息影多年的陳少霞在2016年與現年61歲、身家8億「法拉利之父」李文輝結婚。更在上年12月傳出喜訊，以42歲之齡佗第三胎，預計今個月臨盆產子！
陳少霞當年與前夫育有兩女，經歷離婚兼前夫離世，後來返教會認識李文輝，二人於2016年結婚，婚後積極睇中醫調理身體，同時不設防努力造人，幾乎每個月都出埠Relax，當時陳少霞受訪亦開到口恨生B：「如果有就好感恩！」
佢仲表示懷孕初期成日反胃作嘔，但去睇醫生佢話係正常嘅，冇反應先唔好。佢仲話第一次去照超聲波時量到血壓偏高，好彩照完話胎兒好健康、一切好好，個心定咗再度血壓就正常番冇事，認真緊張！佢仲話依家已經好咗好多，真係苦盡甘來，幸福滿瀉！
36歲藝人呂慧儀（阿蟹）敵不過七年之癢，今年三月深夜宣佈與前夫黃文迪離婚，不少網民大嘆可惜~
她事後一直封嘴拒談婚變，絕大多數只講拍劇趣事及寶貝仔「蟹籽」的事情。
而她在處境劇《愛．回家之開心速遞》中與38歲藝人張景淳的「龔水戀」甚得觀眾歡心，今日就有報道指兩人戲假情真，更被拍一起返回女方屯門寓所。
一眾網民得悉後都感到高興，不知道是不是真的？
對此，阿蟹回覆東網說：「愛回家入面個個都係兄弟姊妹，會互相幫助互相關心，我同景淳係好拍檔，觀眾鍾意我哋呢對CP我都好開心，而家以工作同蟹籽為重，唔會諗拍拖事住，其他嘢唔回應喇！thanks！」
(綜合報道 / on.cc)
37歲女性范冰冰撐過逃稅風暴，卻逃不過和交往四年未婚夫李晨分手的命運。重回工作崗位後，范冰冰除了出席各大活動外，日前也被網友拍到在百貨公司選購化妝品。
范冰冰有別以往總是長衫長褲的衣著打扮，穿上輕紗上衣和短褲，在友人的陪同下選購化妝品，氣色和心情都非常好。
有眼尖網友就發現剛剛分手的范冰冰左手無名指上帶著一枚超閃鑽戒，令她和新歡富商男友的緋聞再次甚囂塵上。
范冰冰上個月27日在微博上發出聲明，「從朋友到愛人，再做回朋友，情感的形式會變，但你我之間最純粹的感受不會變。」李晨隨後也發文證實，「從朋友到愛人，再做回朋友，情感的形式會變，但你我之間最純粹的感受不會變，彼此的信任與支持是永恒的。我們不再是我們，我們依然是我們。」
藝人林子善日前宣布太太有喜四個多月，下午他出席新劇宣傳時就透露太太近況：佢好容易作嘔，試過有日放工返嚟話我聽，有同事隻腳好臭，因為佢嘅工作要換制服，可能人哋只係有少少味佢已經頂唔住。我冇見證過我媽媽大肚，因為我未出世，而我阿嫂生嘅時候我都感覺唔深，今次終於明白母愛嘅偉大。
他還透露太太佗的是BB女：太太好開心，我就覺得仔女都冇咩問題。（諗住再生？）暫時唔會諗住，照顧小朋友要好有擔帶，遲啲再諗啦。」
他又指為配合造人，自己早於太太懷孕前已戒煙9個月，而太太預產期為12月，子善笑言是最好的聖誕禮物。
（oncc)
TVB大熱處境劇《愛‧回家之開心速遞》中，「龔水CP」堪稱是網民最愛看的熒幕情侶，一直深受觀衆喜愛。不知道網民是否入戲太深，大多人希望這對熒幕情侶戯假情真，變成真的一對。
今日就有傳媒報道，呂慧儀和張景淳被拍到一同睇戲，睇戲後兩人更一同食消夜。
