藝人呂慧儀與黃文迪於凌晨宣布離婚，七年婚姻告一段落！
兩人指離婚不涉及第三者，兩人會共同撫養兒子。呂慧儀近年拍《愛．回家》備受注目，《愛》一眾演員得悉消息都十分愕然。
而當事人呂慧儀與黃文迪至發聲明今，一直未有回應。至今午傍晚時份，呂慧儀終開腔回應…
只簡單說：「不再回應了，謝謝大家的關心和體諒。」
【被指女尊男卑成導火綫】呂慧儀黃文迪離婚一早有迹可尋 https://goo.gl/XfdWs5
【最後合照曝光】呂慧儀：生蟹籽後我哋就冇過情人節 https://goo.gl/oqRkLr
【平時開工有講有笑】《愛回家》龔燁：有叫呂慧儀要堅强 https://goo.gl/WBvCuv
【囝囝蟹籽就…】呂慧儀黃文迪宣佈離婚 https://goo.gl/PxXhDf
（綜合報道 / on.cc）
藝人呂慧儀與黃文迪凌晨時分一同發出聲明，宣布已由夫妻關係變回朋友關係。
其實近年黃文迪已甚少在公開場合亮相，其微博封面相雖仍沿用與呂慧儀頭貼頭的恩愛合照，但近年已較少上載二人合照，大多為仔仔和自己的日常生活照片。
另邊廂，呂慧儀在無綫劇《愛．回家之開心速遞》飾演的「熊若水」一角相當入屋，惟其社交網同樣已甚少上載與黃文迪的合照，大部分都是與仔仔的合照和生活照，今年的情人節她亦有上載仔仔向她送花的片段，當中未有黃文迪影蹤。
兩公婆最後一次合照，已要倒數到2018年9月2日，皆因9月3日是呂慧儀的正日生日，當時呂慧儀上載二人慶生合照。
當時二人在西貢吃海鮮，呂慧儀發文：「倆口子的生日飯。簡單，大忙人，也得擠點時間陪我，生日飯，其實我都幾易氹。但就hashtag咗#nocake（冇蛋糕） #nowishes（冇願望）」之後已不見她上載夫妻照。
【一直沉默】呂慧儀發離婚聲明首度開腔回應 https://goo.gl/PYt4m7
【平時開工有講有笑】《愛回家》龔燁：有叫呂慧儀要堅强 https://goo.gl/WBvCuv
【囝囝蟹籽就…】呂慧儀黃文迪宣佈離婚 https://goo.gl/PxXhDf
金燕玲上電台受訪時自揭患子宮癌，辛苦之餘，亦不忘讚蘇施黃（阿蘇）好Sweet，她說：「佢日日見我食乜、佢就send畀我個妹同女睇，等佢哋放心，因為我唔鍾意做呢啲。」阿蘇即謂：「我覺得係一件好事，呢兩個係佢最親嘅人。」
金燕玲又透露前晚因為阿蘇跌落地而喊：「前晚我喊，因為我病，我怕佢帶啲菌返嚟，我自己一間房，佢瞓廳好耐，又要瞓氣墊吹氣床，佢幫我搽油，點知一坐坐咗落地，我好唔安樂，我就喊…」
金燕玲又指自己不怕面對病情，因為父母都患癌，她謂：「我知有一日我都要面對，發生呢啲冇人可以改變，只好早啲治療令自己冇咁辛苦。」她表示好番少少後都有主動叫阿蘇搵朋友返家打麻雀，但全部人戴口罩遷就她，令她自覺好幸福。她又應承做完第二次化療後，會再上電台跟大家傾偈，阿蘇即表示：「光頭都要上嚟，好嘢！」
而金燕玲上完節目後就同阿蘇及蔡一智等好友一齊去食好嘢，大合照入面見到除低口罩嘅金燕玲精神唔錯！
阿蘇仲上載唔同美食照…
留言：「#阿蘇為食運動#減肥增肥，食咗先…有病冇病，食咗先…」網友都叫金燕玲要加油，一定支持佢呀！
(on.cc)
和何超盈訂婚的Thomas Xin，中文名為辛奇隆，於哈爾濱出生及成長，2015年他在SAT考試（學術能力評估測試）考取2260分（滿分為2400分），以及在TOEFL（托福）考試達114分（滿分為120分），2016年成功考入哈佛大學，當時更被當地傳媒指為「哈爾濱之光」！文武雙全的他是校內活躍分子，除了積極參與Harvard China Forum（哈佛中國論壇）等有關事務外，非常熱愛打高爾夫球及劍道，去年更是哈佛劍道社的副隊長。
