最近踩界做歌手的楊思琦現身電台繼續宣傳新歌《愛的森林》，問到可會趁新歌反應佳乘勢追擊再出歌？她笑話自己都好希望：「多謝有咁多人支持，但都係等大家唱熟首歌先啦，會睇吓有冇機會再做。」
續坦言受新歌帶挈都接落不少登台騷，3月亦會去廣東做宣傳，問到可會想開小型音樂會？她表示雖然有想過，但就冇一個實際計劃。
思琦興奮指昨日再次重返無綫為節目《BB要健康》做嘉賓：「好開心，自從上次喺《歡樂滿東華》亮相之後再去TVB，今次係傾育兒心得，又見番好多朋友。（有考慮再簽無綫？）相方都係有好嘅關係，希望可以有多啲合作，都想上《流行經典50年》，呢個節目同唱歌有關，自己又好鍾意懷舊，唱啲同大家有共鳴嘅歌。」
講到分享與子女相處之道，問到可有留意23歲日本女星北見直美與父兄共浴報導？
思琦表示未有留意，但聽到此報導都有感到好愕然兼奇怪：「自己都有同小朋友沖涼，但因為我同囡囡都係同性，就冇尷尬問題。（到佢大個都會共浴？）」
「女性就梗係冇問題，有啲同性朋友都可能會一齊共浴、浸溫泉添，但異性就唔係太好。」
(綜合報道 / on.cc)
去年4月嫁圈外老公何駿杰（Adrian)，同年10月宣佈懷孕5個月，本來預產期在今年3月，本月中還搞了Baby Shower。
今日她在社交網公佈喜訊，囡囡已經出世喇~她擁着囡囡，一臉幸福，囡囡輪廓分明，十分精緻。
Grace留言：「Hello Alexa, Welcome to the wonderful world! Daddy and mommy are so delighted the moment we see you and you definitely bring so much joy to our family and friends, love you so much my darling baby girl.（Alexa你好，歡迎你來到這個世界，爸爸媽媽見到你好開心，你為我們的家庭及朋友帶來了歡樂，很愛你）」
Grace再說：「各位aunties uncles, Alexa出世啦，我們都母女平安，BB很健康可愛！現在每分每秒都只想看着她，真是百看不厭。小生命終於在我的肚子裏出來了，令我感動流淚，往後要學習當一個好媽媽，要顧寶寶真的不容易，但很喜歡很喜歡。」
(facebook / appledaily)
今個月中榮升爸爸嘅鄭嘉穎，早幾日已經開始忍唔住大晒囝囝Rafael手仔…
佢發文話因為唔少好姊妹都去探佢哋，所以囝囝好忙呀，但佢就多謝所有嚟到訪嘅好友，不過係時候小睡片刻，咁先有精力再招呼好友！
而老婆Grace陳凱琳就坐緊月，兼忙住湊仔，未有再晒出Rafael照片，但好多好姊妹都已經探咗Rafael！
少婦聯盟
拍攝劇集《殭》後成爲閨蜜嘅陳嘉寶同賴慰玲，至今已經係三個靚媽喇~
不過今日佢終於得閑再更新！網民見到對腳仔，都忍唔住大讚超可愛、仲話「媽媽最愛既（嘅）提子呀 日日索好醒神」連Grace都話好似，真係好想咬一啖呀！
(ig / 綜合報道)
視后胡定欣雖然演技了得，但有睇過佢喺《美女廚房》嘅表現，都知道定欣厨藝確實嘛嘛哋。
不過，定欣冇咁易放棄，盡力惡補廚藝，誓要除去「地獄廚神」呢個封號，而最近佢就喺社交網發文。
