱的情歌）？）哎呀！大把歌唱，會轉歌㗎嘛！」
許志安曾現身撐太太，但被粉絲起哄大叫及噓聲。
然後就扯開話題：「今次唱歌有好大轉變，內心都有變化，估唔到沉澱過後可以再成熟，人生同思維都去到另一階段。（關『安心偷食』事？）人生有各種經歷。」
受訪中多次避談安仔，Sammi似乎未完全放下老公偷食事件。
再追問到她於台上表示於感情方面痛過之後就會昇華至世界之最，問到是自身寫照？Sammi即求饒笑話：「唔講呢啲嘢，係對白嚟！大家唔好太投入，我係Cue歌（指《世界之最》），唔好對號入座。」
（綜合報道 / on.cc）
高血壓是台灣罹病人數最多的疾病，保守估計，全國約有4至5百萬人血壓偏高，必須持續用藥，不過部分患者血壓起起伏伏，難以達標，台灣高血壓學會、中華民國心臟學會建議，這類患者可考慮以導管治療高血壓。
63歲的黃先生罹患高血壓已10多年，期間持續用藥且控制飲食，不敢吃太鹹的食物，也練習慢跑，但血壓始終起伏不定，有時收縮壓甚至飆破180毫米汞柱。由於黃先生的父親曾有嚴重心肌梗塞，堵塞3條血管險些命危，醫師建議他更應積極控制血壓，經過評估，患者決定接受高血壓導管治療，終於讓血壓達標，擺脫心頭大患。
黃先生指出，自己即使服用高血壓藥物，血壓仍忽高忽低，爬樓梯時感覺體力變差，容易喘個不停，擔心自己會跟爸爸一樣突然心肌梗塞，因此積極就醫，經檢查發現，他的心臟血管功能還不錯，但必須嚴格控制血壓，否則難保急性冠心症發作，為此，他接受了導管治療。
台灣高血壓學會理事長、台大心臟內科主治醫師王宗道表示，台灣20歲以上成年人當中，每4人就有1人罹患高血壓。國內目前有近500萬名高血壓患者，卻有3分之1不知道自己血壓偏高，即使得知罹病，能妥善控制的患者比例僅3至5成。
王宗道說明，血壓應控制在140／90毫米汞柱以下，如確診為高血壓，血壓在160／100毫米汞柱以下，建議先透過限鹽、限酒、減重、戒菸、飲食控制、適度運動等方式調整血壓，經觀察3個月後，若血壓仍未獲得控制，就必須用藥治療。
藝人黃穎君（Burmie）現時懷孕七個幾月啦，但繼續坐唔定，日前繼續出席活動搵銀！今次Burmie出席有關小朋友活動，佢話見到現場小朋友幾歲大已經咁大膽，諗番起自己細個好怕醜，唔敢喺咁多人面前表演，話自己至少去到小學五、六年級先參加朗誦比賽，中學先加入辯論隊，希望自己囝囝將來唔好似佢咁唔識表現自己喎。
問到幫囝囝改咗名未，Burmie話諗起就覺得頭痛，因為未有定案：「家中長輩有諗法，我兩公婆又有啲堅持，所以都仲係討論當中，亦都冇特別起花名，所以依家同佢傾偈都係『阿仔』『阿仔』咁叫住先。」可能各位網友可以比吓意見你呢〜
另外，而舊年有喺書展出書嘅Burmie，話出版社都希望佢今年繼續，但因為佢大肚令體能同專注力下降，所以未能完成，她表示：「但書展都有賣我本書，當日活動都有人拎畀我簽名，好喜出望外！」
唔少人都鍾意飲檸檬茶，咁大家知唔知檸檬除左可以做調味之外，仲喺入出好幫手呢？除佐果肉之外，就連皮都好有用！
檸檬皮加黑糖
將檸檬皮洗淨加水及黑糖煮滾，不但是美味可口的飲品，同時亦有助刺激腸胃，幫助排毒。
辟除魚腥
將檸檬切片，塗在劏過魚的菜刀或煮過魚湯的鍋上，再以清水沖洗，即可辟除異味及魚腥。
天然消毒水
檸檬皮加梳打粉、水及醋，即可調校成百分百全天然的消毒水，是無添加的殺菌劑。
去除茶漬
將檸檬皮及少許檸檬汁，放入杯內後注入適量熱水；靜置半小時後，即可用抹布輕易將茶漬清除。
砧板防臭
經常用來切菜斬肉的砧板，最容易沾上污漬及臭味，只需將檸檬開邊，用力在砧板上擦洗，即可去污除漬兼帶來清新芳香氣味。
（互聯網）
