即將於紅館舉行演唱會的陳曉東，今日和排舞師麥秋成於觀塘為演出排舞，他表示近來密密練歌和排舞及戒口，希望保持最佳身形上台。雖然只開一場，但東東表示對演出非常期待，問到可會覺可惜？
他說：「冇辦法，今次冇期，好多朋友屋企人都有同我投訴買唔到飛，希望今次做完後可以即刻入紙再開Part 2。」
早前被拍得和太太王妤嫻Shopping買BB用品，太太更穿鬆身衫孕味濃， 東東表示…
「佢哋亂講，唔係BB只係買嘢畀個女，香港可以買嘢嘅地方嚟嚟去去得嗰幾個。」又表示太太向來喜歡穿鬆身衫：「報道出街後，佢好嬲，話要陪我一齊健身兼戒口。」問到可有追仔計劃？東東表示：「自自然然算啦，係追都追Part 2先，總之大家都努力，合作愉快啦。」
(appledaily)
歌手吳若希（Jinny）同老公何兆鴻（Alex）婚後不時傳出婚變消息，不過Jinny每次否認傳聞，早前仲話要嚟個30days婚變challenge，每日都要講一個老公嘅優點。
呢日就嚟到第7日，Jinny喺網上晒出一張Alex陪囡囡玩嘅相，並大讚老公會將最好嘅嘢畀晒佢，仲話何為最好，並唔係由外人定義。
「如果一個人賺$2，拿$1給你，和一個人賺$10，拿$2給你，我會更珍惜那個$1。我老公不是甚麼大富大貴，但他會把他可以給的最好的都給我～最好的不是由外人去定義，而是由我們自己去決定的。」
Jinny仲話：「爸B，我想告訴你，錢雖然重要，但夠生活就好，你賺多少錢真的不是用來衡量你的愛，我要的愛是看到你一心一意為這個家去努力就夠了！你明白嗎？」
(facebook / on.cc)
藝人陳嘉寶（Anjaylia）產後復出，佢着上Deep V西裝出席活動，大騷Fit爆身材。
佢話囡囡日前已經滿月，並改名為「黃恩言」：「終於可以出關，其實我坐月坐得好曳，有陪月姐姐嘅時候，會約朋友出去食飯。」
Anjaylia又話公司已經為佢安排密密麻麻嘅工作，而佢亦好多謝屋企人幫手照顧BB，佢表示：「我覺得照顧BB係一件好神奇嘅事，睇住一個新生命孕育，感覺到媽媽嘅偉大，早午晚BB都會唔同樣。」
問到佢照顧BB時有冇狼狽嘅時候？佢笑言：「太多人湊，初頭BB細，我唔敢抱上身，都係畀老公抱，自己都好驚！依家慢慢都習慣咗，我覺得生命真係好勁！BB大得好快，我想盡量令佢開心健康、肥肥白白。依家都唔敢同佢沖涼，驚耳仔入水變成耳炎。」
佢透露當日生BB係自然分娩，痛咗足足廿幾個鐘：「好在唔使食全餐（指痛好耐先開刀生），當時我真係好驚要。」
講到佢今日以性感打扮示人，係咪因為做咗媽媽所以開放啲？她說：「冇關係，着衫要睇場合，不過做咗人媽媽係有自信咗、大膽咗，因為當日都對住醫生護士生BB，所有嘢都唔怕，依家吊威吔都唔驚。（會否再生？）個痛仲心有餘悸，遲啲先。」
講到好姊妹陳凱琳早前都生咗BB，問佢探咗BB未？她笑言：「我嗰陣都係偷走出去探佢，好開心大家都有共同嘅喜悅，大家都係傾幾時返出嚟做嘢。（送咗咩畀佢？）送咗有佢BB名嘅衫、被仔同埋用品。（BB似邊個？）父母兩人都有啲似，BB其實一日都有唔同樣。」
(on.cc)
歌手鍾欣潼（阿嬌）出席品牌活動，講到日前蔡卓妍同容祖兒飛咗去北海道旅行，但就喺社交網話阿嬌「放飛機」…
阿嬌解釋：「我冇放佢哋飛機，因為公司幫我接咗今日嘅Job，完全唔關我事，約嘅時候我又唔喺香港，咁我都有屋企要顧住佢哋，我係一個有家庭嘅人。」問到點解唔帶埋老公賴弘國去？佢即話：「唔好講。（下次一齊去囉！）就係因為佢去唔到，所以我冇去。」佢又話遲啲同老公去希臘，同時容祖兒同蔡卓妍都會去。
