藝人江若琳（Elanne）與老公「生煎包王」蕭潤邦（Oscar）今日現身活動。

昨日Elanne在社交網站上載了一張相，相中的她看來肚凸凸，孕味濃，不少網友都留言問她是否有BB。

(相關新聞：https://goo.gl/g53j5x)

老公Oscar笑言也有份致電恭喜老婆，他們坦言一直努力中，Oscar說：「以前諗住旅行嘅時候努力，不過每次去旅行就頭暈身㷫，所以都喺留喺香港努力，佢成日話生咩生肖嘅BB旺我哋，但我冇乜所謂。」

今日Elanne澄清：「大家摸吓，我個肚勁扁勁瘦，仲係23吋纖腰，大家唔好誤會，我好努力做運動，明明係瘦咗，唔好刺激我，好多人都恭喜我。」

Elanne坦言之前想生豬BB，因為旺父母，但發現可能未必趕得切，所以就安慰老公指出年鼠年，鼠BB旺對方。Oscar沒好氣地說：「講到我好失落咁，其實我冇，我身邊好多朋友嘅小朋友都幾歲，如果我哋嘅小朋友出世一定係集萬千寵愛，因為佢係最細，好多朋友都話留BB衫畀我哋，唔使花錢買。」

Elanne再次強調沒有懷孕，笑謂：「唔好屈我。不過以後影相會坐得好啲。我近年戒凍飲，好多時出街食飯都畀人懷疑我係咪有咗，打邊爐叫熱水飲真係會令人起疑。啲人話依家調理得好啲，將來生小朋友或產後都比較易調理。」

Oscar指太太以前為工作，不太注重飲食，現在則會多運動及培養良好飲食習慣，但就勸對方不要經常講生仔經，以免給自己造成壓力：「佢經常會諗喺邊度生，請乜陪月，請幾多個鐘，咁反而好有壓力，其實唔需要，生仔要隨緣，我經常同佢講你有咗先諗，但佢就要好有計劃。」

問到想生多少個小朋友，Elanne認為兩個最好：「一個太孤單，將來我哋有咩事或者百年歸老，佢哋都有兄弟姊妹陪伴，但生多過兩個就搞唔掂。」

(綜合報道 / on.cc)

歌手鍾舒漫（Sherman）接受電台節目主持人梁泰來訪問，談及不少人期待她和前度吳浩康（Deep）復合…

Sherman認為雙方關係已經不是復合所能形容：「所有的浪子回頭都是值得歡呼的。其實我跟他拍這條片（露營）的原意不是想得到現在這個效果，最希望是透過影片讓人看到我們真實的一面，只能講復合與否其實太膚淺，我們已經超越復合這件事！」

她坦言分手後需用時間適應，但沉澱過後她不覺得做回朋友很難，更力讚Deep是個好人：「一對情侶分開，作為女方可能會因為發生過的事而未能釋懷，所以我覺得能否『再見亦是朋友』這件事的Focus會在我身上。當然我都需要適應，但老實說又不是花了很多時間；可能本身我們都有間中找對方互相關心，到現在更是沒有芥蒂，我不覺得做回朋友有多難！」

2015年到現在都未有男朋友的她表示這幾年間曾有心儀對象，但往往最後不了了之。單身數年的她坦言希望找到個能依靠的男友，更表示有問上帝何時在會交一段感情給她。

(綜合報道 / on.cc)

37歲藝人袁偉豪（Ben）與26歲、家族身家過億的女友張寶兒拍拖已兩年。

今日有報道指早前Ben表示有意在海外註冊，只是女友卻表現淡然，笑說：「佢自己諗！」但原來女方早已做好成為袁太的準備。

Ben早前和女友互到親戚家拜年時不停被催婚，他表示不排除在海外閃婚，或者玩秘婚，可能會低調到外地註冊後，才回港公布婚訊。

他又說曾試探過女友對結婚的意願，當時女友說：「我跟你！」意思是無論男友有任何決定，她一定say yes：「I do！」

(綜合報道)

韓國神劇《太陽的後裔》男星宋仲基和宋慧喬前年10月拉埋天窗，結婚年多的雙宋一直十分甜蜜。
不過近日有大陸網民就瘋傳雙宋婚變，又指宋仲基出軌造型師，甚至傳出離婚的消息。

