藝人湯洛雯（靚湯）首次孖朱千雪以姊妹檔出席活動，席間上演美女廚房整薄餅，望落都有板有眼！期後更向Fans派福利進行餵食，大玩親民。二人笑言與薄餅關係密切，皆因之前拍旅遊節目時已經整過，而自認煮藝不佳的千雪就頻頻被靚湯取笑，問到拿手菜時，湯靚先話整餅，即被千雪反擊指她是「阿茂」，二人互窒場面爆笑！
講到今日是白色情人節，千雪表示男友不在港，自己亦冇好留意節日：「冇慶祝，或者轉頭Send Message畀佢。（佢會唔會寄份禮物Surprise你？）要問吓佢先！」
至於單身的靚湯就表示今晚會約好友食飯，又自爆今年情人節有花收：「一早起身就有人送花，睇到張卡係寫住『送給我瘋狂的情人』。」
（第一時間諗到邊個送？）冇，覺得好不安，但見到有盒朱古力就食咗先，然後再打去花舖問，先話送錯咗第二紮畀我！原來係朱千雪送！（但你食咗盒朱古力？）係呀，之後佢收番都話好彩冇掉到盒朱古力。」而千雪就話除了送花給靚湯外，還有送給岑杏賢：「唔限於情人，對朋友都表達心意。（咁男友有送花畀你？）都有送。」
(on.cc)
藝員龔嘉欣為無綫新劇《大醬園》在將軍澳電視城為劇集試造型。期間為慶祝白色情人節，龔嘉欣餵吳業坤吃醬油味朱古力，更興起索性灌他喝辣椒醬並笑言報復對方毀了她的「貞節牌坊」！
龔嘉欣受訪時說：「講吓笑啫，我意思係佢搞到我哋傳緋聞，自己都好驚有緋聞，所以想喺拍劇之前講清楚，唔想再同佢傳緋聞，劃清界線。」
龔嘉欣又斷言與吳業坤沒有發展可能，笑說：「就算隕石撞地球都唔會！」另外，講到朱晨麗吃醋何廣沛與她到外地拍旅遊節目，她說：「乜佢哋係真㗎咩？唔會啩！」
提到最近因耳水不平衡入院，需要入院留醫治療，留院三日後終於出院。
龔嘉欣笑說：「耳水不平衡完全係有懷孕嘅感覺！成日都想嘔，依家唔可以亂咁郁，唔可以跳跳紮。」
此外，講到沈卓盈出嫁前沒通知「少婦聯盟」，問到她會否嬲？
龔嘉欣說：「唔會，我哋成日都傾，如果一齊攞假實會全部穿煲，大家都講咗唔會介意唔講畀大家知。」
(on.cc)
沈卓盈及老公Calvin去年在英國舉世知名的景點倫敦大笨鐘（Big Ben）影婚紗相，有眼利的網民看到圖片後，質疑Big Ben於2017年開始大維修，如何拍攝到這個景點呢？
沈卓盈今日出席活動，直認婚照背景是執相，她說：「婚紗相喺舊年年尾影，去到大笨鐘的確係圍咗鋼條，之後攝影師好好心機幫我哋執相，執到好乾淨，拍攝地點係攝影團隊帶我哋去嘅地方，呢個係英國其中一個熱門地標，我都好鍾意，執咗出嚟效果都好滿意。」
她笑言有想過大家會唔會為意，自己亦有保存原有照片。
大笨鐘1859年建成，至今已有160年歷史，每年吸引數以百萬計遊客拍照留念，但大笨鐘於2017年被發現上蓋漏水、大鐘外殼嚴重侵蝕及磚石建築有大裂縫，指針還出現故障，鐘擺不平衡，無法展示準確的時間，2017年開始停響，政府更斥資高達4000萬英鎊，進行大維修及翻新工程。
相關新聞：
【雙喜臨門？】沈卓盈親自報喜：自己想低調 https://goo.gl/EWkVTU
【有索爆姊妹團送嫁】沈卓盈被踢爆原來已經秘婚 https://goo.gl/5t7UVb
【好姊妹結婚】龔嘉欣超開心：沈卓盈曾經暗示過.. https://goo.gl/mE6iJG
【趕生B？】沈卓盈同未婚夫原來上年秘密… https://goo.gl/u2moqr
【離巢即結婚！？】宣佈嫁人：只求細水長流的甜蜜 https://goo.gl/orh3a7
(appledaily)
藝人黃曉明被封為「寵妻之首」，婚前婚後都視老婆Angelababy為公主，不過，曉明對「初戀女神」趙薇的一份友情，則被網民稱為現實版的「大仁哥」。
