姚樂怡好肉緊咁攬住佢送吻，仲喺社交網留言：「Happy Bday Bee，健康美麗，要幸福啊！ Love U 。」
當然佘詩曼亦第一時間在社交網上載合照，不過，拍大合照時就唔見壽星女個男朋友大隻Jon喺現場，唔知係咪幫佢哋揸機影相呢？
藝人梁靖琪今日36歲生日，圈中好友「七姊妹」成員佘詩曼、湯盈盈、周家蔚、鍾麗淇、文頌嫻及姚樂怡同佢搞咗個生日會，仲有兩個精美生日蛋糕添，好窩心！
梁靖琪留言感謝一班姊妹：「如果沒有你們，我不敢想像我的日子會怎麼過。你們成為了我的依靠，那些開心的，不開心的，多謝你們一直在我身邊，守護着我，你們是我人生中很重要的支持！」
佢哋七個嘅姊妹情真係令人好感動！
(on.cc)
陳凱琳（Grace）情人節為鄭嘉穎誕下兒子Rafael，還在坐月的Grace今日產後首度現身，在銅鑼灣出席活動，穿上T恤配西裝褸與西褲，露出纖腰，不過亦難掩目測達E cup的豐滿上圍，由於正餵哺母乳，見Grace祝酒時也沒有將酒喝下，只拿着酒杯拍照。
Grace向大家分享初為人母的喜悅，她說：「呢個係人生數一數二嘅moment。感覺好開心，朝朝望到佢嘅樣，覺得呢10個月好值得。」
情人節正日剖腹誕下囝囝，Grace笑言這個是她的大情人，而生產過程老公嘉穎全程見證着，並親手剪臍帶，她說：「佢唔驚，佢好興奮，好感恩成個過程，係我有少少緊張，因為第一次生，不過醫生好配合，好有信心。」
問她為何坐月也走出來？Grace笑說：「坐緊月㗎，同大家見個面，say個hello，呢兩個禮拜我好開心，食得好好，好健康，今日貪玩，出嚟報平安，好快返屋企。」她表示嘉穎與家人都沒有反對：「媽咪都話唔緊要，當出嚟食個lunch，吸吓新鮮空氣。」問她怕不怕被批評只顧着出來搵錢？Grace說：「唔係嘅，人哋要講乜由佢講，我衡量過先出嚟。」
對於有網民計算她的懷孕期，推斷去年8月是奉子成婚，Grace說：「自從入咗呢行好多外面嘅說話，我自己知自己事，唔會成日回應。」而她今次更大方承認BB足月出世，是一個出生有6磅多重的健康寶寶。
Grace透露囝囝由外公改中文名叫鄭承悅，她說：「意思係一世承諾有開心喜悅嘅感覺。英文名Rafael就係同網球手有關，但都有意思嘅，就係God heals，有上帝守護嘅意思。」
至於見她升cup不少，Grace即表現尷尬，透露現時餵全人奶，問她習慣大胸嗎？她說：「冇諗太多，最緊要小朋友吸收豐富營養。」問她是否要更換所有內衣，她笑言會自己處理，她亦不太緊張體重問題。
另外，Grace指嘉穎經常問她要甚麼獎勵，她感激丈夫也一同付出，同時減少工作陪她坐月，Grace還笑老公一見囝囝父愛便湧出來，又指囝囝似足嘉穎，感覺親切又有趣，問到Grace對兒子的期望，她說：「啲人會話希望快高長大，但係我唔捨得，我會同佢講唔好咁快大。」而她亦希望先照顧好Rafael才考慮是否再生。
(綜合報道)
宣萱、陳曉東、關心妍、鄺美雲（Cally）、羅霖、楊小娟與鄧鉅明夫婦等，昨晚在灣仔出席一品牌團年春茗宴，超過數十名人明星到賀，星光熠熠。
宣萱連趕兩場，其中專程到賀，她更大讚品牌老闆沈慧林（William），二人前年合作創作陀飛輪，宣萱說：「我哋會互相學習，合作好OK，但叫我做生意就唔會嘞，我唔係材料，合作係難得嘅機會，又可以做慈善。」