咁問到依家係咪老公放喺第一位？她說：「大家明㗎啦！（咁係唔係先？）係！咁姊妹都好重要。（但姊妹依家放第二位喎！）唔好咁講，做人好難，老公好重要工作都好重要。」問到幾時幫容祖兒搵番個伴？
佢話：「我好神心幫佢喺金童玉女殿，幫佢點咗個燈，祈求佢成年嘅愛情運，真係好難點，因為要有人放出嚟先有位點到。（好貴？）唔貴。我結婚之前都有點，媽咪幫我嘅，點完之後我就結婚啦。（有冇生仔燈？）咁就唔知。」
講到佢早前患上急性腸胃炎，佢話依家已經好番好多，佢透露早前同老公去咗荷蘭同埋比利時度蜜月，佢話當時流感未清，唔能夠盡興。
「我朝早食咗藥，以為隔咗咁耐啲藥會散，夜晚去咗間餐廳食飯開咗支香檳，點知突然唔舒服要去廁所，去到廁所門口我已經瞓低咗成半個鐘，我老公即刻message問我有冇事，餐飯其實上咗兩道菜，已經食唔到。（老公照顧不周？）佢成日都照顧我，你哋唔好分裂我哋嘅感情。（生B！）調理好啲身體先講生BB！」
（ig / on.cc）
決定5月約滿後離巢外闖發展的李天翔，自宣布消息後首次現身出席活動，他透露現階段都去向未明…
「有外人以為我離開TVB有好路數，但唔係。（裸辭？）都算，喺TVB都有21年，其實早幾年都決定離開，但公司對我好好，一直都有工作畀我，就冇時間去諗離開，不過自己都想出去闖。（打算去內地？）冇所謂，有嘢做就去邊，演員係好被動。」
問到現時有獲其他公司接洽？他表示暫時未有，因為未正式完約：「份約係去到5月，係我Post完咗相先有人問。（之後會簽經理人？）未有考慮，諗住都係自己接，太太都會幫手傾。」
問到是否樂意給太太抽佣？李天翔即化身愛妻號指：「畀晒佢都OK，我又唔大使，結咗婚都係以屋企為主。」
有傳李天翔因厭倦演反派而選擇離開…
他聞言即時澄清：「其實我好鍾意做反派，發揮空間仲大，做咗咁多次反派都仲覺得有進步空間。（之後想試咩角色？）冇所謂，我夠膽講咩都唔識，專長係拍嘢，如果真係冇人搵，最壞嘅打算係轉行。」
(facebook / on.cc)
太陽娛樂公司老闆周焯華（洗米華）與洗米嫂(Heidi)和名模Mandy Lieu的三角關係糾纏不清，雖然洗米華和Heidi一度陷入離婚邊緣，直到前年慢慢重修舊好，關係亦有所緩和，近年還經常一家人外出旅行。日前Heidi在IG貼文，言語間似乎看淡一切，不再執着。
正如Heidi留言：「喜歡一個人的激情，都會隨時間而消散，無需念念不忘，而留下的都是最真的人。幸福沒有捷徑，只有經營，只靠真心。」
努力經營家庭，自然會有回報。昨日洗米仔周柏豪在社交網貼了兩張家庭相，其中一張是與洗米華與及妹妹梓潼（Virginia）和善潼（Damiana）的合照，柏豪更留言：「One of the happiest family in the world.」
(ig / appledaily)
一直恨做媽咪的她克服不育問題，同年12月公布造人成功懷有雙胞胎，預產期在春天。不過她前日在網誌透露突然感到好肚痛，令她擔心會早產。
她表示前日肚痛得好厲害，痛到沒法入睡，她一度以為會早產。由於不明原因肚痛，令首次懷孕的她感到很不安。
其後她深夜更新網誌，指肚痛穩定下來，亦沒有出血，應該不是早產，她有貧血和胃酸倒流變成小事。
她表示下次遇到相同的事況，會即刻打電去醫院詢問。現在還有兩個月便生得，她會繼續努力。
日本女星蒼井空於去年元旦嫁DJ NON成為人妻。
（on.cc）
