藝人森美今日現身「兒童飛龍大使」開幕禮，其女兒曦童（Charisse）是去年活動的得獎者，也有份在台上分享，父女罕有同台。
森美笑言女兒怕醜，自己主動邀她合照，也遭對方拒絕：「我就算帶埋朋友同佢一齊食飯都要問准佢，要佢鍾意先得，唔鍾意冇得逼，冇辦法啦！我今日出席呢個活動，佢都問我點解會嚟，我話係大會請。」
森美稱女兒正值青春期，對她來說爸爸已是真正大叔，而媽咪就是真正大媽，父母做的所有事都會看不順眼：「好似佢話Ariana Grande出咗新歌，我話我都想聽，佢都會覺得你點都係老土，正如我哋個年代，如果你阿媽話要唱首《壞女孩》畀你聽，你都叫佢咪搞啦。」他坦言難免會有酸溜溜的感覺，惟有學會自處。
問到女兒會否像哥哥一樣到外地讀書？他表示由女兒決定：「佢上年參加呢個活動去過福岡交流，又跟學校去咗英國劍橋，感受當地讀書氣氛。睇吓佢自己鍾唔鍾意去外國讀書，最後都係由佢決定。（會唔會唔捨得囡囡？）唔捨得都要捨得，你唔可以因為自己唔捨得而困住佢喺個框入面，唔畀佢見識外面世界，你愈放得佢遠，佢反而愈會返嚟。（擔唔擔心佢早戀？）愛係感受，冇得控制，但要教曉佢點去相處，喺佢未懂得愛之前要教佢點樣相處。」
（on.cc）
繼陳嘉寶同賴慰玲後，今次就到「少婦聯盟」喇！