兩人被目擊一同在數碼港戲院看真人版《阿拉丁》，離開戲院後，由張景淳駕車，兩人由數碼港駛往西環消夜，但不少餐廳已經關門，兩人幾乎走勻整個港島，最後在旺角買魚蛋燒賣等小食，返回呂慧儀在屯門的寓所。
報道又稱，記者在寓所外守候三小時，仍未見張景淳離開。
不過呂慧儀其後否認與張景淳拍拖，她稱傳媒只是入戲太深，又指寶貝仔小蟹籽才是自己的情人。
(綜合報道)
現年50歲的伊能靜與前夫庾澄慶所生的兒子庾翰睿（小哈利）今年17歲，即將高中畢業，身為媽媽的伊能靜在網上大表感慨，終於等到兒子長大，要珍惜這個夏天。
照片中伊能靜和兒子穿上同色系母子裝，喝著相同的椰青。見到伊能靜依然青春，而兒子雖然遮上了眼睛，仍看得出帥氣的輪廓。
伊能靜還寫道：最后一个高校的夏天，既骄傲又感伤的妈妈。终于等到你长大，那时候你在许愿树上系上白色纸条，写我要妈妈每天在家陪我。那时候我在想什么时候等到你长大，我们可以像朋友、姐弟去全世界行走。就好像我现在到哪里，都好希望有米粒同行。转眼，17岁的少年。珍惜这个夏天，送走那个曾经黏着我不放的你，以后是妈妈抓着你的衣角，说，“走慢点。”了
內地藝人楊冪身形一向纖瘦，一對又長又白的「筷子腿」讓人羨慕不已。不過如此好身材也要靠後天努力的，運動和飲食一點也不能少。
呢日佢就在社交平台分享自己的餐單和自己的運動照。只見著住運動衫嘅楊冪展現出零贅肉身材，令網友大叫：「太瘦了吧！」又話平時已經覺得佢好瘦，點知佢着緊身衫就顯得更瘦。
另外佢又分享到佢嘅午餐和晚餐。午餐只有7粒水餃，晚餐就有薯仔、牛油果、烚蛋、粟米、生菜同番茄仔整成嘅沙律。
但佢就留言：「中午這樣吃，晚上這樣吃，會胖嗎？」令粉絲紛紛留言話佢對自己太嚴格，亦有網友話會試吓跟佢食呢個餐單，睇下係咪真係擁有楊冪咁嘅身形！
對於係吃貨嘅小編來講，真係mission impossible。
藝人盧海鵬、游學修及盧巧音等，昨日一齊宣傳ViuTV新劇《仇老爺爺》。戲中盧海鵬與游學修扮演兩爺孫，產生不少摩擦，然而戲外二人同樣試過擦出「火花」，盧海鵬自爆進劇不久，自己試過「拍枱唔撈」：「辛苦冇所謂，但起初唔慣，唔知佢哋想拍乜。試過瞓醒幾覺都未埋到位，20集點知拍到幾時？命都冇咁耐啦！嗰時我都未戒煙，食咗六十幾年，依家連煙都戒埋。」
在旁的游學修說：「嗰時啱啱開咗工幾日，有日因為食完飯轉場景，打燈打得慢少少，鵬哥瞓咗一陣又以為自己瞓咗好耐，起身就好嬲。（點收科？）咪即刻roll機囉，我叫副導演去氹佢，好彩跟住嗰場戲係講我同佢鬧大交，好配合到情緒。」
對於游學修這位「孫仔」，盧海鵬表示：「佢今次做埋導演係辛苦嘅，總之鬧吓、溝通吓咁囉，試咪一定有。」他有笑言入行數十載，擔正男主角很有壓力：「唔擔正理佢死啦。」
談到難忘事，盧海鵬最難忘的事情就是拍外景去足整個星期，除了靚景外就沒有其他，游學修又補充：「鵬哥連巴士都唔搭，我租咗架車代步，佢跟住我去飛車，好犀利。」
(綜合報道 / on.cc)
韓國男團 Big Bang 31歲成員 T.O.P 於2017年2月9日以義警身份入伍，無諗到期間爆出吸大麻嘅負面新聞，形象一落千丈。