已故巨星陳百強（Danny）於1993年離世，早年Danny家人在其故鄉台山建立紀念館，放置了Danny生前的服裝、獎座、私人物品等。
不過有消息指館內有很多Danny的珍藏品不翼而飛，亦有疑是歌迷聲稱年底在香港大會堂搞展覽，向已移居番禺的陳媽媽借了大批Danny的珍藏品，包括水晶、觀音、相框等。
另外，網上流傳一段疑是陳媽媽與契女對話的片段，契女擔心有歌迷聲稱向陳媽媽借出陳百強的遺物可能會冇晒，因為借去的粉絲既沒有借據，有關方面亦冇收過年底搞陳百強展覽的文件。
陳媽媽借出物品後，現在亦怕Danny的遺物會一去不返，但她堅稱讓粉絲拿去Danny的私人物品，沒有收到任何金錢，因為對上一次該粉絲亦曾借Danny物品搞過展覽，之後全數歸還，所以今次她才借給歌迷。
不過，陳媽媽現時想向粉絲攞回Danny的物品，但暫未聯絡上對方…
陳媽媽對鏡頭說：「唔該你攞番晒啲嘢畀我，因為我咁樣做好對唔住阿強，好對唔住啲粉絲，你盡快攞番嚟畀我，到時我再借畀你。」
(on.cc)
藝人陳小春到澳門出席「德晉集團春茗活動」，正忙於內地巡唱的他表示緊接會天津、武漢演唱，4月就在澳門。問到何時輪到香港站？
他謂：「紅館好難攞期。（入過紙？）我唔識搞呢啲嘢，咁2019年唔得咪2020年囉！」小春自言日前有到紅館給伊健探班，那刻都有心癢癢，已約了錢嘉樂、林曉峰、謝天華一齊去捧場。做埋嘉賓？他說：「唔好搞住人啦。」
記者提議小春自資到紅館開騷，他指其實找老闆不難，但若只開一場就有難度。
講到伊健首場演出時不慎「跌咪到台底」，但表現淡定立即執生，小春說：「知道呀，佢醒呀，呢啲教都教唔到，執生勁呀！（你有冇試過跌咪？）應該就冇，但冇拉褲錬、跳舞甩鞋都試過，咪跳住去着番隻鞋囉！」
另外，對於有傳再做老竇，他謂：「多謝你哋，心地好好，有一定話畀大家知！（阿仔有冇叫你哋生多個BB？）佢有講過要個細佬細妹咁囉。」
(on.cc)
前幾天，彭浩翔導演發了條微博，感慨“志明春嬌相遇10周年”，我才意識到《志明與春嬌》已經十年了。隨後，余文樂也發布了一條微博，還提到了那句“n 55!w!”。
看看網友的評論，他們也跟隨電影一同成長，甚至有人到電影的拍攝地故地重游。
《志明與春嬌》系列也陪伴了觀眾十年，這對情侶變成觀眾十年間的朋友。看起來是愛情片，實際上兩人之間的關係是親情多過愛情，觀眾能感受到他們的成長，亦能意識到自己的改變，相當有共鳴。
《志明與春嬌》由煙開始一段情緣，也是彭浩翔根據香港政府2007年實施新的《吸煙（公眾衛生）條例》修訂案的想法延伸出來的線索。講述在香港室內禁煙的環境下，兩個吸煙男女張志明（余文樂 飾）與余春嬌（楊千嬅 飾）在後巷的室外吸煙區邂逅，藉由點煙而開啟話題，發展出的愛情故事。
無論是香煙的警告亦或是短信往來的笑話，都真實具有玩味。男女之間相互猜忌，彼此失落時給予陪伴的橋段，更加刻畫出從陌生人到戀人未滿的感情過渡。
余文樂飾演的張志明和楊千嬅飾演的余春嬌的三度演繹，默契十足，他們在角色性格的把握上越發成熟，看電影時甚至會忘卻演員是在表演角色還是投射自己，仿佛已是現實生活中真實存在的情侶。
在年齡設置上有別於其他愛情片，這是大齡剩女和年輕、心智還沒成熟的剩男之間的愛情關係，能夠看到他們處在不同性別、年齡視角下如何看待一段關係的。
春嬌一直介意自己的年紀大過志明，始終覺得志明像個沒長大的小孩，在感情上沒有安全感。
經歷了許多磨練與時間的沉澱，余春嬌和張志明兩人終於衝破年齡隔膜，最後能夠在一起。
(綜合報道 / 騰訊)
