Neway太子爺薛嘉麟與太太諸葛紫岐（Marie），婚後育有兩子，大仔薛華韜現年5歲多，日前就係港麗酒店為細仔Andersen舉行百日宴，筵開22圍 ，薛嘉麟表示今次以馬戲團為主題，寓意一家人開開心心幸福快樂，而且5歲的大仔薛華韜（Arthur）鍾意旋轉木馬。

被問到細仔係咪容易湊？Marie話：「好好湊，因為已經有一個，有經驗，依家冇咁緊張，同埋佢好乖，食完奶就瞓覺，不過就未戒夜奶，三個鐘頭要食一次，所以成日冇覺好瞓。（想佢叫邊毎先？）叫哥哥，哥哥成日同佢話叫佢先，唔好叫爹哋媽咪。」

薛嘉麟表示細仔已改中文名，會稍後公布，原來個名係大仔改添：「我哋畀咗四個名佢揀，佢揀咗就用佢嗰個，都要專重佢，哥哥真係好錫細佬，一路都好照顧佢，冇咩呷醋，試過有次去旅行落大雨，細佬啲衫放喺露台曬，佢即刻走去收衫，驚淋濕，好為細佬着想。」問會否想再追個女？薛嘉麟即笑言要問細仔意見先。

Marie表示今次生第二胎保密功夫做到足，成功火速收身：「幾開心Keep到咁嘅身材。」問之前為何不公布懷孕消息，因而被指搵代母生？薛嘉麟解釋：「其實唔想佢有咁大壓力，生第一胎嗰時佢好大壓，生產後情緒波動比較大，今次有咗經驗，唔想有壓力，想所多啲空間佢，等佢舒服啲，希望處理得好啲。對哥哥我哋都灌輸咗好多嘢畀佢，所以哥哥錫細佬唔係必然。」

問Marie有何收身妙法？薛嘉麟搶答：「將啲嘢畀晒我食，唔好嘅嘢都畀埋我食。」而兩個囝囝喺屋企都咁有地位。Marie被問依家老公地位排第幾？薛嘉麟再搶答：「冇所謂，總之太太喺我心目中排首位，我喺太太心目中有地位就得。」

（綜合報導）

人稱「Madam Lo」的盧宛茵入行近50年，演技毋庸置疑，最近更挑戰自己，將於8月19日在麥花臣舉行處女棟篤笑，論盡娛圈秘聞！

有「無線御用媽打」之稱的盧宛茵（Madam）透露，開棟篤笑全靠《卡拉屋企》的兒子「黃發」鄭敬基，「開頭都以為佢吹水，但最終能成事相當開心，到時除了分享娛樂圈趣事外，仲會跟他Jam歌。」另外，佢亦大讚《卡拉屋企》演員有人情味，多年來定期飯聚，「我至今仍叫楚原做『白頭佬』，現在的他依然轉數快兼搞笑，當年他說我為人沒機心兼爽朗，跟我很夾，最記得當年我們經常『焗蟹（忍笑）』，我是最渣的一個，就算擰歪面也忍不到笑，哈哈！」

講到班「仔女」嘅趣事，佢就話鄭秀文（Sammi）及郭晉安最勤力，「Sammi第一次拍劇《浪族闊少爺》就是跟我演母女，她當年好細個，但好乖好認真，熟讀劇本，我也估不到一個新人能如此認真，覺得這個女生將來必成大器。至於安仔就是在《戇夫成龍》演我兒子『阿旺』，雖然是喜劇，但安仔多數安靜地坐在一旁睇劇本，不會掛住玩，也會跟我討論如何演繹得更好，所以一個演員的成功必定有原因！」

之後，Madam就慨嘆新生代演員嘅態度今非昔比，以往拍《歡樂今宵》時玩都不能玩，就算「肥姐」沈殿霞、何守信等出錯，蔡和平一樣照鬧，連肥姐都驚佢！Madam話：「有時見到個個掛住玩電話，倒數5、4、3、2、1先放低手機，我有點忟憎，但我不會鬧人，罵他們豈非袋錢入他們袋！」Madam坦言永不言休，一來怕悶，二來子女沒有叫她幫手湊孫，最希望挑戰精神分裂的角色，「好似我跟『黑仔』姜皓文在《鐵探》中演母子也過足戲癮，我們從未合作過，角色又有腦退化症，豈料效果很好，跟實力派合作果然不同！」

擁有兩子一女的Madam，在教育上同樣溫和，從未打過子女，只是講道理，難怪她自認是個「Happy Mom」！佢話：「打仔沒有用，愈打便愈反抗，我亦盡量保持不太囉唆，讓他們自由成長，自己作主。至於女兒真的跟衛蘭似樣，哈哈！雖然我在網絡短片中演過『白鴿眼外母』，但我從不管女兒的感情事，其實找個對她好的人已經很難，好男人都似恐龍一樣絕種了！」至於自己會否想找個伴？Madab直言不太相信愛情，認為無條件的愛只存在於親人之間，男女的愛不會如此，「現今的人都很虛偽，擔心認識了騙徒；況且我這個年齡，別人喜歡我甚麼呢？我後生又卜卜脆又不同講法！」

藝人張晉跟媽媽和老婆蔡少芬（Ada）拍的內地旅行真人騷《我最愛的女人們》，好快就黎到最後一集，節目組特別為大家打造溫馨結局，安排各星級夫婦再穿起婚紗禮服影婚照。

陀住第三胎的Ada收到婚紗時，仲好擔心婚紗腰圍太窄著唔到，不過好彩最後兩公婆都現身湘西紅石林影攝婚照，對於懷孕嘅Ada黎講，呢輯婚照可謂別具意義！

結婚11年嘅張晉與Ada更以紅石為證，天池為媒，二人企喺紅石林進行結婚拜堂儀式，寓意未來的日子繼續長相廝守，場面震撼！張晉感性地說：「好像昨日重現的感覺，最重要是兩個人攙扶着一起走。從我結婚那天開始，她一直在幫助我做一個更好的男人。路不好走，但風雨同路，這個就是我們的幸福。」

而最後，連張晉爸爸都神秘現身見證呢一幕，節目組更安排張晉爸爸及媽媽交換戒婚及親嘴，同樣重現結婚一刻，最終一家四口在溫馨感人的氣氛下，結束今次真人騷之旅。

馬國明、郭晉安、李佳芯（Ali）及唐詩詠等昨晚出席《白色強人》祝捷會。馬明就話樂意開拍續集，但一切視乎監製及編審心意，仲爆網友經常問佢揀詩詠抑或Ali，佢就話：「各有各好，如果問我的話， Why not both？哈哈！」

馬明又透露將會開拍由於上集交代他要為哥哥陳豪復仇，故他趁放假重溫整套《使徒2》，亦期待演奸角。

而講到任達華早前在內地遇襲，馬明透露下月都有幾場內地工作，但不擔心安全問題。他又自爆在內地夜場登台時，遇過醉酒客將榴槤掟上台，幸好他閃得快才沒受傷。他說：「個榴槤仲要未開㗎，我望住個榴槤，再望到台下的醉酒客，也不禁笑了，他的朋友事後也有跟我道歉。」