宣萱指期待即將到貴州開拍電影版《尋秦記》。
她說：「今年係開心嘅一年，而家工作已經排到8月，啲朋友仲期待過我，成日會畀意見，我都會同古仔（古天樂）講，故仔不斷改，今次係新版本，我同林峯都好興奮。」
主人家William開心滿場飛招呼賓客，他透露品牌成績理想，公司踏入第9年，在日本與內地成績均相當理想，他說：「8年嚟都同好多人有crossover，同好多藝人都保持好關係，做任何事，誠信好重要。」而William透露將與利物浦前球星奧雲（Michael Owen）合作，William說：「我好鍾意利物浦，真係好期待，佢對設計嘅要求好高，已經有4、5版嘅改動，最靚係重點。」至於問到酬勞是否很高？William說：「品牌係用技術吸引，有得傾嘅。」
另外，Cally爆William邀請她合作創作腕錶，她說：「係有叫我，構思吓，唔可以馬虎，自己都要搞珠寶展同活動，等靜下來構思吓，要做到有吸引力，一做就做到最好。」而最近有傳再婚的黃玉郎亦有現身，但卻禮貌地拒絕接受訪問。
(apple daily)
藝人吳彥祖與中法美三國混血老婆Lisa S.於2010年步入禮堂，兩人育有一女「Raven」。
現時與太太Lisa S.及女兒於美國居住，一家三口好Sweet。
日前就有網民Po出一條視頻，指朋友送小孩子返學萌間偶遇他，原來男神住於奧克蘭市（OAKLAND）。
而吳彥祖的女兒吴斐然已五歲大，身形修長，樣子亦甜美，絕對遺傳了父母的優良基因。
當時吳彥祖頭戴CAP帽，站於學校門外，而女兒則於門前跑來跑去，相當可愛！
(on.cc)
近年在大陸古裝劇上表現不俗的張鈞甯，表面是氣質美人，但私底下動靜皆宜，除了是馬拉松好手之外，2002出道至今，外貌可說是沒有變過，對於養身塑身也自有一套，一起學學她的保養凍齡法則吧！
於社交網站曬出和媽媽的合照，看得出一家都是凍齡美人。
張鈞甯是位愛養生的美女，她不愛吃冰冷食物或飲品，因為體溫低，會讓新陳代謝下降的！
平時她最愛的甜品就是紅豆蓮子粥，蓮子解毒，紅豆消水腫，有時也會加入枸杞和茯苓；紅豆蓮子可以暖身，加入的枸杞、茯聆，有助去濕安神。
銀耳湯的部份會使用皂角米、雪耳、桃膠、紅棗，就可以做到補血也補膠原的功效。以上甜品都不會另外加糖的喔，運用食材本身的甜味即可。
據知一直有看中醫調理身體的張鈞甯，更有貼三伏貼的習慣。利用藥物的溫熱特性刺激穴道，來進一步加強身體的陽氣，也可以把身體的濕氣、寒氣排出去，提高抗病能力，同時增強幫助免疫力。
張鈞甯坦言自己是個大食怪，在吃的分量上她從沒少過，但會注意早餐吃的豐富、中午吃的簡單，晚上一定會在6點左右就要吃。這樣隔天至少可以瘦0.5kg。
據知她是個容易過敏的小孩，所以飲食也很小心，會盡量多吃蔬菜，但也愛吃肉，總之是均衡就好！
不只有吃的，張鈞甯連喝的都要能保養到身體，她每天都會將蔬果打成汁，當成飲品享用，有時候也會泡一些精力湯、酵素粉飲用，除此之外她提醒一定也要每天喝足夠的水。
她是位運動好手，尤其喜歡跑步，萬一吃太多，她一定會大量運動補回來，一星期一定跑2至3次步，基本上都是6公里起跳。