12日是趙薇的43歲生日，踏入凌晨時分，就已經有不少好友向她留言祝賀，當中合作《還珠格格》的「五阿哥」蘇有朋有送祝福外，曉明亦一樣有份，自2011年開始，每年趙薇的生日他都會第一時間在女神微博送上生日快樂，持續9年從沒「缺席」。
今年曉明好可愛，拿着趙薇和蘇有朋在《還珠格格》時的劇照，展出一個超開心的大笑容，寫着：「生日快樂，一路，友你」惹來不少網民都讚曉明是窩心暖男，仲笑言唔知Angelababy會唔會呷醋。
（on.cc）
現懷有第二胎的前港姐張嘉兒，預產期為今年5月，現需要照顧兩歲大的女兒Leora，真係少啲精力都唔掂。
點知，近期女兒生病，張嘉兒又不幸被女兒傳染，最慘係連佢老公都病咗，結果一家三口都齊齊病，搞到張嘉兒冇晒心機。
佢喺社交網上載一張戴住口罩、抱着Leora在公共交通工具車廂中的相片，見佢疲態盡現無晒心機…
仲留言話：「同個女實在接觸太多，就算戴口罩都好難避免畀佢傳染到。今次好大鑊因為唔單止我病我個女病，連我老公都病埋，個女病嘅時候好似又特別扭計，真係絕對考驗耐性嘅時候。全家病晒，仲要大住個肚，要頂住，健康真係好緊要，最近真係超多人病，大家保重身體多休息。」
希望嘉兒一家都要快啲好返，BB順利出世！
(facebook / 綜合報道)
06年港姐冠軍陳茵媺（Aimee）與陳豪結婚6年，生了兩子一女，至今仍然是好恩愛。二人經常在IG放閃，早前拍拖去西班牙旅行，而每逢節日又會一家人影全家福留念。
今日Aimee又貼2歲囡囡Camilla的可愛相，見小公主今次真的扮小公主，戴上小皇冠，手持權杖，還有戒指和頸鏈，笑得非常開心，似乎好滿意自己的造型。
Aimee透露將相片轉發予好姊妹朱凱婷（Heidi），對方即想起Aimee當年參選港姐時的模樣，並將Aimee得獎戴上后冠和權杖一刻與囡囡對照，兩母女十足餅印一樣，Aimee表示早上看到相片都笑了，更有網民留言：「Little Miss Future」。
Aimee說：「I took the photo on the right after getting her an Elsa crown set (I finally caved in) and sent it to my good friend bc ofcourse she’s adorable…Then my good friend made this collage and look what she sent back to me!Thanks dear @heidichu817 totally gave me a good morning laugh!#motherdaughter」。
Elsa和Anna有別於其他傳統迪士尼公主，兩個都很有獨特個性，傾向靠自己智慧和能力解決困難，而非等待王子拯救。
有如此教育意義，難怪此動畫深得家長喜愛。
問到會否希望囡囡將來同樣成為港姐冠軍？她說：「我不嬲唔建議咁細就培養小朋友參加選美，應該等佢哋讀完書，喺一個好成熟嘅年齡，自己選擇自己嘅路。」
(綜合報道 / appledaily)
歌手何雁詩（Stephanie）喺2009年參加無綫舉行嘅第一屆《超級巨聲》，之後加入娛圈發展歌唱事業，期間曾患上抑鬱症及厭食症。2015年Stephanie簽約星夢，本來就備受公司力捧，但自從與鄭俊弘（Fred）撻着後，兩人嘅事業、形象差啲毀於一旦。因飽受四方八面嘅攻擊，外界曾盛傳Stephanie抑鬱復發，更試過醉酒割脈自殺入院，至今仍留有疤痕。
今日，Stephanie喺IG晒出一張攝於2011年初嘅舊照，仲發長文表示：「從小我也是一個微胖的小妮子，甚麼也吃，甚麼也挺身去參與，是一個傻氣的開心果。直到那一年，就是參與亞運的那年，也是入行的第二年，突然因為某些事情，某些社會的壓力，某些對自己的壓力，突然決定一定要瘋狂控制自己要吃的，就是極端到每一餐只吃一顆魚蛋的份量，每口喝的也在計算著（着）卡路里，早餐吃得最多，是150卡路里，也是用量重計來計算的。」