2018年初佢轉以公益兵身份繼續完成兵役，前日係佢最後一日喺龍山工藝館返工，於晚上6點正式退伍。
T.O.P 所服兵役嘅單位表示：「T.O.P 本人擔心會給公益館的訪客帶來不便，希望安靜的退伍。因此當天不會安排特別的活動。」YG 娛樂都表示 T.O.P 將會安靜咁返屋企。
但無諗到越逼近佢離開嘅時間，有越嚟越多粉絲守喺門外等候。
T.O.P 唔想令粉絲失望，最後請粉絲集中喺一個地方，同在場每一個等待他嘅粉絲握手道謝，更不斷鞠躬感謝粉絲嘅支持。
見到偶像咁樣嘅舉動，粉絲一邊尖叫一邊落淚，場面真係温馨！
T.O.P 喺 Instagram 上載同粉絲握手見面嘅照片，並用英文承諾會反省自我，誠意十足。
自從女兒出世後，藝人楊洛婷多次飛甩樂隊Dear Jane主音老公黃天翱（Tim），與女兒親子旅行，但最近終於有機會到西班牙享受二人世界。途中驚喜加驚嚇，真係夠曬刺激！
這次是楊洛婷首次出遊到西班牙，而Tim就曾到此一遊，認為太太會喜歡當地：「我覺得當地色彩繽紛，而且都幾浪漫。我哋好耐冇二人世界，反而帶囡囡去過三次加拿大。今次計劃得好匆忙，只係去6日，去咗巴塞隆拿一個城巿，不過好Relax，主要係去玩同見識吓！」
雖然只係短短幾日，但當中驚喜驚嚇重重。上機當日正是楊洛婷的生日，航空公司十分識做，升級兩人乘坐商務客位，令他倆非常驚喜，在機上舒舒服服睡足十小時，落機便把握時間去玩。
不過在當地參觀時卻發生小插曲，楊洛婷險被小偷「光顧」，幸好她及時發現：「我從來未遇過小偷，今次都係第一次！嗰個景點好多人，估唔到當地扒手好猖獗，當時孭住個小手袋，突然發現有人拉開拉鏈，佢見到我發現咗就即時縮手，跟住扮冇事咁繼續喺附近行！我即刻將件事話畀當地導遊知，佢就幫我報警，最後拉咗個小偷。」她笑言其實身上現金不多，根本沒錢可偷：「我哋好趕，出發前冇暢錢，去到當地機場喺櫃員機攞咗100歐元出嚟，無論食、搭的士或者買嘢都係用信用卡，最後仲用剩咗10歐元。」
楊洛婷認為西班牙很值得一遊，當地的建築富有特色，食物又美味，相較歐洲其他國家，沒有高高在上的感覺，比較貼地。她在巴塞隆拿參觀了當地著名建築師高第（Antoni Gaudi）的多個經典建築，包括興建了130多年仍未竣工的聖家大教堂（Sagrada Familia），坦言嘆為觀止：「真係起咗好耐，我聽講話2026年會起完。呢個教堂好出名，好多人排隊，但如果想排快啲，不妨畀多少少錢買貴飛排快隊。」此外，還有米拉之家（Casa Mila）與奎爾公園（Park Guell）等，也是高第的名作。
西班牙的海鮮享負盛名，嗜吃海鮮的兩夫婦今次大快朵頤，楊洛婷踢爆老公在旅程最後一日已經頂唔順：「佢話想食亞洲嘢，但我好想臨走再食多一次西班牙海鮮飯，搞到佢食到嘔。我哋又去咗La Boqueria Market買蠔食，即開即食，好食鮮！單係嗰個巿場就去咗三次喇。」
楊洛婷呢個生日trip都夠曬繽紛，下次出遊都要小心點呀！
（oncc)