張鈞甯在每一次跑步前，都會做拉筋運動，避免在運動中會受傷，為正式訓練作好充分準備。如果運動後不進行及時的拉伸，緊繃的肌肉就會持續這個狀態，長期就會導致腿部變粗，所以勤力拉筋，讓她不停跑也不會小腿變粗！
出門拍戲的時間很多，如何能做到隨時隨地運動呢？張鈞甯透露，以前還會帶瑜伽墊和瑜伽柱(Foam Roller)出門，現在只需要兩個網球，就可以做到Foam Roller紓緩按摩拉筋的效果。
以下兩個瑜伽姿勢都是張鈞甯的推薦，大家可以在家裏跟著做呢！
單腳站立伸展式：有助加強骨盆、核心肌肉，鍛煉平衡力，美化腿部線條。
雙手舉過頭，雙手掌心合十，雙手向上拉伸，單腳站立，並把另一腳依能力放在支撐腳的小腿或大腿內側。
戰士式：可以穩定骨盆，練習專注力和平衡感。
雙腳分開弓箭步，左腿伸直，右腿彎曲，雙手平伸向外延伸，腹部收緊。
前港姐冠軍郭羨妮（Sonija）同老公婚後育有6歲囡囡Kylie，一家三口幸福又美滿！
Sonija不時都會同大家分享家庭照，畫面超溫馨～
兩母女好似餅印咁！
Kylie細個嗰陣已經好得意！ 
對比返媽媽嘅童年照，就會發現兩母女好似樣！
而Kylie聰明又可愛，盡得「美麗與智慧並重」真傳！
不過Sonija面對許多父母都可能遇到的煩惱，就是小朋友性格「硬頸」及學業問題。
Sonija直言為Kylie感到憂心：「佢係一個好鍾意玩嘅小朋友，升小學之後功課開始搞唔掂，同埋佢性格執着，唔聽勸告，所以成日都同佢拗好耐。」
Kylie當然亦有窩心一面，Sonija說：「佢細細個開始，我每晚都會幫佢按摩，到依家如果我唔舒服，佢會主動幫我按摩，又會斟水餵我食藥，嗰刻真係有病都變冇病！」
真係好Sweet呀！
(on.cc)
許多喜愛打扮的女生不時喜歡揭開雜誌，看一些女星衣着打扮作為參考，希望自己跟上潮流，不少時尚KOL對城中名媛女星各式各樣的衣服評頭品足，名媛薛芷倫（Fanny）經常出入Ball場，被稱為「Ball后」。
薛芷倫一向活躍ball場，對名牌瞭如指掌。她不時以時尚打扮示人。
薛芷倫自2011年戰勝癌魔，外貌出現轉變，曾解釋因藥物過敏導致皮膚組織受到破壞，大病後的她抱着樂觀自信的心情，再度活躍於名人版。
薛芷倫去年12月出席癌症基金活動，穿貼身銀色連身裙、銀色厚底高踭鞋，性感撐場。
怎料被利嘉兒在一個雜誌時尚版，批評薛芷倫當日衣着高貴，但讓人感覺「笨重過時」，又指她條裙同厚底高踭鞋略嫌過時，帶60年代感覺，叫薛芷倫換一對尖頭鞋更顯時尚。
今日凌晨，薛芷倫翻看舊雜誌見到利嘉兒的言論，她即轉貼內容，似乎有點生氣，在facebook中tag利嘉兒，並留言：「我穿上的是最新一季閃銀色晚裝系列，但是由一個對潮流全冇觸覺、有眼不識品牌的人，扮演潮流專家去批評別人，有點兒笑話吧？」
薛芷倫炮轟完利嘉兒，更主動邀請利嘉兒親身示範打扮，她說：「既然利嘉兒批評我這一身衣著（着）打扮是『笨重過時』，不如請妳親身示範一下妳的高貴美麗輕盈入時Ball場打扮，大家交流一下，好喎！」
不少網民亦認同每件衣服設計都有它的特色，只視乎穿着者是否carry到，薛芷倫亦解釋：「我自己也覺得條裙好難carry，食多碗飯已經穿不上了。」