而喬妹前日出發到新加坡時，手上因為沒有戴上婚戒，即時令到傳聞甚囂塵上…

喬妹早前駁了長髮亮相代言護膚品牌活動，顯得十分清秀。

其工作人員更上載她的黑白照，而品牌亦公開多張喬妹的靚相。

由於雙宋傳出離婚消息引來韓國網民熱烈討論，雙宋所屬的UAA及Blossom事務所回應傳媒表示：「 （離婚說）唔係事實，唔會再單獨作回應。」

到韓網終於報道有關消息，更直指傳聞荒唐。韓媒對於傳聞大感不解，亦指韓國已婚藝人出席活動時不戴婚戒是十分正常的事情。

(綜合報道)

藝人朱茵與陳法蓉孖住現身好友婚禮。朱茵大讚新郎高大有型，陳法蓉亦附和：「我發覺佢真人靚仔過上鏡，睇相覺得佢好搞笑，但今日着住 套禮服成個人Sharp醒晒！」

問到人妻朱茵可有向一對新人傳授夫妻相處之道？她坦言：「結婚後由蜜月期好快返回現實，一對夫婦就會為工作同家庭嘅鎖碎事，有好多問題，只要相愛，好多事都可以迎刃而解。」

藝人鄭佩佩女兒原子鏸與摩洛哥男友Mehdi El Ajimi於深灣遊艇會舉行婚禮，一對新人閉門行禮後再度現身，並接受在場傳媒祝福，穿上低胸婚紗的子鏸淺露事業線，受訪前一直咀不停放閃，當中子鏸更主動獻上肉嘴，非常甜蜜，締結「港摩」情緣！

剛升呢為人妻的子鏸全程眼濕濕，問到去那裏度蜜月？子鏸即以英文着老公不要告訴傳媒，更撒嬌謂：「我唔講啦！驚你哋跟我，唔畀你哋跟！」

談到於儀式上可有愛的宣言？子鏸即一臉感性謂：「我要同老公屋企人講法文，事前都練咗好耐，老公係我最愛的人、王子、朋友同知己。」Mehdi則表示：「我會永遠愛佢同保護佢，令佢好溫暖，永遠都會同佢一齊，每一日都會錫佢，好似今日咁。」

他指與子鏸相識至今已893日，受老公甜言感動的子鏸笑指幸好老公先發言，雖然當下感動非常，但要保持情緒，故未有太過表現激動，不諱言若果以英文講話，相信自己未能說下去。

提到生小朋友，子鏸承諾會實行，自嘲年紀大，所以也很心急，笑言：「睇吓生得幾多個先！」問是否要生夠一隊籃球隊？Mehdi 聞言亦大表贊成。首次以老公形容Mehdi的子鏸指感覺奇怪，更即席教老公講「老公、老婆」的中文發音。

子鏸話生得幾多就幾多~

問到婚後可會追隨老公返摩洛哥居住？子鏸謂：「應該會留喺香港，因為老公都嚟咗香港12年。（老公值幾多分？)滿分，佢其實係第一個男人畀我做番自己。(婚禮上有咩表演？)跳舞、唱歌同彈結他，畀啲驚喜賓客，今晚會換舞衣及旗袍。（戒指有幾多卡？）問都冇問，我唔理，就算係假都冇問題，不過佢話我知戒指係真嘅。」

(綜合報道 / on.cc)

無綫劇集《降魔的2.0》（暫名）在將軍澳電視城進行拜神儀式，出席演員包括馬國明、胡鴻鈞、黃智雯、劉佩玥、C君等。

馬國明與黃智雯在劇中再續前緣，黃智雯指故事是延續第一季，兩人的感情亦升溫，好像有重新戀愛的感覺。馬國明則讚編劇將劇本寫得很好，續集不像新的故事，故事、人物各有發展，但與第一集有很強的連貫性。

問到劇中可有親熱戲？馬國明說：「我會加囉，梗係唔係蜻蜓點水式，要激情少少，我哋成熟，唔再係十八、廿二嘅戀愛。」

問到劇集是否會效法美劇一季一季延續落去？

馬國明說：「我都有問過監製係咪想開第三輯，因為睇劇本結尾留咗好多伏線、好懸疑，但係監製就笑笑口冇答我。（想唔想再開？）都係睇監製、編審，如果個故事去到，自己唔介意。但作為演員，我自己就唔係咁想拍續集，因為演新人物好玩好多，但係如果套劇唔受歡迎，亦都唔會開續集，所以心情好矛盾。」黃智雯則認為劇集可以效法美劇，抽一些角色出來獨立拍攝。

(on.cc)