現時體重105磅嘅Stephanie，感嘆謂：「很想回到那時只有78磅的我身邊大力拍拍她後腦，說句：你身為一個代表香港的運動員，為了一些不愛你的人去放棄所有愛妳的人值得嗎？」
更留言勉勵大家：「最後，也是我想要分享這個小片段的原因，就是跟大家說句，別要因為某些所謂社會覺得的標準而改變自己；別要因為一些不愛你的人而改變自己；別要虧待自己，因為這個世界上總有人愛。Ps.也看到粉絲在8年前因為擔心我不開心而特意為我拍了小片段支持我，謝謝以往、現在支持過我的你們，很感動！共勉之。」唔少粉絲見到後都紛紛留言為佢打氣！
（facebook / ig / on.cc）
消委會發現8款嬰兒床床褥中有半數未能符合歐洲安全標準，其中3款更未能通過硬度或耐用測試，嬰兒俯睡時有機會引致窒息。
消委會聯同國際消費者研究及試驗組織測試兩組共8款嬰兒床床褥，當中包括3款彈簧床褥及5款泡膠床褥，售價$450 至$1,398，包括2款袋裝彈簧（pocket spring）床褥、1款彈簧（spring）床褥及5款泡膠（foam）床褥。測試以床褥的安全、承托表現、舒適、耐用及使用方便程度作評分。兩個組別中，評分最高的都是該組別中最便宜的樣本（宜家家居
JÄTTETRÖTT彈簧床褥售$790、宜家家居KRUMMELUR泡膠床褥售$450），均獲總評分4.5分。
至於兩組別中最貴的樣本（0/3 baby彈簧床褥售$990、Candide泡膠床褥售$1,398），總評分分別只獲2分及3.5分，顯示樣本的價錢與表現沒有直接關係。
8款樣本中，4款分別在硬度、結構及耐用性方面未能符合標準。測試以模擬嬰孩頭部的球體置於模板時陷入其中的幅度，評估樣本的硬度是否符合安全標準，結果發現2款樣本的部分位置硬度不足。分別是「0/3 baby」有機竹纖棉雙面彈簧床褥其中一面聲稱適合體重10千克以上的幼兒（約13至16個月）使用的床褥及「minimoto」太空棉床褥有「太空棉」的一面床褥的部分位置硬度不足若嬰兒翻身俯睡在床面上，有機會因床褥緊貼嬰兒面部而影響呼吸，造成缺氧窒息。家長應多留意嬰兒的睡眠狀況，及避免讓嬰兒睡在硬度不足的床褥。
耐用測試後發現3款床褥硬度不足。試驗員按標準要求，在床褥樣本上的兩個特定位置施以300牛頓（N）的力度各5,000次，然後再進行硬度測試。在完成共10,000次的測試後，「0/3baby」有機竹纖棉雙面彈簧床褥及「minimoto」太空棉床褥其中一面床褥的兩個測試位置均未能通過硬度測試。而「Candide」Seasonal Mattress其中一面的角落位置未能通過硬度測試，耐用程度有待改善。
另外，若床褥的透濕及透氣表現不佳，容易令嬰兒感到焗熱不舒適，影響BB睡眠質素。
消委會測試後發現，大部分樣本的透濕表現平平，評分介乎1點至3.5點。售價$790的「宜家家居」JÄTTETRÖTT及售價$990的「0/3 baby」的透濕表現較好，獲3.5點評分，而售價$1,099「Mothercare」由於其床褥套與床褥內層之間有一層防水墊，故透濕度低，只獲1點評分。
$790「宜家家居」JÄTTETRÖTT透濕表現較好
床褥的透空氣度愈高，空氣愈容易透過床褥表面進入床褥內，有散熱作用之餘，亦有助將濕氣排走。各樣本的透氣表現同樣一般，評分介乎1.5點至3.5點。透氣度最高的是「0/3 baby」，最低的是「Mothercare」。基於衞生和保養的考慮，家長往往會在床褥上舖上保護墊、床單等床上用品，這些因素都可能影響床褥的透濕及透氣程度。
(消委會 / 綜合報道)