定欣先從甜品入手，見佢日復日咁練習整Pancake，每次都有影低畀網民評分…
去到前日，佢勁滿足咁留言話︰「Good afternoon 今日點睇呢？你哋應該講咗句 『胡定定係咪癡咗線？由朝整到晚！』係！ 我應該係傻咗，係開心到傻咗！ 因為太有滿足感！~~~~」
見到佢好有心機咁用隻花花碟裝住，又加埋士多啤梨同忌廉做裝飾，賣相相當吸引！
引嚟一眾網民激讚，就連「蕭太」黃翠如都話想食。
至於老友陳山聰唔抵得寸爆留言︰「請問是甚麼東西，打風中的梳乎厘」，定欣即時嬲嬲豬回覆︰「你返唐人街啦……」
陳山聰曾試食定欣作品，大家睇山聰個樣…
而日前定欣仲整咗新產品朱古力心太軟，大家覺得賣相點先？
又邁進成功喇！
「胡說八道會」嘅黃智雯、姚子羚同埋楊洛婷都舉手話要食！
睇嚟定欣今次可以洗甩「地獄廚神」封號，成為「美女廚神」﹗
（綜合報道 / ig / on.cc）
27歲的賭王三房公子何猷啟，前年10月與內地女友Gigi開始拍拖，去年初宣佈求婚成功。
猷啟昨日在上環出席東華三院新春團拜時，突然自揭在大約一年前已和Gigi在外地簽紙結婚。太太目前與他一同於香港生活。
賭王何鴻燊最近傳出入養和醫院深切治療部留醫，連日來四房成員都輪流探望。
三太陳婉珍最近現身養和，當探望完賭王離開醫院，面對傳媒時本來笑容滿面…
但當記者恭喜她娶新抱時，即時收起笑容。
數日前娛樂大亨周焯華（洗米華）的企業王國舉行周年晚宴，他邀請了一眾明星出席，包括向華強夫婦、汪峰、古天樂、吳奇隆、劉嘉玲等等……當晚星光熠熠。
昨日洗米嫂（陳慧玲）公開了現場的合照，她身穿黑色禮服與3歲的細女一同合影。
她公開與家人的合影，包括了她與洗米華所生的兩個女兒，洗米華長子以及洗米華爸爸，但就不見洗米華蹤影，獨欠洗米華。
此前，洗米華被拍到從英國回來，最近被爆他到英國陪伴Mandy過情人節，不知道此舉是否即激嬲正室洗米嫂，全程連合照都不跟他拍。
（資料圖片）
洗米嫂曾公開說自己的偶像是古天樂，這天她就特意找了古天樂合影。
當天晚宴，洗米嫂打扮美艷，但她選擇坐在汪峰跟古天樂的旁邊，並沒有與洗米華一起。
而洗米華陪在向華強夫婦身邊，一起欣賞表演。
劉嘉玲就坐在向太旁邊，足證她的地位。
在另外一場宴會，洗米嫂同樣沒有發布與丈夫的合照，她身穿得體套裝，盡顯貴婦風範。
洗米嫂說過，在自己最困難的時候，幸有朋友幫忙，這晚與洗米嫂合影的也都是她的朋友。
被發現分開坐，席上又無合影，相信兩人全程也沒有聊天了 。（資料圖片）
(綜合報道 / 騰訊)
43歲的陳曉東於2014年在港迎娶比他年輕19年的台灣太太王妤嫻，並育有4歲大女芷霖（Kathelyn）和3歲細女多多。東東上月出席活動時，直言想追豬仔，稱自己屬兔與豬很夾，揚言會趕工﹕「我對做任何事都會好努力！」
最近有傳媒在銅鑼灣利園遇見東東與太太王妤嫻，東東戴住太陽眼鏡，一身潮媽打扮~
而「東嫂」則穿上一件黑色闊身衛衣，平底鞋，面圓圓似脹了一圈，孕味甚濃，目測似有喜4個多月。
記者見東東拿着電話出示太太的個人證件，左問右問，原來是想在商場加入會籍，經職員指示下終能成功申請。