（apple daily）
藝人李漫芬（Fanny）同老公Alvin剛度過結婚兩周年，喺呢個咁重要嘅日子，Fanny選擇一家三口同奶奶飲下午茶！
Fanny呢兩年經歷做人妻同人母，佢話真係好感激有奶奶幫忙：「奶奶成日煲好多湯水我飲，因為住得近，佢會幫我睇住囡囡（在心），知我拍劇，仲會整好晒啲餸菜畀我帶走，好多謝佢。」同時Fanny亦感激媽咪嘅支持。
回顧成為人妻兩年，Fanny覺得時間過得好快，每日都好開心好感恩，佢話：「婚前好想成日出街，因為可以同老公拍拖，婚後就愛回家，想快啲返屋企見到個女同老公。仲會研究煮嘢食，廚藝唔可以話好好，但肯定進步咗，老公冇咩點讚我，佢笑我來來去去都係嗰幾味，不過我最叻係煮BB粥仔。」
問到同老公有冇互送禮物？Fanny哈哈大笑話：「紀念日前一晚都有問老公有冇驚喜畀我？點知佢話：『最好嘅嘢已經喺你面前。』戶口加咗你名，你買咩都可以，哈哈。其實係佢理財好差，我要做個精明太太幫佢睇住個戶口。」
Fanny仲話計劃今年9月一家三口去旅行，佢表示：「有朋友嘅BB大囡囡一日，已經坐過兩次飛機，在心因為飲奶粉，所以一次都未去過，因為出門要帶好多嘢，計過9月時間差唔多。」
除咗忙於相夫教子，Fanny亦好努力工作，紀念日嘅前一日佢仲要開廠拍攝新劇，對手都係媽媽級嘅陳敏之，兩人大講湊B經。同時Fanny亦好多謝梅小青畀機會佢演繹呢次角色，因為戲份雖然唔多，但好有發揮。
(on.cc)
無綫處境劇《愛．回家之開心速遞》劇情有趣，深得觀眾喜愛，收視率都唔錯，集數一加再加！
當中好多角色都入晒屋，更拎埋獎！
入行19年的林淑敏，近年因為《愛回家之開心速遞》「大小姐」而受到網民賞識，去年更在台慶頒獎禮獲頒最佳女配角。
估唔到當中仲有一個學霸！佢近期忙住拍開心速遞，劇中角色甚受歡迎，成功入屋！
原來過去一年她除了忙刨劇本，亦一邊在科技大學讀書，修讀科大EMBA課程，認真好學不倦。
無綫藝員劉思希於《愛．回家之開心速遞》飾演「洋洋」一角，打理「威龍百貨」入型入格。
劉思希原來是高材生，EMBA課程已經難讀，她所讀的課程更是世界首屈一指。
該課程在全球EMBA課程連續三年排第一，還要有十年商業管理經驗，對學生要求極之高。
真係超犀利！
(綜合報道/on.cc)
藝人江若琳（Elanne）日前喺社交網晒咗張肚凸凸嘅相，即被網友恭喜佢造人成功(相關新聞：https://goo.gl/g53j5x)。
不過佢其後同老公「生煎包王」蕭潤邦（Oscar）出席活動，就否認有喜。
但Oscar凌晨喺社交網分享咗張同Elanne抱住BB嘅合照，仲留言：「生咗喇🎊🎊🎊🎊🎊」
唔通佢哋收得咁埋，生咗BB先公布？
原來係佢哋嘅好朋友生咗小朋友，佢哋實習吓湊B啫！
網友都話好期待佢哋有自己嘅小朋友呀！
而今朝Oscar又再同網友分享夫妻生活，佢影咗張潔面乳嘅相，留言：「江玲（Elanne原名），留意番，請唔好再把洗面奶放在牙膏旁邊，我用咗嚟刷牙，刷到半路好X苦。希望你睇到我嘅訴求😊」
雖然呢件事有啲慘，但係網友都話好好笑，仲話係Oscar自己蠢，冇睇清楚先用喎！
(on.cc)