2016年哈爾濱傳媒指，Thomas是哈爾濱該年首個成功考入哈佛的高中生，並大肆報道，除了以「學霸」來形容他外，更訪問其讀書心得。成為全省焦點的他，其父母更特意大搞派對以慶祝兒子入讀哈佛。
訪問中Thomas表示父母都是大學畢業生兼現為商人，他說：「不再是不切實際的夢想，只要努力奮鬥，總有一天哈佛的大門會向你敞開。」
2020年先畢業
另外，又指父母的栽培也是成功入讀的關鍵。他說當父母得知他考入哈佛後，沒有表現太大的驚喜：「他們只跟我說『只要你喜歡的、選擇的，我們就會支持。』」他指自小跟父母關係良好融洽，更常到美國、英國和印尼等地旅行，每天一定抽時間談天說地，包括世界大事或生活瑣事：「父母不會直接幫我判斷是非，他們通常會跟我講道理，然後讓我自己判斷和領悟。就算要玩，都要我玩得專業！」
他自爆小學時迷上玩搖搖，父母特意請教練教他玩及讓他參加有關比賽，甚至曾讓他為參加比賽而放棄期末考試！之後他愛上打籃球，父母送他到體育學校訓練，自言球技已達專業級。
Thomas在訪問中更自爆在讀高中的短短三年，已看了超過二百本英文書，他說是受任職教師的祖母影響，自小培養其閱讀興趣，笑言常在父母的書櫃流連，看歷史、經濟等不同類別的書籍：「有些書比較專業，看第一遍往往看不懂，但看多幾遍就能明白。」直到高中時，他上網查閱英美高中生愛看的書類，然後買回來閱讀。
相關新聞：
【何超盈佗豬仔定豬女？】四太：應該同大家分享 https://goo.gl/9VybnM
【公開求婚片段 冧曬巨鑽Say Yes：終於可以同大家分享…】https://goo.gl/zYNrSL
【賭王家再有喜事！四太：等佢生咗先搞婚禮】https://goo.gl/LuPSeu
(on.cc)
藝人方力申（小方）、鄧麗欣（Stephy）、任賢齊、陳瀅、陳家樂、衛詩雅及顧定軒（Zeno）今晨出席慈善步行活動，眾人齊齊主持開步禮，至於原本答應出席的梁漢文就因病缺席。「前拖友」小方及Stephy同為活動的榮譽顧問，而今年孖Zeno參賽的Stephy冇再上演去年同小方經典握手畫面，影大合照時亦相隔6個人。
藝人方力申（小方）今早帶腳傷現身慈善步行活動，雖然見他右腳明顯腫起來，但行動自如，更以小跑步走上台參加儀式：「年年都有跑，係今年整親冇跑，之前試過大拗（柴），最近就小拗（柴），但未去到行唔到路，行得、跑得，但腫啲，聽朋友講去咗睇醫生…」
「話整到啲筋膜唔覺嘅話，過20年需要做手術，自己都好驚，後尾發現韌帶有撕裂要戴腳箍，頭兩個星期要戴住瞓，都好唔慣，但要等個傷口自己埋口，如果唔係就有機會惡化、趷腳，咁冇理由趷腳。（呢段時間推咗唔少工作？）推咗冇做運動，惟有犧牲色相肥啲。」
講到有資料網站顯示他跟舊愛鄧麗欣（Stephy）將會主持今年金像獎典禮…
他即笑話當初一知道好興奮：「有周圍問人。（以為大會未通知？）咁寫得嘅都應該有通知，之後知道唔係都有失望，都好想做金像獎司儀，可以着得好型。（興奮唔係因為有Stephy做拍檔？）唔係，拍邊個都想做。（如果係Stephy你OK？）」
「OK！我哋做娛樂界㗎嘛！實做！」續抵死笑話曾當傳聞是真，夜晚臨瞓前有度定司儀稿，認真爆笑！問到下年會否向金像獎自薦與Stephy擔任司儀？他竟反而Say No，因為覺得自薦就唔「馨香」，一定是要被邀請，追問同場見到Stephy有打招呼？小方說：「有，唔會尷尬，一年都見好多次，私下有一班相熟嘅朋友。」