藝人張致恆被爆疑似一腳踏多船，被網民大鬧「渣男」！Boyz嘅演唱會都宣佈擱置。日本AbemaTV日前播出的綜藝《指原莉乃&ブラマヨの恋するサイテー男総選挙》，在街頭訪問日本女生，並整理出5個渣男的衣著特點，看看Steven中多少個！
女生眼中的渣男衣著公開
渣男穿搭1:紅色格仔
日本街訪發現，女生覺得紅色格仔恤衫有點土氣，而繼續穿著的人，都是莫名有自信的人。
渣男穿搭2:名牌光環
街訪中，受訪女生指男生穿著越誇張的名牌，感覺就越虛榮，喜愛炫耀財力，用以吸引女生。
渣男穿搭3:穿著Adidas運動褲
在節目街訪中，受訪女生普遍認為穿著Adidas運動褲的男生，給人感覺十分愛去party、女性關係很亂。
渣男穿搭4:上身寬鬆下身鬆身
雖然這是很普通的穿搭，但街訪中受訪女生就指，穿著越簡單，就越可能是軟飯男。節目男嘉賓也指這種人通常是因為對自己的臉超有自信，才會穿得如此樸素。
渣男穿搭5:常穿polo tee
節目中其中一個受訪女生指，自己前度不打高爾夫球，卻一直穿這種衣服到處走，營造陽光型男形象，令他對這種男生印象變差。
節目播出後，唔少網民都感到十分困惑：「那我到底還有甚麼衣服可以穿？」哈哈，其實用穿搭來看是否渣男的確不太科學，但喺日常生活中就一定可以睇得出！
樂隊Kolor喺旺角麥花臣場館開騷，獲樂隊Dear Jane嘅Tim、Howie，野佬嘅小胡等人到場支持。
一開始由師弟樂隊Revery暖場，之後他們以《天地會》掀開序幕，全場即high爆企起身！主音Sammy跟大家打招呼表示：「上次又係喺呢個台同大家講bye bye，sorry隔咗3年咁耐再開騷，下次唔會咁耐㗎啦！」全場即歡呼。
他們又講到今晚會唱番十幾年前的歌：「諗起之前一直返正職一直做音樂，雖然依家都係，但好開心可以繼續做到自己鍾意嘅嘢。」期間他們又宣布明年會再開騷，全場即拍手歡呼！嚟到encore環節，最後他們以《留言短訊》結束演唱會。
騷前受訪時，主音Sammy表示今次時間安排得好好：「上星期練好晒歌，所以今個星期可以專心休息。」但他們又笑言其實好忙：「因為要專心分飛，最難搞，好似擺酒咁，呢個唔可以同嗰個坐，但終於搞掂晒啦。」
講到他們一身的民族造型，他們表示個唱會由原始唱到都市，再去番原始，又講到3年無開騷：「呢幾日好多感覺浮返出嚟，諗下點回饋fans，不過今日就無嘉賓，我哋會由頭唱落尾。」
Kolor又預告會再開騷，問到可會接9月紅館空檔？他們笑言：「唔會啦，未得，唔夠時間，太快，驚練唔切，其實下年係我哋15周年，有啲嘢傾緊，好大機會成事，但唔可以講邊度住，費事講咗又唔係。」不過都令一班粉絲熱烈期待呀！
（on.cc）
藝人郭晉安、馬國明、李佳芯、唐詩詠、何廣沛同黃嘉樂等，夜晚現身電視城，出席劇集《白色強人》祝捷晚宴，場面好熱鬧！
該劇大結局7天跨平台總收視有成32.1點，吸引超過2,100,000觀眾收看，成績甚佳！郭晉安受訪就話希望收視愈多愈好，問到會否開續集，佢回應：「希望嘅，梗係原本班底啦，最好1年內，過兩、三年嘅話就拖得太耐，觀眾會淡忘。其實監製剪完片，都已經講要開續集。（你有檔期？）唔知㗎，不過要集齊咁多演員都幾難，大家都好忙。」
如果《白色強人》開續集嘅話，相信唔少觀眾都十分期待。
早前郭晉安同11歲嘅囝囝去咗歐遊，佢坦言想囝囝認識唔同種族嘅生活，仲話估唔到佢幾捱得，有時落咗火車要推個篋行15分鐘，兩仔爺已經唸定遲啲挑戰去凍啲嘅地方。問到太太有無擔心，佢話：「日日報平安，最難忘係喺意大利拿玻里見到好多難民，旁人提醒我哋連手錶都唔好帶，最好連袋都唔孭，免得被搶，不過我哋唔係留得耐，全程都OK嘅。」
（on.cc / TVB）