東東全程甚體貼的拖實太太，如皇太后出巡般，每行一步都捉到實。而「東嫂」則拿着幾個紙袋，購了很多戰利品，問到送甚麼禮物給太太？東東說﹕「戒指啦！」為甚麼要送戒指？
東東笑而不語，再問太太是否有喜？東東只是甜笑，沒有回答。而今日天陰下雨，見東東亦很小心扶住太太，然後截過海的士離開。
東東未有否認太太再度懷孕，如果「東嫂」今次真的有喜確是雙喜臨門，因為東東入行20年，今年3月終於有機會踏足紅館舉行演唱會，認真可喜可賀！
(ig / 綜合報道 / appledaily)
早前喺澳洲下嫁男友Jonathan，琴日再喺香港半島酒店補辦婚宴！過咗一晚，Robynn喺網上晒出黑白婚照，新娘子一面甜蜜望住老公，而Jonathan就笑到見牙唔見眼！
佢另外仲上載咗張兩公婆共舞嘅相，真係Sweet到漏呀！
Robyn話感謝佢嘅所有家人、朋友、同事、同學，之前同呢一刻都幫緊佢籌備呢場宴會嘅人，令呢件事歷盡一切後變得份外特別❤，網民都紛紛送上祝福呀！
好友湛琪清於社交網上載婚宴的相片，見Robynn低胸晚裝上陣，非常性感，新娘子迎賓時更笑到見牙唔見眼！
組合Robynn & Kendy（R&K）成員Robynn（葉晴晴）琴晚補辦婚宴，你哋要幸福呀！
(ig / 綜合報道 / on.cc)
演員李施嬅、張慧儀、王子涵、何浩文、文凱玲、梁敏儀與監製王晶等在尖沙咀出席劇集《荷里活有個大老千》「新春開年飯」齊齊「撈起」。
曾在外地獲封雙料影后的李施嬅近期憑加拿大劇集《Blood And Water》（血與水）第三季獲提名「2019年加拿大銀幕獎」（2019 Canadian Screen Awards）女配角獎項，該頒獎禮有「加拿大奧斯卡」之稱，屬加拿大最高殊榮的頒獎禮，認真威水。
李施嬅受訪表示因正在拍劇，三月尾會盡量抽時間到當地出席頒獎禮，近期亦與好姊妹胡定欣一起去挑選「戰衣」，對兩人同時獲得無綫以外的獎項提名感到高興…
李施嬅表示：「拍緊《荷》嘅時候咁啱係《血與水》面試，係文凱玲用電話幫我拍片面試，因為要拍食煙嘅場面，嗰晚為拍片仲食咗成包煙，搞到作嘔咁滯，後來知道面試得咗，晶哥（王晶）可以話係我嘅幸運星。（有冇信心？）有提名已經好好，因為候選得五個位，我仲係唯一嘅華人，呢個獎亦都冇華人攞過，信心都有啲，可以撼吓嘅。」
李施嬅被讚保養宜撼低劇中「90後」演員…
她笑說：「都要保養，靠湯水、花膠滋潤，同埋心景，雖然我冇愛情嘅滋潤，但係有班姊妹嘅滋潤。」講到愛情李施嬅指順其自然，笑謂歡迎大家有「好介紹」給她。
(on.cc)
「零負評女神」林依晨自2014年同老公林于超結婚後，因為老公要喺美國分公司做嘢，所以依晨惟有兩邊走。
佢哋平時聚少離多，「Long D」生活嚴重影響造人計劃，而依晨都心知不妙，自拍完內地古裝劇集《小女花不棄》後就冇再安排工作，直到今年底都冇再計劃拍戲，全面停工，睇嚟佢疊埋心水準備生豬B！
依晨亦開腔坦言︰「我已經做好準備一段時間了，會繼續準備。」
據知依晨之後會跟老公返美國過二人世界，估計會為目標「全力衝刺」。
而依晨都笑言有好多姊妹都送「孕棉」（指孕婦在懷孕之前，最後一次月經來時拆封卻未用完的衛生巾，相傳這片沾滿喜氣的衛生巾，能夠增加渴望懷孕的人妻的機會）畀佢以作鼓勵，傻笑話︰「數不清了。」
(on.cc)