至於Stephy就笑言都有收到好多朋友Message查詢，自己亦感到好奇怪：「睇到有嚇親，都有問公司，相信都係大家揣測，金像獎一知道之後都有澄清。」至於問到若果真的被邀請與小方擔任司儀會答應？Stephy即時尷尬起來指：「我諗金像獎唔會咁做，冇乜必要咁樣轉移大家視線。（今日都一齊出活動。）咁多人一齊，係為件事，而唔係為任何人。（呢個活動算係你哋嘅每年一聚？）唔係，平時做嘢都有見面，見到面都冇乜嘢。」
(on.cc)
藝人楊怡同家姐楊卓娜兩姊妹一向感情深厚，而楊怡老公羅仲謙亦好融入到女家，經常孖住佢哋兩姊妹四出遊玩。
呢日楊怡同楊卓娜分別孖住各自老公，兩Pair人一齊出動，仲搵埋曹永廉及一班友人齊齊食開年飯，場面相當熱鬧。
楊卓娜喺社交網上載多張飯局合照…
當中原來佢仲遇偶一位「特別嘉賓」，嗰個就係方中信啦！
其實楊卓娜同方中信曾經喺劇集《律政強人》飾演兩公婆，今次舊拍檔重遇，卓娜都非常興奮~
仲以「哎吔老公」稱呼對方添，睇住佢哋呢對「假夫妻」合照得咁開心，唔知同場嘅卓娜「真．老公」又有冇呷醋呢？
(綜合報道 / on.cc)
「長腳蟹」呂慧儀與藝人黃文迪在社交網宣布離婚，一班與呂慧儀合作《愛．回家之開心速遞》的演員大感愕然…
(相關新聞：https://goo.gl/PxXhDf )
在劇中跟「熊若水」呂慧儀飾演歡喜冤家的「龔燁」張景淳表示：「聽到有點愕然！佢平時開工都有講有笑，cut機後都係差不多，有時自己靜靜睇吓劇本咁。」
「（佢平時多不多提屋企嘢？）平時佢經常會提『蟹籽』（呂慧儀兒子）。」至於問到會否傳短訊安慰拍檔？他謂：「有叫佢Be strong，不過佢未覆，我諗佢都想靜吓，開工見到再關心吓佢。」
至於喺劇中飾演呂慧儀妹妹「熊心如」嘅蘇韻姿 ，亦對消息感錯愕：「我都係啱啱先知呢個消息，之前一直冇聽佢提及過。依家最緊要係佢冇事，希望佢OK！我都會尊重佢嘅私人空間。」
【終於打破沉默】呂慧儀發離婚聲明首度開腔回應 https://goo.gl/PYt4m7
【最後合照曝光】呂慧儀：生蟹籽後我哋就冇過情人節 https://goo.gl/oqRkLr
【囝囝蟹籽就…】呂慧儀黃文迪宣佈離婚 https://goo.gl/PxXhDf
(on.cc)
趙世曾和前妻姚煒所生的女兒趙式芝懶理父母反對，12年4月跟波爾錶太子女楊如芯（Sean）在法國神父見證下舉行「同性」婚禮，成為社交圈首對公開有名有份的同性「夫妻」，兩人婚後不時出雙入對，更在社交網貼相放閃。不過今日凌晨卻爆出兩人去年已離婚。
趙式芝和Sean拍拖七年，結婚七年，趙式芝14年接父親棒，成為卓能集團副執行主席，全程投入事業做女強人，二人關係變疏離。有報道爆出「夫婦」二人近日已低調分家。她們名下開的「芝芯愛居無限愛有限公司」，本來每人各持一千股，但今年1月公司突然改名，Sean更辭去公司董事和秘書職務，趙式芝早年創立的慈善機構「相信愛基金」，主要為服務破碎家庭及有需要的兒童，向來有幫忙兼擔任公司董事的Sean也於去年底辭任。有指兩人一起飼養的小狗也要分一人養一隻，只是她們合資買入的千多萬西貢豪宅仍共同擁有。
對於爆出離婚，趙式芝早前曾往紐西蘭旅遊治情傷，她的facebook的感情狀況都寫上「跟JW交往中」，而Sean近日的社交網則只是貼出跟友人放狗和打高爾夫球。