終於成功誕下第二胎，今日喺社交網晒出一家四口嘅合照，宣布細女Maia已經出世。相中見Maia塊面脹卜卜非常可愛，Natalie同老公分別錫向細女，而大女Maddie亦對Maia非常好奇，不時探頭望向細妹，成個畫面勁溫馨！
家姐好開心有個妹妹！
爸爸又多個小情人喇！
Natalie仲以英文發長文講述生B經過，佢提到第一胎係自然分娩，所以本來諗住生第二胎都一樣，點知經歷咗12個鐘嘅生產過程都未能完成分娩，最後決定緊急剖腹。
「我作動了12個鐘頭，再用力推來生，推足一個鐘頭都唔得，BB嗰頭都係出唔到黎，唯有即刻緊急開刀。」努力生了十幾小時都不成功，知道要剖腹一刻，她整個人瀕臨崩潰，覺得自己好無助又無力。
佢表示當知道要剖腹時心情沮喪，但為咗BB健康着想，都係決定入手術室。佢續指Maia出世時有成10磅重，仲搞笑咁話佢係「Michelin Baby 」（米芝蓮BB）…
並說：「Maia, no matter what, daddy, mommy and big sister Maddie are so excited about your arrival and we will love you forever ! （Maia，無論如何，爸爸，媽媽和姐姐Maddie對你的來臨感到非常興奮，我們會永遠愛你！）」
商人曾文豪大女曾昭怡（Natalie）誕下第二胎！
(綜合報道)
藝人沈卓盈（Jess）與拍拖3年經營內衣生意的圈外男友Calvin於2月16日在泰國布吉「閃」婚，去年更先到英國和法國影婚紗照。
已成為杜太的沈卓盈中午到樂富出席活動，她以運動背心上陣大玩遊戲，期間險些被絆倒，幸有驚無險。
講到閃婚，沈卓盈表示：「唔係，本身諗住喺今日白色情人節畀個surprise大家，趁住活動自己親口同大家報喜，點知已經畀人講咗出嚟，不過唔緊要，都係開心事。」
沈卓盈的婚禮全程在布吉進行，她指由於想低調舉行，故只邀請了屋企人及兄弟姊妹團前往，姊妹團是識於微時的好友，包括陳自謠、何傲兒、黃芳雯與髮型師等六人組成。接新娘時，沈卓盈準備了「蟲蟲茶」招呼一眾兄弟，最初眾兄弟也不肯就範，但最尾亦屈服。問到新郎哥可有許下愛的宣言？
她說：「有，啲姊妹準備咗畀佢，同埋佢都畀咗好多surprise我，又放煙花、又放天燈，佢唔識彈琴，仲秘密練兵去學鋼琴，彈咗首『小幸運』畀我聽。（有冇感動到喊？）好冧，行禮嗰陣都好感動，媽媽拖住我入去，我都忍住眼淚，佢比我更早喊，但係去到讀誓詞真係好感動忍唔住喊。」
沈卓盈又指未決定會否在香港擺喜酒及Honey moon地方，隨後再打算。
問到「少婦聯盟」一班朋友事前不知道她結婚，會否不開心？她說：「佢哋會明白，自己想低調，唔想大搞，都係請屋企人去，好多親友都未知， 遲啲再約佢哋食飯。」
講到在歐洲拍攝的婚紗相十分性感，沈卓盈坦言為要影婚紗相而keep fit，因一生人一次，所以希望以最佳狀態拍攝婚紗相。
又被問到是否雙喜臨門，她就回答…
「唔係，你見我咁fit就知唔係，自己比較傳統，鍾意按部就班，生BB就隨緣，因為啱啱先自由身，都想喺事業上衝刺一下，都會有啲電影試鏡。（不設防造人？）努力工作先。」
相關新聞：
【新婚慘被網民極度質疑】沈卓盈承認… https://goo.gl/4zDvfg
【有索爆姊妹團送嫁】沈卓盈被踢爆原來已經秘婚 https://goo.gl/5t7UVb
【好姊妹結婚】龔嘉欣超開心：沈卓盈曾經暗示過.. https://goo.gl/mE6iJG
【趕生B？】沈卓盈同未婚夫原來上年秘密… https://goo.gl/u2moqr
【離巢即結婚！？】宣佈嫁人：只求細水長流的甜蜜 https://goo.gl/orh3a7
(綜合報道)