有傳媒今日聯絡當事人趙式芝，她以短訊回覆：「我諗我冇乜嘢回應，多謝關心。」趙世曾當年拒認女兒趙式芝與Sean婚事，他更曾為女兒公開以5億招婿，後來加碼至10億。
趙世曾今日在電話中笑笑口表示：「唔知，唔知呢啲嘢，亦唔會理呢啲嘢。」他之後就匆匆收線。
(綜合報道 / appledaily)
於2月12日入紙註冊，與58歲女伴邱巧貞拉埋天窗。
他與拍拖逾30年女友邱巧貞今早在家中舉行簡單而隆重婚禮，由邱巧貞胞妹及前黑社會大佬陳慎芝做證婚人，余美蓮律師主持婚禮，陳慎芝好友黃永成博士也在場見證。
陳慎芝與69歲資深演員「基哥」李兆基認識50多年，以前勸導他戒毒，推薦他入娛樂圈，之後更跟隨信主，陳慎芝今早接受《蘋果》訪問時說：「多謝傳媒關心，今朝8點半開始，多謝律師義務做監婚人，我就做證婚人，OK喇！祝福佢，希望佢身體健康，當然萬物都有終結，我希望佢活多十年、八年就開心嘞，差唔多啦！」
他指女方太緊張，交換戒指時，不小心跌戒指，他說：「阿基有咩未見過，呢啲濕濕碎，但佢因為身體唔好，余美蓮律師要佢企兩次，雖然人少，但都揸正嚟做，要佢企起身宣誓同交換戒指，佢就有少少忟。不過，過程好順利，大約半小時完成。」
問到送甚麼禮物予一對新人？陳慎芝說：「都係兩封利是啦！」他指邱巧貞30年來照顧基哥，終於有名份，之前叫阿Ann，今日叫她李太，她已經很開心。
而基哥早前獲政府恩恤獲派公屋，陳慎芝透露幸得一班基層朋友幫手，他說：「有一點都想澄清番，其實演藝界係冇人協助過佢，之前做手術係政府畀，阿基都有少少唔開心，覺得圈中人得個講字，有關心冇行動，但我覺得冇得怪人，要怪怪自己唔識打算。好彩有班基層朋友，力到心到，最重要開心。」
片中見邱巧貞為李兆基戴戒指，他亦配合朋友要求跟太太擺pose拍照留下美好回憶，身穿粉紅色衫的邱巧貞胞妹，坐在一旁為他們鼓掌，陳慎芝早前受訪時說到基哥現在健康情況，他指基哥有進展，頭腦清醒，但身體好弱，今日見基哥精神不錯。
基哥經歷過兩次中風，近年他淡出影圈…
去年11月患上肝癌，曾一度想放棄治療，多得親友鼓勵，最後入院做手術，成功切除肝臟腫瘤，康復進度理想，出入以枴杖支撐身體行走，二人相伴30年，可謂患難見真情，終於結束愛情長跑。
(appledaily)
四太梁安琪現身養和醫院探賭王何鴻燊。問到女兒何超盈懷孕，她全程四萬咁口，多次表示好開心，興奮咗好耐！
問到是否贊成生完先婚禮？四太說：「超盈佢想搞婚禮，但我同佢講今年係盲年，我叫佢訂婚先，點知佢講已經求咗婚，亦已訂咗婚。」想女兒生幾多個？
四太話：「一個小朋友會悶啲，生多一至兩個，我已話我湊，佢話要諗吓，我都唔後生會比較緊張。（你想霸住個孫？）係呀！（你好忙？）我係忙，咁忙法我都會開心，會重新分配自己時間。」
問到未來女婿已見過賭王？佢話：「佢有見過，佢哋想低調，你哋唔好令到佢咁緊張。（煲湯水畀佢養胎？）屋企工人由細湊到佢大，日日都有煲畀佢。（所以發福？）佢哋拍拖都開心，係美滿。」
問到正日生日怎樣慶祝？她說：「我唔知依家點，到時間等佢畀個驚喜我，都係朋友一齊食餐飯。（外國搞婚禮？）佢諗住去外國，咁葡萄牙屋企都十分好，佢有佢想法。（叫佢減少工作？）佢依家都冇返工，屋企電腦都做到，佢有一班好伙伴幫佢手。」
問到是否忍咗好耐唔講？她說：「唔係忍咗好耐啫，開心事應該同大家一齊分享。（生豬BB？預產期幾時？）大家知多過我，男定女未知，佢話我生日畀個驚喜我，可能到時話我知男定女。何生已知道喜訊，超盈好多朋友都知，希望大家唔好騷擾佢，等佢多啲休息。」
(on.cc)
